教育王國

標題: 請問點教小朋友講故事? 有好的故事班介紹嗎? [打印本頁]

作者: CM0804 時間: 12-11-12 15:26 標題: 請問點教小朋友講故事? 有好的故事班介紹嗎?

如題. 謝謝!

作者: giannapoon 時間: 12-11-12 16:11 標題: 回覆：CM0804 的帖子

教講故事嘅補習班有冇我就唔知，不過小女係自己學校參加過兩年講故事比賽，K2時攞第二名，今年入咗圍未決賽。不過我無同佢特訓，只係由佢1歲開始晚晚都同佢講故事，有時用故事書，中英都有，有時我同佢一齊自創故事，我哋有一個故事由兩歲幾時開始創作，到宜家囡囡5歲都仲創作緊，故事人物跟住阿女一齊大㗎！不過阿女有上英文話劇班，玩咗兩年，公開表演過4次，(所謂公開表演只係劇團租個場比學生表演，觀眾只要家長)佢好enjoy因為真係好好玩，上堂時只係聽故事之後扮演故事人物，又唔使做功能，不過有時要背下台詞，完全無壓力，又可以訓練自信心，幾好㗎！家長都好開心，因為睇佢哋表演有好多蝦碌嘢好鬼搞笑！

作者: giannapoon 時間: 12-11-12 16:21 標題: 回覆：giannapoon 的帖子

你講故事比你小朋友聽時要七情上面仲要扮埋聲，潛移默化，耐啲你試下同佢玩故事接龍，開始時你講多啲，可能只係比小朋友作個結局，慢慢哋你講少啲，等小朋友講多啲，無論佢作成點，完全唔合羅輯都好啦，你都要比正面嘅反應佢，因為故事內容唔重要，最緊要提高佢講故事嘅興趣，千其唔好話咁作唔得咁講唔啱，由佢自由發揮，漸漸哋小朋友會有興趣去講故事，而且定會越講越好！以上係我自己嘅經驗及愚見，希望幫到你啦!

作者: cwclsh 時間: 12-11-12 18:31

講故事都要上興趣班黎學!??? 咁咪個個copy哂老師既風格?
只要由小聽媽媽講故事便自然懂! 唔好咩都俾錢人賺喇!
最好既老師就係你喇! 加油!!

歡迎光臨教育王國 (/)