教育王國
標題: 想請問曾是小一學生的家長 [打印本頁]
作者: irenelwl 時間: 12-11-16 18:35 標題: 想請問曾是小一學生的家長
請問有沒有有些小孩初上小學成績很差, 但慢慢會好起來?
我女兒剛上小一, 我不想太迫他, 默書還可以, 但第一次測驗成績很差, 不知怎辦, 但自問他起步比人慢, 因為他在幼稚園時, 我沒有指導他溫書, 串字, 學校也不用默書測驗。
作者: welcomewoe 時間: 12-11-16 18:51 標題: 回覆：irenelwl 的帖子
我個仔今年都是小一，同你唔同，我會要他做好和溫習好，當然唔係好有壓力個種。黙書和進評一般都有9X分，如果你小朋友太差的話，你可能要改一改唔好放晒先，跟一跟睇下分別再算
作者: YolandaTam 時間: 12-11-16 21:12
我囡小一上學期中英文都唔合格, 而家三年級中文係TOP5, 英文80分左右, 喺佢學校算中等.
作者: irenelwl 時間: 12-11-16 21:21
我沒有放晒手，起初二個月他很抗拒英文串字，不太肯溫，現在好一點了。但因為他幼稚園時，我從未陪他溫習過 ，只有讀下故事書，所以他是乜都唔識個隻
作者: irenelwl 時間: 12-11-16 21:22
追得不錯啊，你花了很多時間下去，還是小孩慢慢習慣起來？
作者: YolandaTam 時間: 12-11-16 21:38
irenelwl 發表於 12-11-16 21:22 
追得不錯啊，你花了很多時間下去，還是小孩慢慢習慣起來？
你問我?
阿囡本身係鍾意讀書嘅, 只不過佢幼稚園同小學水準爭太遠, 所以一年級咪差囉.
中文科: 初初每日半小時伴讀, 三個月之後逐步叫佢讀到嘅自己讀俾我聽. 一年級暑假佢開始自己閱讀, 二年級中文科成績突飛猛進, 而家語文運用基本上唔洗理大致會啱9成以上, 只須要考前做一兩篇閱讀理解同聆聽就可以.
英文科: 伴讀情況同中文大致相同, 但係佢二年級暑假先至有信心自行閱讀. 而家係每日做少少GRAMMAR, 週末做星加坡出版嗰啲Comprehension.
作者: irenelwl 時間: 12-11-16 23:31
回復 YolandaTam 的帖子
聽到你咁講, 真振奮人心~~ thanks!!
作者: momama 時間: 12-11-17 07:59 標題: 回覆：想請問曾是小一學生的家長
我自己初小考默書都可以唔合格，而家有學士碩士學位，全部自己搞掂，咁又點呢？代表乜？你唔使理佢？人人唔同呀！
作者: Yorkie 時間: 12-11-17 10:49 標題: 引用：Quote:irenelwl+發表於+12-11-16+21:22+追
原帖由 YolandaTam 於 12-11-16 發表
你問我?
阿囡本身係鍾意讀書嘅, 只不過佢幼稚園同小學水準爭太遠, 所以一年級咪差囉.
作者: uuu571 時間: 12-11-18 12:02 標題: 回覆：irenelwl 的帖子
我個人覺得要適當地迫，因為小孩太細，未必會自律，但是又不用太迫，像怪獸家長。現在只是小一，target 中等成績就可以。還有就是你要有effective 的教法，可以另小朋友以最小的時間去吸收適量的知識。如有需要，可以試下揾補習。
作者: irenelwl 時間: 12-11-18 13:47
本帖最後由 irenelwl 於 12-11-18 13:50 編輯
回復 uuu571 的帖子
明白, 我都有比目標及要求佢完成, 但因為佢的程度比較低, 慢起步, 所以我不停同自己講要有耐心等佢慢慢上番黎, D段時間要忍受佢比別人差, 分數低。但有時自己會不自覺變得怪獸, 太迫他, 又怕會弄巧反拙, 令佢抗拒+入唔到腦。唯有一步步來, 心裡明白每個孩子資質不同, 但也會期望自己孩子有改善的一天, 相信這是每個家長也希望的, 那有家長想自己小孩不合格呢?
作者: ANNAFRIEND 時間: 12-11-18 15:25
irenelwl 發表於 12-11-18 13:47
回復 uuu571 的帖子
明白, 我都有比目標及要求佢完成, 但因為佢的程度比較低, 慢起步, 所以我不停同自己講 ...
我小朋友都係出自程度低的幼稚園, 活動教學, 輕輕鬆鬆冇壓力. 而小學就係一間傳統而有要求的學校, 學術程度深. 最初都怕追唔上, 但其實又唔係, 佢地會吸收到, 再加上家長幫忙, 其實係有意想不到的成績. 第一次測驗當取經驗, 第二次第三次就更好.
作者: AgnesMok 時間: 12-11-18 16:25 標題: 回覆：irenelwl 的帖子
我個仔都係，上月尾第一次總測驗全軍覆沒，中英數僅僅合格，常識仲唔合格
作者: 囝囝mama 時間: 12-11-19 10:27
回復 irenelwl 的帖子
你要加把勁!!!我個係细囝現在小二,還沒有起色!!!
你要加油幫吓佢!!現在小學也較深!!努力!!
作者: irenelwl 時間: 12-11-19 18:01
回復 囝囝mama 的帖子
我會盡力的了
作者: wsk7777 時間: 12-11-20 02:28
坊間有很多遊戲形式的網上練習，其中一些有學校及全港學生排名，起初跟他一起做，過了一些日子他會掌握到答題的技巧，家長在這時開始放手讓他們自己去完成，留意到他們有些進步，可以給予獎勵及讚償！不知不覺中孩子們已經比較同年齡的小朋友答題目快速些，漸漸小孩會對自己亦有要求，若達到這類效果，打後的日子家長亦無需要谷孩子讀書，他們會開拓自己的溫習方法。
作者: irenelwl 時間: 12-11-20 14:39
回復 wsk7777 的帖子
我有join dd internet的learning program 而學校都一定要佢做中文網上閱讀, 問題都一定要先處理左每天硬件功課及默書先, 我放工回來, 一天只有一個半小時陪他處理學校問題, 真攞命
作者: lyhv 時間: 12-11-20 15:07
irenelwl 發表於 12-11-20 14:39
回復 wsk7777 的帖子
我有join dd internet的learning program 而學校都一定要佢做中文網上閱讀, 問題都一 ...
作者: lsung28 時間: 12-11-20 16:14
要慢慢来,我阿B一年級上學期都唔合格好差,因為佢幼稚園同小學水準爭太遠, 所以一年級跟唔到,要慢慢适應.依家都有80幾分...我覺得不要太大壓力,我以前陪阿B一齊閱讀,他會開心好多.為你加油
作者: celiamum 時間: 12-11-20 17:18
本帖最後由 celiamum 於 12-11-20 17:19 編輯
我個細女都係幼稚園時..咩都唔係好識..今年小一第一次測驗...叫佢溫書...練字...慘過叫佢去死...未溫到10分鐘..已經話好倦..要訓覺...
我由得佢...佢唔想溫...迫佢都無用....
但測驗結果...令全家都喜出望外...
我估應該係佢平時上堂有留心..加埋我會對佢D功課...如發現佢有咩做錯...叫佢自己再睇多次...邊到有錯....自己更正....
平日夜晚...有時間的話...都會同佢做D網上練習...講下故事...會叫佢自己讀本故事書先......再由我講多次....
作者: wsk7777 時間: 12-11-20 22:26
視乎你們想開始時多付出，或是往後每年不斷增加付出的時間。本人會選擇在孩子年幼時打好基礎，多付出時間與精神去培養小朋友的自我溫習個性。
加入遊戲的網上練習，初小可盡量以簡單的＂每x一篇＂，目的是讓小朋友產生一種做題目是樂趣的感覺，當小朋友在全港排名有些提升，無論是500位升上490位置，父母都要立即表示讚償，給予孩子正面的支持，這些正能量正好是小孩子持續往這個方向發展的最佳幫助！（讚償是要真誠內心的，切忌看到很後的排名時，做出失望或不滿意的表情，相反地要加強鼓勵的語句！記得這是給孩子輕鬆的遊戲，是樂趣及開心的機會。）
作者: 傑西 時間: 12-11-21 06:09
回復 irenelwl 的帖子
我亞女都係,因亞女都讀深的幼稚園, 而且亞女叫會自己溫書, 諗住無咩問題,佢可以靠老本上到二年班,點知上次測驗中英文都唔合格, 可能係亞女未習慣考試,又可能是亞女間小學太深, 我個陣都好徬徨,我個女仲喊, 我 咪拿拿聲找專科補中/英文, 連續幾個禮拜係咁操, 今次考試中文同英文都上番八十幾分,個心都定d, 因為如果一開始就追唔到, 對小朋友打擊好大!!!
如果真係搞唔掂, 就快d搵人教+自己谷, 加油呀~~~~~~~
作者: 火柴人媽媽 時間: 12-11-21 09:22 標題: 回覆：傑西 的帖子
傑西，我仔同你很相似，諗住讀深既幼稚園可以夠用到小一上學期，但原來不是，測驗中英不合格，好擔心，現在日日做小小練習，加專科補習，希望一月考試會有進步！各位加油！
作者: Honey 時間: 12-11-21 13:45
本帖最後由 Honey 於 12-11-21 13:45 編輯
我仔讀happy幼稚園, 冇咩功課, 冇溫書, 冇串字, 亦冇默書測驗, 升上傳統地區名小學, 完全冇問題, 默書測驗考試成績都好好, 唔需要補習, 全部係我同c6放工睇功課同考試前2星期溫書。
小朋友上小學, 大部份唔知咩叫測驗考試, 第一次只當係預習, 唔好放係心上, 考試呢啲唔係考所學知識, 我自己覺得只係考小朋友小唔小心&技巧, 慢慢教, 下次有進步就得。
作者: irenelwl 時間: 12-11-21 15:17
回復 lsung28 的帖子
我女每晚都很期待睡前閱讀時間, 但前提我要他先好好完成當天功課
作者: irenelwl 時間: 12-11-21 15:18
回復 lyhv 的帖子
我跟學校介紹買, 但有點後悔, 因沒有時間做, 而且學校有免費的給他們練習
作者: yyy8182 時間: 12-11-21 21:56 標題: 引用：+本帖最後由+irenelwl+於+12-11-18+13:50+
原帖由 irenelwl 於 12-11-18 發表
依家我好enjoy佢不斷進步，我會同自己講，佢由一張白紙，到開始跟到進度，只係短短幾個月,佢都好叻吖。當佢熟悉學校模式，相信佢仲有更大進步空間。我覺得呢個滿足感仲大。
雖然輸在起跑線，但有耐心栽培，一定成功。大家都唔好氣餒，加油!
| 歡迎光臨 教育王國 (/) |
Powered by Discuz! X1.5 |