教育王國

標題: 有何辦法？小女聽到"老師"兩字很抗拒！！ [打印本頁]

作者: ling3699 時間: 12-11-10 04:25 標題: 有何辦法？小女聽到"老師"兩字很抗拒！！

已見了兩校，未知結果。還有5間未見，但跟小女提及去老師到玩即話唔好，十分抗拒！打後仲有5間要見，各位靚媽，有咩辦法？(之前見兩間都哭。。。。

)

作者: gllam 時間: 12-11-10 07:46

叫 "teacher"

作者: Horace_b 時間: 12-11-10 07:54 標題: 引用：已見了兩校，未知結果。還有5間未見，但跟

原帖由 ling3699 於 12-11-10 發表
已見了兩校，未知結果。還有5間未見，但跟小女提及去老師到玩即話唔好，十分抗拒！打後仲有5間要見，各位靚 ...

女女無上N班？係細b? 我仔係11月細b，舊年d面試都死死地，最後好彩N班讀緊間學校有得升，今年再選兩間超心儀的報，報到就重讀做大仔。咁我今次就一早預備佢一陣面試做d乜，讚下佢一定做得好好，結果佢肯好好合作，出黎我同爸爸都讚佢做得好！

作者: ling3699 時間: 12-11-10 10:07

冇讀n班，自己凑。10年8月，中b, 平時ok的，上pg 都ok! 係面試就“窩可“

作者: yslgirl 時間: 12-11-10 12:29

比d佢like既食物佢話老師見您乖請你食既.

作者: may0928 時間: 12-11-10 12:29 標題: 回覆：有何辦法？小女聽到"老師"兩字很抗拒！！

我女有返學都不喜歡老師

作者: flopsybunnies 時間: 12-11-10 13:49 標題: 回覆：有何辦法？小女聽到"老師"兩字很抗拒！！

玩吓扮老師遊戲

作者: breadbb 時間: 12-11-10 14:01 標題: 回覆：有何辦法？小女聽到"老師"兩字很抗拒！！

之前有無用老師呢個稱呼嚇過佢？例如你番學咁做老師會罰你架等等可能小朋友心裡面就係老師閙人老師罰老師唔好
所以有d抗拒?會唔會係咁

作者: ling3699 時間: 12-11-10 17:17

回復 flopsybunnies 的帖子

可以一試,Thank !!

作者: ling3699 時間: 12-11-10 17:27

回復 breadbb 的帖子

無嚇過佢，其實她對陌生地方及人都好抗拒。。。更何況要面試及對答。。。好沮喪!!

作者: Miumiulab 時間: 12-11-10 19:13 標題: 引用：回復+breadbb+的帖子無嚇過佢，其實她對

原帖由 ling3699 於 12-11-10 發表
回復 breadbb 的帖子

無嚇過佢，其實她對陌生地方及人都好抗拒。。。更何況要面試及對答。。。好沮喪!! ...

我個女都會（佢係上pg都減三堂嘅小朋友），但我俾啲學校嘅簡介（上課嘅相片）佢睇，講話去參觀同玩遊戲同sir滑梯，同埋媽媽會同老師傾計，咁佢會有心理準備。同in多幾次佢會慣，亦睇到佢鍾唔鍾意間學校。希望幫到你。

作者: littleape0129 時間: 12-11-11 00:36

我囡其實都好怕陌生人, 未面試前其實我都打定輸數。但到目前為止 in 了四間，表演出符我意外之好，全部有答老師問題，而且快而對。
我喺面試前同佢講去學校玩，同老師（你可以話姐姐）玩問答遊戲，佢好喜歡。

作者: ling3699 時間: 12-11-11 09:54

會嘗試你們教的方法，thanks again !!

作者: maggiemai77 時間: 12-11-12 14:35

回復 ling3699 的帖子

其實如果你個仔性格系咁，就應該俾佢讀N 班，因為我仔仔之前都系咁，超怕陌生人&陌生環境，但上左N 之後真系好好多，宜家成只雀，對陌生人只要5分鐘俾佢warmup就可以了，其實同輩小朋友的相處系好重要！

作者: angelaywtang 時間: 12-11-12 14:58 標題: 引用：回復+ling3699+的帖子其實如果你個仔性格

原帖由 maggiemai77 於 12-11-12 發表
回復 ling3699 的帖子

其實如果你個仔性格系咁，就應該俾佢讀N 班，因為我仔仔之前都系咁，超怕陌生人&陌 ...

對我個仔冇用，佢從23個月開始讀樓下一間國際學校既playgroup, 日日三個钟，吾需要家長陪，老師評價佢好多野講，好活躍，以為佢social能力可以強點，到呢次interview佢25個月，都係照喊，照吾出聲。我軟硬兼用都冇用

歡迎光臨教育王國 (/)