教育王國

標題: 請讀緊或將會入讀的家長分享 [打印本頁]

作者: tszlambb 時間: 12-11-10 11:04 標題: 請讀緊或將會入讀的家長分享

聽朋友講，又一村學校D老師流失率好高，老師年資短;
請問，讀緊的或將會入讀的家長，你地有冇concern?
學校商業味道重嗎？

是否有好多(不知名的)雜費，donations 要交？
課外活動費用多少？是否必定要參加？或要參加不少於一個的課外活動？

作者: 菲比bb 時間: 12-11-11 15:47

我都想知

作者: fannyshing 時間: 12-11-11 20:58 標題: 回覆：請讀緊或將會入讀的家長分享

雜費每年交2次…分上下學期~學校就無咩其他野要額外比錢

課外活動係自願性參加架

我大囡已經K3喇…三年都無參加過

作者: bb媽0米 時間: 12-11-12 13:04

本帖最後由 bb媽0米於 12-11-12 13:10 編輯

係呀講得冇錯,呢間學校D老師的確經常轉人,我亞仔前年K3的兩個老師,今年走左1個,之前教佢K1同K2的老師已經全部走晒!!!亞女呢,上年教佢K1的兩個老師,今年又係走左一個.....

新老師年資短唔出奇,因為8月尾家長會時見到D老師個樣大部份都好細個.咁講真年資短唔代表唔好0既,呢到D新老師其實都OK,係有時問佢野答得唔太清楚,但相信教小朋友方面應該OK.

之前呢到都有POST講過點解D老師走得咁勁,一來因為校長要求好高,成日鬧人啦,二來呢間學校好多人事問題(我都係問返走左0既老師架咋),D主任唔係靠實力升職而係靠擦校長鞋,上到位之後就蝦新人,仲有校務處個伍姑娘聽聞都好西利,D老師係背後叫佢做"校監",話佢乜都要管乜都要理.

當然啦,學校的是非我地做家長0既唔需要知太多0既,當花邊新聞去聽LOR,但如果因為呢D原因而令好多有經驗的好老師走晒,我覺得點都對學校的聲譽同教學質素有影響.

亞仔響到讀左3年都好開心,所以我都俾亞女響呢到讀書,諗住可以見返之前教亞仔的老師,佢地都可能教返亞女,點知K1返去已唔見晒之前熟口熟面的老師,除左環境唔同(多左新校),原來連d老師都唔同晒!

呢到除左要交雜費之外,學校旅行要交錢啦,商業味我唔覺得重,都係要收一d普通的費用,亦唔需要籌款.

課外活動係自願參加的,唔參加絕對可以,唔會強迫,放心!

作者: MicFred 時間: 12-11-12 14:05

回復 bb媽0米的帖子

同意, 我大仔果間老師個個到上左年紀, 仲個個都肥o都o都, 哈哈....可能係工作無壓力, 睇得出校長唔進取. 我鐘意有進步的學校, 但又唔鍾意人事太複雜.

作者: bb媽0米 時間: 12-11-13 09:04

MicFred 發表於 12-11-12 14:05
回復 bb媽0米的帖子

同意, 我大仔果間老師個個到上左年紀, 仲個個都肥o都o都, 哈哈....可能係工作無壓力, ...

哈哈所以老師年輕唔代表唔好0既,起碼有幹練D,行步路都快D啦!咁經驗方面就冇法啦,靠累積啦!

其實呢,我真係好希望學校可以珍惜一D有經驗的好老師,學校出得起錢請人,但唔代表一定請到好老師返黎,經驗永遠係最值錢0既!我眼見呢到好多老師做左1-2年就走,流失真係幾嚴重,我唔信對教學質素會冇影響,新老師冇經驗,一定要由一班老到的老師去帶領,舊老師走晒,邊個帶新老師?唔通響到做滿1年0個D就叫有經驗呀??

老師係一間學校最重要的資產,可惜呢間學校似乎唔多重視呢樣野,老師做得唔開心當然會走,問題究竟響邊?校長在唔在乎人手流失咁嚴重?定係抱住"要走就走啦,我0米又請過D新人返黎"的心態呢?

我俾亞女黎呢到讀K1,真係諗住之前教哥哥的老師都好好,想佢地教返亞女,點知原來佢地已走晒,講真我有D後悔架!

又一村老師加油呀,好多家長支持你地架,開心D啦!!

作者: MicFred 時間: 12-11-13 10:49

咁依家果批新老師，你个人覚得如何？

作者: bb媽0米 時間: 12-11-13 12:56

本帖最後由 bb媽0米於 12-11-13 12:57 編輯

今年呢批我冇全部接觸過呀,上年教亞女K1的有1個是舊的,1個是新的,舊的那個一定好過新那一個,解釋得詳盡D,同埋俾到好多意見你點去教小朋友,新老師都好有耐性去答家長問題,但可能始終唔夠經驗,講D野都比較簡單同表面,但睇得出對小朋友係OK的!!

至於今年亞女K2,都是一位舊老師夾一位新老師,因主要都係舊老師聯絡我,所以我對新老師的印象唔係太深,要睇耐少少時間先!

唔知其他家長又點睇呢?

作者: yellowtiger 時間: 12-11-13 17:00

回復 bb媽0米的帖子

如果老師的流失那麼高, 為何你仍推介此學校呢? (我都很喜歡此學校，但如果老師經常轉，實在有點保留)，請分享，謝~~

作者: bb媽0米 時間: 12-11-14 09:01

yellowtiger 發表於 12-11-13 17:00
回復 bb媽0米的帖子

如果老師的流失那麼高, 為何你仍推介此學校呢? (我都很喜歡此學校，但如果老師經常轉 ...

因為亞仔之前響到讀左3年,D老師流失冇咁嚴重,亞仔讀得好開心,所以我繼續俾亞女響到讀書.

今年亞女K2了,佢都仍然話返學好開心,好鐘意返學,只係我覺得學校多左好多新老師,少左D親切感JEI!

不過課程方面,我覺得好似比以前深左,亞仔讀K2時寫的字簡單D,小朋友容易掌握D,依家K2已經要寫D筆畫比較多的字,可能對某D小朋友黎講會困難D,同埋家長一定要開始跟功課.

加上之前覺得又一村環境真係好好,校園大,空氣又好,不過......起左新校之後學校收多左好多學生,感覺上環境迫左!

點解我仲推介呢間學校?因為站係家長角度,校長的確係一個親力親為的好校長,事事以家長為先,同埋又一村的老師都好有耐性同愛心去教小朋友,小朋友返學真係好開心0既!

至於老師流失嚴重的問題,好采0既係老師通常會教足一年先走,即係當小朋友升左班之後,唔見晒舊年D老師咁LOR,我諗對小朋友影響唔算好大,係對學校發展影響大D,始終有經驗的老師走下一個走下一個,邊個去帶領新老師呢?

作者: boboyobe 時間: 12-11-14 09:45 標題: 回覆：bb媽0米的帖子

想問下你小朋友讀全日or 半日，其實我報全日的，但收了我下午半日，考慮了幾日還是比了留位費。打算申請返全日，因我兩個小朋友孖仔，而又有阿哥在九龍塘返學，你可否分享一下係咪k1下學期先教寫字架，同埋學校的英文程度如何

作者: yellowtiger 時間: 12-11-14 10:29 標題: 回覆：bb媽0米的帖子

好多謝您嘅分享，聽完您講都放心啲! 請問您大仔讀小學適應有無困難? 您兩個小朋友返全日定半日班? 如果有得重新選擇，您會否仍讓他倆讀又一村??? 很多問題，sorry!! 但真心想知多啲

作者: bb媽0米 時間: 12-11-14 12:13

boboyobe 發表於 12-11-14 09:45
想問下你小朋友讀全日or 半日，其實我報全日的，但收了我下午半日，考慮了幾日還是比了留位費。打算申請返 ...

我亞仔返全日,因當時亞媽幫我湊,唔想亞媽太辛苦,所以俾亞仔讀全日.不過亞女K1開始就讀半日,因請左工人下午可以湊佢放學,加上哥哥依家讀小學,哥哥放學時亞妹已做好功課訓梗下午覺,唔駛攪住哥哥做功課麻!

全日係好難入架,因得好少位,你有排等呀!英文程度方面,每日都有外籍老師上英文堂,不過好老實如果淨係靠學校教,並唔太夠,始終小朋友留響學校的時間唔算長,所以課後我會幫佢報下英文班,學下PHONICS.

作者: bb媽0米 時間: 12-11-14 12:22

yellowtiger 發表於 12-11-14 10:29
好多謝您嘅分享，聽完您講都放心啲! 請問您大仔讀小學適應有無困難? 您兩個小朋友返全日定半日班? 如果有得 ...

大仔升小學D功課多左,開頭佢的確好唔慣,加上小學要默書同考試,佢唔太慣架,不過慢慢適應左就冇問題,有我同爸爸幫佢適應麻!其實又一村的程度係可以涵接到普通程度的小學,即係如果你升左一D出名功課多,程度深的小學,就會比較辛苦LOR!始終又一村係著重愉快學習麻!

大仔幼稚園讀全日,細女就半日.

如果有得揀,我都仍然會俾佢地讀又一村0既,我對呢間學校暫時都算滿意呀,老師流失太多當然要留意啦,但只要唔係一年內轉幾次老師,都OK 0既,咁我都希望校長關注下呢方面0既問題,錫多D老師,唔好俾太大壓力佢地啦,佢地已經好盡力架啦,始終愈多有經驗的老師任教,對小朋友的學習絕對係好事,對學校發展都係啦!

作者: bee918 時間: 12-11-14 12:25

bb媽0米發表於 12-11-13 12:56
今年呢批我冇全部接觸過呀,上年教亞女K1的有1個是舊的,1個是新的,舊的那個一定好過新那一個,解釋得詳盡D,同 ...

隻BEE舊年亦係一個舊老師帶一個新老師. 個人覺得新老師picked up得好快, 老師也好鍚D小朋友.

作者: yellowtiger 時間: 12-11-14 14:57 標題: 回覆：bb媽0米的帖子

我都有心理準備上小學要適應，聽你咁講都ok喎，其實如果愉快學習可以養成佢地喜歡學習，可能對佢地應付小學都有幫助

你小朋友有無參加學校的興趣班?我問左學校，430~530有興趣班，完左有校車，非常體貼的安排!!! 有咩興趣班推介呀?

作者: CHIHIMNAM 時間: 12-11-14 15:55

回復 bb媽0米的帖子

bb mame,

thanks for your share!!
我決定仔仔2013到又一村

作者: hotin2010 時間: 12-11-14 18:06 標題: 回覆：CHIHIMNAM 的帖子

我都決定比我小朋友都讀又一村

作者: kkestherbb 時間: 12-11-14 23:41 標題: 回覆：請讀緊或將會入讀的家長分享

我女女都會2013讀又一村K1, 上午班，你地呢？

作者: yellowtiger 時間: 12-11-14 23:53 標題: 回覆：bb媽0米的帖子

今日聽朋友講好多雜費，有無讀緊家長分享下每月exactly要比錢錢(全日/半日),謝~~

作者: CHIHIMNAM 時間: 12-11-15 08:42

回復 kkestherbb 的帖子

Hi kkestherbb,

Yes, also AM class~~
we will be classmates!!

作者: CHIHIMNAM 時間: 12-11-15 08:43

回復 hotin2010 的帖子

hi hotin2010,

you will be am or pm?
I will go register tomorrow morning~

作者: hotin2010 時間: 12-11-15 10:31 標題: 回覆：CHIHIMNAM 的帖子

我PM，我係第一批收信上星期比左留位費，寫信睇下可唔可以轉上午?

你囝定囡?我個係7月仔。

學校超大，好鍾意，我個朋友仔讀緊話ok

作者: CHIHIMNAM 時間: 12-11-15 11:50

回復 hotin2010 的帖子

我是6月仔, am class, 明早會去交留位費, 我又係好中意學校環境

作者: bee918 時間: 12-11-15 12:46

yellowtiger 發表於 12-11-14 23:53
今日聽朋友講好多雜費，有無讀緊家長分享下每月exactly要比錢錢(全日/半日),謝~~

...

"多雜費" 意思是'多種雜費", 還是雜費很貴呢?
收費來說, 基本上是學費+書簿+茶點的雜費.
校車, 課外活動, 課外活動之後的校車, 學校親子旅行另計.
正常上課時間出外, 如參觀博物館, 交通安全城之類免費.

全日班學費約4萬一年(11個月), 扣除學卷後連雜費, 好像平均一個月要付二千多, 要回去看看手冊

作者: yellowtiger 時間: 12-11-15 14:28 標題: 回覆：bee918 的帖子

謝!! 那麼'茶點雜費'每月幾多? 因為我朋友就每年這項雜費要成六七千蚊

作者: kkestherbb 時間: 12-11-15 17:33 標題: 回覆：CHIHIMNAM 的帖子

Hello !我個係8月女，明天爸爸去交留位費

作者: CHIHIMNAM 時間: 12-11-16 15:44

回復 kkestherbb 的帖子

今早去了交留位費, 同面試日一樣, 安排好順暢, 有問題又即刻揾負責人解答, 令人好放心~~~

原來2013/3月就正式註冊, 仲會影埋學生相

作者: kkestherbb 時間: 12-11-16 17:57 標題: 回覆：CHIHIMNAM 的帖子

Good ! 一齊做同學仔
我c6 10點幾去到，話2mins 搞掂
3月註冊可能又係爸爸去搞，因為我個細b係3月預產期

作者: camaychim 時間: 12-11-22 14:55

我女係今年k2新生, 上學期雜費$1246元正
半日班扣除學卷每月學費$809元正(當中包括每月茶點費$170元正)
我搭埋校車, 車費$800元正
我冇參加課後活動(多數活動都係$950/十堂), 冇參加學校旅行(去粉嶺浸會園每位$100, 大小同價)

以上價格只供參考, 只係唔明點解會有人要每個月比幾千蚊, 我好似半年先要比幾千咋喎... 唔通學校收平左我

希望學校唔會向我追數啦~

作者: CHIHIMNAM 時間: 12-11-22 15:35

camaychim 發表於 12-11-22 14:55
我女係今年k2新生, 上學期雜費$1246元正
半日班扣除學卷每月學費$809元正(當中包括每月茶點費$170元正)
我 ...

Thanks for your share, camaychim, very useful info.

作者: giyim 時間: 12-12-6 12:27

CHIHIMNAM 發表於 12-11-15 11:50
回復 hotin2010 的帖子

我是6月仔, am class, 明早會去交留位費, 我又係好中意學校環境 ...

我個都係6月仔, AM CLASS ^^ 交左留位費, 如其他冇驚喜, 暫時決定係讀又一村呀~ 因為學校環境真係幾好, 口啤都好~ 係聽人講課程淺D, 不過我會俾佢出去再上補習班~~

作者: Khloe 時間: 12-12-6 18:04 標題: 回覆：請讀緊或將會入讀的家長分享

我阿女會係2013年上午班，真係好想知又一村係唔係真係好似有D媽媽講，老師流失率高，每年都有新老師及換班主任原因係校長出名嚴，要求高，係唔係真嘅？有冇仔女讀緊的可以同大家分享下呢？Thankyou!

作者: pochario 時間: 12-12-9 17:34 標題: 回覆：請讀緊或將會入讀的家長分享

每年都一定唔同老師㗎喎。因為升左班老師就唔同左㗎啦。同埋啲同學仔都未必3年都一樣。基本上每班只會抽其中5位小朋友留係原本班別(e.g. A,B,C.......)其他就撈去其他班重新分配。

作者: pisontam 時間: 12-12-17 18:34

HELLO,

我係11月仔 PM CLASS呀, nice to meet u~~

作者: 菲比bb 時間: 13-1-17 14:12

我囡囡係11月出世，收咗pm
唔知點解我身邊d媽媽唔喜歡這間學校，我都好想知唔喜歡教學或是其它。有無可以講我知

歡迎光臨教育王國 (/)