教育王國

標題: 九龍區邊間幼稚園收自閉/自傾呢? [打印本頁]

作者: dorming 時間: 12-11-4 09:14 標題: 九龍區邊間幼稚園收自閉/自傾呢?

九龍區邊間幼稚園收自閉/自傾呢?
想畀多D語景小朋友，
請PM資料給我。
Thx

作者: HopeLJ 時間: 12-11-4 23:40 標題: 回覆：九龍區邊間幼稚園收自閉/自傾呢?

你指 I 位定普通幼稚園？如後者，找不是出名競爭大，及有慈善團體如明愛東華救世軍保良局支持的，比較肯包容。

作者: yauman76 時間: 12-11-5 11:05

慈善團體/教會所辦嘅幼稚園當然係好(包容些), 但係最終都係要過到面試果關, 我囝囝最近in過2間東華幼稚園, 考嘅嘢都唔算簡單(對A仔黎講), 結果2間都fail.... 不過我都in咗好多間, 暫時都有幼稚園收咗, 都算安心D. 其實都好睇小朋友當日嘅心情同狀態, 試過有一間一入門口即刻要走

, 大家繼續努力吧!

作者: yauman76 時間: 12-11-5 11:14

其實今年報讀明年K1人數好多, 即使揀一d少人讀嘅幼稚園都好多人爭, 而保良局/東華/救世軍等更加人頭湧湧, 真的要報多幾間.

作者: keykeyman 時間: 12-11-6 23:29 標題: 回覆：九龍區邊間幼稚園收自閉/自傾呢

保良局唔一定好，有d衰到無人有，唔開口要你退學，但會令你自動退

作者: Lavanda 時間: 12-11-6 23:48 標題: 回覆：九龍區邊間幼稚園收自閉/自傾呢

我仔仔上個星期先“被退學“不過唔係保良局

作者: YingYin 時間: 12-11-7 10:50

本帖最後由 YingYin 於 12-11-7 10:52 編輯

我女K1時在校發了一次脾氣,保良局老師話提議你個女找一間有I位的幼稚園讀,應該幫到佢,算唔算叫退學?

在救世軍(N1)時,有家長觀課,叫我個女不如留在家,不返學,算唔算叫歧視?

總括來說,小朋友有事,好小有老師可長時間包容(問心我亦明白),只有自己盡力幫自己小朋友

作者: yauman76 時間: 12-11-7 10:59

都擔心將來會唔會被退學

, 但係作為家長, 只希望安排多條路俾囝囝選擇, 如果到時真係達唔到要求而被退學, 唯有繼續讀番S位.

作者: dorming 時間: 12-12-13 13:44

本帖最後由 dorming 於 12-12-14 14:48 編輯

我阿囡就係間有I位o既幼兒園N班就黎學期完時，校長要我囡‘被退學',
之前學校派在張From, 我要求repeat N都無回覆，直至有日去接放學，
校長同我講"媽媽，你簽左佢啦(退學申請書), 咁八月份就唔洗交學費喇。"
我諗無得交學費米即係無得返，個一刻都照簽，因為留底又如何呢!

之後見過好幾間幼稚園，部分會答你資源, 師資或其他不足，自己都明白，
就係去過一間畀校長教訓左一輪 “媽媽，你就唔應該係原先個間走左出黎啦，
你應該等到有政府服務要走麻，因為你之前個間有I位資源，應該會幫到你小朋
友，你返去再問下先啦，你咁樣走幫唔到個小朋友嫁。“
本來平伏左o既心情，又被擊起

歡迎光臨教育王國 (/)