教育王國

標題: 協康評估左, 醫生話好難下評論, 要做埋智力評估先 [打印本頁]

作者: fishcowcow 時間: 12-11-1 18:53 標題: 協康評估左, 醫生話好難下評論, 要做埋智力評估先

今日向協康做左自閉評估, 由於我仔只係每個range中啲, 醫生話中唔哂, 而且佢有良好眼神接觸, 所以好難下評論佢係咪自閉, 只有話少少似自閉症狀, 下星期做埋智力評估再睇多次先決定點寫report, 不過醫生話佢有語言(識句子), 但限於描述性, 較少溝通性語言, 而家又要等多一星期先

作者: llam1210 時間: 12-11-1 22:08 標題: 回覆：fishcowcow 的帖子

咁點解你覺得佢有事要去評估？有眼神交流好好喎

作者: fishcowcow 時間: 12-11-2 15:22

因為我上網睇過啲資料, 話有眼神接觸都唔代表無自閉, 因為我囝有少少其他症狀的, 例如玩門, 會睇轉既野, 唔鍾意玩玩具...所以就去做評估

作者: llam1210 時間: 12-11-2 23:00

佢會唔會同其他同年的小朋友一齊玩呀?
不一定有事呢, 不用太擔心.

作者: fishcowcow 時間: 12-11-3 09:22

巳經評估左喇, 心理醫生話佢係有少少奇怪行為, 但係眼神有好好, 所以話好難下評論, 佢話返去再睇下video playback同埋下星期再做埋智力評估後再下決定

作者: bearwhat 時間: 12-11-4 13:38

應該5係...我仔之前都懷疑係...但現在我肯定5係...玩扮開關玩少左了...
老師連續3星期評論都係all good...肯同小朋友玩...好合作..仲自己舉手出去扮動物...
in k1有問有答好好表現...仲肯唱歌...
5知關5關我之前日日同佢去玩swing事...由怕都5怕...仲可以玩好耐...真係感統有問題>.<

作者: albertmoon 時間: 13-1-23 16:37

fishcowcow 發表於 12-11-2 15:22
因為我上網睇過啲資料, 話有眼神接觸都唔代表無自閉, 因為我囝有少少其他症狀的, 例如玩門, 會睇轉既野, 唔 ...

係咪要同佢玩多D, 如煮飯仔.. 既集體GAME?

歡迎光臨教育王國 (/)