教育王國

標題: 在此呼籲有幾個offer喺手的家長⋯ [打印本頁]

作者: Toffee888 時間: 12-11-19 17:27 標題: 在此呼籲有幾個offer喺手的家長⋯

如果已經有心水首選的，就放返啲位出來⋯
因為

沒有任何offer的家長⋯
好像仍在大海中等救生圈一樣⋯
百般滋味在心頭

作者: Toffee888 時間: 12-11-19 17:28 標題: 回覆：在此呼籲有幾個offer喺手的家長⋯

係好傷心和失望

作者: cyym 時間: 12-11-19 17:37

我仔仔仔in n班時情況一樣, 所以我都好明白你既感受, 唔好咁傷心/失望啦,

分享少少經驗呀, 我上年臨入學前先再去d學校有無位, 因為諗住其他叻叻小朋友到最後都係只會讀一間幼稚園架姐, 應該會有位多出既,.. ...有位的就去interview, 到個時會小朋友又大個左, in 得又會好d, 一定好有書讀架. 唔好擔心.

作者: Shirleykai 時間: 12-11-19 17:46

讚成~ 等待令人心灰...無助...

作者: Honey 時間: 12-11-19 17:50

我b有3個offer, 一個冇註冊, 一個比了留位費註冊, 1st choice昨天收了, 本週註冊, 等1st choice 註冊了便會call 比了留位費的放番學位出來, 我都係媽媽, 好明白你既感受。

你得閒打吓電話去心儀學校問吓, 慢慢多啲位會放出來的。

作者: allysharlin 時間: 12-11-19 17:50

十分讚成，等大家都有一個快樂的聖誕。

作者: elysion 時間: 12-11-19 17:52 標題: 回覆：在此呼籲有幾個offer喺手的家長⋯

放心一定有人放位，唔好灰心仲有好多學校未放榜，只要係 waiting都仲有機會。

作者: cycream 時間: 12-11-19 17:59

絕對明白! 我hold住一間做back up, 等今個月尾有心儀既offer就會放返出黎. 11月尾至12月有好多幼稚園出result, 希望同時有多過一個offer既家長, 大家係留位前諗清楚想入邊間,唔好間間都留位,留到下年先release出黎.

作者: Toffee888 時間: 12-11-19 18:09 標題: 引用：我b有3個offer,+一個冇註冊,+一個比了留位

原帖由 Honey 於 12-11-19 發表

好感動啊！雖然不知大家什麼學校⋯總有需要的人

作者: Toffee888 時間: 12-11-19 18:09 標題: 引用：放心一定有人放位，唔好灰心仲有好多學校未

原帖由 elysion 於 12-11-19 發表

希望等到

作者: Toffee888 時間: 12-11-19 18:11 標題: 引用：我仔仔仔in+n班時情況一樣,+所以我都好明白

原帖由 cyym 於 12-11-19 發表

謝謝你的分享！希望學校感受到我的誠意

作者: Doris_Ray 時間: 12-11-19 18:12

我10月細b，本來有2個offer，8/11收到第2間，9/11即去放返第一個offer。
如個遲d有心儀收，回放埋呢間

作者: Toffee888 時間: 12-11-19 18:13 標題: 引用：絕對明白!+我hold住一間做back+up,+等今個

原帖由 cycream 於 12-11-19 發表

謝謝您呀！

作者: Toffee888 時間: 12-11-19 18:14 標題: 引用：放心一定有人放位，唔好灰心仲有好多學校未

原帖由 elysion 於 12-11-19 發表

嗯嗯⋯

作者: mamapapa1013 時間: 12-11-19 18:17

我囡囡係有三間offer, 心儀的已交留位費, 其他兩間我已冇去註冊了!
雖然交咗留位費個間只係second choice(因為仲有間心儀等緊結果), 如有幸都接到好消息, 我絶對一定會打電話比second choice學校話放學位的, 再者黎緊個d未去面試d學校都唔去了, 免除浪費時間同精神, 因為每次去面試雖然話用平常心去try, 但係確實你要用精神去應對老師的問題及力氣去照顧小孩, 又或者你可以從老師角度去諗, 少一個學生來interview, 。如果有多十個八個既家長都係同我一樣諗法, 咁老師工作量都可以輕鬆d 。
所以作為母親的我, 希望做番個有責任的人。

作者: Toffee888 時間: 12-11-19 18:18 標題: 引用：我10月細b，本來有2個offer，8/11收到第2間

原帖由 Doris_Ray 於 12-11-19 發表

原來咁多有心人

之前都唔知做後備係咁失望架⋯收完一封又一封後，原來真係好似之前有家長講，會嬲自己孩子的！明知唔應該嬲佢，係無緣，只係控制唔到自己

作者: ~瑤瑤~ 時間: 12-11-19 18:20 標題: 回覆：在此呼籲有幾個offer喺手的家長⋯

我仔暫時得一間offer, 但諗左幾日都唔係心儀。所以我唔會交留位費，不過我仔讀緊N, 有backup所以輕鬆d。

作者: kaitathk 時間: 12-11-19 18:21 標題: 引用：如果已經有心水首選的，就放返啲位出來⋯

原帖由 Toffee888 於 12-11-19 發表
如果已經有心水首選的，就放返啲位出來⋯
因為
沒有任何offer的家長⋯

暫時有2個offer會放棄約x本地am班跟住如果有其它就會放金xxam班

作者: cclemon2009 時間: 12-11-19 18:22 標題: 回覆：在此呼籲有幾個offer喺手的家長⋯

等到12月會有多啲人放番啲位出黎

作者: mamapapa1013 時間: 12-11-19 18:24

回復 Toffee888 的帖子

所以認同以上媽媽話, 一定有人唔要位放出來架, 媽媽不用灰心! 希望在明天~~仲有成年先開學, 好多時間去搵學校, 最多咪遲少少先返學~~

作者: Doris_Ray 時間: 12-11-19 18:30

Toffee888 發表於 12-11-19 18:18
原來咁多有心人
之前都唔知做後備係咁失望架⋯收完一封又一封後，原來真係好似之前有家 ...

唔好嬲小朋友，佢係feel 到呀，我都覺得早排我比咗啲無形壓力個囡，搞到囡囡都有怕咗我 (我覺得)。
我舊年pn等offer都經歷過，等等等，所以只會keep 一個最心儀的。希望各位家長幫幫忙

作者: Toffee888 時間: 12-11-19 18:36 標題: 引用：我囡囡係有三間offer,+心儀的已交留位費,+

原帖由 mamapapa1013 於 12-11-19 發表

你真是一位好有責任的媽媽！謝謝你

作者: littleape0129 時間: 12-11-19 18:42

回復 Toffee888 的帖子

I have only paid for one K1 registration fee only. If we have the luck to have more offer later, I would definitely release the seat.

作者: wing.2bb 時間: 12-11-19 19:04

我囝囝有4間offer, 2間無註冊，心儀嗰間星期六註冊後就會放返之前已交留位嘅位出嚟。唔好擔心你小朋友一定有一間適合佢嘅學校收嘅。

作者: kittytyl 時間: 12-11-19 19:22 標題: 回覆：在此呼籲有幾個offer喺手的家長⋯

我之前有York offer,但放棄了，宜家只hold 住一個offer, 其他未出result

作者: cherryiiiii 時間: 12-11-19 19:27

我女上年考N時等waiting
等得我好苦呀!!!
所以好明白樓主心情....
我今年暫時有3間offer...全部我都冇交留位費...
因為讀緊間pn都好好....
唔係龍校收...都應該唔會走

作者: apple1990 時間: 12-11-19 19:32

我囡囡現祗有深水埗崇真offer，上週已交留位費。當得悉TT有offer....劍鳴、民生全部無出席面試，而且連培正攞咗form都無遞交，如下還有已獲德望、培道面試都打算唔去啦....希望各校可減少面試工作量，並把學額留給有需要嘅家庭。

作者: RBaBa 時間: 12-11-19 19:42 標題: 回覆：在此呼籲有幾個offer喺手的家長⋯

我個囡有一個offer，不過覺得唔會去讀，所以冇交留位費。

作者: Toffee888 時間: 12-11-19 19:55 標題: 引用：我囡囡現祗有深水埗崇真offer，上週已交留

原帖由 apple1990 於 12-11-19 發表

你地真係好好心地啊

作者: TT1117 時間: 12-11-19 20:33

同大家分享下，我個仔係09超細11月B，舊年in K1大大話話十幾間全部waiting list，結果最後全部都唔收，唯有留喺原校升K1，今年再接再厲，in咗5間有4間收咗，剩返一間等收信。但係我老婆一間都冇去留位，因為經過咗一年
之後發覺之前所謂嘅心儀學校都未必適合個仔，因為佢而家返學返得好開心。所以喺度勉勵一下細B嘅家長唔駛唔開心，一定會有書讀，如果肯repeat嘅話，出年就到妳去揀讀唔讀佢，唔係佢收唔收你。

作者: lalamike 時間: 12-11-19 20:34 標題: 回覆：Toffee888 的帖子

加油mama，我囝囝都係至今冇offer，好在有PN，如真係最終all failed，只有歎BB同其他kg無緣!

作者: KWBN 時間: 12-11-19 20:39

只收到一個0FFER，屋企附近，但不是心儀的學校，所以無交留位費

作者: may273815238 時間: 12-11-19 21:21 標題: 回覆：在此呼籲有幾個offer喺手的家長⋯

in三間，兩間AM offer,一間未知，俾左一間留位，亦係心儀，第三間就算收都五會hold住個位，自己悭錢又幫到其他媽咪

作者: aayalee 時間: 12-11-19 21:59

提示: 作者被禁止或刪除內容自動屏蔽

作者: Toffee888 時間: 12-11-19 22:01 標題: 引用：放心放心~香港有好多好媽媽的,自身唔做好點

原帖由 aayalee 於 12-11-19 發表

thankyou你地安慰一班海中人！

作者: aayalee 時間: 12-11-19 22:25

提示: 作者被禁止或刪除內容自動屏蔽

作者: amberpan7 時間: 12-11-19 22:29 標題: 回覆：在此呼籲有幾個offer喺手的家長⋯

交左一間留位費. 等緊3-4間 results, 應該都唔留位。可以慳返。嘻嘻。各位加油！

作者: Toffee888 時間: 12-11-19 22:51 標題: 引用：安慰你唔只我地,因為你自己都係一個咁的人,

原帖由 aayalee 於 12-11-19 發表

大家互相幫忙！人人有書讀！

作者: florence.lau 時間: 12-11-19 22:52

不要嬲自己小朋友，佢哋真的feel到㗎。反而應該多啲俾信心佢。
我哋都會放返啲offer出嚟，希望所有父母都唔好咁擔心。

作者: janis836 時間: 12-11-19 23:32 標題: 回覆：在此呼籲有幾個offer喺手的家長⋯

我都等緊呀！坅等越心急！

作者: janis836 時間: 12-11-19 23:38 標題: 回覆：在此呼籲有幾個offer喺手的家長⋯

我仔仔而家一個offer都未有，預左食白果，而家有n返緊，作最壞打算，繼續原校升k,因為細仔，好輸蝕，預左出年再考過心儀的學校！

作者: KTP 時間: 12-11-19 23:45

個個都好有心, 希望大家都入到心儀學校. 加油！

作者: Cheungcc728 時間: 12-11-20 10:24 標題: 回覆：Toffee888 的帖子

上年都試過等既滋味 waiting list =無機會有offer 但唔係心儀又唔想hold住個位等到最後無收過後補電話唯有交錢讀住先。。。點知連個am offer都無埋
宜家做香港既小朋友辛苦連做家長都唔易做

作者: maggiemai77 時間: 12-11-20 10:56

i totally understand how it feels....no worry, before xmas i am sure quite a lots of seats will be released!!! hopefully every family will have happy xmas :) keep positive and add oil together

作者: hastalavista 時間: 12-11-20 10:59

前幾日去聽簡介會, 同一個爸爸傾計, 佢講得好O岩,
其實, 每間學校, 來來去去都係同樣的幾千人去報,
最後洗完牌之後, 總會有位的!! 又好有道理啊!!!
所以不用擔心!!

我地算好好彩, 有2個OFFERS, 只係一個留左位,
若有更好的, 交左留位費的, 會馬上放出來....
希望做一個盡責任的爸爸媽媽....

作者: 方麗娟 時間: 12-11-20 12:07

其實12月未必係放位高峰期, 因為通常第一批唔留位的, 由備取生補上, 所以如果直頭冇報過該校而又想報, 或者過咗deadline交報名表而未有得in(有d學校照收表的), 就要再等下.

而交咗留位的, 好大部份再繼續等其他消息, 甚至有些熱門學校仲未開始招生/面試. 今期交咗留位費, 一般去到2-3月甚至5-6月才正式交第一期學費, 訂校服之類, 到時會有更多位.

不如鎖定幾間你自己都鍾意的學校, 打聽一下佢哋交完留位費之後, 幾先要正式交第一期學校, 到時就積極d同學校求位.

祝你成功!

作者: 方麗娟 時間: 12-11-20 12:10

去年我細女考迦南PN, 第一輪唔收佢, 話遲D再有通知.
好啦, 再等到迦南的信, 都仲係話未有位.
到咗2-3月, 我打去問, 仍然未有位, 叫我等到5月份.
5月份終於收到CALL, 話有位, 下午班 (我申請上午班).
不過最後放棄了, 因為有另一間上午班的offer.

作者: adios 時間: 12-11-20 12:13

我BB有4個Offer,我只留返AM個Offer,另外3個PM的已放出。黎緊的HKPS都諗住吾去啦。大家加油！希望個個BB都得到鍾情嘅Offer.

作者: emilyckh 時間: 12-11-20 12:21

放心~大家做父母會明白~
祝你快D收到取錄信啦~

作者: Karenfok1 時間: 12-11-20 12:24

見到大家既POST, 真係好感動, 如果多啲家長好似你哋咁為人設想, 我哋未收到OFFER既媽媽可能會等得無咁辛苦.

作者: CHIHIMNAM 時間: 12-11-20 12:39

我只留了一am offer, 其他兩間am offer 冇去留位, 一間俾左$ pm offer 已 inform 學校放位, 俾其他小朋友

作者: Toffee888 時間: 12-11-20 12:40 標題: 引用：去年我細女考迦南PN,+第一輪唔收佢,+話遲D

原帖由 方麗娟 於 12-11-20 發表
去年我細女考迦南PN, 第一輪唔收佢, 話遲D再有通知.
好啦, 再等到迦南的信, 都仲係話未有位.
到咗2-3月, 我 ...

我也等緊N班迦南，要等到5月好漫長

下午班真的唔方便

作者: Chickee 時間: 12-11-20 15:22

其實每年的5-6月, 先係放位高峰期, 所以大家唔好放棄, 如真係好心儀的學校, 就寫多1, 2封信表示誠意。當年我都係等到6月, 先收到心儀KG電話可後補。

作者: hayley_leung 時間: 12-11-20 16:29 標題: 回覆：在此呼籲有幾個offer喺手的家長⋯

我個B女係11月細女，有2個offer,可能我報D唔係好名校，樓主，有冇試過報村校?因為會易D收嫁

作者: ~瑤瑤~ 時間: 12-11-20 17:10 標題: 引用：Quote:原帖由+方麗娟+於+12-11-20+發表去年

原帖由 Toffee888 於 12-11-20 發表
我也等緊N班迦南，要等到5月好漫長下午班真的唔方便

我仔9月B, 到今年2月迦南先有得in, 都係得waiting, 到7月時call我話有位，不過下午班，但我都照讀。

作者: sharonwongg 時間: 12-11-20 17:24

我都是過來人, 明白各位媽媽的心情. 加油! 加油!

作者: fracfrac_baby 時間: 12-11-20 17:59

我女細B,我都未有OFFER, 我都希望幾個OFFER 媽媽,可以放位出黎

作者: sallyksleung 時間: 12-11-20 18:03

Can't agree anymore, waiting, hope, disappointed .....wish everyone fit into their favorite offer !!

作者: Toffee888 時間: 12-11-20 23:03 標題: 引用：Quote:原帖由+Toffee888+於+12-11-20+發表

原帖由 ~瑤瑤~ 於 12-11-20 發表
我仔9月B, 到今年2月迦南先有得in, 都係得waiting, 到7月時call我話有位，不過下午班，但我都照讀。

...

咁你認為有沒有揀錯迦南？因等緊迦南N位！但發覺超多waiting人！

作者: Toffee888 時間: 12-11-20 23:04 標題: 引用：Quote:原帖由+Toffee888+於+12-11-20+發表

原帖由 ~瑤瑤~ 於 12-11-20 發表
我仔9月B, 到今年2月迦南先有得in, 都係得waiting, 到7月時call我話有位，不過下午班，但我都照讀。

...

仲有，讀下午班係咪真的不方便？

作者: cyyuen0120 時間: 12-11-20 23:09 標題: 引用：Quote:原帖由+~瑤瑤~+於+12-11-20+發表我仔

原帖由 Toffee888 於 12-11-20 發表
仲有，讀下午班係咪真的不方便？

我阿女讀緊下午n班，的確佢時間亂晒，放返黎就訓覺，有時訓到晚飯都唔食直至第二朝

所以今年考k班堅決上午班

作者: Happy_funny 時間: 12-11-21 16:11

ADD OIL to all of u, including me...

作者: may273815238 時間: 12-11-21 16:32 標題: 引用：Quote:原帖由+~瑤瑤~+於+12-11-20+發表我仔

原帖由 Toffee888 於 12-11-20 發表

個人而言，真的好唔方便。我衹讀am或全日，下午即使名校或一條龍，我都一樣五會比個囡讀。

作者: Toffee888 時間: 12-11-21 16:59 標題: 引用：Quote:原帖由+Toffee888+於+12-11-20+發表

原帖由 may273815238 於 12-11-21 發表
個人而言，真的好唔方便。我衹讀am或全日，下午即使名校或一條龍，我都一樣五會比個囡讀。

...

唉⋯pm唔要，無學校要咁

作者: Toffee888 時間: 12-11-21 16:59 標題: 引用：Quote:原帖由+Toffee888+於+12-11-20+發表

原帖由 cyyuen0120 於 12-11-20 發表
我阿女讀緊下午n班，的確佢時間亂晒，放返黎就訓覺，有時訓到晚飯都唔食直至第二朝所以今年考k班 ...

唉⋯現在pm的位也未有

作者: a328 時間: 12-11-21 17:06

just hold 1 greenfield offer

作者: bonnieleong 時間: 12-11-21 17:27 標題: 回覆：在此呼籲有幾個offer喺手的家長⋯

我都明白和體諒你的心情,知不過相反if you have two to three good offer also hold to choice ! It is right? 呢個是社會競爭問題,個個人都想要最好和最叻！無辦法

作者: Yurietsui 時間: 12-11-21 18:32

My son had 5 offers n now kept 2 only coz one is am and one is pm and the rest are released....my friend said there will be many vacancy later, so you can try to write letter to those school with waiting list offer, you will have a better chance to receive the offer when some ppl confirmed not to take the offer b4 sept!

作者: Yurietsui 時間: 12-11-21 18:35

回復 Toffee888 的帖子

don't blame your kid, they can't understand and it will hurt them too!

作者: hippoo 時間: 12-11-21 18:35

讚成~ 等待令人心灰

作者: CD_BB 時間: 12-11-21 18:41 標題: 引用：我都明白和體諒你的心情,知不過相反if+you+

原帖由 bonnieleong 於 12-11-21 發表
我都明白和體諒你的心情,知不過相反if you have two to three good offer also hold to choice ! It is rig ...

但係個少hold 住幾個offer交了留位費的人，，最緊要唔好hold到開學先話俾學校唔去讀，白白令想入讀的小朋友miss左機會。仔仔見4間都有offer，我都俾左一間留位費咋，邊間最心儀其實報的時侯都決定到la!留位費又係$呢!

作者: ~瑤瑤~ 時間: 12-11-21 18:49 標題: 引用：Quote:原帖由+~瑤瑤~+於+12-11-20+發表我仔

原帖由 Toffee888 於 12-11-20 發表
咁你認為有沒有揀錯迦南？因等緊迦南N位！但發覺超多waiting人！

...

暫時都覺得迦南幾好，又近屋企。

作者: ~瑤瑤~ 時間: 12-11-21 18:52 標題: 引用：Quote:原帖由+~瑤瑤~+於+12-11-20+發表我仔

原帖由 Toffee888 於 12-11-20 發表
仲有，讀下午班係咪真的不方便？

讀N仲未有興趣班讀都ok~
我仔9點起身，放學返來訓個幾鐘，最遲7點整醒佢，夜晚大約10點幾訓。

到放假時，佢又可以lunch後nap.

作者: Toffee888 時間: 12-11-21 18:55 標題: 引用：My+son+had+5+offers+n+now+kept+2+only+co

原帖由 Yurietsui 於 12-11-21 發表
My son had 5 offers n now kept 2 only coz one is am and one is pm and the rest are released....my fr ...

是超大仔嗎？有成五個offers？？好羨慕

你小朋友面試有笑容嗎？你認為他是什麼原因令老師喜歡？

作者: shirleyleung15 時間: 12-11-21 19:11 標題: 回覆：在此呼籲有幾個offer喺手的家長⋯

非常讚成，我仔讀緊n班，已留位，之前考另一間全日班，幸運地收左，但決定放棄即覆學校吾留位，希望有須要人士有位

其實有幾個offer既家長一定知有d學校吾會去讀，不如放左個位俾有須要既人，大家都嘗過搵學校既壓力，有d真係考幾間都吾收的

作者: may273815238 時間: 12-11-21 19:19 標題: 引用：Quote:原帖由+may273815238+於+12-11-21+發

原帖由 Toffee888 於 12-11-21 發表

五好甘down啦，每個人既需求唔同掛。我就我囡囡而言，真係唔可以讀pm，但我一個friend既囡反而am唔岩巨，要pm啊，最緊要瞭解孩子需要

作者: Heyheyjoyjoy 時間: 12-11-21 22:01 標題: 回覆：在此呼籲有幾個offer喺手的家長⋯

作為12月仔媽媽，冇讀n班，只有pg，收reject還可以叫自己死心,move on,但waiting....真是好折磨人。
理性分析：面試的來來去去都是嗰班人，間間學校都是收嗰幾十個／百個小朋友！但大部分最終只能讀一間，誇張的讀兩間，一定有位放出來，只是幾時的問題。
但人非草木，從現在到出年8月，實在。。。唉！
多謝各位為他人設想，有同理心的父母，你們的孩子以你們為傲！

作者: Toffee888 時間: 12-11-21 22:09 標題: 引用：作為12月仔媽媽，冇讀n班，只有pg，收rejec

原帖由 Heyheyjoyjoy 於 12-11-21 發表
作為12月仔媽媽，冇讀n班，只有pg，收reject還可以叫自己死心,move on,但waiting....真是好折磨人。
理性分 ...

我都同意來來去去in都是同一班人，而咁多熱門學校，來來去去都是喜歡同一班細路

唉⋯唔係嗰班＂至愛＂就係等，等，等

作者: crystal720 時間: 12-11-21 22:15

係呀!無位的家長好心急呢=-=!

作者: elysion 時間: 12-11-21 22:46 標題: 回覆：在此呼籲有幾個offer喺手的家長⋯

放了寶血am，希望想入的有機會補上。

作者: sallyksleung 時間: 12-11-21 22:50

回復 may273815238 的帖子

I have the same planning as u too...but suddenly struggling ....Good PM offer vs Normal AM offer, how to choose? I also dont wanna make my son's lifestyle changed now cos he has very healthy lifestyle which I have used almost 2 yrs to set up......v.v

作者: lalamike 時間: 12-11-21 22:50

我囝都係暫時咩offer都無……
日日都好擔心
不過諗番轉頭
好在佢有讀n1(果間都唔係好差)
就算in 所有k唔得
都有本來果間back up
先開始有番少少希望

btw，樓主小朋友有無讀n1﹖
如有，留原校可以嗎﹖

不過，我都相信出年年頭應有位放出來
樓主都毋須太擔心住……

作者: Toffee888 時間: 12-11-21 23:01 標題: 引用：我囝都係暫時咩offer都無……日日都好擔心

原帖由 lalamike 於 12-11-21 發表
我囝都係暫時咩offer都無……
日日都好擔心
不過諗番轉頭

佢有讀N，因為只是本區N，要升K係冇問題，但如果K唔走，就變成了一個定局⋯⋯就是小學好難出去考好學校

我唔想K2才轉校，雖然大有人在，但我唔想⋯

作者: lalamike 時間: 12-11-21 23:10

回復 Toffee888 的帖子

明白，其實我囝讀果間都係區內kg咋
不過如真係無k1 offer
都要頂硬上啦
最多幼稚園果3年同佢出去學多d嘢
等升小時叩門啦
(不過，我真係好唔想咁……因為我係個懶mama)

作者: ohdearcarol 時間: 12-11-21 23:42

係啦, 其實我囝囝而家讀緊果間都ok,日日有英文普通話, 進度唔錯, 但唔知點解考小一就認真麻麻, 出去碰下運氣, 唔得罷就。

作者: melody228 時間: 12-11-22 00:09 標題: 引用：Quote:原帖由+lalamike+於+12-11-21+發表我

原帖由 Toffee888 於 12-11-21 發表
佢有讀N，因為只是本區N，要升K係冇問題，但如果K唔走，就變成了一個定局⋯⋯就是小學好難出去考好學校:thi ...

點解覺得要出面先有好學校？你果區真係一間都無？

作者: Toffee888 時間: 12-11-22 01:14 標題: 引用：Quote:原帖由+Toffee888+於+12-11-21+發表

原帖由 melody228 於 12-11-22 發表
點解覺得要出面先有好學校？你果區真係一間都無？

你有聽過＂系出名門＂嗎？出名啲KG，一講就知行緊咩課程，有保證嘛！區內唔會無書讀，係跳唔出框框而已

作者: Toffee888 時間: 12-11-22 01:16 標題: 引用：回復+Toffee888+的帖子明白，其實我囝讀

原帖由 lalamike 於 12-11-21 發表
回復 Toffee888 的帖子

明白，其實我囝讀果間都係區內kg咋

名幼叩門怎講也較村幼的易！

作者: Toffee888 時間: 12-11-22 01:17 標題: 引用：係啦,+其實我囝囝而家讀緊果間都ok,日日有

原帖由 ohdearcarol 於 12-11-21 發表
係啦, 其實我囝囝而家讀緊果間都ok,日日有英文普通話, 進度唔錯, 但唔知點解考小一就認真麻麻, 出去碰下運 ...

就係跳唔出囉

作者: melody228 時間: 12-11-22 09:18 標題: 引用：Quote:原帖由+melody228+於+12-11-22+發表

原帖由 Toffee888 於 12-11-22 發表
你有聽過＂系出名門＂嗎？出名啲KG，一講就知行緊咩課程，有保證嘛！區內唔會無書讀，係跳唔出框框而已:thi ...

哦。你要有心理準備，到小學面試都係與同一班學生爭學位。n班爭唔到，k班仲未爭到，到小一只會爭得仲利害。

如果真係非入名校不可，除了寄多啲求位信，可以試下插班，如果小朋友表現ok同家長有誠意，相信你最終一定可以如願。

同埋我都想請教其實到小一面試，學校背景係咪比學生本質重要？因為我都有你呢個諗法，但唔想小朋友返學太辛苦，我諗緊選間區內名幼加埋家長栽培係咪到升小都可以keep住競爭力。咁至少小朋友返學近啲，多啲休息時間。

作者: Toffee888 時間: 12-11-22 10:45 標題: 引用：Quote:原帖由+Toffee888+於+12-11-22+發表

原帖由 melody228 於 12-11-22 發表
哦。你要有心理準備，到小學面試都係與同一班學生爭學位。n班爭唔到，k班仲未爭到，到小一只會爭得仲利害。 ...

我個人覺得，可以跳出這個框的，不是無，只係極少人。我親戚兒子，在區內讀到K3，因為父母栽培加個人實力（他的確非池中物）而成功考到英華！我只係覺得，想佢條路行得順啲，容易啲，個人實力也要有好環境好氣氛嘛！現在辛苦少少，希望將來大個冇咁辛苦

自問我絕不怪獸

作者: melody228 時間: 12-11-22 11:16

Toffee888 發表於 12-11-22 10:45
我個人覺得，可以跳出這個框的，不是無，只係極少人。我親戚兒子，在區內讀到K3，因為父母栽培加個人實力（ ...

haha, 一開始見你咁講我覺得你有少少怪獸架, 但大家為人父母, 我都好明白你驚自己做得唔夠好的呢種心情

我從來無谷個小朋友去上咩訓練班同講英普, 所以要我小朋友同一啲一出世就train up/本身天份好高的小朋友睇齊係好困難, 記得佢in n時真係一個offer都無架~ 但今年再in k, 有區內學校, 有九龍塘的學校, so far大部份都有offer. 所以我相信學校除咗睇小朋友train得叻唔叻, 都會睇家長理念同小朋友的個性作選擇的.

我暫時應該唔會要九龍塘的offers了, 一來未係最心儀, 二來亦覺得遠, 都好驚自己會後悔, 因為身邊親戚朋友都俾好多說話我聽。

加油啦, 相信你總會成功。

作者: Toffee888 時間: 12-11-22 11:33 標題: 引用：Quote:Toffee888+發表於+12-11-22+10:45+我

原帖由 melody228 於 12-11-22 發表
haha, 一開始見你咁講我覺得你有少少怪獸架, 但大家為人父母, 我都好明白你驚自己做得唔夠好的呢種心情

...

我唔怪獸，因為什麼playgroup，補品班也沒上過，我覺得咁細，出外走走，吸收知識不是更好嗎！？唉⋯這代家長和孩子也辛苦

作者: Toffee888 時間: 12-11-22 11:34 標題: 引用：Quote:Toffee888+發表於+12-11-22+10:45+我

原帖由 melody228 於 12-11-22 發表
haha, 一開始見你咁講我覺得你有少少怪獸架, 但大家為人父母, 我都好明白你驚自己做得唔夠好的呢種心情

...

謝謝你的鼓勵

作者: cycream 時間: 12-11-22 11:54

Toffee888 發表於 12-11-22 10:45
我個人覺得，可以跳出這個框的，不是無，只係極少人。我親戚兒子，在區內讀到K3，因為父母栽培加個人實力（ ...

明白! 你話讀名幼想小朋友路行得順d, 我就再加埋係我條路行得順d. 我有朋友係唔谷有學卷既kg讀,小朋友入咗dbspd. 真係會有人唔讀名幼入到神級學校喎, 但睇下背後係點情況, 小朋友係好smart,父母高學歷, 媽媽kln tong名小教英文,平時唔上好多課外活動,閒時去下科學館,太空館,軍事博物館, 郊外睇植物,出外旅行, 一切其實係遊戲中學習, 佢地真係非常強調愉快學習. 父母2個都係有心有時間有能力有方法去栽培個仔. 我自問真係無佢地咁叻, 唯有靠多d學校

作者: Toffee888 時間: 12-11-22 13:07 標題: 引用：Quote:Toffee888+發表於+12-11-22+10:45+我

原帖由 cycream 於 12-11-22 發表
明白! 你話讀名幼想小朋友路行得順d, 我就再加埋係我條路行得順d. 我有朋友係唔谷有學卷既kg讀,小朋友入咗 ...

好同意呀！同你一樣想學校輔助一下

大家條路好行啲

作者: Toffee888 時間: 12-11-22 13:11 標題: 引用：Quote:Toffee888+發表於+12-11-22+10:45+我

原帖由 cycream 於 12-11-22 發表
明白! 你話讀名幼想小朋友路行得順d, 我就再加埋係我條路行得順d. 我有朋友係唔谷有學卷既kg讀,小朋友入咗 ...

所以話，村校要跳出，不是沒有例子，係少啲啫

作者: patpatnicholas 時間: 12-11-22 17:11

Toffee888 發表於 12-11-22 01:14
你有聽過＂系出名門＂嗎？出名啲KG，一講就知行緊咩課程，有保證嘛！區內唔會無書讀，係跳唔出框框而已:thi ...

我都有過你呢個想法,但又好矛盾,又想個仔開開心心甘讀書...但開心幾年,上小一又追得辛苦,自己又唔係FTM,睇時上小學都唔知點好.......唉...
都唔知點好....

作者: Toffee888 時間: 12-11-22 17:45 標題: 引用：Quote:Toffee888+發表於+12-11-22+01:14+你

原帖由 patpatnicholas 於 12-11-22 發表
我都有過你呢個想法,但又好矛盾,又想個仔開開心心甘讀書...但開心幾年,上小一又追得辛苦,自己又唔係FTM,睇 ...

其實我之前都冇系出名門這想法，慢慢發現，原來填form時要寫父母咩出身（咩小學，咩大學）就知原來遊戲這樣玩！一樣才能的學生，會再分父母的母校對學校有無＂益處＂，父母系出名門，意味子女升有優勢，為名幼帶來更好佳績⋯唉！原來影響埋下一代

當我們利用出名學校時，出名學校也利用我出名！我們這些＂系出雜門＂的家長，是一個無奈的感慨⋯

作者: cycream 時間: 12-11-22 17:58

patpatnicholas 發表於 12-11-22 17:11
我都有過你呢個想法,但又好矛盾,又想個仔開開心心甘讀書...但開心幾年,上小一又追得辛苦,自己又唔係FTM,睇 ...

首先聲名我唔係慫恿人讀名幼, 真係條條大路通羅馬, 睇你想點行. 有d人一講讀名幼就等於唔開心上學. 其實小學中學我唔敢講, 幼稚園真係會辛苦到去邊? 辛苦既唔係返學本身, 係父母既其他催谷, 如參加n項課外活動/比賽/考試等. 而且名幼都有唔同類型, 有d係谷d, 有d係無咁谷, 可以視乎小朋友本身性格而去選擇.

歡迎光臨教育王國 (/)