教育王國

標題: 如何令小朋友可以自己溫習？ [打印本頁]

作者: sunnygirl 時間: 12-10-31 02:50 標題: 如何令小朋友可以自己溫習？

小朋友小三，功課可以自己一手一腳做，但就唔識如何自己溫習，你叫佢溫習佢只會對住本書發呆，又或是好像無從入手，有咩良方可以令佢自己溫習呢？

作者: irischowys 時間: 12-10-31 08:45 標題: 回覆：如何令小朋友可以自己溫習？

我女小一，剛測驗，我先叫她溫習所有生字，要認得識寫，我再出題目無字填充，再探討課文內容，如常識科，要她理解思考。數學一定做題目，因她常大意失分，做多D練習。

作者: siutingto 時間: 12-10-31 09:15 標題: 回覆：如何令小朋友可以自己溫習？

提示: 作者被禁止或刪除內容自動屏蔽

作者: chanwendy 時間: 12-10-31 10:47

你回想自己細個時係點溫, 就教佢點溫囉.

作者: sunnygirl 時間: 12-10-31 13:45 標題: 引用：你回想自己細個時係點溫,+就教佢點溫囉.++

原帖由 chanwendy 於 12-10-31 發表
你回想自己細個時係點溫, 就教佢點溫囉.

細個我記得小一開始已經係自己溫習應付考試測驗，我都有話過俾小朋友知我細個用咩方法溫，耐何佢好似完全無動力自己去溫，可以點做？

作者: JJDBB 時間: 12-11-1 13:18

回復 sunnygirl 的帖子

我自覺得：e家細路邊到會自己溫習，你要比左方法佢先，例如抄書，或者背，慢慢佢會知邊樣對佢有用！我家小朋友唔like 抄書，鐘意做練習，所以佢會有主動拎練習做。不過常識，好多時是要讀總結的，常識是有時發生在生活上的，
有時在生活上傾下，或者會加深記憶。例如小二的植物，根部有什麼作用，這都系我們平常生活會知的，都可以傾下......，慢慢啦，世界唔同左！大家努力！

作者: marcuscyrus 時間: 12-11-1 13:46

好難一步到位，要慢慢來。
現在我仔每周末會溫習，我有時叫佢做mind map(之前教過下佢)，中文佢會自己默下課文，背到就背，背唔到叫佢自己錄音默
有時我會出d 題目比佢做，佢好喜歡做我o個d true or false/ mc，因我常常出d 好低能choices 比佢，佢一路做一路笑，我覺得對佢記憶都有幫助
但如果小朋友認字未太多，我建議花多d時間睇書先，認字能力高對讀書幫助都好大，有時佢地唔識睇題目都好難自己做

作者: iamlinda 時間: 12-11-2 12:10

我是自己看一下重點，然后出個題給仔練習，讓他自己練習，很難看到重點，他以為他所有的都會。。。

作者: candytsy 時間: 12-11-2 13:29

iamlinda 發表於 12-11-2 12:10
我是自己看一下重點，然后出個題給仔練習，讓他自己練習，很難看到重點，他以為他所有的都會。。。 ...

認同你的做法,我都係咁同囡囡温先會見效,否則佢自己來等同冇温.咁細個如果識重點温書,我相信理解能力一定好高.

作者: wister 時間: 12-11-3 20:49

訂個獎勵計劃比佢，同埋要教佢自己溫習嘅方法，否則只有哂氣

歡迎光臨教育王國 (/)