教育王國
標題: 讀happy school的家長，你會點回應呢啲提問? [打印本頁]
作者: yellowtiger 時間: 12-11-18 07:38 標題: 讀happy school的家長，你會點回應呢啲提問?
我都buy happy school，但身邊太多朋友問我以下問題，令我有點迷失，請問你們可否分享一?
下?happy完三年上小學就唔方唔happy喇!
你點都要同佢補底，點解唔讀間深少少，對佢對你都好啲。
小朋友適應力好強，從細個比佢習慣深少少課程好啲，好過上小學先唔習慣多功課。
3~6歲係小朋友學習語文最好的時期，唔好錯過!
作者: yslgirl 時間: 12-11-18 08:14
兩面都無講錯, 只係睇你buy邊面
作者: AmandaBB 時間: 12-11-18 09:20 標題: 回覆：yellowtiger 的帖子
當我個仔讀k1,k2 讀咗2年happy school,係，真係好開心，少功課，冇評估。返學真係好開心，媽咪亞囝都冇壓力。k3幸運地轉咗間龍校。嘩。點解人地k3 咁多功課，咁多親子報告，。我亞囝返咗3個月。有2次評估，做咗2次親子報告。聽其他d媽咪講，佢地由k2已經開始多親子報告，做到佢地死下死下。但亞囝d同學真係好醒目。我同佢地傾計，問佢地d功課點做，佢地真係答到。雖然我嗰囝跟得有d辛苦，我都要日日同佢跟功課，但佢都好鐘意呢間學校。我都安慰d。
如選擇讀Happy School,就要係課餘學其他嘢。打下底。
作者: oooasis 時間: 12-11-18 09:55
條條大路通羅馬，世界上唔係得一種教學方式好。
happy school都好，學術深都好，只要小朋友性格適應，都是好學校。
作者: a328 時間: 12-11-18 10:05
本帖最後由 a328 於 12-11-18 10:07 編輯
Even happen school, if you are willing to spend more time with them afterschool also is also fine, reading, writing etc. Parent participation is more important. Please dun expect let your kid study is that school then you dun have to do anything.
My son is in attending PN which target happy learning, but I always read alot of books at home, I teach him ABC and eng and numbers. keep going, you will have the reward by their performance.
作者: bearwhat 時間: 12-11-18 10:14 標題: 回覆：讀happy school的家長，你會點回應呢啲提問
我諗讀間學卷學校點都要去補下，咩都5補，等到考小學都5知拎咩比人睇，就算收，怕都追5到，不竟人地k3已經教到p1..p2..
作者: KTP 時間: 12-11-18 10:20
是真的, happy school 好開心，少功課, 但好擔心上小學應付唔到.
作者: fostermak 時間: 12-11-18 10:40 標題: 回覆：yellowtiger 的帖子
或者看看張堅庭的文章，其實大家都在擔心讀happy school的話，就必定輸在起跑線
星級爸爸﹕太看重起點 必將失去終點
文章日期：2012年11月14日
【明報專訊】在網上看到網民對教育的一些看法，在此分享《中國歐美教育對比》﹕「中國﹕小學累、中學苦、高中拼、大學混。玩耍的年齡被迫學習，學習的年齡只想玩耍。歐美﹕小學玩、中學混、高中學、大學拼。玩耍的年齡就玩耍，學習的年齡才學習。小、中、高階段中國學生一般佔優，進入大學階段，歐美學生迅速超越。太看重起點，必將失去終點！」
「太看重起點，必將失去終點」這句實在可圈可點。我教會的一對夫婦，有一子一女，都在九龍某名校就讀。聽說女兒想轉校了，落筆前特意求證——他們生活豐裕，上下課有司機接送，已經省了很多交通時間，但媽媽一聽我問到功課考試，語調即變得急促焦慮。她說女兒回家洗澡吃飯後，功課要做到晚上10:30甚至11時才完成，翌晨6:45起，天天如是；沒有時間讀課外書，不能參與課外活動，星期天帶樂器通街走，打工仔父母舟車勞頓，筋疲力盡。她問老師點算呀？老師無奈說「我知呀，無辦法」；去問校長，校長回答說「這裏每個人都如是」。我問她女兒所學的用來做什麼？媽媽直言只用來考試，有些內容她當年中二才讀。
讀傳統校 母女齊喊苦
這位姊妹，在女兒升小時已努力適應，但四年過後終要撤退，轉到國際學校。我問小兒子一起轉嗎？她說不需要，因那老牌男校有IB課程，而且校長開明，功課不多。她嘆道公開評核試每三年一次，一年多前便準備，考完透過氣後又要開始操練。每一評核程序都是權力的表現，局方如是，校方如是，受害人是小朋友。
另一好友的女兒在另一名牌女校就讀，去年小學畢業後轉校。我問小妮子，她說開心開心開心多了。那麼開心上課，會否應付不了將來需要，考不上好大學？
上星期我收到小兒學校的周年籌款冊，詳細列明今年畢業生考進哪間大學，我仔細看過也嚇一跳，難怪說今年成績是歷年最好。
我不是得戚、示威國際學校有多好，只想說在大仔踏進漢基國際學校、老師申明功課不應多於半小時開始，便一直衝擊我，令我重新審視教育制度。這十多年我幾乎沒有因功課和他有矛盾衝突，只有一次因為老師說他上課雲遊而拍，後來我也自責，因為雲遊正是他的思考方法。
誰說少功課便考不入好大學？
我估計他的同學們也是在這種功課少、活動多、不斷互動下學習；到學校提供IB課程，我又開始了解那是什麼一回事，跟進到今年，大仔入大學，我相信自己有條件在這方面發言吧！漢基今年的IB畢業生約150人（據校方數字），到英國念書有24人，包括牛津2人、劍橋2人、華威1人、倫敦政治經濟學院1人、Durham 2人、倫敦皇家學院2人、UCL 6人。其實牛津應有3人入讀，其中一人是我兒子好友，但他最後卻到另一間在美國沙漠、聽也未聽過的Deep Spring去。
以上所舉大學都排英國十名內，還未計算到美國的學生。至於香港，有7人進了港大，1人在中大，科大則有兩名同學。我只希望校長、家長和老師知道，學習方法不一定只有操練、考試、死記，現在有通識了，但也有人開始以考通識、鋤通識作招徠。有如換了坐廁，仍要蹲在上面。
下星期我再整理漢基畢業生赴美的情，分析一下，讓父母知道少功課測驗考試，孩子們也能考進精英名校。
作者為著名導演，愛家爸爸，育有3名兒女
張堅庭
作者: lovecupid 時間: 12-11-18 10:46
不要太在意三姑六婆的意見。當你讀 hard school，又有人問你做咩攪到個細路咁辛苦....
happy school 和 hard school各有優劣。只要小朋友和家長都舒服就可以。
作者: jolalee 時間: 12-11-18 10:46
yellowtiger 發表於 12-11-18 07:38 
3~6歲係小朋友學習語文最好的時期，唔好錯過!...
作者: kaitathk 時間: 12-11-18 10:54 標題: 回覆：jolalee 的帖子
讚成
作者: P師奶 時間: 12-11-18 10:54 標題: 回覆：讀happy school的家長，你會點回應呢啲提問?
當然條條大路通羅馬，但有幾多家長有能力（和機會）送孩子進國際學校和留學外國？
我都buy happy school, 但還是擔憂升小後難以適應
作者: 小兔咕 時間: 12-11-18 11:11
其實教小朋友責任不是全在學校身上..
就算讀happy school 家長都可以同小朋友多閱讀, 知識不一定由做功課同測驗學番來嫁ma~
作者: jolalee 時間: 12-11-18 11:29
P師奶 發表於 12-11-18 10:54
當然條條大路通羅馬，但有幾多家長有能力（和機會）送孩子進國際學校和留學外國？
我都buy happy school, ...
作者: 小兔咕 時間: 12-11-18 11:53
本帖最後由 小兔咕 於 12-11-18 12:13 編輯
jolalee 發表於 12-11-18 11:29
如果只係擔心適應問題，咁好似樓主所quote: 小朋友適應力好強! 不過讀那類幼稚園會影響他讀那類小學，香港 ...
其實happy school 止教小朋友hehe哈哈既. 都有教佢地對面對困茌同品格方面既,同埋都睇小朋友性格.
我識有朋友,讀間happy k 入女拔,人地都跟到. 同時都聽到果間happy k 既小朋友考入其他直資頭半年要適應下, 下半年都完全無問題.
所以無一定既. 要睇屋企同學校點教.
作者: jolalee 時間: 12-11-18 12:04
agree
作者: P師奶 時間: 12-11-18 14:53 標題: 引用：+本帖最後由+小兔咕+於+12-11-18+12:13+編
原帖由 小兔咕 於 12-11-18 發表
本帖最後由 小兔咕 於 12-11-18 12:13 編輯
作者: Heyheyjoyjoy 時間: 12-11-18 15:44 標題: 回覆：讀happy school的家長，你會點回應呢啲提問?
我仔仔才考k1，冇實戰經驗。但我近日睇小學版的家長過來人分享，及其他子女讀小學、中學的分享，發現happy school只是少功課測驗，卻重啟發、自學，所以若小朋友一理通、百理明，前程無限，長大後亦會是最top的；若小朋友明唔到，長大後他的表現會比讀hard school的差，原因很簡單，因為hard school 會有無盡的操練，基本的知識一定較純熟。但好叻的小朋友入hard school，應付功課追求分數都耗盡時間精力，那有空閒去發掘考試以外的世界，所以最終會比happy school的叻人較差。因此兩類學校都可培育一般叻人，睇你的小朋友適合那類。
至於三姑六婆所講的都冇錯，不過聽後要自己分析，同老公共同決定，只有父母有權去代小朋友決定，到小朋友大d，就由佢自己決定，並承擔後果。
作者: 小小山 時間: 12-11-18 16:00
我只buy "3~6歲係小朋友學習語文最好的時期，唔好錯過!"
讀書讀得醒, 好過讀得耐. 重啟發緊要過背誦
作者: CatEgg 時間: 12-11-18 17:06 標題: 回覆：讀happy school的家長，你會點回應呢啲提問
我D朋友好成熟，唔會問呢D問題，so far佢哋對阿女讀緊的happy school 反應幾好添。。遇著唔熟的朋友問，咪hehehe咁笑著應佐算，佢又無份幫我教女，唔駛交代咁多吖。
作者: kufubaby 時間: 12-11-18 21:36
回復 yellowtiger 的帖子
其實答案應該在你自己心裡吧!
其他人的分享是其他人的想法, 如果你要參考別人的答案作為自己日後面對提問時的回應, 那不好吧.
請不要介意我的說話(我不是想批評你的意思), 所以不用介意別人的說話
作者: keemic77 時間: 12-11-18 21:41
每個小朋友都是獨一無二,A小朋友適合happy school/hard school唔代表可以應用到自己小朋友身上. 最緊要適合.除了你自己之外,無人更了解自己的小朋友.
作者: yankaka 時間: 12-11-23 16:21
keemic77 發表於 12-11-18 21:41
每個小朋友都是獨一無二,A小朋友適合happy school/hard school唔代表可以應用到自己小朋友身上. 最緊要適合 ...
同意!
其實小朋友同大人都讀得開心ge咪happy school囉!
我兒子(K2)的幼稚園未算是最深, 但都不是淺, 但教法靈活佢地學得開心, 功課不算太多每日兩樣, 不過係星期五的親子功課多(所謂親子都係家長做多架啦!), 不過我好樂意做親子功課, 因為我一定要去了解兒子在學些甚麼!
作者: irene_the_pooh 時間: 12-11-23 18:32
Heyheyjoyjoy 發表於 12-11-18 15:44
我仔仔才考k1，冇實戰經驗。但我近日睇小學版的家長過來人分享，及其他子女讀小學、中學的分享，發現happy ...
所以點解香港咁多學生好似比外國學生叻 (如果佢地中學階段去左外國)，但一去到大學真係要自己思考既時候，佢地就未必夠外國人黎！亦點解而家咁多老細覺得香港既大學生好幼稚、唔識諗野！
作者: elizatyy 時間: 12-11-23 20:10
Happy school 也可以是兩文三語做得很成功的!
作者: elizatyy 時間: 12-11-23 20:11
外國人可能覺得香港人無creativity
作者: picture 時間: 12-11-23 23:08 標題: 引用：Quote:Heyheyjoyjoy+發表於+12-11-18+15:44
原帖由 irene_the_pooh 於 12-11-23 發表
所以點解香港咁多學生好似比外國學生叻 (如果佢地中學階段去左外國)，但一去到大學真係要自己思考既時候， ...
top students in overseas universities are 90% non Chinese
作者: alovea 時間: 12-11-23 23:45
請問Happy School係咩呀?邊間呀??謝謝
作者: giting 時間: 12-11-24 00:11
我女讀緊happy school(N班) , 讀得好OK 
英文書中句子 ~
"It's okay to have a different nose"
"It's okay to be a different color"
"It's okay to have different kinds of friends"
已懂得講 , 自己在家教的 , 但含義應該得50%理解 
作者: szetoszeto 時間: 12-11-24 00:31
好開心睇到依個POST!! 我最近亦因為這問題走進死胡同!! 不停問自己同一問題!!
多謝大家啟發咗我...學到好多嘢!! 多謝
作者: gllam 時間: 12-11-24 00:36
大家有無睇過「作死不離三兄弟」？睇完你就有答案。
作者: super1984 時間: 12-11-24 01:37
CatEgg 發表於 12-11-18 17:06
我D朋友好成熟，唔會問呢D問題，so far佢哋對阿女讀緊的happy school 反應幾好添。。遇著唔熟的朋友問，咪h ...
因為已經準備左一舊錢俾個小朋友去外國留學, 自己手上又有幾層樓收租, 生意做多三, 五, 七年, 等到小朋友讀完小學就鬆人啦, 仲留晌香港顛咩. 公司請過咁多人, 又炒過咁多人. 由細已經父母狂谷, 十八般武藝樣樣有的又請過, 讀書唔叻, 但人生態度正面的, 又請過. 結果發現, 讀書唔叻, 人生態度正面的, 反而老老實實工作, 肯學習. 而那些出身名校的, 目空一切, 不如俾埋老闆個位佢地做啦, 教又唔聽.
作者: martialartsmum 時間: 12-11-24 02:17
學校校風好就ok la
作者: yybee 時間: 12-11-24 04:06 標題: 回覆：讀happy school的家長，你會點回應呢啲提問?
現今很多父母都只著重派位及成績，完全忘記左童年嘅可貴，而且教好一個小孩係父母嘅責任，不應依賴其他人。我為我仔選擇左happy school，見到佢天天快快樂樂上學，我覺得好開心，完全無擔心佢嘅將來。
作者: MrBeast 時間: 12-11-24 08:25
jolalee 發表於 12-11-18 11:29
如果只係擔心適應問題，咁好似樓主所quote: 小朋友適應力好強! 不過讀那類幼稚園會影響他讀那類小學，香港 ...
作者: MrBeast 時間: 12-11-24 08:34
答案好簡單，happy childhood 是將來奮鬥和解難的動力。
其實入較深的kg亦未必一定唔happy, 入happy kg如有額外的訓練上小一又未必有問題，主要都係睇父母的付出和有冇think/plan ahead。
作者: popobabyhouse 時間: 12-11-24 09:08
我好少理人點睇
反正我又唔係同人鬥
冇咩所謂
作者: flopsybunnies 時間: 12-11-24 10:02 標題: 回覆：讀happy school的家長，你會點回應呢啲提問
小女都係讀happy school。我有問過k3的家長, 都有說升小學時程度真的有點距離。然而人生路咁漫長, 要學的一生也學不完, 我希望的是小女在面對任何困難時也能有正面思考和解決的決心。這是我希望學校協助完成的。人言可畏, 記得忠於自己和孩子的心!
作者: hosuper 時間: 12-11-25 08:07 標題: 回覆：讀happy school的家長，你會點回應呢啲提問?
Happy or not 好視乎你自己的孩子。去到一D深既KG，如果讀得好，個小朋友有滿足感都好開心，而且習慣咗個模式，佢地根本唔覺咩問題。如果讀唔上，就慘囉。但如果讀傳統小學，「慘」是必然，睇幾時。
作者: lazyqueen80 時間: 12-11-25 23:17 標題: 回覆：讀happy school的家長，你會點回應呢啲提問?
學習有好多方法，我仔學校愉快學習，但重閱讀，有時做實驗，邊玩邊學，阿仔透過遊戲學野，放學返黎講水三態我知，有次屋企煲水，阿仔話你知唔知水滾出煙，呢D係水蒸氣，水蒸氣好熱，可以整熟食物，所以你要小心，呢D佢係學校做實驗學，佢習慣呢個模式學野，對身邊所有事都好有興趣，我覺得影響深遠。但我自己係屋企教好多中文英文字，寫同認，數學自己教生活有用果D，好似去買野教佢加減，每日睇書。
作者: amberpan7 時間: 12-11-25 23:26 標題: 引用：Quote:Heyheyjoyjoy+發表於+12-11-18+15:44
原帖由 irene_the_pooh 於 12-11-23 發表
所以點解香港咁多學生好似比外國學生叻 (如果佢地中學階段去左外國)，但一去到大學真係要自己思考既時候， ...
作者: super1984 時間: 12-11-26 12:24
amberpan7 發表於 12-11-25 23:26
我都覺，d鬼佬大學生的知識運用係"通"嘅，香港去留學的大學生大部份係死讀。
...
你讀研究院, 試下死讀吖.
作者: janho 時間: 12-11-27 10:41
我個仔o係藍田啟思讀N1至K3, 現在讀小一。
一返小學就做班長。
老師話好少見男仔會咁乖, 萬一佢做錯o野都唔捨得鬧佢。
在幼稚園時, 在班內屬中等程度的學生。
剛10月尾考試, 得全班第2。
我個仔從來無參加過任何學術性課外活動, 無補習. 無做課外練習。
父母都全職上班, 無工人。
所以考試只靠自己, 同埋媽媽幫手溫o下咋。
佢果班同學, 過半數考到心儀直資小學: 真道, 播道, 陸慶濤, 啟基等等。
另有協恩, 油麻地天主教, 軒尼詩道官小上午校, 李兆強, 基顯等等。
大部分同學都聰穎乖巧, 自理能力良好, 有禮貌, 自學能力高。
唔見得啟思同其他幼稚園比, 有任何輸蝕o既地方。
小一適應亦完全無問題。
作者: feiji 時間: 12-11-27 10:45 標題: 引用：我個仔o係藍田啟思讀N1至K3,+現在讀小一。
原帖由 janho 於 12-11-27 發表
我個仔o係藍田啟思讀N1至K3, 現在讀小一。
一返小學就做班長。
老師話好少見男仔會咁乖, 萬一佢做錯o野都唔 ...
作者: janho 時間: 12-11-27 23:05
唔使客氣，實在有太多人對happy school有誤解啦，所以用事實嚟證明就最好。
| 歡迎光臨 教育王國 (/) |
Powered by Discuz! X1.5 |