教育王國
標題: 自閉症成因 [打印本頁]
作者: chimabb 時間: 12-11-20 14:55 標題: 自閉症成因
節錄自「HEQm 可改變我一生」(大眾書局):自閉症各界認為可能造成自閉症的因素，如下:家庭氣氛令孩子感到受冷落、孤獨、沒有溫暖據統計，現今兒童患自閉症的人數是以往的3.5倍左右，同時，專家認為，這與家長過份注重工作，無暇陪伴孩子或對孩子缺乏愛心及耐心有關；專家指出，兒童自閉症過去的發病率僅為0.2%，現在則為0.7%，而且，患上自閉症的兒童多數都有語言障礙、過份活躍、不合群等徵象；而這些孩子上學後多會出現學習性障礙，在長大後與他人溝通時也有困難，專家亦指出，如今患自閉症的兒童增多，原因除了可能是母親在懷孕時過多接觸電磁波外，亦可能與幼兒接觸的家庭氣氛有關繫；據調查顯示，患有自閉症的兒童50%以上，其父母性格都暴躁、急進、經常因瑣事斥駡幼兒，同時，有許多個案的家裏只有老人單獨照顧孩子；現今社會步伐過急和被動性資訊泛濫專家指出，在一系列被視為「現代都市病」中，自閉症位居榜首，被動性資訊泛濫是自閉症兒童日趨增加的主要原因之一，人類每天受被動性資訊的沖擊，令部分人在潛意識裏抗拒資訊和厭倦社交，因此反射到了後代身上；而社會的步伐過急、競爭劇烈、生活壓力迫人，令人與人之間越益疏遠，亦是自閉症的另外誘因；再者，某些家長過份注重應酬、工作，沒有時間令孩子感到備受關心，或者家長脾氣暴躁，經常發洩在孩子身上；故某些孩子原本只是有一些自閉症的傾向，但其父母卻因瑣事斥責、發洩或暴力對待，使原本只有自閉症傾向的孩子被迫成為真正的自閉症患者；蛋殼理論坊間上，尚流傳一種「蛋殼理論」，指稱現代房屋過於狹窄、沒有空間，甚至仿如密封，孩子感到被關在密室，加上缺乏與外界溝通，故導致自閉症的出現；同時，飲食、水源等污染，不只影響胎兒，也會產生自閉症；身體構造的問題歐美科學家用了5年研究，發現在第2、7、16和19對染色體上，有導致兒童自閉症的切面；此發現被視為徹底解開了自閉症之謎，亦為預防和治療自閉症帶出啟示，目前，科研界未能確立自閉症兒童的大腦發育和活動情況之異常處；在神經病理學上，認為大腦邊緣系統可能與自閉症有密切關繫；據稱，大腦邊緣系統中主要是杏仁核和海馬回是與自閉症有關；杏仁核呈杏仁形狀，是控制情感和攻擊行為的皮層下中樞組織；而若海馬回受到損害，則會導致日常行為停滯、過份活躍、不懂分析危險環境、沒法從腦部記憶庫存中尋找資訊、難以適應新事物或新環境等；同時，杏仁核是負責感官的反應，例如聽覺、視覺、味覺，及在感情上或與恐懼的刺激，經發現自閉症患者對這上述的各項感官反應是存有障礙；曾有實驗，以外科手術除去動物腦部的杏仁核可令動物出現有如自閉症兒童的過份活躍或暴力行為； 胎兒腦部在懷孕期間受不同程度損傷研究指出，如在懷孕第1至第3個月時，使用過量藥物，或有流行性感冒病毒感染或曾矯正胎位、或剖腹產子、或使用產鉗助產、或流產、早產、難產等，亦可能影響孩子的腦部發育，而出現自閉症；其他原因專家指稱若兒童在1-3歲時，曾受到極度的刺激、驚嚇或打罵，都可能令語言能力退化，行為異常；遺傳因素現今各界對自閉症有否涉及遺傳，意見不一，亦沒有充份辯證支持相關論點。
作者: bearwhat 時間: 12-11-20 15:21
咁開始了解自閉不是先天....後天也會...正好解釋"突然大倒退"果個post...
姐係幼兒時期應該要好好關愛....
作者: fongbau 時間: 12-11-20 16:09
點解呢本書會咁講？雖然醫學界一路都未揾倒所有成因, 但一早已經證實左同父母教養冇關. 亦都完全唔係後天所致.
如果父母掛住做野唔理個仔, 個仔受冷落﹑沒有溫暖, 呢個仔極其量都應該只係個性比較內儉孤癖, 呢種係係『自我封閉』, 而唔係自閉.
自閉既人, 唔係佢唔想做, 而係佢做唔倒.
如果根據呢本書講既, 咁啞既人生既小朋友, 同d孤兒就會有好大機會無啦啦
變左自閉囉....無啦啦中意左睇風扇同玩門呀咁囉.
根據美國精神科手冊, 自閉有三大障礙：言語﹑社交﹑固執性行為
而呢三種障礙並不是由後天所致, 而是先天腦部受損所致.
至於提過既大倒退問題, 因為自閉症係多數18個月-2歲先病發, 所以大家會覺得小朋友好似響18個月前咩都識, 有反應.
「HEQm 可改變我一生」所提出既『自閉』, 我覺得只係講而家既新一代唔願意, 唔想同人溝通, 唔叻同人溝通..........又或者係好似佢所講既, 1-3歲時比人嚇親.....咁呢d係心理病, 唔係自閉症.
再講吖, 如果係因為後天父母掛住工作唔理佢而做成, 咁係咪個阿媽唔做野全職照顧番佢, 就可以變番正常人呢？
多謝分享書本既內容, 但我個人對入面既論點實在有些懷疑.
作者: bbqiu 時間: 12-11-20 21:05
其實醫學界很早已否定自閉同家教有關，這些理論寫寫容易，但根本不能解釋一些如撞頭、無痛覺、自我刺激等感統失調行為，還有完全沒語言能力(無語症）、智障都是後天形成？我們家長為照顧自閉兒已心力交瘁了，我更加不相信大倒退post是後天形成！應是腦發展有問題，令我們束手無策，親眼看着愛兒不自由的墜進深淵也不能救他。
作者: HopeLJ 時間: 12-11-20 22:59 標題: 回覆：自閉症成因
咁點解同一家庭會有自閉同唔自閉小孩，解唔通。
作者: pinkdoll 時間: 12-11-20 23:28
本帖最後由 pinkdoll 於 12-11-20 23:42 編輯
HopeLJ 發表於 12-11-20 22:59 
咁點解同一家庭會有自閉同唔自閉小孩，解唔通。
咁搞笑? 同父母教養有關所以形成自閉症?
我係孖胎 大孖冇事 細孖有自閉 從bb開始 細孖乜都慢過人 基本上我從少就教細孖既時間多過大孖 照樓主所copy既文章嚟睇 咁我既情況應該係大孖變成有自閉 而唔應該係細孖有自閉啦
樓主, 你冇理由未見過我哋呢啲a仔父母, 為自己有特殊需要既孩子, 每天心力交瘁, 日訓練夜訓練, 付出的愛心, 耐性及努力比一般的父母多很多倍掛?
作者: chimabb 時間: 12-11-20 23:55 標題: 回覆：自閉症成因
我都覺得係同腦部發展問題關係大些,所以真係要針對身體和腦部健康着手,不能只作訓練哦
作者: pinkdoll 時間: 12-11-21 00:35
本帖最後由 pinkdoll 於 12-11-21 00:36 編輯
chimabb 發表於 12-11-20 23:55
我都覺得係同腦部發展問題關係大些,所以真係要針對身體和腦部健康着手,不能只作訓練哦
...
其實, 自然療法又好, 生物療法又好, 針灸也好, 都是想幫人, 我哋是完全明白的. 至於, 應該採取那種方法, 我相信家長會因應孩子的個別需要及問題, 自行判斷及選擇的. 我哋明白你的心意, 但有時, 講得太多, 反而會令人反感的, 希望你明白.
作者: fongbau 時間: 12-11-21 09:33
回復 HopeLJ 的帖子
醫學界一直以來都冇公佈過佢地對自閉症成因究竟掌握有幾多, 雖然講過遺傳因素好高,
不過佢地做研究既時候, 曾經用過『同卵相生』的孖胎來做做研究；
理論上『同卵相生』的孖胎應該擁有相同既遺傳基因, 但佢地又發現一d『同卵相生』
既孖胎, 都唔係一定兩個都係自閉.
所以我都唔再諗點解自己生左個自閉症既仔, 都係努力d幫阿仔好過喇~
作者: apple~y 時間: 12-11-21 13:29
回復 fongbau 的帖子
我之前都認識位媽媽
這位媽媽也生了twins,1個有事,1個叻到不得了兩個發展差距好大
其實醫學界了解自閉症方面都唔係掌握好多
可能上天注定我們都生了個a仔,要接受唔同考驗
我只係小小願望小朋友第日大個自力更新,過快樂人生
作者: sally722 時間: 12-11-21 13:56
回復 pinkdoll 的帖子
我哋呢啲a仔父母, 為自己有特殊需要既孩子, 每天心力交瘁, 日訓練夜訓練, 付出的愛心, 耐性及努力比一般的父母多很多倍=講出了很多a仔父母心聲!!!
只要有機會,我們是 never give up !!!
作者: fongbau 時間: 12-11-21 14:39
係呀﹗大家要加油, 唔好放棄﹗
我成日同自己講 (好阿Q既安慰自己方法)：個天覺得你得, 先比D難度高既野你搞.. ... ... (唯有係咁諗啦~)
點都好, 最緊要係幫d仔揾一條適合佢地既路, 等佢地他朝(我兩腳一伸既時候), 可以自己靠自己.
冇貢獻唔緊要, 千其唔好搞倒人, 一定要做個好人...... 咁我就安樂喇~~~~
作者: HopeLJ 時間: 12-11-22 09:06 標題: 引用：係呀﹗大家要加油,+唔好放棄﹗我成日同自己
原帖由 fongbau 於 12-11-21 發表
係呀﹗大家要加油, 唔好放棄﹗
我成日同自己講 (好阿Q既安慰自己方法)：個天覺得你得, 先比D難度高既野你搞 ...
作者: Anpanmama 時間: 12-11-22 14:00
chimabb 發表於 12-11-20 14:55 
節錄自「HEQm 可改變我一生」(大眾書局):自閉症各界認為可能造成自閉症的因素，如下:家庭氣氛令孩子感到受 ...
False information!!!
作者: bbqiu 時間: 12-11-22 15:35
你地有冇試過比老人家話你們吾識教，個仔變成甘樣！你們有乜反應？
作者: ppmommy 時間: 12-11-23 12:12
我會答我好明白你心情，知你好錫個孫，放心而家醫學昌明，一定會好返。
作者: pinkdoll 時間: 12-11-23 13:41
bbqiu 發表於 12-11-22 15:35
你地有冇試過比老人家話你們吾識教，個仔變成甘樣！你們有乜反應？
老人家係咁架啦 就算普普通通頭暈身慶 佢哋都會有說話比人聽 係會好難受 但真係唔理得咁多. 我個fd個仔好叻正常發展都成日俾99挑剔評批 個孫有少少傷風感冒就賴落我個fd度. 好煩囉.
作者: chimabb 時間: 12-11-24 09:51 標題: 回覆：自閉症成因
我好明白大家為着孩子勞碌和憂心,很多勞累和情緒,不過文章篇幅內容很多,也不是說自閉症成因完全或主要因家長管教問題,也提及很多其他生理,環境污染和基因等因素,我覺得都幾全面,唔好只集中某部分內容,它只是客觀分折各種原因,又不是想批評所有家長,唔駛咁激動,如果後天不是其中一個因素,為何家長們又帶小朋友去訓練呢,那應改變不了生理和先夭問題吧!任何病和問題發生,總有多方面的原因加起來造成的,很少只是單一原因的.
作者: Capricorn2521 時間: 12-11-24 10:43
本帖最後由 Capricorn2521 於 12-11-24 10:47 編輯
我都覺得文章幾全面。我同意自閉症係先天的。我會覺得如果比一個有自閉種子的小朋友在現今的社會環境自由發展下去，會助長佢先天的種子發芽。
作者: chimabb 時間: 12-11-24 13:06 標題: 回覆：Capricorn2521 的帖子
很同意這比喻
作者: Olympian 時間: 12-11-25 10:40 標題: 回覆：自閉症成因
妖言惑眾
作者: chimabb 時間: 12-11-26 08:36 標題: 回覆：自閉症成因
妖言惑眾?沒有那麼嚴重吧!大家可以open mind些拿出埋據來討論的,無謂唔啱聽就話人妖言惑眾,有乜好惑?又冇好處,哈哈!
作者: Olympian 時間: 12-11-26 13:43 標題: 回覆：自閉症成因
我一睇完這文章嗰四個字就浮現，只是分亨即時感受，希望你别介意同埋唔好make it personal··
作者: why-me 時間: 12-11-26 14:07
自閉症跟本就係關個腦事, 係個腦發育出現問題.
作者: lotus88 時間: 12-11-27 00:11
我睇過一本書（唔記得個名），自閉症係生天問題，個低已有事再加上後天因素例如飲食習慣（用奶嘴\奶樽太內）太遲引進固體、缺乏腦部感管刺激、食物過敏等等都有可能令自閉症小朋友的發展問題惡化。如果話父母掛住做嘢呢個係個問題，我哋以前多數都應該有自閉。我細個時阿爸媽邊有時間理你？唔好介意，只係就文章發表意見。
作者: chimabb 時間: 12-11-27 09:59 標題: 回覆：自閉症成因
其實除咗先天基因,腦部發展問題,宜家社會環境和食物毒素咁多,懷孕時可能影響到bb腦部發展,加上媽咪的生活和工作壓力,同埋自己嘅情緒都可能影響肚裡bb發展.其實呢家個個請菲傭姐姐揍,bb從一個月起就係一個唔識或唔流利廣東話嘅人揍大,會唔會係其中一個觸發病發?以前都冇菲傭,我以前個年代幼稚園前都係媽咪揍.其實我同有d家長傾過計,當小朋友病發後,自己會轉做半職或全時間照顧小朋友,再配合訓練同治療,進步係會快d.
作者: yauman76 時間: 12-11-27 14:33
chimabb 發表於 12-11-27 09:59
其實除咗先天基因,腦部發展問題,宜家社會環境和食物毒素咁多,懷孕時可能影響到bb腦部發展,加上媽咪的生活和 ...
請問chimabb你小朋友幾大? 是否都係A仔? 做緊邊d訓練或治療?
作者: chimabb 時間: 12-11-29 21:53 標題: 回覆：yauman76 的帖子
係我好朋友的仔仔,8歲了,他有做過針灸,言語治療,好似仲有其他治療和訓練,呢幾個月做緊自然療法,叫Cherry Health Plus,我同佢媽咪都一齊做治療同排毒
作者: fongbau 時間: 12-11-30 10:35
回復 Capricorn2521 的帖子
比喻很對, 自閉症人士在現今社會生存, 其實只是一直在助長自閉的種子發芽. 但只是助長, 不是成因.
科技的發達令大家話都不用說, 一隻手指就可以做到很多些事情；人與人之間的關係, 越來越冷漠得不用溝通；
這些事連正常人都變『自閉』, 何況是真正自閉的人.
家長們帶小朋友去做訓練, 不是因為自閉症可以醫好. 我一早已經同99講, 自閉症唔係病, 係冇得醫既.
訓練只係想改變小朋友既問題. 無論我地做幾多訓練, 佢都唔會變番一個完全正常既人.
訓練只係想將小朋友變成一個較為正常既人.
作者: Capricorn2521 時間: 12-11-30 12:40
本帖最後由 Capricorn2521 於 12-11-30 14:48 編輯
回復 fongbau 的帖子
多謝你的支持。
正如有些人會因為遇到壓力而患上抑鬱症，但有些人會愈戰愈強，不怕困難挑戰，勇往直前。我覺得都係種子同成長環境的因果。
自閉症愈來愈多....吾係父母管教問題，係社會/生活環境的關係。除了科技發達，吾洗講野，仲有邊個亞媽吾想在家照顧自己小朋友? 吾做可以供倒樓咩? 邊個吾想生4-5個小朋友在家一起玩? 吾想同老人家住近d，方便照顧咩 ? 太多太多環境因素了.......
| 歡迎光臨 教育王國 (/) |
Powered by Discuz! X1.5 |