教育王國

標題: 小女有言語障礙想轉校，請問邊間小學適合? [打印本頁]

作者: heidi901817 時間: 12-11-17 11:15 標題: 小女有言語障礙想轉校，請問邊間小學適合?

我女女今年上左小一，而家讀緊間學校無什麼支援幫到我女女言語障礙問題，同老師要求想見社工，但老師只覆我會跟進，好無奈。而且小女功課量好多，學校教進度好快，跟得好吃力了。同埋佢返學返得唔係咁開心，想請教有無媽媽可分享有什麼方法幫到小朋友？

作者: 已刪除用戶 時間: 12-11-17 13:11

首先, 你住邊區? 咁家長易suggest學校俾你
唔係咁多學校有安排下學期插班, 多數都係5月左右收下學期9月插班生, 所以好大機會小朋友都要o係度讀埋下學期
你當初揀小學, 有無同學校傾過支援問題? 唔係間間學校都肯幫手架, 好多就算講自己攪融合教育, 都係講一套做一套, 呃左政府舊錢就話之你, 我有朋友嬲到轉校後打去教育局問政府會唔會cancal返果舊資助架, 如果當初你係target地區名校, 就更加預左支援係零.......

作者: heidi901817 時間: 12-11-17 14:46

我小女係慈雲山讀緊，都不算是名校不過功課真係幾多，我有朋友佢個仔仔都同我女一樣，不過佢係九龍灣讀緊，人地已經有社工跟進緊有支援俾佢，但我女女就仲未有社工跟。我都知唔可以靠學校，但又真係比別人學習慢同吃力，所以先想轉校，我都知多數都要出年九月先轉到的。所以想問下有無媽媽可分享下九龍區邊間小學比較適合。

作者: hktkomama 時間: 12-11-17 15:17 標題: 回覆：heidi901817 的帖子

如果只要詞言遲緩，學校可能未必會安排見社工，如果有情緒的問題就可能有需要。另學校的言語治療師應已有評估，你可能要追下評估結果，有小組定個別堂。

作者: CrabPincers 時間: 12-11-17 15:35

Charlotte_mom 發表於 12-11-17 13:11
首先, 你住邊區? 咁家長易suggest學校俾你
唔係咁多學校有安排下學期插班, 多數都係5月左右收下學期9月插班 ...

不是所有地區名校都無支援的, 相反, 有D 好似好有口啤, 講到點好點好, 為求不被殺校, 入到去, 先知係個局

作者: smallfoothk 時間: 12-11-17 18:24

如果是英小,轉中小,找小班教學的更好,不一定九月先轉到的,好看學校有冇位,試自己寫信給學校或教署,還可以找區議員幫手,區議員知道邊間有支援的學校,佢幫手好過自己找

作者: heidi901817 時間: 12-11-17 22:47

感謝各位媽媽意見，我想想你們見議！謝謝

作者: annaanna 時間: 12-11-19 12:21

Charlotte_mom 發表於 12-11-17 13:11
首先, 你住邊區? 咁家長易suggest學校俾你
唔係咁多學校有安排下學期插班, 多數都係5月左右收下學期9月插班 ...

但舊錢落左人地袋，係唔會拎得番出黎呢..... CHEAP學校:;pppp:

作者: BigPig 時間: 12-11-19 13:30 標題: heidi901817 的帖子

天主教聖約翰

作者: olimo 時間: 12-11-19 19:19

只要是津校，其實每間都有支援。除非你在教育局那邊有晒file,否則基本上整個小一都在評估階段，到有治療已經是小二

作者: JHsbb 時間: 12-11-19 22:32

仲等學校咩, 自己去搵黎見啦, 但你本身係幼稚園時代無見咩? 我女都有問題架佢係發迫不正, 但見緊政府, 大約1個月1次, 返家幫佢練讀音, 連治療都話佢進度好快喎, 好少小朋友可以咁快跟到, 因為我個女係9個音都唔OK, 我女係3歲半開始見政府(今年5月尾開始), 見左6次喇

歡迎光臨教育王國 (/)