教育王國

標題: 如果只是讀有學卷幼稚園,in 私小而又成功是否機會好微呢 ? [打印本頁]

作者: keemic77 時間: 12-11-3 12:48 標題: 如果只是讀有學卷幼稚園,in 私小而又成功是否機會好微呢 ?

如果只是讀有學卷幼稚園,in 私小而又成功是否機會好微呢 ?

作者: sissysze 時間: 12-11-3 13:33 標題: 回覆：如果只是讀有學卷幼稚園,in 私小而又成功是否機會好微呢

讀學卷慳咗嗰啲咪出去學嘢lor....

作者: Charlotte_mom 時間: 12-11-3 13:39 標題: 回覆：如果只是讀有學卷幼稚園,in 私小而又成功是否機會好微呢 ?

其實教小朋友吾止靠學校，仲有父母心機

作者: Irismammy 時間: 12-11-3 14:32 標題: 引用：讀學卷慳咗嗰啲咪出去學嘢lor.... +

原帖由 sissysze 於 12-11-03 發表
讀學卷慳咗嗰啲咪出去學嘢lor....

Agree

作者: tws2010 時間: 12-11-3 14:37

回復 Charlotte_mom 的帖子

Agreed!!!!!!

作者: fion_yinyin 時間: 12-11-3 14:55

點解成日要懷疑小朋友既能力？
同d成日問細仔/女係咪難考直資/私小一樣，總有直資/私小收細仔/女同學卷幼稚園嫁啦，但唔知係咪你個仔/女嫁姐

作者: momama 時間: 12-11-3 14:57 標題: 引用：如果只是讀有學卷幼稚園,in+私小而又成功是

原帖由 keemic77 於 12-11-03 發表
如果只是讀有學卷幼稚園,in 私小而又成功是否機會好微呢 ?

Why？

作者: Eugenepig 時間: 12-11-3 15:29

我仔讀學卷幼稚園，唔覺輸蝕好多，有offer, 有2nd in, 有reject. 其實學卷都好好，最緊要老師有愛心，小朋友又開心。

作者: palmchristy 時間: 12-11-3 15:45

只要有充足準備, 讀學卷幼稚園小朋友完全唔會輸蝕喎. 千萬唔好對自己小朋友失信心.

作者: ac917 時間: 12-11-3 15:50 標題: 回覆：如果只是讀有學卷幼稚園,in 私小而又成功是否機會好微呢 ?

我同小朋友揀學校，首要並非睇有冇學卷

作者: dannyyau302 時間: 12-11-3 15:57 標題: 回覆：如果只是讀有學卷幼稚園,in 私小而又成功是否機會好微呢

區區都有津校，讀私小係想行快幾步啫，輸唔輸在乎家長點樣幫子女去補貼不足之處

作者: jackjet 時間: 12-11-3 16:27

唔出名嘅私小我覺得沒有問題,但唔出名你都唔想讀啦!出名果d咪諗啦!唔好蝕報名費俾佢和幫佢做勢,等候大抽獎仲好

作者: keemic77 時間: 12-11-3 21:25

dannyyau302 發表於 12-11-3 15:57
區區都有津校，讀私小係想行快幾步啫，輸唔輸在乎家長點樣幫子女去補貼不足之處

...

作者: keemic77 時間: 12-11-3 21:26

palmchristy 發表於 12-11-3 15:45
只要有充足準備, 讀學卷幼稚園小朋友完全唔會輸蝕喎. 千萬唔好對自己小朋友失信心. ...

多謝你的意見.

作者: keemic77 時間: 12-11-3 21:28

ac917 發表於 12-11-3 15:50
我同小朋友揀學校，首要並非睇有冇學卷

做父母當然希望比最好既野比小朋友,不過有時經濟能力唔許可,總要有D取捨.

作者: keemic77 時間: 12-11-3 23:57

keemic77 發表於 12-11-3 21:26
多謝你的意見.

其實我同我C6在幼稚園(K)選擇上有意見分歧, C6就認為入左D名幼稚園例如根X園,選到好小學容易D及易D接上好. 但我就覺得即使讀學卷幼稚園(不出名),如果家長都能付出培養小朋友, 小朋友都可以入讀好小學. 相反, 如果即使比你入到一家名幼稚園,如果只依賴學校老師但父母付出少, 小朋友都未必能考到好小學.

作者: hadwinboy 時間: 12-11-4 00:41

keemic77 發表於 12-11-3 23:57
其實我同我C6在幼稚園(K)選擇上有意見分歧, C6就認為入左D名幼稚園例如根X園,選到好小學容易D及易D接上好. ...

我個仔便是讀學卷幼稚園. 真係好睇你點睇同點教. 因是學卷關係, 課程跟足教育局指引. 而家K3 開了學2個月數學仲寫緊1-50. 英文剛剛才開始寫3-4 個字的短句. 由於我報此校是已知是這樣, 於是我個仔未到 k2 便開始出外上英、數班. 加埋自己一星期幾晚的補充練習. 但因學校愉快學習唔谷, 個仔日日開心上學去. 今年考小學, 有二線收, 一線有2nd in. 如果我當初放鬆哂讀此學卷幼稚園, 好難說後果是如何.

作者: bbforever 時間: 12-11-4 01:03

宜家好多人都好努力栽培d小朋友，唔會再好似以前咁自由發展架喇！
有無學券關係唔大

作者: wtkellen 時間: 12-11-4 08:49 標題: 回覆：如果只是讀有學卷幼稚園,in 私小而又成功是否機會好微呢 ?

其實係睇有冇時間和心機，不是睇是否學卷

作者: 花仔媽咪 時間: 12-11-4 09:16 標題: 回覆：wtkellen 的帖子

有學券都有分谷同唔谷幼稚園，如讀一般普通幼稚園，加上家長晤係好理，莫講話考小一，上到小一，就會好辛苦，我有兩個小朋友，一個有學券，一個讀冇學券，最後一個讀直資，一個讀私校，兩間都谷到爆，上小學一樣要開行tubo

作者: HelicopterDad 時間: 12-11-4 09:47 標題: 引用：如果只是讀有學卷幼稚園,in+私小而又成功是

原帖由 keemic77 於 12-11-03 發表
如果只是讀有學卷幼稚園,in 私小而又成功是否機會好微呢 ?

我個doy咪讀學券幼稚園囉。已有2 offers. 學校可能對子女教育有一些影響。不過家長教育先最重要。

作者: shirleyysy 時間: 12-11-5 00:47 標題: 回覆：如果只是讀有學卷幼稚園,in 私小而又成功是否機會好微呢 ?

我個仔都係讀有學卷嘅幼稚園，今年一樣在一線私小讀小一。可能好多人會覺得有學卷嘅幼稚園會淺啲，要自己外出再加學習。但其實就算讀名幼，家長們一樣都會額外再學其他，佢哋都唔會只靠學校，所以我覺得兩者分別不大。相信最大分別就是學校名氣吧！

作者: Heyheyjoyjoy 時間: 12-11-5 07:10 標題: 回覆：如果只是讀有學卷幼稚園,in 私小而又成功是否機會好微呢 ?

請問英普，即完全不用廣東話的幼稚園同以廣東話為主附以每日20分鐘的英語、普通話的幼稚園，對考小一、升小一的看法？

作者: mirage 時間: 12-11-5 07:30

有讀學卷幼稚園但家長完全俾工人帶小朋友而小朋友冇上任何課外班考到私小/直資嗎？

作者: skmibb 時間: 12-11-5 07:52 標題: 回覆：如果只是讀有學卷幼稚園,in 私小而又成功是否機會好微呢

讀學劵就預了筆錢出面補下英數(我個朋友)，唔讀學劵就無需額外出面學英數，因學校已有英語環境，現已英語對答如流(這真是非學劵學校能提供的)，數學亦比學劵深少少。我計過條數，無學劵係就貴啲，但有學劵多要多俾補習費，計落兩條數就差不多。但無學劵就多點時間去做其他嘢，例如多點出郊外走走，唔駛個個星期六或日要定時定點去學嘢。

作者: momama 時間: 12-11-5 08:06 標題: 引用：有讀學卷幼稚園但家長完全俾工人帶小朋友而

原帖由 mirage 於 12-11-05 發表
有讀學卷幼稚園但家長完全俾工人帶小朋友而小朋友冇上任何課外班考到私小/直資嗎？ ...

唔好咁問啦，每個人睇法唔同，資質唔同，命又唔同……BK唔代表事實嘅全部，冇人答唔等如冇！做自己認為啱既嘢！

作者: giannapoon 時間: 12-11-5 08:21 標題: 回覆：keemic77 的帖子

唔好咁將幼稚園分類啦!最緊要自己落多啲功夫研究下間幼稚園啱唔啱自己個小朋友同自己嘅教育理念同唔同，所謂名幼稚園有啲好谷，無outing無活動純谷學術，睇下你想要乜囉，要小朋友好好享受3年開開心心嘅幼稚園生活丫定係3歲起已經要小朋友一味讀讀讀呢?不過呢啲幼稚園都唔包貴子弟入梗名小學喎！因為宜家好多家長讀唔讀名幼稚園都一個星期學十樣嘢，真係好睇你自己點教。

作者: bbforever 時間: 12-11-5 09:21

我只可以講現在的家長為咗考學校真係太瘋狂，有與無學券都補補補，學學學。
中英數普音畫運動+面試班

作者: mirage 時間: 12-11-5 11:01

去年有朋友話自己的小朋友讀學券的幼稚園但都考到九龍區兩三間直資或者私校點知問清楚啲原來他太太轉做part time 返半日工，小朋友由K1開始返公民phonics又考劍橋，額外谷到同d名牌幼稚園又有什麼分別呢？淨係中英文重組句子好多小朋友從未見過，如家長學校冇教過，他們應不懂做。你話你個girl 是天材另計la.

作者: lestat 時間: 12-11-5 11:40

momama 發表於 12-11-5 08:06
唔好咁問啦，每個人睇法唔同，資質唔同，命又唔同……BK唔代表事實嘅全部，冇人答唔等如冇！做自己認為啱既 ...

呢句最啱~

凡事冇絶對......

學卷幼稚園 =/= 唔好幼稚園或者程度淺
出名幼稚園 =/= 一定考到心儀小學
出名多人認為好既小學 =/= 適合自己小朋友, 小朋友未必讀得開心
補補學學到十八般技能 =/= 小朋友有快樂童年

作者: mirage 時間: 12-11-5 11:45

學卷幼稚園 ~程度淺 . EDB have strict regulation on the curriculum of kindergarten if they join the voucher scheme.

作者: fruitfulsnoopy 時間: 12-11-5 11:49

skmibb 發表於 12-11-5 07:52
讀學劵就預了筆錢出面補下英數(我個朋友)，唔讀學劵就無需額外出面學英數，因學校已有英語環境，現已英語對 ...

最敝依家的interview題目即使冇學卷,城中出名深的學校也不夠應付,所以其實有學卷同冇學卷都一樣.係要睇家長俾的額外東西.

作者: Irismammy 時間: 12-11-5 13:01 標題: 引用：Quote:原帖由+mirage+於+12-11-05+發表有讀

原帖由 momama 於 12-11-05 發表
唔好咁問啦，每個人睇法唔同，資質唔同，命又唔同……BK唔代表事實嘅全部，冇人答唔等如冇！做自己認為啱既 ...

Good answer! 上天可能特別照顧及優待任何一個人（唔多）！但，機會總是留比有準備的人！

作者: keemic77 時間: 12-11-5 20:35 標題: 引用：Quote:原帖由+mirage+於+12-11-05+發表有讀

原帖由 momama 於 12-11-05 發表
唔好咁問啦，每個人睇法唔同，資質唔同，命又唔同……BK唔代表事實嘅全部，冇人答唔等如冇！做自己認為啱既 ...

好認同！

作者: bbforever 時間: 12-11-5 22:14

依家考學校除咗學術，重要考記憶ㄡ考自理，禮貌就最基本要有啦！

作者: iamfansma 時間: 12-11-5 23:06

其實有啲有名幼稚園都有學券的

作者: 朱寶 時間: 12-11-6 02:17

其實有無學劵, 都唔係咁重要, 最緊要係父母點教, 有冇時間去教, 以及教小朋友既方法, 是否用得其所.
我阿仔讀學劵幼稚園, 老實講, 我每日用得最多既時間, 係同佢玩, 同佢四圍去, 比多d生活經驗佢, 因為我覺得生活中學習係最work最適合佢既, 我無同佢默書, 串字, 背誦, 認字, 今年佢考直資小一, 都好好彩有兩個offers, 仲要係我地好鍾意既兩所學校, 所以我覺得有無學劵分別不大, 家座教育更為重要!

作者: momama 時間: 12-11-6 07:29 標題: 引用：讀學劵就預了筆錢出面補下英數(我個朋友)，

原帖由 skmibb 於 12-11-05 發表
讀學劵就預了筆錢出面補下英數(我個朋友)，唔讀學劵就無需額外出面學英數，因學校已有英語環境，現已英語對 ...

冇學卷=英語環境？？？

作者: bbsonyy 時間: 12-11-6 09:07

請問, 有幾多讀有學卷的小朋友考到小學??
家長要點裝備小朋友呢??
讀有學卷的小朋友上到小學會唔會跟唔到??

作者: keemic77 時間: 12-11-6 10:06

bbsonyy 發表於 12-11-6 09:07
請問, 有幾多讀有學卷的小朋友考到小學??
家長要點裝備小朋友呢??
讀有學卷的小朋友上到小學會唔會跟唔到?? ...

即使小朋友讀私幼稚園,如果家長不付出,單靠學校,小一都一定跟不上.

作者: vnghk0001 時間: 12-11-6 11:39

仲係有好多人唔明，無論讀名幼、有學卷幼稚園，背後都有父母支援，唔可以只靠學校，所以有小朋友讀名幼而考唔到，亦有小朋友讀普通村校都可以考到，都係嗰句，無一間幼稚園係最好，只有最適合，學校不能提供，唯有家長支援，要互補不足。

作者: chanwendy 時間: 12-11-6 11:49

bbsonyy 發表於 12-11-6 09:07
請問, 有幾多讀有學卷的小朋友考到小學??
家長要點裝備小朋友呢??
讀有學卷的小朋友上到小學會唔會跟唔到?? ...

我女讀學卷幼稚園, 冇咩額外裝備, 冇上面試班, 冇公文, 冇奧數, 冇珠心算, 冇比賽, 冇國語, 冇拼音, 連 portfolio 都冇. 考三間, 1 offer, 1 waiting, 1 reject. 今年小一冇補習, so far 中英數常默書加埋共 12 次, 其中只有 5 次唔係滿分啫, 當中亦只有一次係 b 級成績, 其餘都係 a 級.

作者: chanwendy 時間: 12-11-6 11:51

Heyheyjoyjoy 發表於 12-11-5 07:10
請問英普，即完全不用廣東話的幼稚園同以廣東話為主附以每日20分鐘的英語、普通話的幼稚園，對考小一、升小 ...

咁要睇你考咩學校喇, 有啲學校只會用廣東話面試, 有啲學校只用英文, 亦有學校用齊兩文三語.

作者: bbsonyy 時間: 12-11-6 11:54 標題: 回覆：chanwendy 的帖子

咁你平時有無同小朋友睇書？日日睇？中文？英文？

作者: chanwendy 時間: 12-11-6 12:00

bbsonyy 發表於 12-11-6 11:54
咁你平時有無同小朋友睇書？日日睇？中文？英文？

極少, 一年去圖書館借書都唔多過五次, 但我地都有買書比佢睇, 但佢好少睇, 而且要伴讀先肯睇, 甚少睇英文書. 好在幼稚園時要隔個星期做讀書報告, 否則我諗睇書機會更少.

作者: bbsonyy 時間: 12-11-6 12:10 標題: 回覆：chanwendy 的帖子

睇返你的history，你個女讀九龍塘迦南喎，係小數有學卷的名幼！

作者: hadwinboy 時間: 12-11-6 12:35

chanwendy 發表於 12-11-6 11:49
我女讀學卷幼稚園, 冇咩額外裝備, 冇上面試班, 冇公文, 冇奧數, 冇珠心算, 冇比賽, 冇國語, 冇拼音, 連 po ...

但今年考小學好多間第一round 都是做paper, 有重組句子, 串子, 加數, e.g. TSL, APS, KTS etc. 如果個小朋友什麼也沒有學過, 在今年會不會不適用呢(指比較難入2nd round). 好似我個仔考二線直資, interview 時都有用普通話問佢問題, 叫佢形容圖片. 可以用廣東話答, 但最少要聽得明. 他的學卷幼稚園k2沒有普查話, 所以我interview 前二個月也要搵老師學.

作者: chanwendy 時間: 12-11-6 12:45

bbsonyy 發表於 12-11-6 12:10
睇返你的history，你個女讀九龍塘迦南喎，係小數有學卷的名幼！

係呀, 讀迦南架, 我覺得課程幾 ok, 夠平均.

作者: chanwendy 時間: 12-11-6 12:47

hadwinboy 發表於 12-11-6 12:35
但今年考小學好多間第一round 都是做paper, 有重組句子, 串子, 加數, e.g. TSL, APS, KTS etc. 如果個小朋 ...

我女幼稚園都已經做過重組句子, 串字同加數, 我諗好多幼稚園都有啦, 如果唔係問得太深, 應該都可以應付. 反而奇怪 k2 都冇得上普通話就差少少了.

作者: cmchang0927 時間: 12-11-6 13:32

我老公個朋友個仔讀救世軍幼稚園，佢兩公婆係好冇所謂個種。兩個人加埋都搵十萬一個月，但係唔想阿仔辛苦，所以佢仔冇番過兩歲班，冇參加任何課外活動，平時都係印傭湊。不過呢個小朋友對數字好敏感, 記憶力又好，三歲見到人出入LIFT就識計數(佢自己話: 本來有六個人，有四個人出左LIFT, 即係6減4等於2)。佢認字係睇餐牌字幕，有唔識問阿爸阿媽一次就記得，又鍾意畫FLOOR PLAN........ 今年佢考小學，播道，ＧＴ，陸慶濤都收左，ＹＷ　２ＮＤ　ＩＮ。佢父母冇報神級個Ｄ，佢地只想個仔開心哦

作者: hadwinboy 時間: 12-11-6 13:41

chanwendy 發表於 12-11-6 12:47
我女幼稚園都已經做過重組句子, 串字同加數, 我諗好多幼稚園都有啦, 如果唔係問得太深, 應該都可以應付. ...

係呀, 我那間真係好愉快學習, 或者叫hea 都得, 但有名架.

作者: skmibb 時間: 12-11-6 19:01

momama 發表於 12-11-6 07:29
冇學卷=英語環境？？？

momama:
我指係我揀了間國際幼稚園給小朋友讀，是由外籍老師做班主任的，不會說中文。而教學助理係會說中文，方便同公公婆婆溝通。一般在班上，是全英語環境，除了上中文及普通話課。

作者: thomas07 時間: 12-11-7 00:52

ic..........

作者: HaYi 時間: 12-11-7 08:52

有學劵, 個人程度多靠外多, 冇學劵, 個人程度是內+外, 我想學習環境在3年下來有些分別的, 讀冇學劵的, 我想家長甚少沒有額外支援, 讀有學劵的就睇家長本身, 因個pool 太大, 不可能有大圍的共通點. 同小學是私立 / 直資/ 官津都一樣. 至於小朋友的表現出來的能力就不可以下下同家長學校的input 成正比, 因為個別吸收能力都有很大出入, 不只是有冇額外培訓事.

冇學劵的so far 只是根德園較出名谷, 但小朋友學到, 亦是愉快的, 只是根德園比較嚴格, 合性格較受教的小朋友, 其他的如SC, , 雖說英文較特出, 亦不見得谷, 都幾愉快的. 所以有冇學劵, 都可以是在校愉快學習的, 同深淺冇關架.

作者: evasoeeyy 時間: 12-11-7 09:43

我小朋友最先讀地區普通KG, 其後轉去KLN TONG KG, 分別在於無學劵KLN TONG KG 會集合較多對子女有期望考私小/直資的家長, 會在資訊交流上多一點, 大家可以有並肩作戰的感覺, 無學劵KG, 真係個pool 太大, 不可能有大圍的共通點, 連學校自己老師, 校長未必提供好多考私小.直資的資料, 另一方面, 小朋友可出去學PHONICS, 英數, 普通話, 但加起晒所有學野費用會否貴過讀無學劵KG ?? 當然父母再加點力度教小朋友是一定要的, 小朋友讀了無學卷KG 後, 自己在家溫習學校的功課, 書本, 再購買一點EXERCISE BOOK 比佢做, 跟住無再出去學其他學術性東西了(只是代表本人立場, 因為兩公婆要返工, 希望想選擇支援性較多的KG)

作者: iamfansma 時間: 12-11-7 11:14

I think its the matter of which school but not with or without 學券. Also if you think that the school is too easy you can teach your kid more skills at home. I buy some exercise for my sons to do by himself and I will check and evaluate with him.

作者: hadwinboy 時間: 12-11-7 11:57

我當初為我個仔揀這間幼稚園, 主要是環境夠大(好似有萬四呎), 小朋友多好地方走動, 因平日沒有機會帶去公園, 加埋愉快學習, 沒有詳細想清楚其他條件. 到讀左2年發現程度真的太淺, 有感佢唔會考到小一, 唯有立即幫佢搵外援. 除了額外支出, 也要人手帶出帶入(靠我媽), 都幾麻煩.

作者: himuimui 時間: 12-11-7 13:03

提示: 作者被禁止或刪除內容自動屏蔽

作者: Honeygirl 時間: 12-11-7 13:36

回復 bbsonyy 的帖子

我個仔仔都系讀梗有學卷的三文兩語活動式教學的幼稚園，今年為他報了四間學校，兩間直資，兩間私校，都幸運得到兩個錄取學位，但最後我們選擇了直資。平時除了經常游泳外（因為他自小身體不好，所以讓他學了游泳）也沒有同他參加任何考取證書和比賽類。更沒有參加什麼面試班。一個孩子的行為是日積月累出來的，我想最重要系我們身為父母的給孩子一個言行一致的正面榜樣給他。

作者: keemic77 時間: 12-11-7 14:21 標題: 引用：回復+bbsonyy+的帖子 ++++++++我個仔仔都

原帖由 Honeygirl 於 12-11-07 發表
回復 bbsonyy 的帖子

我個仔仔都系讀梗有學卷的三文兩語活動式教學的幼稚園，今年為他報了四間學 ...

作者: 小諾諾 時間: 12-12-6 23:27

回復 Honeygirl 的帖子

作者: LuckyYiu0517 時間: 12-12-7 08:52

回復 keemic77 的帖子

我個女女是讀有學卷的幼稚園，今年為她報了四間學校，一間直資，三間私校，但是幸運的得到兩個錄取學位。

作者: baby_sugar 時間: 12-12-7 09:04

沒有任何關係!

作者: lazyqueen80 時間: 12-12-7 10:50 標題: 回覆：如果只是讀有學卷幼稚園,in 私小而又成功是否機會好微呢 ?

我覺得無關係，如果小朋友岩學校要求，學校唔會因為佢讀學券唔收佢，同埋家長自己係屋企有心機教，讀咩幼稚園都可以好叻

作者: CoffeeCake 時間: 12-12-7 12:01

港島區,響我個女入讀KINDER時,有大半數名幼都有學劵喎!
不過近年跳船後可能會少左好多.

歡迎光臨教育王國 (/)