教育王國
標題: 自理問題！ [打印本頁]
作者: bbpigbb 時間: 12-10-29 17:16 標題: 自理問題！
我小孩己5歲了自理很差，而且很擔心上小一會出現問題，請問有沒有機構有自理班呢！
作者: mckm2007 時間: 12-10-29 22:20 標題: 回覆：bbpigbb 的帖子
可否講下點差，睇下可唔可以比啲意見！
作者: why-me 時間: 12-10-30 18:17 標題: 回覆：自理問題！
你要教佢做、迫佢做，唔好嫌阻時間幫佢攪晒
作者: pinkdoll 時間: 12-10-30 21:38
本帖最後由 pinkdoll 於 12-10-30 21:42 編輯
bbpigbb 發表於 12-10-29 17:16 
我小孩己5歲了自理很差，而且很擔心上小一會出現問題，請問有沒有機構有自理班呢！
...
a仔係要人逐個逐個step 拆到好仔細, 然後慢慢咁教 先會慢慢學識......有些小朋友更加要用圖片逐張逐張做提示才學到.....正常小朋友半個月就識既嘢, a仔可能用半年以上才開始掌握到都未定, 所以方法及耐性好重要.
其實a仔既特性係固執, 有規律, 如果你教咗佢一些日常生活既程序(e.g. 自理, 做功課) 佢哋係會做得好好的. 另外, 不要假手於人, 要在家日日自己教, 這是最湊效的方法.
作者: bbpigbb 時間: 12-10-30 22:48 標題: 回覆：mckm2007 的帖子
1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。
2）時常攪到最急才會叫去小大便。
3）食飯時不願食大件食物。
4）也不願意自己穿shoes & socks。
所以我想快D處理他自理問題，免在學校發生不如意事。
作者: bbpigbb 時間: 12-10-30 22:57 標題: 回覆：pinkdoll 的帖子
請問邊度可以找到學習圖片來教小朋友呢！
作者: pinkdoll 時間: 12-10-30 23:08
本帖最後由 pinkdoll 於 12-10-30 23:35 編輯
bbpigbb 發表於 12-10-30 22:57
請問邊度可以找到學習圖片來教小朋友呢！
要自己做的 最好用小朋友的樣子來做 幫他影相 逐個step影相 將相貼起 他每天望住啲相然後跟著相片去做 不要操之過急 一定要按步就班 每做到一個step 就有獎勵 讚賞
作者: pinkdoll 時間: 12-10-30 23:21
本帖最後由 pinkdoll 於 12-10-30 23:33 編輯
bbpigbb 發表於 12-10-30 22:48
1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。
2）時常攪 ...
1）我個仔去廁所時不願意用手點V V仔，時常整濕條衭，有時攪到在公共地方除衭及引發情緒出現。你是指一濕咗衭小朋友就要除? 如果是的話, 這是感統既問題, 應該是觸覺敏感, 是因為感統出現問題而引發行為及情緒問題, 要幫小朋友脫敏, 搞好感統, 這方面你要資詢專業的職業治療師.
2）時常攪到最急才會叫去小大便。你試下定時定侯帶他去洗手間小便, 不要等他示意才去, 當然, 用埋圖卡, 重複又重複同小朋友講, 小便要去廁所架, 指住啲相. 另外, 教他摸小腹位置, 讓他感受小腹脹起的感覺, 即是小便的感覺是如何? 大便都是, 每天定時叫他去坐馬桶大便, 無都要定時坐下(e.g. 6點), 慢慢佢就會養成6點去大便.
3）食飯時不願食大件食物。同樣, 口肌有問題, 屬於感覺統合.
4）也不願意自己穿shoes & socks。同樣, 做相片, 逐個逐個step教他. 一定要按步就班, 首先學脫鞋, 然後是著鞋. 真係學到了, 才開始教脫襪, 最後才是著襪. 另外, 穿鞋及襪都講求專注, 手眼協調, 空間感, 小肌大肌, 所以唔可以一開始就教穿鞋及襪, 要練咗啲基本功先, 其實是好複雜既.........
所以我想快D處理他自理問題，免在學校發生不如意事。
作者: bbpigbb 時間: 12-10-31 08:14 標題: 回覆：pinkdoll 的帖子
Pink doll, 好多謝你指導。
作者: bbpigbb 時間: 12-10-31 09:19 標題: 回覆：pinkdoll 的帖子
Hi pinkdoll
由於我家小兒專注力很差影響很多嘢都做不成，在專注力問題有什麼方法呢！
作者: Surveyor 時間: 12-10-31 09:49
專注力問題
resolve by SI or OT personnel treatment.
for 自理班
研究社 有自理班 $300 for 2 hour in every pm Mon-Fri for year 2 to 5
作者: bbpigbb 時間: 12-10-31 10:02 標題: 回覆：Surveyor 的帖子
請問SI是什麼？OT 是否職業治療。
作者: pinkdoll 時間: 12-10-31 10:26
bbpigbb 發表於 12-10-31 10:02
請問SI是什麼？OT 是否職業治療。
ot 是職業治療
基本上 家陣ot治療師 除了訓練小肌 大肌外, 亦會處理埋小朋友感統問題.
其實, 你個仔有沒有接受任何training? 建議你積極幫小朋友搞好, 感統, 大肌, 小肌, 自理, 專注, 情緒等各方面才好上小一, 千祈唔好心急諗住上咗去先算啦.....不然, 不止小朋友辛苦, 你都會好辛苦, 因為hk既小學並不是人咁品.......
你想想, 如果你甚麼都未ready, 什麼都不懂, 失驚無神扔你去外國, 你會不會不知所措?.....你會不會好驚? 另外, 小朋友係會知道自己能力是怎樣, 見到自己樣樣都比下去, 會沒有自信心走下去的.
欣賞你的積極, 一年時間話長唔長, 話短唔短, 你要爭取時間去改善小朋友的各種問題, 努力加油, 但你亦要理智及謹慎地去考慮清楚, 到底你小朋友出年是否真的可以應付主流小一, 大概九個月後你自己應該心裡有數. 到時如果情況不太樂觀, 會否考慮repeat k3? 讓小朋友再多一年時間去預備.
作者: pinkdoll 時間: 12-10-31 10:59
bbpigbb 發表於 12-10-31 09:19
Hi pinkdoll
由於我家小兒專注力很差影響很多嘢都做不成，在專注力問題有什麼方法呢！
...
做感統係要讓小朋友的感覺統合飽足, 所以可以改善小朋友既專注力. 除了做感統活動外,
在家裏都可以進行一些專注活動
我2個兒子進行的專注活動有
1. 串珠 起碼80粒以上 開頭10-20粒 慢慢加上去 到80粒後, 做到穩定後, 然後就挑戰小朋友, 隔色串珠
2. 入錢起碼 100個
3. 分大小不同的豆 去碗到 三種豆 就三個碗
好悶的, 就是訓練佢悶都可以坐係到及專心去做事. 我2個仔做得唔錯, 專注都進步了不少.
另外, 要多帶小朋友去公園玩打千秋, sir滑梯, 爬架, 這些活動除可以滿足小朋友感統外, 亦可訓練小朋友動作協調及動作組織, 那麼對於訓練自理都有好大幫助, 最好每天有半小時或以上. 大小肌好寫字才會好.
另外, 行多些樓梯, 對小朋友全個身體都好好.
花些時間去練咗啲基本功先, 小朋友大肌, 小肌, 專注, 手眼協調, 空間感, 動作協調及組織都好, 就可以做到好多嘢. 所以, 你要先去明白一些項目, 需要運用小朋友甚麼地方先, 例如要小朋友"寫字", 但小朋友寫得不好, 不是寫100個字就可以變成寫得好, 首先要睇清楚小朋友大肌, 小肌, 專注, 手眼協調, 空間感, 動作協調及組織好不好, 訓練好這些項目, 他就會寫字寫得好.
以上提議希望幫到你 : ) 努力加油.
作者: wilyun 時間: 12-10-31 13:18
回復 pinkdoll 的帖子
請問穿珠係乜野類型珠呀?我個仔剛兩歲,可以咁訓練嗎?如果佢唔肯坐定定係度穻,我應該點?
作者: pinkdoll 時間: 12-10-31 13:33
wilyun 發表於 12-10-31 13:18
回復 pinkdoll 的帖子
請問穿珠係乜野類型珠呀?我個仔剛兩歲,可以咁訓練嗎?如果佢唔肯坐定定係度穻,我應該 ...
兩歲可以開始啦 最好呢個時間 因為冇功課做 TRAIN得嚟就K1開始有功課做 時間啱啱好
你開頭TRAIN佢坐二至三分鐘先 要開心的 唱下歌咁 完成到就獎勵佢 佢開始肯坐啦 你就叫佢先串10粒 大粒既珠 串好就獎佢 第二天又係串10粒 串好又獎佢 第三天試下加多5或10粒 即15或20粒 串好就獎佢 如此類推 ...慢慢加上去...
作者: wilyun 時間: 12-10-31 13:37
回復 pinkdoll 的帖子
唔該晒~其實係咪到佢可以穿到80粒,就唔使再要佢穿?定係都要keep住日日穿?thx!
作者: pinkdoll 時間: 12-10-31 14:13
本帖最後由 pinkdoll 於 12-10-31 14:18 編輯
wilyun 發表於 12-10-31 13:37
回復 pinkdoll 的帖子
唔該晒~其實係咪到佢可以穿到80粒,就唔使再要佢穿?定係都要keep住日日穿?thx!
要keep住日日做專注訓練 小朋友日日都要返學坐係度聽書 小朋友日日都要坐係度做功課 所以練專注係長時間既事 你可以 一日串珠 一日入錢 或者一日分豆囉
小朋友可以串到80粒 你就要佢開始串partern架啦 e.g. 一粒紅 一粒黃 一粒紅 一粒黃.......
作者: why-me 時間: 12-10-31 17:25
pinkdoll 發表於 12-10-31 10:59
做感統係要讓小朋友的感覺統合飽足, 所以可以改善小朋友既專注力. 除了做感統活動外,
在家裏都可以進行 ...
你好專業, 出書都得
我都學到好多野去訓練個仔專注, 謝謝.
作者: supercat919 時間: 12-10-31 17:35 標題: 回覆：自理問題！
請問珠仔响邊度買？
作者: pinkdoll 時間: 12-10-31 18:20
本帖最後由 pinkdoll 於 12-10-31 18:21 編輯
supercat919 發表於 12-10-31 17:35
請問珠仔响邊度買？
本身有朋友俾咗一套大珠我 之後練到咁上下 我去玩具反斗城買咗一桶珠 中型及小型 不同size 不同pattern 不同顏色 我除咗用呢桶珠叫小朋友做串珠練習外 我會用埋呢桶珠叫小朋友做另外一個專注練習--分珠
作者: pinkdoll 時間: 12-10-31 18:26
why-me 發表於 12-10-31 17:25
你好專業, 出書都得我都學到好多野去訓練個仔專注, 謝謝.
唔駛客氣 最緊要幫到小朋友 家長恆心都好重要 大家一同努力
我哋教小朋友言語認知大肌小肌等等外, 其實訓練佢哋專注都好緊要.
作者: bbpigbb 時間: 12-10-31 20:54 標題: 回覆：pinkdoll 的帖子
多謝你詳細指導！
我小兒有上個別感統班一星期一堂，請問是否足夠呢？
至於repeat問題我都有打算，此外昨天我見學校言語治療師及I位老師傾談小一問題時，佢地覺得我仔仔可以升小一無需要repeat，佢地應為repeat就沒有l位訓練恐怕仔仔會退步及出年報讀小一就沒有適零分，還叫我考慮下今年大抽獎。
你睇法如何！
作者: pinkdoll 時間: 12-10-31 22:11
本帖最後由 pinkdoll 於 12-10-31 23:00 編輯
bbpigbb 發表於 12-10-31 20:54
多謝你詳細指導！
我小兒有上個別感統班一星期一堂，請問是否足夠呢？
基本上感統日日都要做, 正常小朋友都要成日做感統, 不過正常小朋友可以去公園玩下千秋, sir滑梯就可以, 那麼, 我哋啲a仔好多都有不同大小既感統問題, 相應地係咪要做更加多針對性既感統活動. 咁一個星期一堂感統, 到底足不足夠, 不是你和我可以去決定, 是看你小朋友既情況去決定, 經濟許可的話, 一個星期做多幾堂梗係好啦. 你一定要去問清楚治療師到底小朋友有甚麼感統上既問題, 除咗一個星期一堂感統, 你平時在家可以怎樣幫小朋友做感統, 或者怎樣利用公園的設施去幫小朋友做感統. e.g. 我個仔觸覺敏感, 好怕玩彈床 怕會郁既嘢 總之怕呢樣怕個樣, 驚驚青青咁 人哋唔小心擦到佢, 佢都想打人咁款, 引致成日發脾氣, 尖叫, 打人等壞行為. 咁我係咁同佢做合適感統, 成日幫佢擦身, 成日帶佢去公園玩, 改善咗佢個感統 令佢克服到困難 佢咪唔會成日發脾氣, 尖叫, 打人等舉動.
咁得意既你間i位? 咁學校幫你小朋友做個整體評估未 結果點樣? 如果我沒有記錯的話, 你可以要求見心理學家個喎.
你打去cac個社工問清楚啦, 以我所知入小一前要返cac到做評估架, 到時e生會因應小朋友評估結果, 向家長提出建議 e.g. repeat k3 或者 入特殊學校.
當然, 做cac小一入學前呢個評估之前要不要揀咗小學先, 我就真係唔清楚, 要問cac社工, 不過, 呢度好多家長已經經歷過呢個階段, 你不如問下佢哋意見.
你之前都識講, 你小朋友有好多自理問題, 專注問題, 你都估到問題未解決的話, 上小一會面對乜嘢問題啦. 可以係小一前改善到就梗係好啦, 我只不過想提醒你要理性及謹慎去看小朋友個情況, 要有plan a plan b 甚至乎 plan c.
同你分享啲嘢, 我個仔上緊一個治療班, 呢班係叻既a仔嚟, 全部大過我個仔, 我個仔可以坐定定, 可以跟到指令, 可以參與到活動, 但某程度上認知語言係未去到佢哋個level, 有段距離, 啲同學都識得對住我個仔講: 佢唔識做既, 佢做唔到既. 唔知你明唔明我想講乜?
作者: 大食怪 時間: 12-10-31 23:59
提示: 作者被禁止或刪除 內容自動屏蔽
作者: bbpigbb 時間: 12-11-1 09:24 標題: 回覆：pinkdoll 的帖子
多謝你！
其實我計劃是repeat k3讀另一間幼稚園，比仔仔打好基礎及自理，至於I位未有咁快有評估報告要等完了一個學期才有，至於心理學家在K2時己睇咗我仔仔，佢個見意repeat都可以，加上我仔仔認知能力是OK可以入主流學校。
我想知你小孩上緊什麼治療班？可否介紹給我。
作者: why-me 時間: 12-11-1 10:08
pinkdoll 發表於 12-10-31 18:26
唔駛客氣 最緊要幫到小朋友 家長恆心都好重要 大家一同努力
想請教一下你, 我仔六歲半, 佢執筆時好似冇力咁, 以致寫字困難, 有咩方法解決?
作者: pinkdoll 時間: 12-11-1 16:40
本帖最後由 pinkdoll 於 12-11-1 17:07 編輯
bbpigbb 發表於 12-11-1 09:24
多謝你！
其實我計劃是repeat k3讀另一間幼稚園，比仔仔打好基礎及自理，至於I位未有咁快有評估報告要等完 ...
其實 我係參加協康會搞個啲活動(有好多的, 社交 音樂治療, 繪畫等等). 你可以打電話去協康會詢問一下有關下期活動既資料, 然後因應返小朋友需要報名參加活動.
另外, 我係去讀咗努力試中心課程, 這個課程真係教識我好多東西, 令我畢身授用. 我建議你去上這個課程.
http://www.lp.org.hk/
作者: pinkdoll 時間: 12-11-1 16:45
本帖最後由 pinkdoll 於 12-11-1 17:29 編輯
why-me 發表於 12-11-1 10:08
想請教一下你, 我仔六歲半, 佢執筆時好似冇力咁, 以致寫字困難, 有咩方法解決? ...
你小朋友本身有冇肌肉低張/高張問題?
除了執筆寫字差, 那麼, 自理方面有沒有問題? e.g. 著鞋, 著襪, 縛鞋帶, 扣鈕, 用筷子, 擰毛巾等等. 小朋友懂得用較剪嗎?
小朋友懂得踏單車嗎?
其實冇一個特別方法只針對小朋友執筆靚, 寫字好. 人既發展係好奇妙的, 是一環扣一環的, 所以有啲位比較弱, 發展得唔好, 就會拉低埋其他既發展, 引致好多嘢小朋友都做得唔好或力不從心. 所以我勸你不要只顧執筆寫字這一環, 不如花點時間去訓練及鍛鍊小朋友身體機能上面既嘢先, 改善了身體各方面既能力, 以上所有項目基本上都可以掌握得到.
如果你想知有甚麼方法去改善小朋友各方面既能力, 我介紹你去讀一個課程"努力試課程"
http://www.lp.org.hk/
作者: why-me 時間: 12-11-2 11:18
pinkdoll 發表於 12-11-1 16:45
你小朋友本身有冇肌肉低張/高張問題?
除了執筆寫字差, 那麼, 自理方面有沒有問題? e.g. 著鞋, 著襪, 縛 ...
我個仔自理真係麻麻, 呢個課程我都聽過, 真係要"的"起心肝上堂, 謝謝你.
作者: bbpigbb 時間: 12-11-2 20:02 標題: 回覆：pinkdoll 的帖子
請問努力試只係家長上嗎？
作者: pinkdoll 時間: 12-11-2 20:54
bbpigbb 發表於 12-11-2 20:02
請問努力試只係家長上嗎？
資料單張話自閉症或學習障礙兒童的家長及前線工作者
但前線工作者是指什麼類型, 我又唔係太清楚, 你要打電話去問下.
希望你唔好錯過這個課程, 對我們這些有特殊需要既家長好有用, 因為我們都需要去學習怎樣去處理, 訓練及教導這些奇妙的孩子. 
作者: bbpigbb 時間: 12-11-3 08:11 標題: 回覆：pinkdoll 的帖子
我都要啲起心肝上堂，many thanks!
作者: vestauyang 時間: 13-5-9 11:48
我想問之前提過既研究社 有自理班 , 可以係邊度報？
我小朋友評估左係POSSIPLY ASPERGER，原則上佢讀主流學校都無問題，我都有諗住參加努力試課程，宜家買左佢本書睇。
作者: pocoyo123 時間: 13-5-9 21:10
回復 why-me 的帖子
執筆時無力, 可能佢執筆姿勢唔正確, 用錯力, 以前, 協康OT教亞仔, 在寫字時, 放一舊擦膠在後三指, 叫佢用力握緊, 咁佢寫字時的力度就會好些
作者: why-me 時間: 13-5-10 08:47 標題: 引用：回復+why-me+的帖子
執筆時無力,+可能佢執
原帖由 pocoyo123 於 13-05-09 發表
回復 why-me 的帖子
執筆時無力, 可能佢執筆姿勢唔正確, 用錯力, 以前, 協康OT教亞仔, 在寫字時, 放一舊擦 ...
| 歡迎光臨 教育王國 (/) |
Powered by Discuz! X1.5 |