教育王國
標題: 其實In完K1鬧仔女係乜嘢心態? [打印本頁]
作者: 蝦米豬 時間: 12-11-1 13:28 標題: 其實In完K1鬧仔女係乜嘢心態?
我嗰個仲未開始In. 見到好幾個post都話面試後見很多父母罵仔女, 甚至有些打?
3歲未滿既人仔, 條路漫長, 一失手就咁早比人打比自己父母話唔掂, 都咪話唔hurt, 唔知會唔會有陰影, 越攪越頽.
既然係咁, 我為我個女 In得唔好打定輸數, 心急如焚點都有, 希望你放鬆一點, 這樣才有好表現, 日後將勤補拙. 無論結果怎麼樣, 媽媽都愛你.
自問我哋做阿媽的一代有多少人讀過名幼稚園? 你睇EK小學版都見到讀名幼稚園都唔一定考到名小學 .
作者: breadbb 時間: 12-11-1 13:51
上年n時我仔試過全程絛出過聲無做任何野...我出到黎..老公問我點呀..我話咩都無...但我無鬧佢..我老公話算啦..咁細個..我話我都無話佢呀..老公話但你個樣好失望呀..亞b見到架嘛...自此之後我都會提醒自己就算佢咩都無做..都要笑住讚佢..無喊已經值得讚~
希望大家想考到好學校時..都記緊...小朋友始終好細個...唔好對佢要求咁高!
作者: 小小山 時間: 12-11-1 13:51
Relax, parent !
作者: baby_tigger 時間: 12-11-1 14:39 標題: 回覆：其實In完K1鬧仔女係乜嘢心態
我個囝今年 in 第一間時乜都唔肯答，又唔理個老師。但我同爸爸都無鬧佢，只有無奈，唯有諗可能亞仔同呢間學校無緣。
作者: yumiee 時間: 12-11-1 14:44
我都係極度心儀一間幼稚園,但我唔會將希望放在小朋友身上. 因為佢地咁細, 點會表現到D乜,其實收唔收都係間學校的選揀.
如果大家愛子女, (假設大家揀好學校係為個小朋友,唔係為自己威), 咁咪比佢開開心心讀書囉.
我見到話有家長打罵子女, 真係好心痛. 小朋友好可憐.
作者: 月巴太太 時間: 12-11-1 15:05
鬧完咪仲更加唔想返學.. 小朋友唔識做戲, 鐘意就鐘意架啦 !
作者: pisontam 時間: 12-11-1 15:05
其實呢個真係病態,作為父母的有邊個唔想小朋友表現得好,考到心儀既學校?....但將呢種情緒發洩落小朋友度,唔係有問題至有鬼....
作者: super1984 時間: 12-11-1 15:09
其實小朋友係好識睇眉頭眼額, 尤其是未識講野之前, 他們的直覺是好犀利的. 你就算唔鬧, 父母臉色難看, 態度的轉變, 他們是感覺到的.
作者: cat8141210 時間: 12-11-1 15:16
我去INTERVIEW果陣真係有見過個小朋友IN完出黎就即刻比阿媽鬧,
但未見過小朋友比人打咁誇張,
當時咁啱個校長定主任行過見到都勸個阿媽唔好打自己個女...
我直頭覺得個阿媽係痴線架囉...
自己個親生女黎架嗎,
打乜姐打,
考唔到又唔洗死,
個阿媽仲係度鬧"你去到邊度都考唔到,一間都冇咁點呀!!冇書讀啦!!"
鬧到人人見到佢都側目...
都幾失禮...=.=
作者: cherryird 時間: 12-11-1 16:11
提示: 作者被禁止或刪除 內容自動屏蔽
作者: creamsicle 時間: 12-11-1 16:16
唉! 個D小朋友真可憐!
其實安排家長同小朋友一齊interview,家長表現某程度上都會比分.
老師見過咁多家長,相信佢地有本事從多方面辨認出D非常家長.
可憐小朋友如果reject左,致命傷可能係個非常爸媽,而非小朋友本身.
作者: ashleycece 時間: 12-11-1 17:03 標題: 回覆：其實In完K1鬧仔女係乜嘢心態
無話閙，連點解都唔好問，每次我都只係同小朋友講，去學校玩，in完就算，失望都唔會表現出來。始終只係兩三歲，壓力由父母頂啦!
作者: 02413124 時間: 12-11-1 17:38 標題: 回覆：其實In完K1鬧仔女係乜嘢心態?
心態未係變態
作者: 蝦米豬 時間: 12-11-1 18:38
唔鬧唔打唔我已經好, 至於收唔收埋面色, 我覺得唔需要刻意係子女面前收埋. 如果仔女問到阿媽點解唔開心, 我會同佢講, 但同時都鼓勵佢下次加油.
作者: melody228 時間: 12-11-1 20:03 標題: 回覆：其實In完K1鬧仔女係乜嘢心態?
變態囉！其實小朋友的自尊同自信某程度上係建基响身邊的人對佢的反應同認同之上。佢跟本唔識愛錫小朋友同易地而處囉！
作者: daren 時間: 12-11-2 00:26
打在兒身，疼在娘心
作者: Lovely_Babybaby 時間: 12-11-2 09:31
每次IN 完都覺得好好笑,
IN 得好IN 得唔好,我都覺得好好玩,
It's just a game! Take it easy!
上午IN N班坐唔定,成日走左去,
我要成日起身捉佢, IN 完爸爸問,
我就話佢個衰豬走黎走去唔坐定定,
阿囝仲不知幾開心咁哈哈笑
作者: Lovely_Babybaby 時間: 12-11-2 09:32
cat8141210 發表於 12-11-1 15:16 
我去INTERVIEW果陣真係有見過個小朋友IN完出黎就即刻比阿媽鬧,
但未見過小朋友比人打咁誇張,
當時咁啱個校 ...
佢知唔知學校唔收都係因為家長佢自己,
小朋友真係比佢累死
作者: didia 時間: 12-11-2 10:01
打同罵都不是好方法,唔駛咁緊張喎,你估做晒同答晒就一定收你個小朋友?你以為學校只看小朋友當日面試能力嗎???????
作者: waiting046 時間: 12-11-2 12:27
果D亞媽打個仔囡之前, 冇冇想過自己幾時開始同個小朋友練習, 怪個小朋友有咩用... 眼見呢度有好多家長問:小朋友2歲喇, 仲未識講野...又點又點...老實講個個係屋企都照顧周到, 洗乜講野喎! 我仲試過帶亞囡去出面上堂, 有個媽媽問老師相同問題, 個老師等左一陣就答佢:你自己睇下, 仔仔一出嚟你兩個又餵水又餵餅, 皇帝式照顧, 畀著係我都唔會講野啦!
打佢有咩用, 學似樓上講驚左返學仲弊!
純粹個人睇法, 不喜勿插!
作者: 猴子爸 時間: 12-11-2 12:53
回復 waiting046 的帖子
绝对同意！除非小孩子是自闭，过度活跃，读写障碍或其他先天性格缺陷等等，是父母控制不了的以外，小孩子的表现，根本上就是取决于父母平常的一点一滴的教育，礼貌，自理，说话，认知等等，到底父母以身作则，教了多少？
作者: golfmama 時間: 12-11-2 13:31
真係慚愧, 我係有' 話' 我個女的其中一人, 無鬧, 係話, 無大聲話, 係耳邊同佢講佢咁樣令媽媽唔開心, 話佢知佢人地問你野你特登唔答係好無禮貎, 我唔介意佢考唔到間學校, 但係我介意佢無禮貎.
有時又咁諗, 小朋友咁細個, 唔應該比壓力佢, 但係咁細個, 你唔話佢知點樣先係算好, 連提都唔提, 就係驚佢無壓力, 咁佢大個會唔會好似D O靚仔咁少少壓力就自殺?
第二日我再IN 第二間, 我個女巳經識得要開聲, 答錯我都無話佢, 我仲話佢叻同獎勵佢, 因為起碼人地同你講野你比D 反應嘛.
都係O個句, 不喜勿插.
作者: 大白豬 時間: 12-11-2 13:33
golfmama, 妳只是教囡囡應有的禮貌，沒有做錯。
作者: Jane1983 時間: 12-11-2 14:54
d父母可能係一時間控制吳到，其實而家大部分都好錫，好少話突登傷害小朋友心靈。
有次見到個亞媽in完打鬧個女，跟住兩母女抱頭痛哭，慘到不得了，何必呢！
作者: yswjazz2 時間: 12-11-2 15:00
提示: 作者被禁止或刪除 內容自動屏蔽
作者: flopsybunnies 時間: 12-11-2 15:09
回復 蝦米豬 的帖子
現代人壓力爆煲！
作者: kayeeian 時間: 12-11-2 16:08 標題: 回覆：flopsybunnies 的帖子
我都緊張阿囡讀書，之前因為入唔到心儀幼兒院，情緒非常低落。。不過就冇將情緒發洩喺小朋友度。
小朋友返學學知識嘅同時，我哋都係學緊做父母。。
作者: whitepurin 時間: 12-11-2 21:28
waiting046 發表於 12-11-2 12:27
果D亞媽打個仔囡之前, 冇冇想過自己幾時開始同個小朋友練習, 怪個小朋友有咩用... 眼見呢度有好多家長問:小 ...
我同意唔應該怪責小朋友, 但我唔認同你話小朋友表現差完全係父母問題, 咁有D小朋友性格係無咁outgoing. 好似我女喺屋企好多嘢講, 佢自理能力都好好, 但見到陌生人就係唔多俾反應, 但我覺得係性格問題, 或者可能我地兩公婆都要返工, 佢平日比較少出街, 所以咁怕醜, 但我哋都無話縱佢, 佢得兩歲人仔, 唔通日日帶佢出街迫佢同陌生人傾計?
作者: sbux 時間: 12-11-2 22:00 標題: 引用：Quote:waiting046+發表於+12-11-2+12:27+果
原帖由 whitepurin 於 12-11-02 發表
我同意唔應該怪責小朋友, 但我唔認同你話小朋友表現差完全係父母問題, 咁有D小朋友性格係無咁outgoing. 好 ...
作者: sbux 時間: 12-11-2 22:03 標題: 引用：果D亞媽打個仔囡之前,+冇冇想過自己幾時開
原帖由 waiting046 於 12-11-02 發表
果D亞媽打個仔囡之前, 冇冇想過自己幾時開始同個小朋友練習, 怪個小朋友有咩用... 眼見呢度有好多家長問:小 ...
作者: yslgirl 時間: 12-11-2 22:10
回復 Jane1983 的帖子
真係何必呢?人生仲有好多大事藉得喊過呢d!
作者: waiting046 時間: 12-11-2 23:03
whitepurin 發表於 12-11-2 21:28
我同意唔應該怪責小朋友, 但我唔認同你話小朋友表現差完全係父母問題, 咁有D小朋友性格係無咁outgoing. 好 ...
我並沒有話全是父母的問題!!! 我只係想提醒果D家長要反問自己有冇做好本份, 才怪責年幼的子女...
另外, 我自己的女兒本來都好內向, 我用左大半年的時間令佢不再害怕陌生人. 我自問有正視亞囡的弱點, 但就算佢面試表現得唔好, 我都唔會打佢! 
作者: 蝦米豬 時間: 12-11-3 00:30
可憐天下父母心, 打在身上痛在心底
作者: Heyheyjoyjoy 時間: 12-11-3 06:37 標題: 回覆：其實In完K1鬧仔女係乜嘢心態?
要睇佢地鬧乜，若只是一時控制唔到情緒，想佢過後都可能後悔。我們更應警惕自己不要讓情緒超越理智，發泄在子女身上。
若是鬧其他事，可能只是普通教子女，用唔用「打」呢個方法就見仁見智，個人就反對高壓教仔，原因是我想佢唔做的事是因為事情不對／危險，而不是「阿媽話嘅」。
| 歡迎光臨 教育王國 (/) |
Powered by Discuz! X1.5 |