教育王國
標題: k1面試後感 [打印本頁]
作者: Heyheyjoyjoy 時間: 12-11-4 07:43 標題: k1面試後感
同12月細仔去過5間，心情就好似坐過山車。第一間諗住攞經驗，因學校區域，並非最心儀，平常心，仔仔做番自己=專心自己玩玩具，唔多答問題，但有同老師交流，收咗下午班。
第二間學校今日下午4.30來電通知第二曰上playgroup時in，同老師講明父母請唔切假，只能像平曰上堂由菲傭姐姐陪，加上份問券又話email唔到比我，結果仔仔在冇交問券情況下in咗，及後致電老師又冇回復，應該無緣。
第三間晨早8.15，仔仔入房周圍走，冇坐下，冇答問題，仲要做從來都冇做過的事：甩掉我拖，自己跑，撞小朋友跌倒，比老師看到。我跌至谷底！
下午第四、五間由爸爸陪in，表現神勇，肯坐加有問必答，該兩家其實是競爭最大的，結果如何，我都好開心。始終是細仔，佢有如此表現，我非常感恩，可安心睡覺安胎，這星期實在太疲累，作感冒。。。
以上只為個人分享，與各位勞心勞力的父母互勉，在谷底時要盡量令自己自在，往前看，柳暗花明又一村！
作者: Peanut1224 時間: 12-11-4 09:28
身同感受，我下月預產，現在又要四出奔波真係怕見見吓會生得呀
作者: smile_w99 時間: 12-11-4 13:28
大家放鬆d!其實就算做哂老師要求加大b,都可以無offer!呢個係上年pn經驗，所以今年都睇開咗！加上下個月尾生，希望盡力今個月int 哂就等result!雖然開頭都有d緊張，int多幾間之後就平常心啦！
作者: ashleycece 時間: 12-11-4 14:08 標題: 引用：大家放鬆d!其實就算做哂老師要求加大b,都可
原帖由 smile_w99 於 12-11-04 發表
大家放鬆d!其實就算做哂老師要求加大b,都可以無offer!呢個係上年pn經驗，所以今年都睇開咗！加上下個月尾生 ...
作者: Miumiulab 時間: 12-11-4 14:18 標題: 回覆：ashleycece 的帖子
Agree
作者: PPyeung 時間: 12-11-4 14:39 標題: 回覆：ashleycece 的帖子
我個女係大B,識曬D問題都唔肯答，識唱歌又唔唱，一樣做炮灰
作者: 小曳人 時間: 12-11-4 15:18
本帖最後由 小曳人 於 12-11-4 15:19 編輯
我都有少少分享：
家有長子，從少就顯得聰明過人，考幼稚園事事順利
自幼兒出生，自覺不如哥哥聰明，一方面要忙於替哥哥考小學，又要幫細佬考K1，"教仔"就無乜點理到
in SC, 8:30am，指令做足，但粒聲唔出！ (出到嚟就開籠雀！)
大驚！四圍揾人幫手，找來一位KG教師教面試，亦揾到位pg導師傾吓計..
今朝早個幾鐘就到九龍塘玩.. warm up
由入學校到出番嚟，20分鐘，順利完成任務！
反省：孩子性格資質可能好難改變，但父母唔教...就一定出事！
可能我地有d極端..
無論結果如何，我都叫有得着... 要花多d時間响細仔身上！
作者: JessieToys 時間: 12-11-4 18:52
我嘅情形係, 個仔好怕醜, 而且又唔多醒目, 所以一早已經報多幾間, 預咗之前N間都要做炮灰...
第一間, 完全唔肯in, 攬實我, 唔出聲, 睇得出佢好驚, 我都唔夠膽話佢, 只係同佢講"你唔理老師, 老師有禮物送比你又唔知你鍾唔鍾意..."
第二間, 去到門口... 唔肯入! 好彩最後老師氹咗一大輪肯入, 不過唔肯比老師拖! 入到去老師一同佢講野佢就好驚, 縮喺我後面。
第三間, 肯入, 不過我睇得出佢一入到去課室, 個人係好驚, 佢啲小動作開始出來, 基本上冇乜講野, 但有做指令, 見見下竟然起身走埋我度! 不過我叫佢肯坐番埋位...
第四間, 肯入, 不過唔肯坐低, 要迫佢坐, 但係竟然之後肯開始答野...
第五間, 肯入, 肯講自己咩野名, 肯答野, 仲竟然肯唱歌, 不過全程都係企...
第六間, 肯入, 肯講自己咩野名, 不過反而係老師冇乜問佢野, 所以佢冇得答...
第七間, 肯入, 仲要自己行先跟老師埋去坐, 肯講叫咩野名, 肯答所有問題, 做所有指令, 有唔識嘅講"唔知道", 老師教佢, 佢即時跟番老師講一次...
講真, 見完第一間我係有心寒嘅感覺, 但係我自覺個仔性格係咁, 我迫都唔迫唔到, 唯有比時間佢去適應, 雖然 so far 冇一間佢做到晒人哋要佢做嘅野, 不過我已經比100分佢, 佢係不斷進步緊, 而且真係好盡力, 媽媽以你為榮囉~
作者: desmond100104 時間: 12-11-4 19:45
JessieToys 發表於 12-11-4 18:52
我嘅情形係, 個仔好怕醜, 而且又唔多醒目, 所以一早已經報多幾間, 預咗之前N間都要做炮灰...
第一間, 完全 ...
我都覺得有進步先係令家長感到欣慰的地方, 就算無offer 但你明白佢已儘力做到最好就巳經夠了.
作者: yiwanlung 時間: 12-11-4 20:10
每間學校要求唔同, 小朋友做晒或做唔晒要求, 可能因學校唔同要求而有OFFER或無OFFER.
作者: jannie1223 時間: 12-11-4 21:43 標題: 引用：我嘅情形係,+個仔好怕醜,+而且又唔多醒目,+
原帖由 JessieToys 於 12-11-04 發表
我嘅情形係, 個仔好怕醜, 而且又唔多醒目, 所以一早已經報多幾間, 預咗之前N間都要做炮灰...
第一間, 完全 ...
作者: JessieToys 時間: 12-11-4 23:30
多數坐旁邊, 亦有坐後面, 全部都係一齊入, 只係佢拉實你企喺門口唔入, 或者入到去唔肯坐低咁解。
作者: JessieToys 時間: 12-11-4 23:33
desmond100104 發表於 12-11-4 19:45 
我都覺得有進步先係令家長感到欣慰的地方, 就算無offer 但你明白佢已儘力做到最好就巳經夠了. ...
完全同意呀!
作者: princesssnowy 時間: 12-11-5 00:07 標題: 引用：我嘅情形係,+個仔好怕醜,+而且又唔多醒目,+
原帖由 JessieToys 於 12-11-04 發表
我嘅情形係, 個仔好怕醜, 而且又唔多醒目, 所以一早已經報多幾間, 預咗之前N間都要做炮灰...
第一間, 完全 ...
我只報左4間
作者: katiekoo45313 時間: 12-11-5 00:09
同意呀
作者: tingma1229 時間: 12-11-5 00:19
每個小孩都是獨特的，不必要的壓力和怪責會影響他們成長；小朋友有進步就是做父母所𢥧！
作者: Huicarey 時間: 12-11-5 00:47
我個仔係Oct BB, in左3間:
第一間老師問佢野, 阿仔明明係識答"唔知", 結果收左;
第二間答左老師9成問題, 未知結果;
第三間老師問佢野, 阿仔痴住我話"怕醜", 未知結果
無論阿仔in成点, 我都會讚佢鼓勵佢, 希望一次比一次好！各位mama加油！
作者: denbchumama 時間: 12-11-5 07:01 標題: 回覆：Huicarey 的帖子
我都有類似經驗：仔仔4月b，自小都算聰明，以為佢面試應ok啦！點知去年第一次in pn果陣，佢驚到攬住我隻腳唔肯入課室，氹咗一輪終於肯坐後，佢望實老師好似被點穴咁，連我同佢講嘢都好似聽唔到，當然無答過任何問題！到要走個陣，佢都仲係冰住咗咁，我唯有嘗試抱起佢，點知佢突然雙手捉緊將膠桌，即時連人帶檯被我抬起，當時真係好尷尬！
不過尷尬係其次，重要係經此一役，令我驚覺仔仔嘅問題，原來佢咁驚陌生！果刻的確跌落谷底，但我亦有反思...對一個歲幾人仔來說，一個陌生環境同陌生人係幾咁恐怖！我於是用咗大半年時間去幫仔仔克服問題，其實都係果啲大家都知但未必有時間做嘅方法，帶佢周圍去，同身邊識唔識嘅人都傾計打招呼，坐小巴俾佢叫有落，去餐廳叫佢叫埋單之類，彩經一番努力後已進步好多，仲好多咀添！
今年第一次面試雖然佢仲有少少驚，但做到9成，收咗！第二間直頭超水準，收咗！第三間淡定但表現一般，等緊消息！第四間開始玩嘢，啲古惑嘢出來，等消息！
每次面試我都只係同佢講去玩，佢依家一啲都唔驚，仲好鐘意！雖然手上offer唔係超名幼，但係見到仔仔嘅進步我已經好滿意！小朋友嘅成長係需要時間，更需要嘅係父母嘅付出，大家唔好灰心，只要努力，到時候就會有收成！
作者: fungcarmen 時間: 12-11-5 10:40
我今年都幫阿仔報了10間，老公常說給他見不同的學校和老師，是一個很寶貴的經驗，多一次經驗便多一次練習的機會。結果不要緊，最重要是孩子在過程中亦有學習。加油各位！
作者: Chubebe97 時間: 12-11-5 13:35
回復 fungcarmen 的帖子
Agree with u
作者: elysion 時間: 12-11-5 13:47 標題: 回覆：k1面試後感
我都同個仔報左好多間，其實有點内疚好似迫小朋友去面試咁，宜家都見左7間，亞仔宜家會議sch interview, 知個模式係見老師，要答老師，有貼紙／禮物。佢話好玩，鍾意interview,當然梗係做唔曬老師指令，但見到小朋友進步，最緊要係無嚇怕佢，我的心稍安慰，佢地咁細根本所有決定都係父母，希望無幫個仔揀錯路啦。
作者: kaitathk 時間: 12-11-5 14:49 標題: 回覆：elysion 的帖子
我都係咁 起初無維意n班面試 同老婆就咁帶個一歲仔去藍田in n班 點知3間唔收1間直頭無得in添 跟住去好多屋村都無位 之後就心急終於去左托嬰幼兒園讀 跟住我就自己每日接放學,去超市,飲茶,公園玩,我會日日買cake 同個仔唱生日歌,教沖涼刷牙,教食飯同夜晚講故事,因而了解個仔個性多左,到左今年我親自上陣去左6間 staffork唔收,York,同金巴都收左依家就等kv,s.cat,同km 通知……我想同大家講如果每日可以的話比半個鐘同小朋友玩下 咁去面試其實都唔係咁難
| 歡迎光臨 教育王國 (/) |
Powered by Discuz! X1.5 |