教育王國

標題: 中華基督教會香港區會協和學校揮手區 [打印本頁]

作者: cheukyinbaby 時間: 12-11-1 20:38 標題: 中華基督教會香港區會協和學校揮手區

今日收到信小女已取錄下午班, 2013/14 K1 bb 下年開學見請多多指教！

作者: Koge 時間: 12-11-1 21:22 標題: 回覆：cheukyinbaby 的帖子

我都係收左阿囡下午班，雖然仲有幾間會in,但我諗讀這間的機會都好高！

作者: cheukyinbaby 時間: 12-11-1 21:33

本帖最後由 cheukyinbaby 於 12-11-1 21:34 編輯

Hi Koge,

我都係呀, 黎緊都會IN多幾間, 睇下有冇其他選擇

你會唔會交留位費先呀?? 我諗我交左先, 有其他學校收阿女先再決定
其實我唔係住深水埗區, 呢間係我朋友細個讀過, 師資各樣都係估估下...
你點解會揀呢間既??

作者: Koge 時間: 12-11-1 22:06 標題: 回覆：cheukyinbaby 的帖子

我都會交留位費，因為驚其他唔得起碼都有這間讀。我揀這間學校係因為近，同埋諗住第時就算派唔到協和小學叩門都可能易點。仲有阿囡比較active,我見佢地的聲情教學同埋奧福音樂教學法好似幾適合阿囡。
你知唔知佢地下午班有幾多班同埋每班約幾多人啊？

作者: cheukyinbaby 時間: 12-11-1 22:31

好似total收50-60人左右, 詳細我冇多問, 等我聽日問下先
佢地用聲情教學同埋奧福音樂教學法?? 咁都OK喎, 我個女好中意聽歌唱歌架!
協和小學會收返幼稚園學生? 我見老師話同小學冇關係既, 呢個就係我擔心既問題, 因我朋友細個係住太子, 佢讀協幼派返協小的, 但我唔係附近住, 所以有D驚協小唔收阿女升小一, 頭痛

作者: yukai 時間: 12-11-1 22:47 標題: 回覆：cheukyinbaby 的帖子

協幼強調同協小冇關係，所以唔會好似半龍或一條龍幼稚園咁收番學生。因朋友教協小說的。

作者: Koge 時間: 12-11-1 23:49 標題: 回覆：cheukyinbaby 的帖子

我都知佢地唔係一條龍頭，不過諗住睇下有冇機會，而且好似好多人都識這間學校咁，我一話同阿囡去in這間個個都話幾好，咁就算唔係一條龍都好都讀得過........哈，其實我都係搵學校個陣先識佢！

作者: kafaye 時間: 12-11-1 23:50 標題: 回覆：中華基督教會香港區會協和學校揮手區

收咗阿囡讀上午班。已有3間都收阿囡，不過讀呢間機會大，鐘意佢教學方式同有小童軍。更可以叩門協小會有幫助。

作者: kwankin81 時間: 12-11-2 00:40 標題: 回覆：cheukyinbaby 的帖子

唉!仲以為有一條龍，諗住小一吾使再煩!

作者: cheukyinbaby 時間: 12-11-2 14:31

其他一條龍學校競爭好大, 千幾人爭百幾個位, 有d更誇張到幾千人報, 就算個小朋友in時表現幾好都好, 我覺得都係睇彩數…暫時in3間都收左阿女, 協和係九龍區第一間收先, 如果冇其他九龍學校收的話, 就決定讀協幼…我都係上網揾幼稚園先知協幼既, 都多人讚, 所以先試下面試。

作者: homs 時間: 12-11-2 15:42 標題: 回覆：中華基督教會香港區會協和學校揮手區

有人話攞到form就實收？係唔係呢？

作者: cheukyinbaby 時間: 12-11-2 19:10

當日我拎表既時候, 個幾鐘內上午班既表已經派晒, 得返下午班既表...
我都唔知係咪拎到表就等於實收架, 但總算有位...

作者: ghosta618 時間: 12-11-2 19:28

囝囝playgroup老師聽協和家長講，協和今年會行大班，所以會收多d學生。

作者: szesze720 時間: 12-11-2 22:31

我都是報下午班,上午冇位,但由於仔仔面試十問九唔應,只能做後備, 到時有冇位都成問題啦

作者: cheukyinbaby 時間: 12-11-3 01:23

我個女OK喎, in左3間答得最好就係協和, 全中！面見前我同阿女講入去同老師傾計, 入到去老師問咩叫佢做咩佢都肯答肯做, 連屋企地址都講到, 老師都好驚訝…

作者: Winnieyy325 時間: 12-11-3 01:33

今日收到信協幼收左阿囡讀下午班K1, 應該會交左留位費先, 因為都有IN崇真, 但系要等多兩個星期崇真先知收唔收! 穩陣D都系留左個位先! 而且我聽朋友講協幼都唔錯, 多數派位都可以派番協小. 如果崇真都收, 咁我就唔知點揀好? 其實, 崇真系我1ST心水學校, 協和系2ND.........

作者: cheukyinbaby 時間: 12-11-3 02:17

崇真都係我first選擇, 但我仲未收到信幾時in呀, 學校話太多人要分多幾日in, 叫我等下喎！如果崇真收左阿女, 我會揀崇真, 因為有得直升小一唔洗煩嘛…聽講有幾千人報崇真, 唔知堅定流…

作者: ghosta618 時間: 12-11-3 05:46

TT唔係真升嫁，要面試同考筆試

作者: Koge 時間: 12-11-3 08:31 標題: 回覆：cheukyinbaby 的帖子

因為老師見阿囡讀緊n班，所以個日考佢的題目都幾深，好彩阿囡都識答，只係疊高個度錯左一個顏色，所以in完我都只係有一半信心。

作者: clara22 時間: 12-11-3 17:39

收咗阿仔K1上午班，大家多多指教!

作者: clara22 時間: 12-11-3 17:43

回復 homs 的帖子

我估唔係喇，阿仔playgroup老師話協和每年都超額收表，但只係收百幾個學生。
你地張申請表號碼係幾多? 我號碼都二百幾號，所以我估唔會收到表就實收嘅!

作者: kafaye 時間: 12-11-3 18:28 標題: 回覆：中華基督教會香港區會協和學校揮手區

我想講我嗰日排第5個，但表no. 係150嚟

作者: arhanhan 時間: 12-11-3 22:54 標題: 回覆：中華基督教會香港區會協和學校揮手區

我排大約21個，張表係166

作者: arhanhan 時間: 12-11-3 22:55 標題: 回覆：中華基督教會香港區會協和學校揮手區

我女收左上午K1

作者: 冰涼鎮痛貼 時間: 12-11-3 23:49

請問學費多少?

作者: arhanhan 時間: 12-11-4 09:10 標題: 回覆：中華基督教會香港區會協和學校揮手區

扣學卷后幾百蚊，唔記得個數

作者: waiting046 時間: 12-11-4 10:18

本帖最後由 waiting046 於 12-11-4 10:19 編輯

我亞囡都收左, 2013/14 K1 AM. 我都會留位, 但未決定係唔係100%會讀, 仲有幾間未in...

作者: kafaye 時間: 12-11-4 10:31 標題: 回覆：中華基督教會香港區會協和學校揮手區

我仲諗緊留協和定德貞。。

歡迎光臨教育王國 (/)