教育王國

標題: 一個不知所謂的老師 [打印本頁]

作者: 333CHAN 時間: 12-11-17 12:02 標題: 一個不知所謂的老師

阿仔上中二,開學2個多月,最近兩個星期,都被學校罰留堂,我覺得有點不對路,主動聯絡學校問發生咩事,班主任話見見家長,當然好啦,
第二天放工時6:30,我兩公婆帶仔仔一起赶到學校,一進門,中(男)英(女)數(男)三位老師等哽我們,做為禮貌,我先saw sorry啦!還沒座底落來,女老師就高調八的豁佢"企過度,你冇得坐"阿仔本來都無意要坐,跟住又開始拉開桑門的講阿仔"阿XXX先生,你知唔知你咩事呀?",跟住聲音越來越高,樣子也越來越凶...,
我開始反感,做為一位為人師表的中學老師,咩行為呀...,阿仔不是犯法,不要用監獄審犯人的方式對佢,他只不是一個中二的學生,"犯錯"也是几日前的事(不是即場發生),不用大動肝火...,加上都1.6米高的中二學生,俾點尊言大家啦...,阿仔又不是在學校犯些大件事,只是平時好動型(控制不到自己),又多口,又多手,當然老師們都不鐘意啦
跟住我講返前几日學校旅行在外,好動的阿仔在外不听老師的指揮,指責阿仔的一,二,三...等事情,問我的看法,問得我,我當然要答啦,可能答題唔安她的心水啦,又開始串我...咩咩..點點教仔...,唔識點教育小朋友..我也開始火滾...,我今日是來鏗阿仔的個人行為,唔是來听你教訓我,每個人都有自己的教育方式,當然跟不到你的要求一樣啦..勞完阿仔又勞阿媽...,我心愣...仲話是咩訓導主任,我看似懲教署主任多點,一點做人的基本常識都無.
我擔心阿青春反叛期,對住甘樣的老師,不停的打壓佢...,打沉佢...,只懂罰不懂教的老師,擔心他麻木晒所有的懲罰,開始討厭老師...,討厭學校...,不再想再返學...
當然,自己的小朋友一定教,但學校甘樣對佢,我唔知點算好?...

作者: 701003 時間: 12-11-17 17:31 標題: 回覆：一個不知所謂的老師

快d揾一間老師極包容ge中學啦!果d學校犯法都唔使見學生家長，只call 999！令公子一定好開心，唔使控制自己，即興想叫就叫，想打就打，大把同道中人陪佢！果d學校只訓練老師自我保護！令郎早走老師早解脫

老師盡責，對學生品格有要求，恨鐵不成鋼，呢d真係地球上有責任有抱負ge教育工作者應有之基本態度！

作者: lovingyou 時間: 12-11-17 17:31 標題: 一個不知所謂的老師

本帖最後由 lovingyou 於 12-11-17 17:38 編輯

問題學校到處有, 唯有教好個細路.

作者: babeBBDoll 時間: 12-11-18 01:01 標題: 回覆：一個不知所謂的老師

太恐怖既老師，對小朋友咁差，對家長好似更差！

作者: 333CHAN 時間: 12-11-18 11:17

我都是冇辦法,講述承件事的經過,尋求大家幫助遮...,唔喜,勿插...,我已經好唔開心啦

作者: 701003 時間: 12-11-18 14:45 標題: 回覆：一個不知所謂的老師

旁人有咩幫到你？一味附和同情無補於事

只有你自我反省，做父母有無考慮過仔仔性格而選校？我仔係特殊小朋友，小學成績好好，但被大部分老師標籤為曳仔、懶惰，所以升中只選包容度高的中學，而非傳統好banding學校，中學4年來，老師偶有投訴，但無刻意標籤，已屬萬幸！
一個巴掌拍不響，有無自省當時自己之態度？做為已確實犯事之同學的家長，只能虚心受教及深刻反省，呢d就係我十年不斷見老師所得之經驗，為孩子護短，甚不智！唔想學校標籤為直升機家長，只有回家好好配合老師，教導小朋友，想辦法改正錯誤！

作者: lovingyou 時間: 12-11-18 16:31

老師當時用咩態度處事只有當事人先感受到，家長出聲唔一定就要係直升機家長，唔明問到清楚係應份，學生做錯係唔係鬧就係唯一一種解決方法? 對住家長都可以咁冇禮貌，要反省的話請老師行先，而家長就要諗下點同個仔溝通尋求改善方法。

作者: 333CHAN 時間: 12-11-18 18:50

多謝晒理解的朋友,講出成件事的發生不是為左縱容阿仔,遇上甘樣的老師,唔開心,同大家討論下,當然公開地方,大家看問題都會有些分其,難免
當時我們由頭到尾,無出過半句聲,由得她閙甘阿仔,加埋她更"興"...,目的是要"威"庶...,如果我再開口變左吵交...,我唔想在阿仔面前覺得阿媽幫住佢
自問我教仔都好嚴謹,阿仔不是所謂的港孩,8嵗就開始煮飯,10嵗會做簡單的菜,屋企冇游戲機,悶就踼boll,籃球,足球,球類都不差...,只不過阿仔青春反判期,不想太多的罰,好過用心的教而已.

作者: wingleema 時間: 12-11-18 19:51

老師都係人, 人總會有錯. 老師返8點, 每朝6點幾起身, 原本放5點, 等你等到6:30, 分分鐘7點先走得, 返到屋企還要改簿備課, 心情差就在所難免. 多d體諒, 亦小心不要讓小朋友知道你話他的老師不知所謂, 否則他將來不尊重老師, 有事就推責任在老師身上, 到時你便後悔了.

作者: redkoni 時間: 12-11-19 02:30

333CHAN 發表於 12-11-17 12:02
阿仔上中二,開學2個多月,最近兩個星期,都被學校罰留堂,我覺得有點不對路,主動聯絡學校問發生咩事,班主任話見見家長,當然好啦,
第二天放工時6:30,我兩公婆帶仔仔一起赶到學校,一進門,中(男)英(女)數(男)三位老師等哽我們,

從你的文字中我都理解到家長在這見家長事件後的氣忿感受，不妨先平心靜氣吧。唔介意我都想問，為何班主任見家長須要聯同中、英、數三主科老師一齊見？雖知黃昏6:30pm 應該是老師的私人時間，還要是三位老師的私人時間，我覺得某程度上老師們其實是很重視你們的case，但由於我們始終是塘邊鶴，我們在這裹是完全不知道所有發生過的前因後果，所以我們亂去評論對家長、囝囝、老師都是不公平，但我仍想說，用「不知所謂」來形容教緊自己子女的老師實在係好銀耳，希望你嬲完呻完後平心靜氣諗諗家長與囝囝之間溝通的渠道有無出了甚麼問題，想想老師的「訓話」之中有無出現過好的建議，「訓話」之中有無指責囝囝的弱點而是家長所忽略的，再檢討吓如何循循善誘反叛期的囝囝，這才是真正為囝囝應做的事吧，我隨口講聲支持你有幾難？也無必要浪費唇舌吧，just sit back and relax...哈哈。

作者: ANChan59 時間: 12-11-19 08:57 標題: 回覆：701003 的帖子

我都有同感，自己客客氣氣，通常反應都好好，而且最後的跟進行動的可操作性及配合度提升了。

作者: ANChan59 時間: 12-11-19 09:00 標題: 回覆：redkoni 的帖子

你提出咗我的疑問！

作者: Meikin 時間: 12-11-19 09:52

本帖最後由 Meikin 於 12-11-19 09:57 編輯

如果我遇上這情況, 聽到老師這樣喝罵自己的孩子, 也會心痛不已, 可能也有同樣反感的感受.

但平心而論, 縱使老師說話的態度和手法可能是訓話式, 不太令人受落, 但說到底都是為你的孩子好, 否則又何需三位老師大費周章呢.  有就如我成日同阿仔講, 如果阿媽唔關心你著緊你, 又何需咁勞氣, 唔理你由得你錯咪算數.  有時自己做阿媽氣上心頭, 教訓阿仔都會說了一些令人難受的說話, 何況是每天以一敵百的老師.

還有, 孩子在家乖巧, 並不表代他在學校也是如此, 有時他們在不同場合有不同的行為.  如果老師如此隆重其事, 事情可能並非你想像如此簡單, 也不要只聽孩子一面之詞, 他們為怕受責, 總是會將事情淡化.  當然也不是叫你責怪兒子, 最重要是跟他坐下談談, 了解事情, 也把老師(及大人)對事情的觀點跟他解釋, 令他明白在此事上他做錯了甚麼, 或態度有甚麼不對, 以後不再犯同樣的錯; 也要教他要尊重老師 (即使老師處事態度不佳), 聽到別人的批評, 不要第一時間反辯, 應先自我反省自己哪處做得不夠好不夠圓滑.  這才是幫助孩子成長, 面對自己不足及改過的辦法.

作者: pineapple0983 時間: 12-11-19 11:12

本帖最後由 pineapple0983 於 12-11-19 11:25 編輯

間學校中、英、數老師都一齊見樓主，班主任、校長、訓導老師等等角色樓主冇提到有冇在場；所以我估一係樓主好大面，個個都想見下；一係間學校 d 先生好得閑；一係件事幾嚴重下，要勞師動眾先壓得住場。

我覺得咁情形一係就要間學校去「就」個學生，一係個學生去「就」間學校。若「就」唔到，試下轉國際學校囉；可能個小朋友非池中物，讀 ed 學校只會限制佢發展都未定~

另外，有可能係個小朋友係特殊學生都未定，不過要驗先知。e種小朋友有時(壓力、興奮)會控制唔到自已；但個家長由細睇到佢大，已經習以為常，所以唔覺得有問題。(這只是猜測，樓主不要生氣)

作者: 333CHAN 時間: 12-11-19 11:54

多謝各位的理解及提點!等我平靜落來...,再過濾及反思吧...

作者: Sandy_Wong 時間: 12-11-19 17:48

相信你是一個有智慧的好媽媽, 加油!

作者: lsung28 時間: 12-11-19 20:35

做家長都好大壓力,加油!

作者: yaozhil 時間: 12-11-23 21:41

try complain

作者: 26102007 時間: 12-12-10 11:45 標題: 回覆：333CHAN 的帖子

睇開啲，有啲老師要面又要威，

唯有教個仔唔好同老師鬥，要俾面老師

作者: 囝囝mama 時間: 12-12-10 13:22

回復 333CHAN 的帖子

只好教囝囝適迎學校和老師!!!叫佢比心機讀書不要比老師睇死!!!在這裡跌到在這裡起身!!!越要讀好D書!!!

(阿Q精神他們沒放棄我囝囝!!!)

作者: Stillgood2 時間: 12-12-10 15:11

333CHAN 發表於 12-11-17 12:02
阿仔上中二,開學2個多月,最近兩個星期,都被學校罰留堂,我覺得有點不對路,主動聯絡學校問發生咩事,班主任話 ...

我們上輩有一句:-

忍一時之氣, 免百日之憂!

可能老師態度不是想像的. 但是否針對. 又或者, 老師不聞不問.
又如何?

現在的孩子有高IQ, 那又掛著口邊, EQ不足.
有機會訓練下EQ , 都唔錯呀!?!

作者: 安格斯媽媽 時間: 12-12-11 13:08

青春期還有很多野面對，小朋友情緒，朋輩影響等等，這可能少事，不要亂，加油！了解清楚，續一解決

作者: 333CHAN 時間: 12-12-11 14:47

再來一件有趣的事,英文默書38個字,錯6個,每個罰抄100次,足足抄600次...,哈哈...,中二的學生喲...

作者: Stillgood2 時間: 12-12-11 18:16

333CHAN 發表於 12-12-11 14:47
再來一件有趣的事,英文默書38個字,錯6個,每個罰抄100次,足足抄600次...,哈哈...,中二的學生喲... ...

如果, 係件咁ge事, 交番比小朋友.

作者: longlokma 時間: 12-12-11 18:29 標題: 回覆：333CHAN 的帖子

这样的教學法又似乎有点那个......有否研究过是個別老師的風格，還是學校真是抱著这种教學態度呢？

作者: oscarmama 時間: 12-12-11 20:33

如果學校教學方式係大量重覆或抄寫，好多小朋友尤其男仔係好抗拒。有可能咁樣令你囝囝覺得上課沉悶無聊，加上性格使然作出惡作劇行為，如你囝囝長久不適應，樓主應同囝囝一起商量吓是否需要轉校，最大前提係吾好令囝囝討厭學習。

作者: akys 時間: 12-12-13 00:28

要出動三師會審，應該不是單一事件。有可能他在上課期間經常做出一些行為妨礙上課。多口多手是不是駁咀或打架？有時候惡老師比什麼都不理，任你自生自滅的老師好！
如果沒有改善，下一次就應該是訓導主任或校長出馬，可能你要準備找學校了。

作者: apsm 時間: 12-12-16 17:30

提示: 作者被禁止或刪除內容自動屏蔽

作者: Meikin 時間: 12-12-17 12:12

回復 333CHAN 的帖子

我阿仔學校都是好興罰抄, 不準時交罰抄更是再罰抄double.......男孩子是討厭這種抄寫的工作, 就是這樣才會見效. 我都同阿仔講, 如果佢哋唔想俾人罰做這種又討厭又無聊又花時間的東西, 咁下佢次唔好多口, 唔好遲到, 唔好犯同樣的錯咪得囉.

其實默書改正罰抄多次方法雖是小學形式化多些, 但出發點是好的, 抄得多有助幫佢串字, 也令他們下次警惕要温好一些.

作者: yschau 時間: 12-12-18 09:13

Meikin 發表於 12-12-17 12:12
回復 333CHAN 的帖子

我阿仔學校都是好興罰抄, 不準時交罰抄更是再罰抄double.......男孩子是討厭這種抄寫 ...

我囡學校也是經常罰抄, 第一次老師會訂一個合理的份量, 如果有學生駁嘴, 態度不佳或繼續欠交便會一倍一倍加落去, 其實呢個方法幾好.

作者: Chole 時間: 12-12-19 14:18

分享一個讀名校嘅女仔嘅 case.

初小已經瞓地發脾氣，唔肯温習，家長覺得其他學生教壞佢，學校唔啱！尤其因為小一時兩間名校收咗佢，亞媽一直認為自己揀錯學校。

其他家長覺得呢個女已經係同級最差之一，唔覺得有人帶壞佢。

到小六個女仔直情當老師無到，去厠所唔返班房，上堂做自己嘢，傾偈 etc，總之攪攪震。所有老師應該係 come to agreement ，完全唔理佢，係當佢透明.....Um.... 老師緊張係好事，至少無放棄個學生！

歡迎光臨教育王國 (/)