教育王國
標題: 學習放手!! [打印本頁]
作者: leedorean 時間: 12-10-30 22:55 標題: 學習放手!!
提示: 作者被禁止或刪除 內容自動屏蔽
作者: Lukos 時間: 12-10-30 23:32
提示: 作者被禁止或刪除 內容自動屏蔽
作者: sschiu 時間: 12-10-30 23:37 標題: 回覆：Lukos 的帖子
要好認真話佢知，警察會來拉佢㗎！唔好打佢，越打越反叛，唔會服你的。
作者: jimmus 時間: 12-10-31 11:49
會唔會o係補習班學番黎架?
作者: grace_xian 時間: 12-10-31 11:59
我入來錯咗, 我來學放手的, 點知….
咁樣點樣可以放手, 要收緊先真
作者: mandy304 時間: 12-10-31 16:57
回復 leedorean 的帖子
去到咁, 我想打都無用. 認真坐下來傾下心中話. 是否只想引你們注意, 因爸錫妹, 你又上班.
問佢怎樣才可改過. 想爸媽怎樣幫你等問題....揾出原因對症下藥
作者: mandy304 時間: 12-10-31 17:00
小二仲有得教. 做媽媽唔易, 別放棄.
作者: 貓貓咪 時間: 12-10-31 17:45
我個仔小一已有這問題，他有零用錢，但亦因貪婪和衝動而做出這行為，每次我們都是用愛和道理，再加上一些處分去處理，今年小三已再沒有這問題。
你要加油!別放棄!
作者: pandean 時間: 12-11-2 13:57
本帖最後由 pandean 於 12-11-2 14:01 編輯
小朋友本是白紙一張，他的行為都在某種程度上是成年人行為的“反射”。我的意思不是說樓主會偷錢，只是樓主要清楚知道問題並不都出在他身上。以下是我看到的一些問題，希望樓主好好思考一下……
1、打孩子不合理（甚至在某些地方算犯法），這個道理大家都知道，樓主在他一年級的時候總用暴力，打孩子打到自己都怕了，最後也就是一句“易動氣既人”就帶過了……那孩子說謊偷東西是否亦能以同樣簡單的，我性格不好無法控制自己之類的借口帶過？父母學會控制自己的行為，孩子就也會學著控制自己行為。
2、父母各偏心一個孩子，為何？難道不是兩個孩子都是自己生出來的麼，自己能知道自己偏心，孩子們又怎麼會不知道呢？父親偏愛一個孩子本來就錯，你用另外一種錯誤來彌補這個錯誤的做法很有問題。偏愛會導致孩子的嫉妒、自卑……你需要的是和父親溝通，父母講道理，孩子就會講道理。
3、他埋怨你擦他功課時你很心疼，但是你也要回想一下，你在擦他功課的時候先鼓勵他完成了功課再耐心告訴他那裡寫的不好了麼？彼此用心聆聽，他就會愛你尊敬你，而不是怕你。
4、順帶說一下默書不及格這種情況，其實我覺得默書成績不重要，不一定要及格的。很多家長都提起過幫小孩複習默書很痛苦，也某種程度上證明很多學校默書是不顧發展規律，讓孩子在過短的時間記住超出他們自己學習能力的東西。所以默書成績不好的時候我們要理解他們，日常默書要幫一下他們，錯了低分的時候再教他們……
作者: lestat 時間: 12-11-2 17:15
本帖最後由 lestat 於 12-11-2 17:16 編輯
樓主, 你同個囝溝通除左功課以外, 就係責罵? 你唔係要學習放手, 而係學習放低你對佢學業既執著, 如果功課寫得唔好, 你唔好出手擦佢功課, 而係嗌佢自己衡量, 鼓勵佢將唔好既自己擦左佢, 佢唔肯擦就由佢, 老師分數自然會反映俾佢知, 亦唔好放手交哂俾補習社, 完全不聞不問, 佢會覺得你唔關心佢, 而家最重要係建立好既親子關係, 佢講大話某程度係因為怕左你, 我都係在職媽媽, 阿囡功課鬼畫符, 一樣講大話唔眨眼, 我都在學習中...... 加油 
作者: lestat 時間: 12-11-2 17:17
本帖最後由 lestat 於 12-11-2 18:31 編輯
唔記得晌邊度睇過講有關體罰小朋友, 樓主或者可以參考一下, 內容大致: 如果真係非要體罰小朋友不可, 只可用自己隻手去打小朋友隻手, 因為除左被打既會痛, 打人既一樣會痛, 打既人自然會知道輕重, 同時俾小朋友知道打佢唔係得佢一個自己痛, 打之前一定要講為咩要打, 打幾多下, 唔好一火就乜都唔講打落去.
作者: haydenden1023 時間: 12-11-2 18:03
錯!!!! 真係超錯!!!!!!!!!!!!!!!!
錯在樓主兩公婆生左個仔出黎又唔理 (我都係全職媽媽)
錯在點解會偏心, 同一對父母所生的孩子
錯在o甘細個小朋友要同衣架打
偷錢, 打人,或者遲d打你地...
呢d行為都因為你地所種落o既種子
唔好意思, 我一聽到父母嚴打小朋友我就好嬲
好多報導都話打係無用不得只, 只會更差, 亦講父母打小朋友都係因為要發洩自己情緒
你要好好諗下, 係你地選擇生佢出來
好心痛被遺棄的小朋友
唉......
好好想想你想將來有一個咩o既結局
作者: heychi 時間: 12-11-2 23:13
打係冇用，呢個年代要溝通要忍耐，你都唔想第時佢討厭你唔同你講野。
作者: siuqueen 時間: 12-11-3 01:00
本帖最後由 siuqueen 於 12-11-3 01:40 編輯
leedorean 發表於 12-10-30 22:55 
阿仔小二,成績中下。由於工作關係,小一既十一月我己將他的功課外判給補習社!
小一初,真的打他打得好甘,係用 ...
請你唔好介意我以下既留言, 教養有好多好方法, 不能一一盡錄, 我都係出面周圍上course學既, 我都係媽媽, 只係希望我既小小分享同意見可以祝福到你既家庭。
首先, 我絶對唔贊成體罰, 無論咩形式, 大力定細力, 打就係打, 呢個唔單止會造成肉體上既痛楚, 心靈創傷好可能係永久好難醫治。做父母既總會叫仔女唔好打人, 但如果我哋自己都打佢, 咁又點可以教好佢哋唔好打人呢個基本尊重呢! 人係愛嚟錫, 唔係愛嚟打, 世上有邊個係唔鍾意有人錫自己愛自己對自己好架, 係咪?! 有既都只會係悔氣說話。可能有人會話, 試問我哋細個嗰陣時有邊個未俾父母打過架, 我哋而家講番可能覺得以前都係咁啦, 咪又係咁大, 但試下自己靜落嚟回想吓, 其實好可能係一道埋喺我哋心裡面既傷口, 只係我哋一直唔為意冇好好處理過。我哋既成長背景好影响我哋既下一代, 我哋既心理質素同思想會不自覺地反映出我哋點樣對代同教導我哋既下一代, 小朋友就好似我哋塊鏡咁, 我地係點, 佢哋就會係點。我意思唔係叫你溺愛或由得你個仔, 當然要教佢做人既道理同責任, 但現階係要改善大家之間既關係先有得攪, 讓佢知道你好愛佢, 唔單止口講, 而係付諸行動, 用愛去包圍佢, 讓佢心中有愛得到心靈既滿足, 行為一定會有所改善, 當然唔係一次就得, 大人一定要持守。人做任何事背後總有原因, 可能有時自己都冇為意, 小朋友其實都一樣。鼓勵你行出第一步, 當你發現佢做錯事既時候(除非構成即時生命危險), 你先深呼吸一下, 嘗試控制一下你既負面情緒, 唔好先開口鬧或郁手同教佢唔好點點點, 呢個時候唔好俾任何人介入包括你老公同個女, 輕輕力攬住囝囝, 細細聲温柔啲咁同佢講, 媽媽其實好愛你, 媽媽知道你好唔開心先咁做,媽媽同你一樣都好唔開心, 媽媽好想幫你......。另外, 揾機會係佢臨瞓前响佢床仔同佢一齊傾吓計, 那怕只有十分鐘, 重質不重量 (當然加埋重量就更理想啦), 要同佢講番, 而家媽媽知道打你係唔啱, 同以後唔會再打你(但切記言出必行),讓佢明白尊重係互相唔係單向, 肯改過會被原諒同接納, 至少做父母係會咁對仔女。而家你同你囝囝關係咁, 好可能佢會抗拒你既舉動, 呢個時候你千祈唔好氣餒唔好放棄, 一次唔得就下一次, 下一次唔得, 就再下一次 。
而家另外一樣要盡快做既係你同你老公兩個要好好傾吓, 但千祈唔好响對仔女面前傾, 要傾番點解你老公只係偏心細妹, 而你又點解咁易對個仔動氣, 大人都要反省反思, 唔係做父母就係權威啱哂。我哋成日話小朋友讀書好緊要, 其實eq更緊要, 做父母既eq係最最最緊要。我相信大人可能積落好多問題冇處理過, 短時間內亦未必達成共識, 所以建議你同一時間盡快揾學校社工老師或附近社區中心既社工傾你哋個case, 揾啲第三者專業意見幫吓你哋, 若然爸爸唔合作, 你自己先唔好怕羞去同專業人仕傾咗先, 亦不妨打去小童群益會個"兒童身心發展家長熱線" 2866 6388 星期一、二、三 (2:00 pm - 4:00 pm); 星期四 (7:30 pm - 9:30 pm) 揾人傾吓。囝囝只係二年班, 其實幾大都有得救, 只要做家長肯願意先改變一啲自己負面既行為同態度, 負能量傳化成正能量!
聖經教導, 不要惹兒女的氣 ; 教養孩童 使他走當行的道 就是到老他也不偏離。 願主祝福你!
作者: Geni 時間: 12-11-3 15:59 標題: 回覆：siuqueen 的帖子
好想俾好多個like你。
我自己都上過好幾個家長工作坊，都講好多教養小朋友嘅嘢，好有用，我都建議所有家長去上。推介陳敏兒搞嘅“家長匯習“，上完一定會有新嘅體會！
另外，偷嘢只係佢表面行為，咁細個小朋友唔會係貪錢而偷嘢的，一定係佢心入面有d佢解唔開嘅心結，媽媽你一定要正視！我都覺得你應該快d搵專業人士幫手！
作者: Geni 時間: 12-11-3 16:02 標題: 回覆：學習放手!!
另外，小童群益會嘅姑娘好好人好有經驗（試過個姑娘夜晚9點幾打俾我跟進我個仔嘅case），不妨搵佢地傾傾！
作者: wister 時間: 12-11-3 20:31
慢慢教，多給他回耐心，可問他拿錢的用途，再慢慢分析給他知這樣做的後果，和解決方法
作者: chumamma 時間: 12-11-4 00:41
搵社工救助, 有用的, 佢地有專業知識, 幫你解決教仔心得。
有個很有效方法, 就係你放棄工作, 做全職媽媽, 多同佢溝通, 自己教。
作者: rchchan0505 時間: 12-11-4 23:28
相信樓主教囝很勞氣！樓主標題為"學習放手"，是否樓管已有新的教囝方法？
衣架打囝另我想起早幾天國內媽媽用衣架打死囝的case，非常可怕！
看你草草幾句，已可知情況險峻，千萬要小心處理，如你看 William Glasser 的"每個孩子都能成功"這本書，相信會給你一點insight.
你說自己是容易動氣，自己教恐怕更易動氣！
媽媽們都給你打氣，請忍著氣，慢慢聽、慢慢說、慢慢來！
作者: Ken618 時間: 12-11-5 14:32
自問我也是個很易動火的家長, 有個階段成日罵個仔, 不但情況沒改善, 是變得更差. 後期看了一份報章的10句鼓勵說話, 學會了少罵, 多鼓勵, 多關愛. 阿仔真的變得乖了, 認真學習了.
所以, 樓主一定要控制好情緒, 大家一起努力!
作者: siuqueen 時間: 12-12-3 13:16
Geni 發表於 12-11-3 15:59 
好想俾好多個like你。
我自己都上過好幾個家長工作坊，都講好多教養小朋友嘅嘢，好有用，我都建議所有家長 ...
握個手
。同為家長，大家互相勉勵，同小朋友每天一同努力一同進步。
作者: siuqueen 時間: 12-12-3 13:17
leedorean 發表於 12-10-30 22:55
阿仔小二,成績中下。由於工作關係,小一既十一月我己將他的功課外判給補習社!
小一初,真的打他打得好甘,係用 ...
樓主，你家庭情況最近點呀？見你帖中話待續，希望有好嘅進展。
作者: celiamum 時間: 12-12-3 17:59
回復 Geni 的帖子
我都剛剛上完...呢個course 唔止幫到我同小朋友嘅關係...基本上...係教我地點做人...
我同老公嘅關係都好咗...
作者: lojo11 時間: 12-12-3 18:16
我諗樓主仲有野講...
我一向都唔主張打小朋友, 打有效就好了....
作者: pmmemilyq 時間: 12-12-4 00:39
有無想過小朋友想你關心佢多點,想你注意佢多點,你試下留意佢多點,佢心理上會覺得有人錫我
作者: leedorean 時間: 12-12-5 20:00 標題: 回覆：學習放手!!
提示: 作者被禁止或刪除 內容自動屏蔽
作者: awah112 時間: 12-12-7 08:31 標題: 引用：其實我很久沒有打仔了，多謝各位jm關心，關
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |