教育王國
標題: 中學重推家政課救港孩 哭訴不懂吃橙 洗衫不知用洗粉 [打印本頁]
作者: elbar 時間: 12-11-5 09:21 標題: 中學重推家政課救港孩 哭訴不懂吃橙 洗衫不知用洗粉
http://news.mingpao.com/20121105/gfa1h.htm
「港孩」問題仍見於中學，有人不懂處理水果，參加童軍露營時哭訴要吃家中「已搣好一片片」的橙，使用洗衣機洗衫時又不知道要添加洗衣粉。為培養學生自理能力，近年不少中學重推家政課，其中前身為工業學校的廠商會中學，去年更豪擲170萬改建家政室，新增家政課助學生踢走港孩問題。
開辦家政課學校數目回升
學生主要來自基層的廠商會中學，其校長麥耀光坦言，去年新增家政課其中一個原因，是為改善時下的港孩問題。因不少父母均為雙職家長，長時間在外工作，無法親授子女日常生活技能，「肚餓時煮個麵畀自己食都唔識」，故去年通過家教會及校董會成功開科，並籌集了170萬元將校內的木工室改建成全新的家政室。
家政室採用新式的設計，以淺棕色及白色為主色，簡潔光猛，並且摒棄了舊式的煤氣爐，改用電磁爐煮食。麥耀光表示，現時不少中學生未必懂得開啟煤氣爐，對於甚少入廚經驗的學生來說，電磁爐較為安全。他希望學生透過簡單烹調技巧、家事技能及針黹技巧，提升自理能力外，校本設計的課程（見另稿）亦教學生關懷身邊人，戒除港孩陋習。
家中有女傭 更要教自理
全港不少中學近年亦再推家政課，根據教育局資料顯示，初中開辦家政課的學校數目，曾於2009/10學年由340間減少至325間，但2011/12學年回升至341間，部分中學以「科技與生活」取代家政為科目名稱。
迦密中學同樣於去年進行家政室翻新工程，為位於校園頂層的家政室添置了冷氣設備，又購入不少新用具。校長龔錦添表示，時下中學生比從前更需要上家政課，因多數家庭均有聘請家傭，學生連基本的生活技能也未必有機會學，故該課有絕對的實用價值。他透露，試過有中一學生參加童軍露營活動，接過領隊教師遞上一個橙時，竟然哭起來，經教師細問，該學生說﹕「我唔係要這一種橙，而是搣好一片片可即時放進口的橙。」
家長花錢讓子女學掃地
龔錦添又指出，聽聞有家長不惜大花金錢，專程安排子女暑假時到酒店學掃地、執房等生活技能，屬「奇怪現象」，質疑應該從日常生活中學習。他表示，現時海外升學學生增加，擔心他們欠缺自理能力，「連吃水果都慣性有人服侍，莫講煮餐簡單的飯食飽自己」，故學校有責任教授有關技能。
基督教協基會屯門綜合青少年服務中心註冊社工李美英表示，中學生的自理問題一直需留意，主要為初中生。她解釋，現時很多雙職家長，「不少家庭都請家傭，難教子女生活知識」，加上科技發達令生活日趨便利，他們會認為無必要學，故近年青少年自理問題有惡化象，她舉例，有學生因長期使用八達通，不知道乘搭巴士原來可用輔幣。
作者: elbar 時間: 12-11-5 09:21
自編課程與時並進 教餐桌禮儀襯衣服
http://news.mingpao.com/20121105/gfa2.htm
開辦全新家政課的廠商會中學，由新聘任的家政課教師盧美霞為學生度身訂做校本課程，原因是該科的課程指引是1994年時編訂，不少學習範疇都過時，包括於現時家庭中已消失的衣車，於是校方另加入貼近日常生活的元素如餐桌禮儀、服飾配搭等。
盧美霞表示，該校家政課的內容設計，基本參考課程發展議會於1994年編訂、當時教育署建議採用的課程指引，經校本設計的課程已不限於「實物生產」，「唔再係單單煮一碟、織一條頸巾」，而是加入了不少實戰理論，例如出外用膳時應有的餐桌禮儀、面試時的服飾配搭等。
期末考設計一頓飯
另外，沙田崇真中學則將音樂、視藝及家政三科結合為生活藝術科，校長張文偉表示，課堂會將三科的特色及內容結合，活用於日常生活中，而學生於完成全年的課堂後，須設計一頓飯，「由食物配搭、地方佈置、進食時的配樂，都要一手包辦」，目的使有關科目更貼近生活，增加學生學習興趣。
作者: VV媽 時間: 12-11-5 10:44
亞女好想有家政科,
但學校冇開 
作者: Yanamami 時間: 12-11-5 10:59
搞禁多做乜呢? 係屋企幫手做呢做路咪識o羅. 我朋友仔, P4/5已識炒飯俾阿媽食. 做乜都係要的起心肝.
作者: elbar 時間: 12-11-5 11:00 標題: 引用：亞女好想有家政科,但學校冇開++
原帖由 VV媽 於 12-11-05 發表
亞女好想有家政科,
但學校冇開
作者: 瑄婷 時間: 12-11-5 11:31
唉!咁普通的事又交學校教????
現在的家長想點呀????
家教是甚麼????
作者: like_travel 時間: 12-11-5 11:58
本帖最後由 like_travel 於 12-11-5 11:59 編輯
我個人很欣賞這一科，我囡既驚又喜，第一堂教煲水，第二堂教煎蛋，之後有肉丸菜湯。過程全部由學生親手製作
。平時我囡忙操水、温書、做project , 以前可以幫我做家務而家都無時間
，學校比機會佢地學煮飯都好!
作者: smallfoothk 時間: 12-11-5 12:52
有家政科,但佢連公仔面都不懂烹
作者: like_travel 時間: 12-11-5 13:08
smallfoothk 發表於 12-11-5 12:52 
有家政科,但佢連公仔面都不懂烹
作者: celiamum 時間: 12-11-5 13:38
咁我個乖乖算唔錯啦...識煮公仔麵.....仲會搽埋麵包比個妹食.....會幫妹妹沖涼...跟手洗埋條底底....仲會間中會幫手吸塵、拖地....
作者: 杰杰媽媽 時間: 12-11-5 13:39
咁我仔都算 ok掛，佢宜家都會幫我落野開機洗衫，晒衫，摺衫。童軍都教識佢用針線聯野 & 煎野。
應該唔算港孩掛。
作者: Yanamami 時間: 12-11-5 13:39
阿囡P5時我教晒佢洗/燙衫, 煮麵6菜煲飯削蘿蔔薯仔.....同佢講笑話讀書不成都做到家務助理呀~~~~
作者: ydoris 時間: 12-11-5 13:53
有梗係好過無啦,當年我都學下車衫,織頸巾.炒菜整西餅..(家務欠奉)..而家阿囡有呢科,佢入廚房整野食我會放心好多.佢每日放學返來都煮定飯等我炒菜,細囡9歲都幫我切菜,我好忙佢地會入來幫我手..熨衫就差D啦,可能形狀太多啦...熨到吾應該有骨既地方起晒骨..
作者: Meikin 時間: 12-11-5 14:06
等我下年底工人約滿後, 我就要積極訓練阿仔分擔家務, 第時老娑唔識煮飯唔燙衫, 自己都識做嘛, 求人不如求己.
作者: Meikin 時間: 12-11-5 14:10
話時話男仔識做家務識煮飯有著數㗎, 都會是女生考慮之條件之一. 我當年都是討厭煮野, 所以揾咗而家這位愛煮食的老公, 唔洗煩.
作者: Yanamami 時間: 12-11-5 14:15
今年9月中就無再用工人姐姐..佢都好生性...都主動叫我教佢做家務..分擔我工作..算係咁啦..
*******************************************************
無工人係易辦事好多.
作者: Snakemama 時間: 12-11-5 14:30
想自己的仔女唔做港孩好容易，父母要下放權力和責任，同時唔好做「百彈齋主」。
作者: 日常 時間: 12-11-5 14:35
我前天仲想開一個類似咁嘅topic，但偏偏隻右手整親痛咗兩日今日才好些，就比elbar搶先一步，下次手痛都照寫先至得！
我以前係學校又係好鐘意home economics，一上就成個下午不用"上堂"，又可以整嘢食真係好開心，整完又可以攞番屋企，最記得是學整pizza，scone同埋swiss roll，因為學識後時時都在家中整。
我女學校都好似有家政，不過好似分開兩team人，整嘢食都仲未輪到佢team人，佢都識做小小家務，洗碗，煎omelet早餐那些，不過佢一D都唔鐘意做，只喜歡整cakes，因為是她的至愛，佢亦很喜歡做needle work，我這兩天手痛就叫佢幫手洗碗，佢都有d用！
我覺得小朋友一定要學識做一些日常的基本家務，如果唔係第二時都唔知算。
作者: Yanamami 時間: 12-11-5 14:45
日常 發表於 12-11-5 14:35
我前天仲想開一個類似咁嘅topic，但偏偏隻右手整親痛咗兩日今日才好些，就比elbar搶先一步，下次手痛都照寫 ...
係架. 點都要識做d. 以前我有工人時, 佢都幾忌我. 事關佢知我無左佢都得. 我唔會俾佢吊起踢晒腳. 識做唔洗做, 同完全唔識做係兩回事. 如果有機會出國讀書, 更應識照顧自己.
作者: ha8mo 時間: 12-11-5 14:45
提示: 作者被禁止或刪除 內容自動屏蔽
作者: wyl 時間: 12-11-5 14:47
我囡比我有天份做家頭細務，佢好細個已經好中意去參加啲甜品班，烹飪班，仲次次都整好拎返嚟屋企請我食。依家中學都有家政班，佢好enjoy煮嘢食。因為屋企冇工人，只得個part-time嚟煮晚餐，佢好多時都係自己喺屋企煮公仔麵食。食生果剥橙皮，削梨皮呢啲佢熟手過我，依家都係佢切埋比我食。屋企吸塵抹地洗衫晾衫佢都識，我成日話佢雖然讀書唔係幾叻，但自理能力真係唔錯。
作者: chiu0128mama 時間: 12-11-5 14:51
回復 Yanamami 的帖子
Yes, 完全同意, 我仔5年級已懂得煮公仔面煎旦,而家中一識得煮意粉炒菜,我不在家都唔怕餓親.
作者: wyl 時間: 12-11-5 15:16
Yanamami 呢d女仔而家好少有啦....... 發表於 15 分鐘前
唔到佢唔做，因為屋企冇工人，我唔擅長做，亦唔會幫佢做，焗住佢要自己做。
作者: 日常 時間: 12-11-5 15:20
記得早幾年前在教會聽女拔(中學)校長講talk時，她當時曾經講過話帶些學生出外國時，發覺到她們有些連煲水(用電嗰隻)都不會，當時我就想我的女兒一定不可以這樣。我現在成日同佢兩個講，連最基本嘢都不懂做讀書再叻都冇用，你估請個工人返嚟就可以攪掂！都仲要自己識得做然後仲要用好多心機去教識佢，仲勞氣過教女幾十倍！
作者: like_travel 時間: 12-11-5 15:39
本帖最後由 like_travel 於 12-11-5 15:52 編輯
看完以上家長報導, 我囡.... 真係汗顏, , 我常問佢係咪想做溥儀 ! 因為佢只肯花時間讀書, 游水, 戶外活動, 家務 既野要叫 先肯做, 無主動性 ! 有時間佢會爭住做Project, 一個人做晒佢都ok, 所以幾受team mate 歡迎. dessert, bakery 玩吓佢就ok, 要佢煮飯一家人食, 好難 !
眼見佢 又真係咁忙, 都唔想煩佢 ! 真係矛盾!
作者: like_travel 時間: 12-11-5 16:01
celiamum 每個人嘅性格都有唔同...起碼妳個女肯努力讀書同運動呀...我個女咩都好慢...唔係太積極果種..有時仲會問我點解成日講野都咁急....慢慢來唔得咩... 發表於 51 秒前
Celiamum, 我囡又係, 成日話我心急 ! 叫佢收拾自己野要叫好幾次, 叫到口都臭, 最後我自己做啦 !
作者: 日常 時間: 12-11-5 16:09
其實我個大女咪又係好似你個女咁like_travel，只喜歡讀書，而香港讀書又忙喎，真係有時都唔想叫佢做，所以我會利用長假期教d教d，佢得閒時就會叫佢做些，不過佢買嘢都幾叻，比我老公及以前啲工人好好多，懂得睇質數及價錢，如有問題就會打個電話回來問清楚，很小買錯嘢，總之數口好精，所以我好多時都會叫佢幫我買嘢返嚟，而我又係最唔鐘意出街買嘢啲人，所以佢都幫到我手。
作者: kilykilyk 時間: 12-11-5 16:56
本帖最後由 kilykilyk 於 12-11-6 00:17 編輯
我囝佢小學已經識做家務,講得出o既家務都會做,都好幫得手,
現在讀中二仍然都好很做家務,大家都係家庭一份子,大家都應該為屋企出一分力。
作者: hw1115 時間: 12-11-5 17:08
like_travel 發表於 12-11-5 16:01
celiamum 每個人嘅性格都有唔同...起碼妳個女肯努力讀書同運動呀...我個女咩都好慢...唔係太積極果種..有 ...
叫佢收拾自己野要叫好幾次, 叫到口都臭, 最後我自己做啦 ! >>>>> 同我仔一樣.
作者: kilykilyk 時間: 12-11-5 17:12
hw1115:佢曳同發脾氣時都好難頂架!哈哈~
作者: like_travel 時間: 12-11-5 19:20
回復 kilykilyk 的帖子
算啦! 已經係此囝只應天上有，好perfect ga la
作者: Charlotte_mom 時間: 12-11-5 20:49 標題: 回覆：中學重推家政課救港孩 哭訴不懂吃橙 洗衫不知用洗粉
我仔女早知家政係我要既家庭必修科，煮野喂飽自己係自理一部分
作者: piagetmum1 時間: 12-11-5 21:50
日常 發表於 12-11-5 15:20
記得早幾年前在教會聽女拔(中學)校長講talk時，她當時曾經講過話帶些學生出外國時，發覺到她們有些連煲水( ...
作者: etK@n 時間: 12-11-5 23:34
我個仔好為食，所以十歲就學識炒滑蛋、蛋炒飯，佢鍾意食就學law！依家學木工，下學期學家政，佢見到D女同學依家學緊刺繡，佢好怕學！唉！到時咪又係亞媽出手！
希望到時只學煮飯就好了！
作者: KK07 時間: 12-11-6 09:50
聽阿女講, 家政課係幾危險既堂,上堂時有同學整爛大型玻璃mixing bowl, 切嘢時加埋手指去切, 拿着刀揾同學或老師問嘢, 開煤氣無火又唔知, 煮豬肉唔熟食落肚, .....我咁如實報告, 會唔會有家長要求學校取消家政課?
作者: Charlotte_mom 時間: 12-11-6 12:25
KK07 發表於 12-11-6 09:50
聽阿女講, 家政課係幾危險既堂,上堂時有同學整爛大型玻璃mixing bowl, 切嘢時加埋手指去切, 拿着刀揾同學或 ...
我幾廿年前, 中學已經有家政課, 必上tim, 咪又個個無穿無爛, 家長唔肯放手, 細路永遠都學唔識
作者: ANChan59 時間: 12-11-6 12:40
Yanamami 發表於 12-11-5 10:59
搞禁多做乜呢? 係屋企幫手做書咪識o羅. 我朋友仔, P4/5已識炒飯俾阿媽食. 做乜都係要的起心肝. ...
作者: Meikin 時間: 12-11-6 13:12
本帖最後由 Meikin 於 12-11-7 13:05 編輯
係而家D家長過份緊張, 驚小孩子入廚房就有危險, 根本不給他們機會去試去接觸. 其實最安全的方法, 就是教導孩子們正確使用各種廚房煮食用具/爐具的方法, 並俾機會他們去試 家務也是一樣.
我們當年又係初中要上家務課 -- 煮餸, 針織, 車衫......大家都唔知幾enjoy, 我的同學個個都好掂, 係我最渣. 在學校的家政課是學Advance東西, 基本的東西大家都識, 其實都唔洗特別教, 在屋企多幫手 或 有留心家人/工人點做, 就自然會識做, 只差在做得好好定一般.
作者: Meikin 時間: 12-11-6 13:15
話時話, 好彩我嗰個係仔, D&T可以問爸爸, 如果係女要交針織功課, 我就出醜了!
作者: KK07 時間: 12-11-7 09:16
Charlotte_mom 發表於 12-11-6 12:25
我幾廿年前, 中學已經有家政課, 必上tim, 咪又個個無穿無爛, 家長唔肯放手, 細路永遠都學唔識 ...
作者: Meikin 時間: 12-11-7 13:11
我都超贊成推行家政課, 不單只for女仔, 應該for男仔as well. 基本煮飯, 燙衫和sewing等都是個人基本要識的技能, 等同我們讀中英數一樣, 唔洗一定好叻, 但起碼要有認識, 要合格啦.
作者: MacMa 時間: 12-11-7 15:53
最好玩的家政課不在學校
作者 木羽飛 | 與童同行
若不是學校大鑼大鼓說要重推家政課，我也真不知道，原來這課堂已逐漸被一些學校淘汰了。
記得中學時代上家政課，是頗令人期待的。我們學校的家政課，主要分為烹飪和縫紉。烹飪課是最受歡迎的，一班平日十指不沾陽春水的女孩圍在家政室中，鬧哄哄的看着蛋糕出爐的情景，我至今還歷歷在目。當年的家政老師，是一名年近五十且非常嚴格的女人，很有一點「老姑婆」的味道。還記得其中一次期考，她竟然要求我們穿起自己縫製的短褲，然後在她面前行貓步來評分。那條格仔短褲，布料只比嬰兒紗布厚一點點，我們都不情不願穿上了，大家都覺得是場「災難」。當然，這麼多年後回看，卻是中學生涯最值得回味的片段之一。
家政課雖好玩，但細心想想，當年最大最好玩的生活課堂，還是家中的廚房；最好的老師，還是日對夜對的老媽。
跟外子談起兒時的廚房趣事，大家都不約而同想到了雞。當年未有禽流感，街市都有活雞賣。媽媽每次把活雞帶回家，都會先在廚房裏「養」它一陣子，有時是一個下午，有時是一天兩天，然後煲一煲滾水，準備為將要被宰的雞脫毛……過程是有點恐怖，卻非常有教育意義。至少，我們不會以為，雞是白雪雪的無毛生物，就像餐桌上排得整齊的白切雞一樣。
除了雞，還有魚。不知何解，當年媽媽從街市買游水魚回來，總愛把它養在洗手間裏。我們如廁時，魚兒就在我們旁邊的紅A膠盆裏游來游去。我那時最愛蹲在膠盆邊捉魚，魚身滑潺潺的，好不過癮。待魚兒清蒸上桌，總覺得味道特別濃特別好吃特別珍惜，想必有一點「感情分」在內吧！
然後，還有鹹柑桔、曬芋頭、曬果皮、捉菜蟲、洗豬肺……廚房裏的生活智慧，就在日常生活中慢慢累積起來。今天很多廚房裏都沒有媽媽，只有工人姐姐，生活智慧也就逐漸失傳了。
作者: Yanamami 時間: 12-11-7 17:14
PC個家政室仲有埋洗衣/乾衣機, 教埋洗燙仲唔係家務助理培訓?
作者: ANChan59 時間: 12-11-7 19:31
Yanamami 發表於 12-11-7 17:14
PC個家政室仲有埋洗衣/乾衣機, 教埋洗燙仲唔係家務助理培訓?
作者: MacMa 時間: 12-11-8 00:46
本帖最後由 MacMa 於 12-11-8 00:49 編輯
以前家政課的第一件作品，是手縫的圍裙同三角頭巾，之後要車睡袍、A字裙，又要織冷帽，仲有煮野食：蝦多司、雜果撻，真喺好回味！
依家我都承傳了上一代的智慧，在家中製鹹柑桔、曬果皮。
作者: matthewl 時間: 12-11-10 00:17 標題: 回覆：中學重推家政課救港孩 哭訴不懂吃橙 洗衫不知用洗粉
我只可以用悲哀來形容。有些家長一手造成。
作者: Snakemama 時間: 12-11-10 09:34
本帖最後由 Snakemama 於 12-11-10 09:35 編輯
http://hk.apple.nextmedia.com/financeestate/art/
職場慧眼：養不起的未來
5,165
適中字型
較大字型
這個究竟是個甚麼世界？原來「物競天擇適者生存」都會過時。如今不適者非但不會被受淘汰，反而會更加得到保護及關懷。
《明報》有報道，學生主要來自基層的廠商會中學，去年新增家政課是為改善港孩問題。因不少父母均為雙職家長，無法親授子女日常生活技能，「肚餓時煮個麪畀自己食都唔識」，校長說因為不少中學生未必懂得開煤氣爐，家政室改用電磁爐煮食較為安全。
而迦密中學同樣於去年翻新位於校園頂層的家政室，更添置了冷氣設備。校長表示因多數家庭有聘請家傭，學生連基本的生活技能也未必有機會學，故學校有責任教授有關技能。試過有中一學生參加露營活動，因教師遞上的不是搣好一片片的橙而哭了起來。又質疑有家長不惜大花金錢，專程安排子女暑假時到酒店學掃地、執房等生活技能，屬「奇怪現象」。
是不是我思覺失調抑或老人癡呆，「基層」家庭的學生父母要搵食冇時間教，所以連煮麪開爐都唔識，這是甚麼邏輯？若然屬實以前窮家小孩多的是，燒柴燒炭自己煮食，理應不是燒死就是餓死，總之死得人多才是。再講學校有沒有資助學生家中全部改裝電磁爐，否則出意外發生火警學校可擔當得起？我想請問尋常百姓家的廚房誰有裝冷氣？生活技能既是學校責任，搵食技能學校更加責無旁貸，他日畢業搵唔到食惟學校是問！我非常同意校長的質疑，根本不必大花冤枉錢送子女出外學掃地，學校還不夠多垃圾要掃？還有大把廢柴要處置！
怪不得港孩如此猖狂霸道，原來學校家長夾手夾腳齊來打造！連自己飲食都照顧不了，如何生活？這班未來棟樑該由誰來養？
張慧敏
http://www.facebook.com/HKcareerdoctor
作者: yaozhil 時間: 12-11-23 21:48
it is useful
| 歡迎光臨 教育王國 (/) |
Powered by Discuz! X1.5 |