教育王國

標題: 懷疑小朋友有讀寫障礙，点界定？ [打印本頁]

作者: bmw123 時間: 12-10-29 22:48 標題: 懷疑小朋友有讀寫障礙，点界定？

我嘅小朋友今年五歲半，我幫他温英文中文時，好經常是温完一陣就唔記得要連續教幾日先會上心，而寫英文字時26個字母順序就無問題，有時漏字，但字母有時就上下左右倒轉了，中文就筆順錯和漏筆劃，數學就好以無事，加減數都識。

帶他到健康院，個醫生比佢叠下積木，抄寫下中文字，跟住就話佢ok喎，五歲半，唔洗太緊張，仲多次話我太緊張，所以我都唔知係自已緊張担心定係醫生睇唔出。

各位家長，我想請問我應該可以點做？請幫下我丫？唔該。

作者: emilylam 時間: 12-10-29 23:56

去到小一時會明顯些是否讀寫

作者: bmw123 時間: 12-10-30 09:30 標題: 回覆：emilylam 的帖子

多謝你的支持，我都睇到你發帖並提及你小朋友的情況，其實我都有呢類問題，都唔知問乜野人，束手無策。

作者: bmw123 時間: 12-10-30 23:00 標題: 回覆：bmw123 的帖子

佢學校好似完全唔想佢有事，寫個份report 係完全冇問題，仲話佢好好添，但我真係唔係好信佢老師嘅說話。（我係佢父母，我都唔想，但現實真係唔似）

作者: MrBeast 時間: 12-10-31 08:34

幼稚園老師未必有這方面的訓練，所以察覺不到問題。就咁睇我覺得你孩子不是讀寫障，你可找一些訓練丿方法去幫幫他的空間感，視覺認知能力，長期記憶。如$許可，可找職業治療師做個評估。

作者: babuwawu 時間: 12-10-31 11:13

如果錢許可, 都可以預先做定一些評估, 否則上到小一, 本身適應已夠困難, 如果真的有障礙而沒有心理準備, 就是難上加難。有一些小練習是有幫助的, 最重要是不要讓小朋友因此而自尊或個性受損, 人人都會有強弱處。如果佢五歲半識加減, 都幾叻呀！

作者: bmw123 時間: 12-10-31 13:00 標題: 回覆：babuwawu 的帖子

thanks

作者: babuwawu 時間: 12-10-31 17:58

我有個best friend, 她的兩個孩子都有讀寫的困難, 一個剛上小一, 一個三年級, 整個家庭壓力好大, 我間中也會幫他們補習。我身為局外人, 有時也會激氣到想罰他們(我當然不敢罰, 不是自己的孩子嘛), 可以想像身為父母的感受。小一那個男孩子, 個性頗皮一點, 被迫做功課, 時常鬧情緒。小三的女孩子, 個性溫馴, 但因為覺得自己時常做得不好, 所以很自責, 自我形象低落。見到兩個不同性格的孩子的反應, 所以, 我覺得在孩子的學習路上, 盡量讓他們偷快成長是很重要的( 不論他們是否有學習上的障礙)。
你有聽過Step Center for Child Development嗎？我從報紙上看過他們的訪問, 他們有提供寫前訓練給小孩子的, K2-3未上p1的小孩子可以透過運動改善空間感, 我找了他們的link: http://www.step-hk.com/2010/
或者你也可以去看看, 希望有幫助啦。

作者: bmw123 時間: 12-11-1 13:14 標題: 回覆：babuwawu 的帖子

多謝晒。

作者: belau8009 時間: 12-11-9 16:36 標題: 回覆：懷疑小朋友有讀寫障礙，点界定？

好多機構會有申請減免一般綜援或者有學費全免都可以用超平的$(幾百蚊左右)做評估！

作者: bmw123 時間: 12-11-9 16:56

回復 belau8009 的帖子

可惜我唔係綜援戶, 我只係中產貧窮戶.
So far, Thankyou for your help.

作者: belau8009 時間: 12-11-22 10:19 標題: 回覆：懷疑小朋友有讀寫障礙，点界定？

真係申請佐先知人地機構會收幾$，有D不分中低都可以有服務，青年協會，東華上環何玉清，學障協會…等！當然要評估小朋友是有咩問題先可以找服務俾她！

作者: bmw123 時間: 12-11-24 23:25

回復 belau8009 的帖子

thanks for your share,
我在這個月裡, 考慮了很多方面, 因評估六歲小朋友時, 結果未必準, 我現在只可做的不是評估, 而是盡力教他中文字, 英文Phonic, 去做多些運動, 令他發展大小肌肉.等.....
等小一再做評估.

作者: belau8009 時間: 12-11-25 00:14 標題: 回覆：懷疑小朋友有讀寫障礙，点界定？

做運動好！挑選一至兩樣每天做半小時或以上(社工分享家人的經驗)，學音樂亦可幫忙！上小學後晤可以俾身邊的人影響大家都有心理準備係晤會高分，一陣會一陣晤會，考試多數晤合格.老實講如果俾得起錢可以考直資，有D學校講求學術不一定要成績好！對小朋友來講係一件好事！

作者: MrBeast 時間: 12-11-25 13:14

不知樓主你target什麼小學，如你小朋友學習有困難，小一才介入會很辛苦，現在找到要幫的areas IMHO 會好些，現時是K3嗎?協康有個讀寫小奇兵，只是幾十元一堂，check下啱唔啱用，至於空間感，可多些到公園玩，會有些幫助。最後協康有個眼動協調小組，但這個比較貴。

作者: bmw123 時間: 12-11-27 22:32 標題: 回覆：MrBeast 的帖子

多謝各位的提示, 協康会的也會考慮一下, 但小兒的的讀障可能是邊緣那種,因發覺他只要連續三四天都是教那幾個字, 他是可以記得到的.

作者: bmw123 時間: 12-11-27 22:34 標題: 引用：不知樓主你target什麼小學，如你小朋友學習

原帖由 MrBeast 於 12-11-25 發表
不知樓主你target什麼小學，如你小朋友學習有困難，小一才介入會很辛苦，現在找到要幫的areas IMHO 會好些 ...

請問IMHO是什麼?

作者: lklteresa 時間: 12-12-4 14:53

以下是HKU 讀寫障礙研究小組的網頁，網上版測驗有一份問卷(如由老師填寫會更好，但你也可為孩子作初步評估)，另外「下載區」也有軟件「字得其樂」可download, 用有趣的方法教孩子用有趣的方法教孩子認字。

http://web.hku.hk/~hksld/index.html

歡迎光臨教育王國 (/)