教育王國

標題: 阿仔唔肯食飯 [打印本頁]

作者: supercat919 時間: 12-11-5 11:46 標題: 阿仔唔肯食飯

阿仔點都唔肯食野，麵呀，飯呀！我可以點算

作者: yauman76 時間: 12-11-5 11:57

你小朋友幾大? 我囝囝之前都係咁, d姑娘話佢口肌敏感, 呢幾個月返學日日同佢撳口減敏&迫佢食唔同嘅嘢, 依家可以食餅餅等其他食物, 不過仲要繼續改善

作者: supercat919 時間: 12-11-5 16:56 標題: 回覆：阿仔唔肯食飯

點樣做？好麻呀，日日食飯都好似世界大戰

作者: owl_2046 時間: 12-11-6 15:55

佢幾歲先? 唔食飯咁佢淨飲奶? 粥仔肯食嗎?

作者: supercat919 時間: 12-11-7 22:57 標題: 回覆：阿仔唔肯食飯

小朋友歲半，每曰都要迫佢食，放咗d飯入口都會吐出來，但淨食奶又唔夠飽，成日扭計大喊，book職業治療又未睇得住，日日就開戰

作者: pinkdoll 時間: 12-11-8 00:07

本帖最後由 pinkdoll 於 12-11-8 00:10 編輯

supercat919 發表於 12-11-7 22:57
小朋友歲半，每曰都要迫佢食，放咗d飯入口都會吐出來，但淨食奶又唔夠飽，成日扭計大喊，book職業治療又未 ...

飯是指爛飯軟飯定飯? 食粥有冇問題呀? 會唔會未學識點吞固體呀, 你小朋友食唔食生果? 食蘋果蓉香蕉蓉 ok嗎? 不如, 你試下俾佢食米糊啦

你冷靜啲先, 唔好咁心急.

作者: carmenkwok50 時間: 12-11-8 11:25

我個仔1歲個時都係咁,日日食飯激到我想喊, 大左就會好D, 特別番左學之後好好多.

作者: BKVIP 時間: 12-11-8 14:30 標題: 回覆：阿仔唔肯食飯

我個仔仲衰，個時佢1歲左右。唔知佢上一世係咪皇帝，食飯一定要有歌舞助慶，仲一定要真人show, 佢睇得開心先食一啖，每次全家上下訓身表演都係為左佢食個几啖飯。

作者: 昊澄Parent 時間: 12-11-9 00:34

回復 BKVIP 的帖子

我仔仔，早輪都是這樣，只喜歡飲奶，又吾係吾舒服，後來每次食飯要一路玩佢喜歡的車仔，之後就吾比玩要食一啖飯仔才可玩，起初都喊到拆天，我老婆都比佢激死！又要和佢講想玩就食一啖先，一路講條件一路罵，軟硬方法出齊，搞了1個星期才食一碗仔粥.....
現在佢又喜愛了一路看iphone 播兒歌才一啖仔一啖仔食....都比之前食多左少少，但有時又吾食粥要食飯，有時又面才食，一歺要搞幾款比佢！！！現在都是飲奶為主。你試下比不同的食才如粥，面等等佢試下，又試下我以上方法方，反正唔駛錢！

作者: supercat919 時間: 12-11-10 17:17 標題: 回覆：阿仔唔肯食飯

其實阿仔由一歲食飯開始，已經食成個幾鐘，D飯已經煮到好林，但係佢都係唔肯放入口

，剛剛睇完職業治療，佢話唔覺阿仔有囗肌問題，佢問會唔會係偏食問題，但係我乜都試過煮比佢食，佢都無樣鍾意食，睇嚟我真係要慢慢同佢作戰

作者: pocoyo123 時間: 12-11-10 17:45

4歲前小兒極度偏食, 皮包骨, 都好得人驚, 今日, 嚴重肥胖, 太為食, 想減又減唔到, 所以, 世事難料, 不要太緊張, 慢慢來

作者: supercat919 時間: 12-11-13 13:52 標題: 引用：4歲前小兒極度偏食,+皮包骨,+都好得人驚,+

原帖由 pocoyo123 於 12-11-10 發表
4歲前小兒極度偏食, 皮包骨, 都好得人驚, 今日, 嚴重肥胖, 太為食, 想減又減唔到, 所以, 世事難料, 不要太 ...

希望好似你咁講，佢遲d肯食野！

作者: fongbau 時間: 12-11-20 10:12

試下做口肌運動先啦, 用果D小朋友未出牙時果D牙刷, 日日幫佢按摩一下, 等佢口部肌肉冇咁敏感；

食果方面, 你可以試可煲D好希既粥比佢試先, 質地近乎奶, 佢可能接受倒, 而且叫做有D米氣落肚, 叫做好D.
如果佢食倒好希既粥, 先至再循序漸進咁加多D米煲杰粥.......到佢再OK喇, 先再煲希飯.....之後先再軟飯......之後先再正常飯.......

我見過中心有小朋友, 由好希既粥到飯, 要成年幾兩年時間, 所以一定要好有耐性, 慢慢引導佢食, 唔迫得架.

歡迎光臨教育王國 (/)