教育王國
標題: 上到中學好似冇嘜點教書 ! [打印本頁]
作者: overview 時間: 12-11-20 12:56 標題: 上到中學好似冇嘜點教書 !
我覺得上到中學好似冇嘜點教書 !
好似科科都要跟 或者出外補習 !
你唔理就50分, 你督促吓佢, 就有70分. 但都中學生, 好想放手, 但又唔想睇住佢死 ! 真矛盾及無奈 !
作者: hw1115 時間: 12-11-20 15:14
你督促吓佢, 就有70分, 我個連溫都唔肯溫, 可能佢想我唔理佢. 我更加唔可以放手.
作者: iloveubabay 時間: 12-11-20 15:55
overview, 你講緊我嘅心聲,初初重諗住升中後,可以放手俾佢自己嚟,但原來睇少眼都唔得,再加上個囡開始反叛,有自己思想. 小學都仲話可以話下,依家重要客客氣氣... 
作者: 杰杰媽媽 時間: 12-11-20 16:51
中學生只可以朋友識講一句就算,提多句都話你煩
只可做朋友,不可做父母的世界黎
作者: 142526 時間: 12-11-20 17:20
佢而家倒轉黎話番我!我又唔想同佢嘈,好似佢係阿媽,我係佢仔甘.
而家叫佢做功課要好客氣,叫佢溫習要.....愚公移山.
作者: reginayu 時間: 12-11-20 18:29 標題: 回覆：142526 的帖子
係啦，我其實都接受唔到個仔少少野就話煩。就算做佢朋友都唔係一定要就晒佢呀嗎! 佢幾時識得就吓屋企人呢?佢對 佢d 朋友就唔一樣喇。
作者: hw1115 時間: 12-11-20 18:50 標題: 引用：佢而家倒轉黎話番我!我又唔想同佢嘈,好似佢
原帖由 142526 於 12-11-20 發表
佢而家倒轉黎話番我!我又唔想同佢嘈,好似佢係阿媽,我係佢仔甘.
而家叫佢做功課要好客氣,叫佢溫習要.....愚 ...
佢話我什麽都退,不如退學唔讀啦!(因我想佢退多一樣課外活動)
又話我經常講某句說話。
作者: overview 時間: 12-11-20 19:08
總之就受氣。促佢温書就話識晒，咁考完唔識就賴出得深，大把藉口。
作者: 142526 時間: 12-11-20 21:18
d細路話我地成日俄佢,佢地何嘗未有係個講來講去都係個幾句.
作者: hw1115 時間: 12-11-20 22:54
回復 hw1115 的帖子
illymarie 佢係咪因為你退佢的課外活動唔開心呀？
>>>>>>>> I only suggest to him, not any action.
作者: Meikin 時間: 12-11-20 23:03
本帖最後由 Meikin 於 12-11-20 23:04 編輯
中學課文俾小學多好多, 上堂老師主要講重點, 或講些與課文有關的題外話, 唔可以好似小學咁逐行逐段同你跟, 所以小朋友一係要預課, 要不然上堂就要留心, 自己抄筆記, 教完後及做功課前要自己睇課文, 真係要自動自覺架.
作者: Meikin 時間: 12-11-20 23:10
因人而異啦, 但一般而言, 我覺得中一重未可以立刻放手, 尤其正值孩子反叛期, 好多時易放難收.
去年我大仔中一, 我都跟咗成年, 今年中二開學以來, 樂見他各方面(e.g.自律自覺, 記性, 時間分配)都有進步, 我才慢慢放手少少, 重未放晒, 若進展順利, 期待明年可以真正放手, 好等我抽時間跟明年升中的細仔.
作者: overview 時間: 12-11-21 06:32
Meikin 發表於 12-11-20 23:03 
中學課文俾小學多好多, 上堂老師主要講重點, 或講些與課文有關的題外話, 唔可以好似小學咁逐行逐段同你跟, ...
作者: Meikin 時間: 12-11-21 08:51
嗯, 又係喎, 要睇中三成績分科喎. 咁下年我咪重未可以甩身, 還要以一敵二 (中一細仔+中三大仔)?諗起都灰灰地添.:
作者: Jackieson 時間: 12-11-21 09:00
Meikin 發表於 12-11-20 23:10
因人而異啦, 但一般而言, 我覺得中一重未可以立刻放手, 尤其正值孩子反叛期, 好多時易放難收.
去年我大仔 ...
如果大仔今年各方面都有進步, 不如試吓放手, 趁而家抽時間跟吓明年升中的細仔的第一次呈分試. 因為下年大仔中三試的成績決定中四選科都幾重要, 再加上要照顧細仔小六的兩次呈分試, 選校, interview等等一齊黎的話, 都咪話唔煩!
作者: misslololo 時間: 12-11-21 09:16
提示: 作者被禁止或刪除 內容自動屏蔽
作者: Zen 時間: 12-11-21 12:22
misslololo 發表於 12-11-21 09:16
我以前係中學老師，都好明白家長o既心情，又了解到小朋友點解會覺得家長煩。
正確 d o黎講，都唔可以再叫佢 ...
請教面對青少年的種種不良行為(從父母的觀點出發)包括:機不離手/寧願睡覺也不溫習/經常不合格,但又表示明白課程內容,只是疏於溫習或做練習,不過思想明白,行動依舊/對父母態度惡劣,無禮貌/粗言穢語/界手/拍拖/網絡亂交友.....等等, 父母應如何應對?
謝謝!
作者: kilykilyk 時間: 12-11-21 12:24
overview 發表於 12-11-20 12:56
我覺得上到中學好似冇嘜點教書 !
好似科科都要跟 或者出外補習 !
我仔中二喇!但都不能完全放手,因他總係有錯漏,一定要提點,
佢都很落意我提點他,他也很明白我提點佢對佢有益無害,暫時無聽佢話我煩。
真係要睇性格,我仔佢就比較粗心大意,唔提佢真係唔掂..
作者: 杰杰媽媽 時間: 12-11-21 14:16
父母可以多問佢女o既感受，如「今日 返學開唔開心呀? / 上堂有冇開心事發 生呀?」而唔好問「有咩功課呀? 有冇 比人罰呀今日?」等機械式的問題。 而父母亦唔洗樣樣功課跟足，不過可以 間唔中講一兩句「有咩唔明可以問媽咪 wo，我好勁ga~」輕鬆d ...~~~
-----------------------------
呢 d對白我成日都講。。。只係到見佢太得閒既時候就提下佢 呢幾日有冇 test! 咁樣其實佢已經知我想佢得閒得制就溫下書。
作者: mandy304 時間: 12-11-21 15:00
我覺得要教孩子, 不是只教書, 是教讀書技巧, 記得以前自己讀預科成績唔好, 但經己日温夜温, 但都係唔合格. 原來到我長大後, 才發覺温習不是一打開本書就温. 要有每課重點, 有條理有策略. 埋頭死温係無用ga...我就是過來人.
作者: yaozhil 時間: 12-11-23 21:33
try to accompany the child to revise
| 歡迎光臨 教育王國 (/) |
Powered by Discuz! X1.5 |