教育王國
標題: band 2頭的中中要轉為 " 英中"是否好難呀 ? [打印本頁]
作者: homme 時間: 12-11-6 09:53 標題: band 2頭的中中要轉為 " 英中"是否好難呀 ?
band 2頭的中中要轉為 " 英中"是否好難呀 ?
有沒有成功例子
作者: vincher 時間: 12-11-6 13:37
回復 homme 的帖子
英中直資得唔得?我兒band2，成功!
作者: homme 時間: 12-11-6 14:20
sorry, 我係想話 band 2 頭的中學想申請做 " 英中 " 是否好難 ??
作者: vincher 時間: 12-11-6 17:38
回復 homme 的帖子
非常難!除非有特異功能或識人內部認購!
作者: LML 時間: 12-11-6 19:24 標題: 回覆：vincher 的帖子
我想樓主是想問將學校變成英中，難唔難，我想要找校長或教育局答。
作者: smallfoothk 時間: 12-11-6 19:40
見post,小學是中文,聯糸中學是英中,第一次中一test英文科就見滿地紅
作者: vincher 時間: 12-11-6 20:22
本帖最後由 vincher 於 12-11-6 20:31 編輯
回復 homme 的帖子
那就看band2中中能收到8x%的band1生（我忘了確實數字）+教育局派人覌課，才決定能否轉英中!不過這已成歷史，而家沒這招了!
微調政策後，已非中中或英中的問題，而是該校開多少班英文班!
作者: khmama 時間: 12-11-6 21:15 標題: 回覆：homme 的帖子
只要下次2014年同2015年中一收生數據，每班可以收到85%(即29人)香港前列40%嘅考生，就可以開英文班。band2頭中中轉英中未必冇機會，只要係區內band1保險線就好大機會。
作者: ohnono 時間: 12-11-7 00:00
本帖最後由 ohnono 於 12-11-7 00:04 編輯
每七年可申請轉一次，即是是否加開英文班，加開幾多班英文班等等，若有唔合標準的，或退步的，教局亦會在視學後要求學校減開英文班。
上一次應該係2009視學，2010實行。在這7年時間內，各學校可各出奇謀吸引優質學生就讀。學校會在14和15年獲教局通知有沒有足夠全港升中學生前40%入讀(每一班最少有85%)，學校亦要採取相應行動，例如聘請合資格和聘請足夠的英文教師以應付日後加開的英文班，並向教局呈上轉英文班的計劃書，並2016年經視學報告認定有足夠資格後，在2017年將可推行獲批的英文班數目，所以有機會是全開英文班的。若相反的話，教局會要求學校減開英文班。
沒有實力的中中，最難的地方是學校怎樣吸引到全港升中排前40%的同學來讀。
作者: ydoris 時間: 12-11-7 09:22
D數真係好煩,不如舉個例,有全港40%前排既學生大約有幾多人.4中一,平均30人一班,咁要4布有幾多呢D英文夠班既學生入讀先可申請.另外係佢要收夠先申請未要等多人年?或者會否有某地區特別多呢D學生,所以英中會多D??
作者: ohnono 時間: 12-11-7 13:14
ydoris 發表於 12-11-7 09:22 
D數真係好煩,不如舉個例,有全港40%前排既學生大約有幾多人.4中一,平均30人一班,咁要4布有幾多呢D英文夠班既 ...
全港頭40%=58243 x 40%=23297人。比band 1組別的19220人多4077人，而這4077人就是所謂的band 2頭學生。
若以4班中一，每班30人計，4 x 30=120人。學校要收夠120 x 85%=102人是屬於23297人裡的學生裰可以全開英文班。
若拆開這102人的組成，可以100%全來自19220個band 1生。亦可部份來自這19220個band 1生，部份來自4077個全港band 2頭的學生。
如果收唔夠102個合資格的學生咁點呢？教局會以每班計算，即是30人一班，若收到30 x 85%=26個同學(來自這23297人當中)，中學就可以開一班英文班，如此類推。
至於你話要等多人年才有機會收夠學生開英文班，其實開英文班唔一定要等多人年，只是多人年較容易。現在的情形係大家都在搶好的學生，一係你公開試成績好好，吸引到屬於這23297個全港前40%內的同學來就讀(當然要7年內持續保持或甚至上升)，一係你嗰區跟本從來就唔夠band 1中學，以前大部份band 1學生要跨區的話，區內的band 2中學在學術條件成熟時就有機會吸納到這班學生。
英中多是因為區內學生總人數多，分三份之後，每一個組別都多，沙田英中多，因為區內學生多，band 1生數目自然多。除此之外，若有傳統名校或地區名校多的地方，正如沙田有曾記、沙呂、沙祟、沙循、沙官、出名的學校比任何一區都多，自會吸引到一班外區的同學在自行時跨入，同時本區的學生又唔願意跨出的話，會形成有部份band 1生派不到band 1英中，而派進一些受歡迎的中中，這些受歡迎的中中亦會因收到全港學生頭40%的8成半目標而好大機會在下一個視學年得到批準開辦英語班，甚至全英班。
相反有些地區band 1生多，但英中仍然是少的，例如過往的西貢將軍澳。過往區內除了英中少之外，那些英中吸引力亦不大，區內學生傾向流往外區的band 1英中。不過隨著將軍澳人口增多，但區外較有吸引力的band 1英中數目沒有增加，因而造就了區內受歡迎的中中能逐步吸納到部份不願跨區或被迫留區的band 1學生或有部份成績較好的band 2同學，在2009上一個視學年裡已有中中變成英中，也有中中能開辦不同數量的英文班，待下一個視學年到，將有更多的中中幾成全英中了。
作者: HappyEE 時間: 12-11-7 13:18
七年先轉一次, 咁係睇七年裡每年都要足夠全港升中學生前40%, 還是其中幾年就可以? 即係話今年開幾多英文班 = 下年直至2016年都咁多英文班????
作者: ydoris 時間: 12-11-7 15:25
回復 ohnono 的帖子
多謝咁詳盡既講解..吾講真係吾知.
不過有一點我真係好吾明,中中究竟有無限咩野科係一定要用中文教??有無準則??
作者: ohnono 時間: 12-11-7 15:58
HappyEE 發表於 12-11-7 13:18
七年先轉一次, 咁係睇七年裡每年都要足夠全港升中學生前40%, 還是其中幾年就可以? 即係話今年開幾多英文班 ...
直至第四、五年，教局開始將有那些學校收夠合資格的學生會通知中學(第一、二、三年教局唔會通知有幾多學生是前40%，學校只知有幾多band 1生、在幾多band 2生和幾多band 3生。當然如果你收足全部是band 1生就知一定是前33%，但你收到部份是band 2時，你就唔會知佢地是否屬於前40%。即係學校都是從第四年開始就會知夠唔夠資格開英文班。夠資格還需等視學報告的建議出才能決定，如果年年唔穩定的，我相信視學報告都會建議開少一班，若勉強開多一班，等如叫個band 2同學入band 1學校，可能會有反效果，到時出來的成績唔見得人嘅，隨時band 2頭都保唔住。)，讓中學研究是否會開辦英文班，若開辦英文班，怎樣招聘合資格和適合的老師，都要一一準備。待第六年經視學合格後，第七年就可以因應合資格的學生數量開辦英文班。
相反亦然，收不足合資格學生的，學校亦會預早收到通知，待視學報告一出，減英文班的情況就會出現。
這個制度每七年一次檢討，好讓學校有足夠時間作出準備。所以一但開辦了的英文班，就可開足7年，直至下一個循環。如果年年變的話，對學校和學生都沒有好處。
作者: ohnono 時間: 12-11-7 16:06
ydoris 發表於 12-11-7 15:25
回復 ohnono 的帖子
多謝咁詳盡既講解..吾講真係吾知.
作者: khmama 時間: 12-11-7 21:22
回復 ohnono 的帖子
些少更正, 呢個檢視機制係6年一個周期. 上次用2008年同2009年數據, 2010/11學年實施. 下次會用2014年同2015年數據, 2016/17年實施.
http://www.edb.gov.hk/FileManager/TC/Content_7372/edbc09006c.pdf
作者: senkawa 時間: 12-11-8 00:32
分析好詳盡呀! THX!
作者: homme 時間: 12-11-8 11:13
中中 想 轉英中真係難.
如果成功的中中真係勁.
要收到85% band one 生. 難.
會唔會有 d band one 學校降落band 2 呢
作者: ohnono 時間: 12-11-8 12:58
homme 發表於 12-11-8 11:13
中中 想 轉英中真係難.
如果成功的中中真係勁.
要收到85% band one 生. 難.
呢7%大約有4000個同學，如果平均分去全港18區的中學，每區可以有222人，足夠開6班英文班。若果以西貢將軍澳為例(因估計出年減少升中人數只有約100人，比起其他區的影響算是輕微)，平均有兩間band 2頭中中可以最少開辦總數6班的英文班，若有多70個band 1同學進入這兩間中學的話，這兩間中學已足夠有實力全開英文班。因此這兩間中學如果能一路保持這樣的成績，收生情況沒太大變化的話，相信在2016年好大機會可以全開英文班。
至於由band 1降落band 2，其實唔應該這樣說，只係cut了一班英文班，其餘的仍是英文班。九龍城的陳瑞祺喇沙和沙田的郭德勝都是由5班英文班減了一班，但因為2010/11年度，政府鼓勵推行縮班，由五班減了一班，變成四班，因此又可變回全英文班！
作者: ydoris 時間: 12-11-8 13:45
如果係咁,可吾可以將學校開幾多班英文班來定是BAND2頭,中,同尾呢?精英班是否=英文班?英語延展有無成效?英書英教先最正中,英書中教有無既呢??
作者: homme 時間: 12-11-8 15:15
所謂開英文班.
有些中中是有英文班. 兩班.
但是英文班都不是全部科目用英文書英文教.
(例如, 只是數學用英文書英文教,) 那麼都叫英文班咩.
其他歷史,科學都是中文書中文教. 但是中學就話個班是英文班.
那麼是這樣的嗎 ??
作者: ohnono 時間: 12-11-8 15:41
ydoris 發表於 12-11-8 13:45
如果係咁,可吾可以將學校開幾多班英文班來定是BAND2頭,中,同尾呢?精英班是否=英文班?英語延展有無成效?英書 ...
除了升中時的成績，有學校出現負增長的話，到最後的公開試成績可能表現極差都未定。以往有用公開試成績，包括會考和高考，現在就要用文憑試成績和入U率(如果有的話)。
精英班未必等同英文班，有學校有三班英文班，但可以得兩班精英班，亦可一班精英文、一班精數學。
英語延展只是對同學提供一些最基本和簡單的專科英語的認識，例如數學科較易推行，一些專有的名詞，專有的學術用語，讓同學不論在日後衡接新高中時或出來社會工作時都用得著。
至於英書英教，英書中教都是視乎同學的學習能力，英書中教只會拖慢學習進度，咁佢地考試又用返英文，但人家用相同英書，但用英教，用來英考，第一年可能分別不大，但三兩年後，效果截然不同。如果太勉強的話對學生和學校都沒好處。又如果同學不喜英書的，你用中教都沒用，佢跟本未能掌握到英語模式的表達技巧和方式，好容易弄考反拙，除了低分，還會做成抗拒學習！
作者: onepiece 時間: 12-11-8 15:48 標題: 回覆：band 2頭的中中要轉為 " 英中"是否好難呀 ?
我發現份文件好tricky 喎，講一大堆嘢做到好似只係徵調，但其實精結就是以下一句及其附註：
＂根據上述的框架,學校將不會再分為「中中」和「英中」6。＂
＂6. 隨著微調中學教學語言安排的推行,在高中階段,所有學校可因應學生能力和 需要,以及校本情況(包括教師具備以英語授課的能力以及支援措施),運用 專業判斷,決定非語文科目包括通識教育科的教學語言。＂
就是這一句及附註，EMI 就變成只是for初中，高中就可以好似我地舊時噤＂英書中教＂，唔知我有無理解錯呢？
我發現有中學雖然轉咗做EMI，但高中仍然全部用中文，唔知又係乜原因呢?唔知會唔會怕轉咗英文就要科科同band1學校一齊拉curve，令成績變差呢？haha..只是陰謀論。
作者: ohnono 時間: 12-11-8 15:57
homme 發表於 12-11-8 15:15
所謂開英文班.
有些中中是有英文班. 兩班.
但是英文班都不是全部科目用英文書英文教.
就算學校合資格開英文班，學校有權選擇個別科目用中文授課，以配合學生的程度和老師的訓練。你沒可能今年叫今年用中文教歷史的老師，明年抄左佢，換一個合資格用英語授課的老師。除此之外，我們作為家長就唔知姐，但作為學校，你估佢知唔知佢地收d乜野學生回來？有些同學，中文和數學超勁，但英文差，所以只能以band 2成績進入升中派位程序，若學校所收的同學中，佔一兩班是這樣的，你估學校夠唔夠膽全開英書英授！唔信？你可以到學校的周年報告，看看幾多所謂band 1、band 2學校的PreS1成績，你就明白！
作者: ohnono 時間: 12-11-8 16:08
onepiece 發表於 12-11-8 15:48
我發現份文件好tricky 喎，講一大堆嘢做到好似只係徵調，但其實精結就是以下一句及其附註：
＂根據上述的 ...
相反文科較困難，因為文科若頭三年是以中文學習、中文書寫、中文考核的話，到中四才開始轉英文較困難。但個別學科的選擇改為英書英授還可以，但全部改為英書英授，學生會覺得吃力。
作者: ydoris 時間: 12-11-9 09:07
香港地,英文好係好緊要.英書英教我覺得係要既,但一定要學生能力達標LOR~英文程度差,但其實學習能力好既同學,結果英文可以拖跨整個成績..心有不甘.我覺得呢類同學正正是BAND2頭那堆英文班學生..佢地吾係差,但又要係中文中學讀英文班,吾上吾落咁..剛過去既統測,我都深深睇會到利害...英文程度不足卻英書英教,結果一敗塗地,合格率奇低..學生還埋怨上堂吾知老師講咩...英文-吾係我地既主要語言,卻使用率奇高...教育局....下一部要點??仲要係小班處拉鋸而吾提升學生既程度....後果不堪...
作者: onepiece 時間: 12-11-10 11:57 標題: 回覆：band 2頭的中中要轉為 " 英中"是否好難呀 ?
好多人好執著英書英教，但英教唔等於會令英文進步，大家諗真D，例如講英文教Maths, 講來講去個老師咪又係用D好simple的英文，中學生聽了英文真係會進步嗎？反而你叫個學生用英文問Maths 問題，你估佢有幾大motivation問?結果唔識就只有返去搵補習。
我重視英書，因為中學學習詞彙會帶到大學用，網上資料亦大部分係英文，所以覺得英書重要。但我唔認同英教是必須，大家睇吓聖家是中文小學，但英文Pre-s1 成績咪又係有資料裏的全港三甲。諗深一層，會唔會係當局當年無辦法提高學生英文水平，先諗計話一定要英書英教，但家長又唔理解對大部分學生來講可能會壞處多過好處。我地常常講民主，但如果叫18歲以上學生（中學或大學）一人一票，估吓會多人讚成中學英書英教定英書中教呢？家長好多時都會將自己覺得好的加於孩子身上（我都會），但有時想返轉頭，自己覺得好唔等同真係好，亦未必係孩子最需要的。
（haha，不是主流的看法，通常都會引來好多傳統思想的人的評擊，不過主流看法是否等同正確呢？有些人知道不正確，但只係怕被人插所以唔講啫。我講得直接，又無修飾用字，只係有果句講果句，唔係想嘈交。）
作者: 杰杰媽媽 時間: 12-11-10 12:32
onepiece 發表於 12-11-10 11:57
好多人好執著英書英教，但英教唔等於會令英文進步，大家諗真D，例如講英文教Maths, 講來講去個老師咪又係用 ...
| 歡迎光臨 教育王國 (/) |
Powered by Discuz! X1.5 |