教育王國

標題: 有關小朋友學芭蕾舞 [打印本頁]

作者: Phoebe0434 時間: 12-11-17 22:04 標題: 有關小朋友學芭蕾舞

想請問有無小朋友已學了幾年或G1已上的家長是否值得花時間及心機去每年考試嗎？小孩本身是喜歡及上次考試都有丁，可惜佢興趣很廣泛. 所以想知再跳下去又怎樣呢!

作者: Phoebe0434 時間: 12-11-18 09:00 標題: 回覆：有關小朋友學芭蕾舞

0！這裡無這類家長？

作者: bbdou 時間: 12-11-18 16:40 標題: 回覆：有關小朋友學芭蕾舞

我兒現跳緊Grade 5, 由Primary 至今考試都是distinction, 他對芭蕾興趣極濃，同時亦有很多其他興趣，例如圍棋、音樂、閱讀，所以會繼續多方面發展。唔知你想了解乜嘢呢？

作者: Phoebe0434 時間: 12-11-18 17:09 標題: 回覆：有關小朋友學芭蕾舞

多謝你回覆，因為我兩夫妻都覺得跳芭蕾舞只是一種優美體態的興趣！但音樂，如彈琴是有助左右腦發展！運動有助身體排出"快樂素".因以上都要一年比一年更花時間，心機及金錢. 所以才出帖問過來人的意見.

作者: Chowying 時間: 12-11-18 17:41

一般上堂既都會考試, 其一考試費相對每月學費其實係小數目, 學校想留學生, 一般都叫學生報考﹔其二, 芭蕾舞上堂極大部分跟住syllabus 去教, 好少 free class 元素, 所以, 真係跟住跳又冇報考就sit 低. 老實講, 學跳舞將來真係用處不大, 純為興趣.

作者: bbdou 時間: 12-11-18 21:19 標題: 回覆：有關小朋友學芭蕾舞

我覺得芭蕾不只是一種體態優美的興趣。舞蹈（不只芭蕾）可訓練身體四肢的協調、加強音樂感和節奏感、增強自信、鍛鍊出恆心和毅力。起碼對我兒來說，芭蕾已不只是純粹的興趣，而是一個目標，而他亦正朝著這個目標努力。

作者: Phoebe0434 時間: 12-11-18 22:27 標題: 回覆：有關小朋友學芭蕾舞

本帖最後由 Phoebe0434 於 12-11-19 09:16 編輯

多謝你們的保貴意見！我所提及芭蕾舞是種體態優美的興趣-意思是這種興趣最獨有的優點是什麼？而你所講的有助四肢協調，就正是它的獨特性之一. 其餘所講的優點就好多興趣都有. 另一問題是一直再學下去會點呢？即係現實d講學完對個人有什麼特别作用？作為家長或多或少都想權衡輕重去選擇，如果小孩對多樣興趣都想學時，我就會考慮長遠去投放時間，心機及金錢是否值得呢！所以想問有同樣經歷的家長是用什麼角度去看？怎樣衝破我心裡的關囗？

作者: bbdou 時間: 12-11-19 09:31 標題: 回覆：有關小朋友學芭蕾舞

老實講，從經濟效益角度來講，芭蕾確是比較低，除非一路跳上去考埋教師牌做老師，或者再深造做專業舞蹈員，否則可能真係一D實際的用處都冇。
唔知你小朋友幾大呢？我兒嗰D興趣隨著佢慢慢長大而有所改變，五歲同七歲同而宜家就快十歳都不同，有的熱愛程度減低了，有的卻越來越鍾意，甚至有新的興趣冒出來。如果你小朋友仲細，可能佢自己都未清楚自己對某樣嘢係咪真係有興趣，所以家長要細心觀察呀。

歡迎光臨教育王國 (/)