教育王國

標題: BB吾肯換校服,點算? [打印本頁]

作者: carmenkwok50 時間: 12-10-30 11:08 標題: BB吾肯換校服,點算?

2歲半囝囝返緊N班, 佢吾肯係屋企換校服, 一定要返到學校先換..吾知點解?
每朝即使逼佢換左佢都吾肯出門口, 學校要我想下辦法, 因為吾可以長期係咁..
佢一見到校服就話吾換, 跟住要我擺係書包...想請教各位媽咪有咩辦法呢 ??

作者: Olympian 時間: 12-10-30 13:05

試下同佢造一個故仔，係關於有個小朋友係屋企穿上校服，媽媽讚叻仔，然後上學，返到學校老師又讚佢叻仔。最好用佢自己做呢個故事的主角，同埋用佢自己係屋企換校服的相片，如果加埋佢著住校服係學校老師讚佢的相片更好。

作者: carmenkwok50 時間: 12-10-31 11:37

Olympian 發表於 12-10-30 13:05
試下同佢造一個故仔，係關於有個小朋友係屋企穿上校服，媽媽讚叻仔，然後上學，返到學校老師又讚佢叻仔。最 ...

吾該晒, 但其實有難度, 佢根本吾鍾意睇書或者聽故事, 因為仲係講緊字, 理解也比較弱...
唉!! 今朝咁涼我要佢著學校件外套佢都吾肯, 逼佢著左佢都要除番出黎, 搞到遲晒到, 仲比老師話, 真係煩死人!!

作者: Olympian 時間: 12-11-1 02:32 標題: 回覆：BB吾肯換校服,點算

咁我都諗唔到咩好方法。不過，如果係我就會迫佢著，同埋唔比佢脱。佢咁細個就算爭扎我都佢夠力拑住佢。

作者: cowina.wong 時間: 12-11-2 10:09

提示: 作者被禁止或刪除內容自動屏蔽

作者: mwchan66 時間: 12-11-2 18:03

同意要堅持,在堅持過程可以加以獎勵,
你唔好問佢著唔著,唔好講你唔鍾意呀...等說話,你一路同佢講其他佢鍾愛的事情,一路著便ok,
唔好提校服兩個字,
試下ok唔ok

作者: pinkdoll 時間: 12-11-2 21:33

本帖最後由 pinkdoll 於 12-11-2 22:23 編輯

carmenkwok50 發表於 12-10-30 11:08
2歲半囝囝返緊N班, 佢吾肯係屋企換校服, 一定要返到學校先換..吾知點解?
每朝即使逼佢換左佢都吾肯出門口, ...

其實佢哋到底怕乜我哋好難明白因為佢哋好敏感好固執好怕改變好冇安全感佢哋對於這個世界好多事情都好陌生好抗拒所以想幫佢哋就要令佢哋感覺到件事其實並不可怕佢哋係好需要我哋一步一步去幫助因為佢哋好脆弱 ........就正如有件事別人想你做但你對呢件事好抗拒呢件事令你好唔開心你都會一樣唔想做都想反抗一樣

既然早上趕住要出門口去返學你囝囝又要上堂咁就唔好係早上搞到佢心情唔好晨早流流剛剛瞓醒就逼佢做啲佢唔鐘意既嘢換轉係自己都想打人啦係咪? 而且都冇時間同佢角鬥啦不如試下轉個時間訓練佢呢樣嘢大家都唔會有咁大壓力咁係咪好好多??

目標: 在家肯著校服

你試下晚上找一個好舒服好舒適既時間及環境係咁易將件校服穿係手婉千祈唔好一開始就著晒成件校服然後數十下好快咁數十下然後除下然後讚佢即刻獎佢鐘意既嘢咁就停啦........ 第二晚又係咁到開始唔抗拒手婉.....就穿上手臂然後數十下..晚晚都做一做呢個練習....再ok啦就穿埋另一隻手袖又係數十下如此類推...就係咁幫佢慢慢去克服佢怕既事情...要每次做到就獎勵佢最鐘意既嘢記住循序漸進按步就班不要心急因為你心急都冇用

另外, 如果佢其實唔怕著呢件校服, 只不過唔知why係都要去到學校先著, 有機會係一開始就係學校先著校服, 佢入咗腦, 改唔到. 咁咪試下星期六日朝早在家試著校服囉用番以上方法等佢慢慢克服.....

其實佢哋唔係唔想做架係佢哋唔識點做唔知點做我們在他們角度想多些你就會明白他們多些就可以幫到他們多些......當佢哋complete到一個target後其實佢哋都會好開心架 ...所以不要灰心

記住你目標無變架就係有朝一日可以在家裏朝早換校服係開開心心地換校服開始時你只不過用個適合既時間環境讓你囝囝去學習一件事

你可以同學校講你這個計劃及方法等佢哋知道你處理緊.

作者: cowina.wong 時間: 12-11-2 23:41

提示: 作者被禁止或刪除內容自動屏蔽

作者: carmenkwok50 時間: 12-11-5 10:29

感謝各位媽咪的建議, 我會去試下你地的方法...的確囝囝係鍾意虾我, 可能真係之前太就佢, 佢一有吾順意就大喊, 特別我逼佢做吾想做的事時, .今朝逼佢著衫又遲到, 佢自已識除褲, 著番自己條褲先出門口, 件衫就除吾到粒鈕,所以喊住出門口囉, 真係煩!!

作者: cowina.wong 時間: 12-11-5 13:00

提示: 作者被禁止或刪除內容自動屏蔽

作者: sally722 時間: 12-11-5 13:37

回復 carmenkwok50 的帖子

add oil

作者: cat1028 時間: 12-11-5 15:42

我囝有時都唔肯著校服架，我會早一晚掛左成套校服（等佢知明天返學），佢早上不穿想脫我＂堅持＂要佢穿，同佢講大個仔要返學喇，同學仔等緊你喇，學校係咪有siu滑梯(我仔好喜歡玩的），我想你知道小朋友係會"希善怕惡＂（我老公同佢換無尼個問題），要堅持。

作者: carmenkwok50 時間: 12-11-7 10:32

今朝都係堅持要佢換, 又係反抗, 但係喊的時間短左

作者: cowina.wong 時間: 12-11-9 20:23

提示: 作者被禁止或刪除內容自動屏蔽

作者: carmenkwok50 時間: 12-11-10 13:25

昨天已有改善，雖然仲係喊但反抗少左，佢似乎知道反抗都冇用。

歡迎光臨教育王國 (/)