教育王國

標題: 龍校 [打印本頁]

作者: cclemon2009 時間: 12-11-13 14:45 標題: 龍校

今年幫個仔報學校，問左啲讀緊龍校的家長意見，發覺所有都只優先，有個讀k1，入左去老師話要考paper，吾得就收外校生。另一個上年四圍搵小學，原來直屬小學只收番1／4幼稚園生，少得可憐。又有一個讀緊K2，有啲後悔入左所謂優先升小學的幼稚園，入到去先知又係靠即場面試表現來定升小，而該幼稚園教法較新派，怕搵出面小學時幾會較低。
個個都想入龍校(包括我），可以吾洗煩，但是，似乎現實不是我所唸咁理想，好彩入到龍校當然開心，但被人foul 出來時，吾夠人競爭考其他小學，又煩，做現今家長真吾易，如果小朋友考到龍校offer 又考到有口啤的幼稚園offer，真係要考慮清楚。

作者: kufubaby 時間: 12-11-13 15:01

能具體講校名嗎?

其實宜家真龍無幾間 (E.G. 培正, 真光 100%收曬)之外,
其他(E.G.民生, 高主教,ST PAUL, 德望, 德貞, 宣道, 祟真...) 只係聯繫, 好多都講左小學唔係一定直升, 只是較有優勢.

作者: Vijoyce 時間: 12-11-13 15:09

得幾間係一條龍..
好多都係半龍..
要事先做定RESEARCH..唔好入到去先黎後悔

作者: fc1111 時間: 12-11-13 15:10

很明顯，你朋友根本沒有好好地在小朋友包括之前做足功課。連什麼是龍校，是不是龍校還沒搞清楚就以為是龍校。。。同名的不一定是接龍的（例如聖羅撒）；1/4可升的也不是龍校，那叫聯繫學校（例如浸幼）；優先升小學，在考進去幼稚園之前，就應該弄清楚怎麼個優先法，大約多少%（例如民生）。

作者: cclemon2009 時間: 12-11-13 15:22

KCS，崇真，浸幼

作者: cclemon2009 時間: 12-11-13 15:28

無論半龍定接龍，[優先]兩字都比左人一個希望

作者: yslgirl 時間: 12-11-13 16:37

老老實實, 有得優先都好過咩都無, 不過通常那些學校都不太谷, 大把人讀果d學校都會出去學野來加強學術基礎, 如果唔係, 即使那間小學收返您小朋友, 您都會擔心銜接問題, 因為通常小學都谷....

作者: kufubaby 時間: 12-11-13 16:51

本帖最後由 kufubaby 於 12-11-13 16:52 編輯

回復 cclemon2009 的帖子

有希望有優勢點都好過無. 但家長及小朋友都要努力, 唔可以單憑入左真龍/假龍就咩都唔理.

事實上, 真龍有真龍問題: 如學生能力成績一般及因為無壓力就鬆懈, 但都可以直升, 咁你覺得學校質素有保證嗎? 龍校只是另家長升小升中唔使煩, 唔代表好及適合自己小朋友. 另外, 如龍幼教學及課程只配合其龍小, 除計分制派位, 那考其他直資私小又是否足夠?

如果家長的教學方針不是全倚靠學校, 課餘後小朋友都會從不同地方增進知識, 那真假龍已沒有什麼所謂了吧!

作者: winnietingting 時間: 12-11-13 16:57 標題: 引用：+本帖最後由+kufubaby+於+12-11-13+16:52+

原帖由 kufubaby 於 12-11-13 發表
本帖最後由 kufubaby 於 12-11-13 16:52 編輯

回復 cclemon2009 的帖子

我識有2位家長，培正小學小二轉校，小朋友如追不上，轉走亦是好事，以免打擊小朋友信心和學習興趣。根本學習是漫長的。

歡迎光臨教育王國 (/)