教育王國

標題: 如果無校巴 [打印本頁]

作者: da001 時間: 12-11-6 18:11 標題: 如果無校巴

如果幼稚園無校巴,但要搭30分鐘車程,而那間學校又是一間好學校,你們會選嗎?
由於家裡仲有一個BB,咁應該點答大的個位細佬上幼稚園和返屋企?
請問有否過來人,可以提供解決方法?

好煩惱阿..

作者: dannyyau302 時間: 12-11-6 18:29 標題: 回覆：如果無校巴

好既幼稚園唔止一間，無奶油辛苦自己咁笨實。坐車半粒鐘都起碼十公里遠，託工人帶上學放心嗎?

作者: QQQme 時間: 12-11-6 19:28

校車真係我嘅選校首要條件... 校車可以駛到最近學校的地方上落車, 就算係禁區學校都可以申請permit的... 校車又安全又準時... 落雨日子又無的士...所以我係FTM+自己揸車都一定會搭校車, 學校門口好難停車架!!! 就算停到一陣, 唔通踢個囡落車叫佢自己行入學校咩...

作者: bu_mama 時間: 12-11-6 19:45 標題: da001 的帖子

自己唔怕煩送30min還可以. 但如果仲要帶多個bb 根本就唔適合讀呢間學校。長遠又辛苦又危險. 顶唔到幾耐

作者: vnghk0001 時間: 12-11-6 20:52 標題: 回覆：如果無校巴

所以報學校之前一定要諗定，而家放棄就覺得可惜。

作者: MicFred 時間: 12-11-6 22:08

只有你一人湊？我每天帶大仔搭半小時巴士返学，跟住返工，放学嫲嫲接，细仔係屋企工人睇。如果得一人會好辛苦。

作者: pakyin1108 時間: 12-11-6 22:13 標題: 回覆：da001 的帖子

遇著落大雨咁點算？大人細路長遠都辛苦，可以試下搵街車，或者行去校車上或下一個站得唔得？唔經你屋企啫，經過同區附近都好吖，行十分鐘都好過搭30分鐘車，大仔返左學你又坐車返屋企？夠鐘放學又帶埋細b坐車去接？如果返半晝來回都冇曬時間

作者: baby_2013 時間: 12-11-6 23:08

無校車，試下搵街車啦。。。

你趁返放學時間，走去校車／街車上落客個位到等，抄低車身既電話號碼／直情問司機，問下去吾去你想讀個間學校。。同埋可以注意下D EE／司機既態度，同埋小朋友上落車開吾開心。。

我自己就係甘做。。我囡囡都而家都係座街車。。。初初好擔心架，覺得校車安全D，好D，但無都無辦法。。。但而家座落，EE司機都好好，又平，我都好放心，加上，好多小朋友都座街車，相信大部分質量都係可以的。。

作者: Joiv 時間: 12-11-7 10:54

30分鐘真係好耐嗎？講真香港有幾大？下下學校係你屋企樓下好唔好？一年又有幾多天大雨到會令返學好難？如真係好好大雨，可能教育署都宣佈停課啦！今時今日，好幼稚園學位多難得，你今日放棄，選舉樓下3﹑4線學校，等幾年後再去同人掙好小學嗎？你真係對你的小朋友貢有信心嗎？好小學一係就有聯繫幼稚園或一條龍，你估係3年後再去掙，你機會有多大？
另，如果要3年抱2，就早應該預計到有今日的情況出現，起碼都要請一個工人或鐘點，even你是FTM。如果經濟上真係唔容許，就自己咬緊牙關過呢3年，你小朋友咁叻叻考到間好學校，就係因為你大人係運作上的安排不善，而被迫到3﹑4線學校，你覺得對佢公平嗎？？？

作者: vnghk0001 時間: 12-11-7 11:08

樓主仲有一個bb要照顧，唔只係大人問題要處理。

作者: pakyin1108 時間: 12-11-7 11:57 標題: 回覆：Joiv 的帖子

樓主話係好學校啫，又冇話係一條龍，幼稚園都要分到去3、4線，唔係掛，雖然我仔讀九龍塘學校，但我又唔會覺得屋企樓下d幼稚園好差，d細路一定唔叻，30分鐘車程話長唔長話短唔短，孭一個拖一個，上上落落，又未必有位坐，你估真係易呀，我仔讀左3年幼稚園，未試過因為大雨唔駛返學，通常都係因為打風，所以我同另一位家長都提議搵街車，或者行去附近校車會到嘅站，而唔係批評樓主唔請工人唔幫個仔

作者: kobecherry 時間: 12-11-7 12:12

你介唔介意公開屋企地區同學校名 ? 可能EK有好多家長會幫到你搵校車資料架.

作者: punlik 時間: 12-11-7 12:38

提示: 作者被禁止或刪除內容自動屏蔽

作者: BB成長期 時間: 12-11-7 13:39

提示: 作者被禁止或刪除內容自動屏蔽

作者: 小兔咕 時間: 12-11-7 14:03

如果係近都有不錯既學校我就不會去到咁遠讀, 我既case 反而係住既附近.. 全部都係d熱門學校。。。　個個係第2 區都要來讀.... 攪到我都唔知點算.. 我係大坑跑馬地果頭.. 我自己覺得中環半對我都好覺得好遠... 日日要我女塞上山我真係唔想. 有車呀自己揸都塞死啦!情願近近地番屋企比多d時間佢瞓下，同佢睇多2 本書

作者: marcuscyrus 時間: 12-11-7 14:20

如果點到點我覺得都可以考慮，以前大仔返n班都是沒校車，要搭幾個站地鐵再行下，有時我都要抱埋細佬一齊接送，可能平時d仔都跟慣我地出入要搭車，又ok 囉，不過都要睇家長心態，有家長覺得咁細個唔應該咁辛苦，我就覺得行下冇乜野，咁多年帶仔等校車我都係咁比其他小朋友d 麻麻爺爺公公婆婆話我點解要個細路自己咩書包，自己o既仔女捱唔捱得，自己衡量下

作者: da001 時間: 12-11-7 15:31

多謝各位回覆,真係人間有情,感動感動.

其實我都未諗定,係邊區和邊間就費事提啦,總之我個區唔近地鐵,幼稚園又可能要上山的.這區都唔係交通方便,如果大既返學,可能變成帶得個大既返學,又唔顧得到個細既,所以都唔知點揀學校.希望搵到間好學校又有校巴就完美了.否則,多謝大家意見,只好盡力搵街車LAW.

歡迎光臨教育王國 (/)