教育王國

標題: 囝囝對playgroup有陰影，group interview時放音樂即喊，點解救？ [打印本頁]

作者: 晞晞爸b 時間: 12-11-12 15:58 標題: 囝囝對playgroup有陰影，group interview時放音樂即喊，點解救？

本帖最後由晞晞爸b 於 12-11-12 21:29 編輯

亞仔之前曾經返過某九龍塘幼稚園讀playgroup
當時可能俾西人鬼婆把聲(大大聲&有小小惡)嚇親..
鬼婆第一堂已經話明俾佢會用呢種語調同小朋友講野咁先可以教到小朋友規矩
因為我當時第一次帶小朋友返playgroup.我唔知d playgroup 係咪都係咁..所以無覺得唔妥.之不過當時有少少覺得既西人鬼婆大大聲講野會唔會嚇親d bb.但見其它家長唔人出聲就算..

可能亞仔第一次返playgrounp又唔慣見人講野大大聲..
所以次次去親playgroup 都喊
搞到我都唔好意思次次中途要抱亞仔出班房以避免妨礙其它BB及家長...

個10堂playgroup 返完之後我覺得效果不大就無再去玩
本以為呢件事就此算

但近排幾次interview我同我太太陪亞仔進去in 既時候
一對一in 既時候佢就好正常
但逢親遇到d 學校係in group interview既, 到果part老師一放音樂考小朋友動作及反應既時候.亞仔一定即刻扁嘴 + 3秒後即喊..去in Victoria係咁.學之園又係咁.總之原本in 得好地地既.只要一開音樂唱英文歌佢就即喊...

但好奇怪..我平時屋企都有叫工人姐姐放D英文兒歌俾佢聽.佢又無事

我同我老婆估.可能因為佢之前返playgroup 既時候俾西人鬼婆講野大大聲嚇親
可能佢group in 既時候一聽到放音樂就即刻想起返playgroup d 唔開心既野

請問有無家長既小朋友係咁? 有無解救方法?

作者: Joiv 時間: 12-11-12 17:21

聽音樂﹑跳舞﹑唱歌....是所有幼稚園日常都做的事，你仔仔無返過PN嗎？

作者: 晞晞爸b 時間: 12-11-12 17:37

Joiv 發表於 12-11-12 17:21
聽音樂﹑跳舞﹑唱歌....是所有幼稚園日常都做的事，你仔仔無返過PN嗎？

未.
來緊12月3號先返PN插班 (他是2010年11月尾細B..就來滿兩歲)

作者: hkbabe 時間: 12-11-12 23:31 標題: 回覆：晞晞爸b 的帖子

如果你已經停止咗嗰個pg，再黎就唔好再報鬼婆，起碼你知佢驚乜而喊，相信非鬼婆pg都一樣enjoy。我仔都係咁，見鬼講英文必喊，見人講英文好地地。

作者: 晞晞爸b 時間: 12-11-13 10:54

hkbabe 發表於 12-11-12 23:31
如果你已經停止咗嗰個pg，再黎就唔好再報鬼婆，起碼你知佢驚乜而喊，相信非鬼婆pg都一樣enjoy。我仔都係咁 ...

明白 & 謝謝!
但現在去interview PN 及 K1既時候一開音樂即喊..俾老師印象分扣晒及衰硬都無符....唔知有無辦法解救?

作者: bopui0607 時間: 12-11-13 11:02

你有冇friend又差不多年紀既小朋友 ? 多d一齊一邊播音樂一邊玩.

作者: pisontam 時間: 12-11-13 12:04

AGREE~~可否營造相似既環境,但就係同其它相熟既小朋友/大人一起,搞多幾次,令佢忘記左之前唔開心的,只記得開心的??

作者: hkbabe 時間: 12-11-13 19:25 標題: 回覆：晞晞爸b 的帖子

試吓傳統d既幼稚園，相信in既時候靜態d，唔會一黎就打鑼打鼓嚇親。有d小朋友甚至大人係性格慢熱屬觀察型，唔可以夾硬9秒9突然叫佢變成交際能手。就算俾你入到好活動教學既幼稚園，適應到還好，搞唔掂分分鐘夜晚發惡夢，仲頭痕。

作者: 晞晞爸b 時間: 12-11-14 00:18

好多謝bopui0607，，pisontam 及hkbabe你地幾位保貴的建議！
我會試下，thank you all so much!

作者: hkbabe 時間: 12-11-14 09:26 標題: 回覆：晞晞爸b 的帖子

加油！

作者: hastalavista 時間: 12-11-14 11:27

搵幾個小朋友朋友仔, 一齊去你屋企, 開歌仔扮PLAYGROUP....
之後呢, 過幾日去另一個朋友仔屋企, 輪住自製PG

歡迎光臨教育王國 (/)