教育王國

標題: 小心選擇學校 [打印本頁]

作者: bbb330 時間: 12-11-4 08:14 標題: 小心選擇學校

今年投考私立, 直資學校競爭非常大, 見有些家長報讀了二十多間學校, 很瘋狂.
我有很多朋友是教小學的, 有的在私立, 有的在直資, 他們奉勸我說小心選擇學校, 因為很多直資內部問題多多, 教師流失大(除了某一兩間), 學生行為差; 而某些私立中英文程度不如其他津小.............眼見他們也不將自己仔女送讀, 你就知間學校係唔係好野, 最後他們寧願選擇入讀其他官或津小

所以家長不要太失望......就算考不入私立直資, 也有很多其他質素好的官, 津小!!祝大家好運!

作者: extra369 時間: 12-11-4 11:44 標題: 回覆：bbb330 的帖子

說出了事實！

作者: skmibb 時間: 12-11-4 11:50

一向都係啦！所以揀學校時，睇埋師資及年資呀！新晉直資無興趣！

作者: atirw 時間: 12-11-4 12:02 標題: 引用：今年投考私立,+直資學校競爭非常大,+見有些

原帖由 bbb330 於 12-11-04 發表
今年投考私立, 直資學校競爭非常大, 見有些家長報讀了二十多間學校, 很瘋狂.
我有很多朋友是教小學的, 有 ...

咁港島有無好師資和校風好的官校和津校？

作者: Parisienne 時間: 12-11-4 12:20

好的官、津小有很多，但差嘅亦唔少。問題係當你只得15或更少分時，等大抽獎就真係被動過被動！

而家出去考私校的好多係〝少分〞人仕，大家都係想為仔女買個保險，再等抽獎，若然中獎先放棄私校都未遲。

相反直資就要搏，高分人仕未必肯為直資放棄自行或抽獎。
但某d直資分幾輪面試，過埋26/11自行收生結果後，如20分或以上的高分人仕搏唔到心儀，亦仲有机會考慮報直資。

今期有本雜誌(三個英文字的)講直資，原來都分三大類，提醒家長點樣揀直資。

作者: Jane1983 時間: 12-11-4 12:26

直資收咗，仲可吳可以大抽獎？

作者: micoo 時間: 12-11-4 12:28

Parisienne 發表於 12-11-4 12:20
好的官、津小有很多，但差嘅亦唔少。問題係當你只得15或更少分時，等大抽獎就真係被動過被動！

而家出去考 ...

請問邊本雜誌?

作者: CarmenJack 時間: 12-11-4 12:56 標題: 回覆：Parisienne 的帖子

我都想知

作者: enquire 時間: 12-11-4 13:13

他們分享了那幾間直資?

作者: 已刪除用戶 時間: 12-11-4 13:34 標題: 引用：直資收咗，仲可吳可以大抽獎？

原帖由 Jane1983 於 12-11-04 發表
直資收咗，仲可吳可以大抽獎？

吾可以，一註冊直資=放棄政府派位

作者: Jane1983 時間: 12-11-4 13:38

直資係咪在大抽獎前註冊? 咁即係無得為抽獎買保險，抽得吳得咪死得！

作者: onepiece 時間: 12-11-4 14:15 標題: 回覆：Jane1983 的帖子

如果只係買保險，私小可以幫到妳，不過間私小俾人當水泡，其實都好慘。

作者: onepiece 時間: 12-11-4 14:22 標題: 回覆：onepiece 的帖子

所以亦越來越多私小知你玩抽獎就跌你落waiting list.

作者: ANChan59 時間: 12-11-4 14:46 標題: 引用：所以亦越來越多私小知你玩抽獎就跌你落wait

原帖由 onepiece 於 12-11-04 發表
所以亦越來越多私小知你玩抽獎就跌你落waiting list.

私小如何知道將佢當水泡？

作者: HelicopterDad 時間: 12-11-4 14:51 標題: 引用：Quote:原帖由+onepiece+於+12-11-04+發表所

原帖由 ANChan59 於 12-11-04 發表
私小如何知道將佢當水泡？

私校會將list通知教處，教處會feedback俾佢知邊D係on抽獎list度。

作者: tws2010 時間: 12-11-4 15:08

回復 bbb330 的帖子

True. My friend's sis is also a teacher at quite a famous private school. She said she wondered why her sis could be a teacher. She's not good academically...my friend challenged how her sis could teach well...

作者: ANChan59 時間: 12-11-4 15:13

HelicopterDad 發表於 12-11-4 14:51
私校會將list通知教處，教處會feedback俾佢知邊D係on抽獎list度。

這樣安排公平些！

作者: tws2010 時間: 12-11-4 15:22

回復 Parisienne 的帖子

好的津小亦存在個別師資問題, 英文科老師suggested answers 看到我眼都跌落來, 好多時要自己執

老師們不要再呃飯食, 不要害下一代, 聽說日本人的英文都超過香港...

我好少“勞氣, 只是近期連續幾個cases, 老師suggested answers 不堪入目, 有感而發, 過火了請見諒

作者: healthybaby 時間: 12-11-4 15:49 標題: 回覆：小心選擇學校

我自己在band 1 EMI學校教，但我都將阿女送入直資一條龍中小學讀書，原因有幾個：
1.阿女不是最top那類學生，如果放在一間二百人一級既學校band 1讀書，應該是中間被忽略的一群，但而家佢學校一級只得80人，好多野都會被老師選中參加。
2.阿女和同學英文程度比較高，佢地小五讀緊我學校中一本歷史書，而且無中文小學讀英文中學的銜接問題，阿女英文在學校係中下，但小四考KET已distinction
3.有多一種外語學
4.功課量唔大,而且唔洗呈分試，無升中壓力
5.同學背景差唔多，阿女同佢地做朋友比較放心

作者: Parisienne 時間: 12-11-4 16:31

tws2010 發表於 12-11-4 15:22
回復 Parisienne 的帖子

好的津小亦存在個別師資問題, 英文科老師suggested answers 看到我眼都跌落來, 好 ...

其實香港要成為一位官津小學老師，係咪多數讀教育學院？
我有親戚當年個囡考唔上大學，阿媽話教書都算係個出路，於是就入咗教院。畢業後任教小學期間在公開大學再補張degree才能正式成為教師。但佢本身無乜熱誠，當教書係份職業，成日話d小朋友好煩⋯其實，教育本身係咪從師資開始呢？如果上唔到大學先㨂教育呢行，有無問題？當然，亦有好多好老師在官津小學教書。

我只係覺得個制度有d奇怪，希望我睇錯，請大家指教

作者: QMUMSAM 時間: 12-11-4 20:49 標題: 引用：好的官、津小有很多，但差嘅亦唔少。問題係

原帖由 Parisienne 於 12-11-04 發表
好的官、津小有很多，但差嘅亦唔少。問題係當你只得15或更少分時，等大抽獎就真係被動過被動！

而家出去考 ...

可唔可以講下係哪本雜誌?

作者: healthybaby 時間: 12-11-4 22:14 標題: 回覆：小心選擇學校

至於師資問題，都知道直資及私校甚至國際學校都有老師流失問題，因為好多老師都會為左政府份公積金而到津/官校做野！新老師沒有經驗，但做野有衝勁；津／官校老師有經驗，但因好多係常額教師唔會被炒，做野無衝勁，但師生就可以建立到一個穩定的關係。
針無兩頭利，最重要選取適合的學校。今年到阿仔揀學校，覺得阿仔能力高d,應該在中上位置，又未係好top. 但個人主動積極，做事自動自覺，老師會留意到佢既表現，所以都會博下d一線學校，考左八間，暫時有1 個offer, 3 個 second in，1 waiting, 1 reject

作者: Kittymummy 時間: 12-11-5 01:29 標題: 引用：我自己在band+1+EMI學校教，但我都將阿女送

原帖由 healthybaby 於 12-11-04 發表
我自己在band 1 EMI學校教，但我都將阿女送入直資一條龍中小學讀書，原因有幾個：
1.阿女不是最top那類學生 ...

Exactly, 我個女吾係最top, 但係小學係比人忽視既一群。連小四到小六既班主任都係咁講，even 操行年年A-, 我好無奈。依家中一，讀緊直資，小班教學。個人主動堂上答問題，肯參加學校既活動。總之沒有絕對既好學校，只係有冇合適自己仔女學校！

作者: rainbowcov 時間: 12-11-5 07:03 標題: 回覆：Parisienne 的帖子

我都識得個朋友係津小教英文，佢竟然同我講，我淨係識講: i'm angry. 真係握飯食。

作者: healthybaby 時間: 12-11-5 08:18 標題: 回覆：小心選擇學校

好多人pm問我個女讀邊間學校，我個女係讀南昌站附近一間男女一條龍中小學。想當年阿女那個年代，只有幾百人爭幾十個位，但現在係二千幾人爭六十幾個位，真係好難入，連阿仔程度高過家姐好多，都係waiting。

坦白講，阿女最令我擔心既係中文程度，始終科科用英文讀，有準備送兩個小朋友出國讀書，但當然香港讀到就最好啦！

作者: Kittymummy 時間: 12-11-5 19:03 標題: 回覆：healthybaby 的帖子

oic, 咁你個女同我亞女同一間學校，嘻嘻。nice to meet you !

歡迎光臨教育王國 (/)