教育王國
標題: in完崇真後發現好多怪獸家長 [打印本頁]
作者: mm1003 時間: 12-11-1 05:30 標題: in完崇真後發現好多怪獸家長
禽晚去in,阿仔in得麻麻地，十問九唔答。in完出黎個操場仲好多人等緊，爸爸俾咗粒糖阿仔食，突然有個小朋友行埋黎，好似想食咁，咁我問佢係咪想食，但你問咗媽媽俾唔俾你食先，之後佢阿媽係後面走過黎咩都無講就拉個仔走，個小朋友好無奈，問題係個媽媽咁做，無教個仔禮貌之餘仲有d睇唔起人咁囉！我覺得身教好重要，唔怪得香港小朋友咁無禮貌都係家長做成。另外我個仔係操場個slide area玩屋仔，點知有個女孩要同我個仔爭黎玩，爭唔緊要但個女仔動手打我個仔塊面同隻手，佢阿媽大住個肚係出面唔理個女，真係好嬲，心諗d家長唔該首要教小朋友既係品德，我
作者: joetsang 時間: 12-11-1 07:40 標題: 回覆：mm1003 的帖子
我仲慘呀，亞女玩玩下比小朋友迫左去濕個條滑梯個邊，我叫住佢唔好滑濕呀，點知成班家長兩個睇一個細路，我叫極都冇人比位我行到去亞女到，亞女就跟住一個妹妹滑左去濕個邊，我已經推開左一羣人入到去入面，但前面仲有兩個大人頂住，就係亞女前面小朋友的幾位家長，佢地知個滑梯濕係中間抱起自己個女係到罵，而我亞女跟住後面我就完全冇機會抱到佢，直到濕位，佢地唔幫手扶一扶我女不止，仲要我大叫幾聲借開先望下我行開，亞女搞到條裙同底褲仔濕晒，嬲到我爆
作者: JessieToys 時間: 12-11-1 07:44
條滑梯真係勁多人圍住, 我見啲人連姐姐、阿公阿婆都帶晒來, interview啫, 要唔要總動員?
作者: joetsang 時間: 12-11-1 07:49 標題: 回覆：JessieToys 的帖子
係呀，我前面個妹妹咪係工人+父母+亞嫲law,如果唔係等到亞女眼瞓，我都唔會比佢去玩呀
作者: cclemon2009 時間: 12-11-1 09:25
本帖最後由 cclemon2009 於 12-11-1 09:27 編輯
職員話一個大人陪同一位小朋友入禮堂等侯，我見禮堂有人四至五位成人陪位小朋友(父母爺爺嫲嫲工人），其他人跟風又call人入禮堂，真係一位家長陪好少，係禮堂等好耐，大人都吾規則，小朋友成長咪跟住吾跟。
最誇張到叫咪準備排隊上課室，都話一位家長陪同，我後面的小朋友父母仍然要兩人連小朋友同行，沿途爸爸一路行一路講計謀似的提醒媽媽和小朋友，好怪獸！比好大壓力小朋友，唉！守下規居啦！
作者: breadbb 時間: 12-11-1 10:04
我都想分享...我第一日in時..我個仔o係間屋仔都玩緊個玩具水侯~有個小朋友就推開我仔隻手想玩..咁我唔mind...我覺得好多小朋友都會咁(包括我自己小朋友)..咁我就叫自己個仔話一齊玩呀..一人一次玩洗手(係玩具黎既唔係真係有得洗)..咁但係個小朋友一路都推開我個仔..但佢亞媽係啤住我咁..真係咩人都有...我話既然小朋友咁想玩..我地讓佢玩..我地去果度睇野啦..
作者: mhcbaby 時間: 12-11-1 10:08 標題: 回覆：in完崇真後發現好多怪獸家長
明明講左一個家長陪入禮堂，都有人可以成隊兵入埋去，真係咩人都有！
作者: jacobkit 時間: 12-11-1 10:30
學校職員看在眼裡，都會明白，呢D家庭好麻煩。
作者: KTP 時間: 12-11-1 10:44
其實呢D家庭真係好多, 一個小朋友現在要5-6個大人照顧才可.
作者: chansze 時間: 12-11-1 10:50
唉, 我個囡就係滑著個條濕滑梯, 成條褲同件衫都濕晒, 要即刻換啊
作者: leiseefung 時間: 12-11-1 12:07
我睇到各位既post我都分享一下上年我遭遇。祟真，我上年都好有心機做哂準備去面試，點知，就係遇到呢類怪獸家長，好勞氣。亦想講，祟真既面試安排，都好考小朋友既忍耐力。話說上年等左好耐終於入到去第一個課室，我個小朋友好安靜地咁玩積木，突然之間有個中非mix既小朋友，好明顯係大B兼著住校服黎in，走去攞左一條由一個圈一個圈組成既錬，好似癲哂咁係咁"fet" 我即時抱起我小朋友，其他家長都即時有所反應保護自己個小朋友，但佢果位家長只係笑笑口話，吾好咁，整到人架，我見佢座係遠處只係叫過黎，一d想動身制止既意欲都冇，成班小朋友就個個都受到影響，但個老師(係小妹妹Feel)就好遲先話吾好，我當時真係好火，但又吾想影響到小朋友機會，因為當時係有評分的，但評分既老師時又未到，到後來第二次入另一課室，那個Mix就乜都識得搶住黎答，我地其他呢d，可能重係未回到魄，呢d咁既家教，我真係想比10個衰比佢，損人利己，因為同佢坐得近，我個小朋友比佢咁嚇一嚇，真係乜mood都冇，當時重即時喊走啦，我地走啦。幾經安撫才固定下來，但咁又點會有好結果丫。後記，祟真面試真係有好多呢類古怪家長，還請今年還未面試的家長小心小心。
作者: fungcarmen 時間: 12-11-1 16:59
這與地區有關嗎？有人說祟真的地區是深水埗，人種......
作者: smartbenyim 時間: 12-11-2 19:59
我個女都奶左野啦，條滑梯濕都唔清潔下先比人玩，D漬水仲要黑色架，我個女條白褲即刻污糟哂，入到課室等待時，幾十個小朋友得兩三份玩具，好似要人去爭先有得玩咁，間學校非常唔得LAW
作者: JessieToys 時間: 12-11-2 22:24
回復 smartbenyim 的帖子
我個仔都玩咗一輪, 跟住就話唔比玩要清潔, 因為我個仔冇玩轉彎果條滑梯, 所以我唔知原來係有水漬。啲水漬係一開始就有? 我係第7輪, 照計已經好多小朋友玩過, 又會咁遲先至清潔?
作者: Winnieyy325 時間: 12-11-3 02:10
我都有去IN, 由於我去既時候好急趕,去到門口有位小姐叫我排隊等攞STICKER, 等左陣佢先問有無5:45前既仲排緊隊, 咁我系5:45分, 即刻抱個女出去, 佢就叫我快D入去搵小朋友個名,唔好排隊喇, INTERVIEW已經開始緊, 吓,我排左咁耐你先講?....咁我雞咁腳走入去,搵左個STICKER 之後入禮堂, (入禮堂條樓梯又細又窄, d家長拖住個小朋友, 左一個家長右一個家長,小朋友又行得慢,我抱住阿囡完全行唔到), 入到去佢又無寫系邊個位置登記,等我走左個大圈先去到台前,點知都未到仲要等......入到去最後interview room,佢一個in2個小朋友, 我個囡又多心,只系望住人地做, 好影響佢既表現! 唔明點解佢無咁多學位又要收咁多人既申請表? 仲有, 佢interview既時間點解會系晚上, 個度系要上山ka......
作者: JessieToys 時間: 12-11-3 12:53
回復 Winnieyy325 的帖子
唔明點解佢無咁多學位又要收咁多人既申請表?
<--- 你意思係... 啲學位應該要先到先得?
作者: ROSATUNG 時間: 12-11-7 15:17 標題: 回覆：leiseefung 的帖子
請問最後有無讀K1呢?我15/11in呀!睇完你個post開始諗去唔去…
作者: cclemon2009 時間: 12-11-7 15:58
我老公本來去完簡介會都幾like 崇真，因為有back up，但interview 當曰，除左我入禮堂後見好多吾受規則的家長外，最嚇人係我先生大約七點左右去廁所，話個廁所好"壓＂，小解完更見到一Pat 口水啖在小童toilet 沖廁制旁，好嚇人，仲差過公廁。問題在於家長到，竟然有家長會咁冇公德。
當日仔仔面試都好合作，但呢啲野今我先生對崇真大打折扣呀！
作者: Lovely_Babybaby 時間: 12-11-7 17:10
cclemon2009 發表於 12-11-7 15:58 
我老公本來去完簡介會都幾like 崇真，因為有back up，但interview 當曰，除左我入禮堂後見好多吾受規則的家 ...
個D係黎IN 既家長,唔係崇真家長喎,又入埋佢地數?!
作者: cclemon2009 時間: 12-11-7 17:42 標題: 引用：Quote:cclemon2009+發表於+12-11-7+15:58+
原帖由 Lovely_Babybaby 於 12-11-07 發表
個D係黎IN 既家長,唔係崇真家長喎,又入埋佢地數?!
作者: vinik 時間: 12-11-7 17:48
大家有冇諗過, 學校安排混亂就係想睇下家長既耐性同埋即時既反應表現? 哈哈~ 所以大家記住任何時間都要鎮定, 老師可能看在眼內的。至於o的唔守規矩既家長, 我係老師一定即刻唔考慮~ 家長都唔受規矩, 小朋友都唔慌有禮得去邊~
作者: 猴子爸 時間: 12-11-7 18:16
这是关于小学面试的，但相信在这学校的幼稚园面试上，也同样道理。
崇真小學暨幼稚園校長譚煥玲﹕面試逾小時 考孩子耐性
校長的話﹕
學校重視基督教教育和家校協作，希望家長認同學校的教學理念。面試時，希望小朋友有禮貌和反應快。
學校會觀察小朋友的行為，例如在個多小時的面試內，他會否因欠耐性而打人、騷擾別人或走到別人的座位？這會看到他在過去四五年所受的家庭教育如何，若家長管教欠理想，或許會令我們將來合作有困難。
作者: yumiee 時間: 12-11-7 22:01
回復 Winnieyy325 的帖子
晚上唔好咩? 如果係日間咪要請假囉.
日間D老師都要教書吧! (我自己估咋)
其實佢五點幾開始,都唔係算晚上. D 老師教左一日書, 然後好急又要預備INTERVIEW 都好辛勞的了.
都好嘅, 如果INTERVIEW 唔夾,咁咪有OFFER 都唔好讀.大家互相了解也是好事.你揀我時我也揀你. 到時入左先唔無夾,仲痲煩.
(我純綷客觀咁諗)
作者: Lovely_Babybaby 時間: 12-11-8 11:11
cclemon2009 發表於 12-11-7 17:42
我只是說家長，没有說是崇真家長！
只是IN 的家長品德有問題,又唔係崇真家長,
唔明點解"呢啲野今我先生對崇真大打折扣"?!
純粹好奇啫
作者: Lovely_Babybaby 時間: 12-11-8 11:18
yumiee 發表於 12-11-7 22:01
回復 Winnieyy325 的帖子
晚上唔好咩? 如果係日間咪要請假囉.
IN 任何時段都有人鍾意有人唔鍾意,
多D 體諒下學校要見幾千個考生,
安排真係唔容易.
我諗無一個老師想做到咁夜先收工,
但又唔想影響日間課程,唯有IN 黃昏,
苦了老師
凡事感恩,包容及體諒,世界可以更美!
作者: LuLuKiuKiu 時間: 12-11-8 14:46
Winnieyy325 發表於 12-11-3 02:10
我都有去IN, 由於我去既時候好急趕,去到門口有位小姐叫我排隊等攞STICKER, 等左陣佢先問有無5:45前既仲排緊 ...
自己遲到又嘈!
校學黃昏面試, 今年唔係第一年, 報名前已知, 又嘈!
間校學係山上, 一早知既, 又嘈!
自己個小朋友唔專注, 又話人!
所以咁多校學要in埋家長!
作者: cclemon2009 時間: 12-11-8 16:23 標題: 引用：Quote:cclemon2009+發表於+12-11-7+17:42+
原帖由 Lovely_Babybaby 於 12-11-08 發表
只是IN 的家長品德有問題,又唔係崇真家長,
唔明點解"呢啲野今我先生對崇真大打折扣"?!
純粹好奇啫:thinkin ...
佢話好難相信個小朋友男廁有味。
| 歡迎光臨 教育王國 (/) |
Powered by Discuz! X1.5 |