教育王國

標題: 請大家比啲意見 [打印本頁]

作者: babyheima 時間: 12-11-20 00:23 標題: 請大家比啲意見

請問各位jm係因嘜原因帶小朋友去驗？同去邊度驗？我有小小懷疑個仔係過度活躍，因學校老師都會話佢坐唔定，但又唔算係投訴佢，因為多數係我問老師佢先講，無試過老師主動投訊，但親戚就成日話我仔好曳，我用盡方法教，雖有成效，但始終我一唔係身邊佢就會曳反，我問過老師，老師話可以肯定佢唔係，但我始終有啲擔心，我仔好活動，坐係度都一定要動身，好多嘢講，老師話佢思維比同齡小朋友高，而家k2但講嘢同諗嘢似小學生，好自大，無論我點教佢都係自戀，但好怕羞，佢會用好多方法搗蛋，例如：老師係白板寫字，佢就即攪呢攪路，老師一寫完，佢又扮乖坐定定，有次唔小心比佢帶左銀包反去，佢就同同學係枱底睇錢，好多搗蛋嘢，好彩老師都話只係好小事，唔覺佢有問題，但我擔心佢升小學會仲勁，大家覺得係我多心定小朋友真係有問題？

作者: alicealice313 時間: 12-11-20 07:12 標題: 引用：請問各位jm係因嘜原因帶小朋友去驗？同去邊

提示: 作者被禁止或刪除內容自動屏蔽

作者: HopeLJ 時間: 12-11-20 11:06 標題: 回覆：請大家比啲意見

有D似資優，學校d嘢佢覺得太悶啦，所以搗蛋。我表弟細過好似你個仔咁，讀高咗兩班就ok 哂，都一直keep 住全級第一二。你去評估下，去STEPS 有心理學家資優評估。

作者: babyheima 時間: 12-11-20 17:27 標題: 回覆：請大家比啲意見

我覺佢似過度活躍多一d，因為佢除左講嘢叻就好似無咩其他叻處，絶對唔會係第一第二果d

作者: maggie38 時間: 12-11-21 00:06

回復 babyheima 的帖子

唔緊要啦...有懷疑去評估一下..咪安心囉..^^" 係咪過動,係咪資優,專家會比到答案你.

作者: wan_sosin 時間: 12-11-21 00:10

回復 babyheima 的帖子

我仔都係K2,已在政府CAC評估,但未確診仍要跟進!

但睇你講嗰D,又真係只係小問題!我個仔做得更誇張,都未能咁快話佢係ADHD!佢會有破壞同攻擊行為!
其實好多小朋友都會百厭,我係我仔學校做過義工,真係見識好多小朋友的"千奇百趣"!

你囝囝情緒方面有無問題?除了你,還有沒有人教到佢?如果你擔心,去做下評估都好!

作者: babyheima 時間: 12-11-21 08:32 標題: 引用：回復+babyheima+的帖子我仔都係K2,已在政

原帖由 wan_sosin 於 12-11-21 發表
回復 babyheima 的帖子

我仔都係K2,已在政府CAC評估,但未確診仍要跟進!

除左我，真係無人教到佢，佢唔聽任何人說話，只聽我，佢情緒唔算好大問題，唔會無啦啦大吵大閙，但就成日無啦啦嬲人，變得好無禮貌，打人佢唔敢架，佢驚比人拉，多謝你地嘅意見，因為我用盡方法都唔能夠令佢反學時坐定，同搗蛋行為，所以我先有呢個懷疑，但佢係我面前得架，咁就死啦，唔通我跟埋佢反學咩，我最擔心係而家老師接受到，到小學就唔得架啦，其實分別有幾個老師都有主動同我講佢專注力唔得，唉，我好想揾到個解決方法呀

作者: babyheima 時間: 12-11-21 08:33 標題: 引用：回復+babyheima+的帖子我仔都係K2,已在政

原帖由 wan_sosin 於 12-11-21 發表
回復 babyheima 的帖子

我仔都係K2,已在政府CAC評估,但未確診仍要跟進!

你係點做先可以去政府做評估架？

作者: HopeLJ 時間: 12-11-21 09:45 標題: 引用：Quote:原帖由+wan_sosin+於+12-11-21+發表

原帖由 babyheima 於 12-11-21 發表
你係點做先可以去政府做評估架？

1. 打電話去健康院問姑娘，等三四個月見健康院醫生，再轉介至 CAC （兒童發展評估中心) ，排三四個月到。CAC 評估結果有需要排訓練服務，會轉介你社工去排，大約等一年左右。

2. 叫自己醫生寫封信，自己打去/fax 去 CAC 排評估。(兩年前情況)

作者: wan_sosin 時間: 12-11-21 14:36

本帖最後由 wan_sosin 於 12-11-21 14:44 編輯

HopeLJ 發表於 12-11-21 09:45
1. 打電話去健康院問姑娘，等三四個月見健康院醫生，再轉介至 CAC （兒童發展評估中心) ，排三四個月到。CA ...

我係跟樓上第一個方法,不過時間性不同!我由健康院姑娘轉去見健康院醫生,只需三個星期!而CAC方面,見咗CAC姑娘之後,就要排半年才可見醫生!

樓主要注意,如有學校評估報告,上面有寫小朋友規矩唔好,就最好帶埋去健康院!
見醫生時就堅持要轉介,健康院醫生好容易就話小朋友無問題,醫生只會叫小朋友做幾樣嘢,正常地小朋友好少做唔做,D醫生就會話,佢做到哂,所以應該無問題!
我有朋友都係咁,咁我朋友無再要求,就無得轉介啦!

作者: wan_sosin 時間: 12-11-21 14:43

回復 babyheima 的帖子

我個仔都係咁,最聽我話!咁都好有問題!同你情況相似!

其實我同樣怕上了小學會出事,所以點都帶個仔去睇下!加上學校嘅評語不好!所以順利轉介到去評估,因為醫生唔會只信父母嘅睇法!佢哋會考慮埋管教問題!

作者: babyheima 時間: 12-11-21 17:23 標題: 引用：+本帖最後由+wan_sosin+於+12-11-21+14:44+

原帖由 wan_sosin 於 12-11-21 發表
本帖最後由 wan_sosin 於 12-11-21 14:44 編輯

好在你提一提我，咁我都要堅持做評估，多謝各位意見

作者: babyheima 時間: 12-11-21 17:27 標題: 引用：回復+babyheima+的帖子我個仔都係咁,最聽

原帖由 wan_sosin 於 12-11-21 發表
回復 babyheima 的帖子

我個仔都係咁,最聽我話!咁都好有問題!同你情況相似!

係呀，佢仲有個問題，就係做功課有時真係慢得好緊要，唔係次次，但好誇張，明明果份功課佢已經熟到爛，只寫1-50佢竟然做在2個小時，專注力差，永遠做功課，寫一畫，玩一下，比人話先寫多畫，真係救命

歡迎光臨教育王國 (/)