教育王國

標題: 有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1 [打印本頁]

作者: atirw 時間: 12-10-29 00:42 標題: 有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

我小朋友的是男孩。

作者: 朱寶 時間: 12-10-29 01:10

你去睇下嶺南大學香港同學會直資小學, 呢間既英文用新加坡pop up, 校長話佢地小五學生既英文程度, 大約等於中一二, 我識小朋友讀呢間,真係好輕鬆, 至少其他同齡小朋友日日無得玩之時, 佢都可以係度玩緊 .......
我個仔都考到呢間, 但唯一弱點係無直屬中學, 升中要派位或自己再考直資私小, 深水埗區內brand 1英中, 女校較多,男孩子相對升中形勢不佳

作者: mosquito_chu 時間: 12-10-29 10:38 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

你可否再說多小小這間小學的資料?謝謝！

作者: jackjet 時間: 12-10-29 12:26

聖約瑟英文小學校長話該校教深一年至二年，會否超出你的要求？

作者: 朱寶 時間: 12-10-29 13:18

我覺得呢間係"好正"既小學, 小校小一收50人(收到最新消息, 是11月仍有第二輪收生, 學校現正向教署申請開多一至兩班, 但未知成事與否, 不成事的話, 剩餘的學位不多, 應該只有十多個之數。),
設兩班, 雙班主任制, 某些科目更會將兩班拆成三組上課, 真的是小班教學, 只要孩子願意, 提出要求, 就可以受訓, 代表學校出外比賽, 不像其他學校, 只會揀選精英做代表, 小孩子見得人多, 經歷得多, 成敗不是問題, 慢慢建立自信, 有自信就什麼事都易辦.

學校每年都會出一至兩本刊物, 每個小朋友都可以揀選一篇自己最喜歡(未必是最好的)的作品, 刊於當中, 這個做法對小孩子而言, 是受重視的表現, 人人都有機會將自己的作品呈現, 大家互相支持欣賞, 不是惡性競爭, 小校小班, 師生關係融和, 中英文程度不熟於"品牌"小學, 中文是博士級老師主理, 英文用上新加坡的pop up, 程度不淺, 透過活動教學, 令小朋友自主學習, 功課量不多, 不主張催谷, 不設國教科,去年升中派位, 六成小朋友去到band 1英中, 學校透明度高, 升邊間中學可去學校網站睇
學校是陳舊細小些, 眼見的硬件及不上一般千禧新校, 最大的弱點, 要數不是一條龍,
膳食非常貼心, 學校有自家廚房, 大廚每日煮飯供應師生享用, 飯菜水果以外, 日日都有住家老火湯!
希望幫到你喇!

作者: jackal 時間: 12-10-29 13:43

係邊架????

作者: mosquito_chu 時間: 12-10-29 13:54 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

謝謝朱寶的回覆，因為找了好耐都無咩人提及此校的資料，我11月也會來考；但學位比較小，不知難吾難考上！

作者: 四隻貓 時間: 12-10-29 13:55

http://www.luaaps.edu.hk/
學校網站, 有埋升中結果

鄰居三位孩子在讀, 大讚. 有自家廚房, 小班小校, 每一個孩子也受到關注.
重母語教學.每年都有開放日讓公眾參觀.
不過唔係我杯茶. 因為我喜歡普通話教中文的學校, 個人感覺此校學術不是重點.

作者: 朱寶 時間: 12-10-29 14:11

回復 mosquito_chu 的帖子

難唔難考到呢, 我真係唔識答, 基本上第一輪有考既, 我識既都收晒, 當時應該大約有300-400人考, 唔係學校數字, 係以當日面試既時段及每段人數推論既

我個仔唔係尖子,無乜特別技能, cert亦唔多張, 但我地都ok左, 我諗家長對學校既認知都幾重要, 呢間本來係我第一志願, 因為我覺得佢真係好重視重個學生, 好適合我個慢熱又要老師關注既仔, 又真係好好彩比阿仔考到, 因為位真係唔多 ............. 只係佢真係無中學

與此同時, 我個仔又收到第二個offer, 基本上我地報左七間, 除左第一間真係試既之外, 其他六間都係適合我個仔, 而阿仔同我地都鍾意既, 所以邊間收佢我地都好開心, 我都係諗住佢好大機會係得一個offer或者係冇, 點知最終係有兩個, 超出我地既預算, 於是又要作選擇, 有時無得揀反而唔駛諗太多, 家下我地仲考慮中, 怕揀錯 ......

另一個offer都好難得, 間學校又係我地好鍾意既, 仲要係一條龍, 但相對嶺小就會谷d, 問過身邊既親朋,校長, 老師, 主任, 全部都叫揀龍校, 因為谷唔谷, 都係先苦後甜, 或者係先甜後苦既次序問題, 而我既目標係升brand one 英中, 嶺小無保證, 另一間就一定直升上去.......

我同老公及阿仔, 會係嚟緊幾個月去兩個offers學校度進一步觀察, 希望盡快有決定, 唔好hold住個位太耐喇!

作者: Yanamami 時間: 12-10-29 14:45

KTS

作者: mosquito_chu 時間: 12-10-29 15:02 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

我無你甘好彩了！都考7間，3間衰了，2間未知，我唸机会都不大；只剩2間，我住34網，搅珠我寄望不大，都是D大熱門学校，我得15分点輪到我！所以直資收我就吾搅珠！

作者: 朱寶 時間: 12-10-29 15:36

回復 mosquito_chu 的帖子

除左彩數, 我諗我地揀校報考策略都有d幫助, 我地只係揀一兩間係一線又適合阿仔既, 其他都係二線既學校, 相對機會大d!因為我無特別鍾情既官津校, 所以一早已經決定讀直資, 一收就會放棄自行及抽獎, 結果嶺子九月尾已經通知我地, 當時已經放下心頭大石, 連自行既表都無填到

作者: ha8mo 時間: 12-10-29 16:07

提示: 作者被禁止或刪除內容自動屏蔽

作者: mosquito_chu 時間: 12-10-29 16:45 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

統一派位！

作者: atirw 時間: 12-10-29 18:20 標題: 回覆：朱寶的帖子

謝謝你，我都會去考，嶺小是基督教學校？真好。

作者: 朱寶 時間: 12-10-29 19:05

Attention for the deadline

作者: chanwendy 時間: 12-10-30 16:46

atirw 發表於 12-10-29 18:20
謝謝你，我都會去考，嶺小是基督教學校？真好。

係基督教但冇聖經堂, 如果係教徒可能覺得宗教氣氛唔夠, 但對非教徒就應該好 ok 的. 佢地朝朝有早禱, 飯前會祈禱.

作者: mirage 時間: 12-10-30 17:09

佢個位不太方便，未曾轉直資前，幾乎被殺.ssp 男仔中學B1得銘賢長天黃珊匯基揀，但無間是Band 1 A,ssp band 1A是上智，但是女校。

作者: mosquito_chu 時間: 12-10-30 17:40 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

考得直資的多數來自四方八面！到時中學可以吾用深水埗網！用返自己住的区咪可以囉！我本身已經吾是住本區的！

作者: ivyko 時間: 12-10-30 18:05

KTS .
唔多功課,抄寫,默書. 但升中派位好理想. 英文教快一年,數半年.

作者: boyboy_mama 時間: 12-10-30 18:27 標題: 回覆：朱寶的帖子

第二間指邊間？

作者: onepiece 時間: 12-10-30 18:43 標題: 引用：KTS++.唔多功課,抄寫,默書.+但升中派位好理

原帖由 ivyko 於 12-10-30 發表
KTS .
唔多功課,抄寫,默書. 但升中派位好理想. 英文教快一年,數半年.

這是結果，其實有個先決條件：孩子資質都不錯。我聽過有case，資質唔夠，要狂補習，結果都要自己quit。其實我都很喜歡KTS，但真要有心理準備。

作者: mylittletabo 時間: 12-10-31 09:20

KTS?? 全名係??

作者: onepiece 時間: 12-10-31 09:33 標題: 回覆：mylittletabo 的帖子

九龍塘學校

作者: ivyko 時間: 12-10-31 23:12

回復 onepiece 的帖子

相對區內另一間出名小學(好著重音樂個間)kts真係唔算辛苦.見到大伯個仔真係讀得好辛苦,但派位只係好kts少少.

作者: 小曳人 時間: 12-11-1 10:29

本帖最後由小曳人於 12-11-1 12:34 編輯

ivyko 發表於 12-10-31 23:12
回復 onepiece 的帖子

相對區內另一間出名小學(好著重音樂個間)kts真係唔算辛苦.見到大伯個仔真係讀得好辛 ...

奇怪~
有剛小一家長比較過呢兩間小一功課，APS較KTS輕鬆！

作者: bbforever 時間: 12-11-1 12:08

程度以初小計KTS深過APS，但上到P5~6，APS要在學校返多2hour學架，APS啲功課量都系漸進式( 越來越多 )，樂器固然之係must have item , KTS既高小我就不大清楚，只知P1英文要學perposition，P2要識晒go went gone

作者: bbforever 時間: 12-11-1 12:22

如果APS功課再多d，你諗吓他們点應付d樂器重有個樂理試，曾经有人講過，無一科目重難過學樂器，我同意架 ! PS：個個想法唔同

作者: dannyyau302 時間: 12-11-1 12:55 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

九龍塘小學部，深到扒街功課又多

作者: marcuscyrus 時間: 12-11-1 13:24

小曳人發表於 12-11-1 10:29
奇怪~
有剛小一家長比較過呢兩間小一功課，APS較KTS輕鬆！

可能這是今年小一的情況，我的姨甥們都是kts畢業生，全部都好輕鬆，還說小一不用默書。但今年跟其他朋友比較下就發現確實我仔(aps)輕鬆好多
不過我估計去到高年班，應該大都差不多
樓上有家長提到，我估計是在比較aps/kts，我覺得這樣的比較不太合適，因為冇人能比較到同一個孩子在aps/kts 的升中情況如何，而且他在aps辛苦也不代表在kts 一定輕鬆
利申雖然我仔讀aps，但我都覺得kts 是一間好學校

作者: Master167 時間: 12-11-1 13:26

樓主是要程度深,但功課適中的小學.KTS確實是深但也未到X街的狀態吧.其實APS/KTS/SFA都是符合樓主的要求.SFA換了校長後是少了功課的.而且3家一線的私小各有特色,升中結果亦很好,自然有其獨特之處.而且,比較功課量是否適中,並不可以單比較初小的功課量(幾多份),因有深度的功課才能有學習效能,3家學生的功課其實都很少抄寫,但注重思考的.

作者: marcuscyrus 時間: 12-11-1 13:39

其實有時辛唔辛苦都好睇家長的期望，我的姨甥們除了應付學校的課程，就冇乜額外的課外活動/課程，現在都升讀到理想的中學(當然不是最好那些)。自己亦有一位在aps畢業的學生，他也說就算5-6年班也不是太辛苦，不過有些同學本身有好多課外活動，佢地會忙些，他說自己從不補習，成績在全級中間落少少

作者: ivyko 時間: 12-11-1 23:46

回復小曳人的帖子

我仔讀KTS 初小一D都唔多功課, 高小係會多D, 但唔會8,9樣.
見親大伯個仔都係做做做,又多PROJECT拎番家做,

問個小朋友佢話好多功課,默書範圍又大
所以我覺得我仔輕鬆好多(兩個小朋友都係同年,今年P.6).

PS 無意冒犯其他學校

作者: atirw 時間: 12-11-2 00:26 標題: 回覆：有無邊間小學，程度深（例如教深半年至一年）但功課適中，即日最多六七樣，不是十二樣那種。 0/1

多謝大家的意見，我都布左aps,但聽聞aps小五好甘？

作者: marcuscyrus 時間: 12-11-2 00:54

回復 ivyko 的帖子

不是這意思，大家理性討論^_^我估kts 是從今年的小一開始加重了workload
因聽今年小一說的，跟我的姨甥們所說的好像有d出入(我的姨甥分別大專/中二/中一)

作者: edea 時間: 12-11-2 01:04

atirw 發表於 12-10-29 00:42
我小朋友的是男孩。

優才

作者: mirage 時間: 12-11-2 08:11

APS 小五repeat 同quit 年年有幾個，
KTS有否這情形。

作者: Yanamami 時間: 12-11-2 08:20

marcuscyrus 發表於 12-11-2 00:54
回復 ivyko 的帖子

不是這意思，大家理性討論^_^我估kts 是從今年的小一開始加重了workload

Workload應差不多, 但又難了點. E.g. 以前考試不考作文, 而家要.

作者: atirw 時間: 12-11-2 12:51 標題: 引用：Quote:atirw+發表於+12-10-29+00:42+我小朋

原帖由 edea 於 12-11-02 發表
優才

優才不收我個仔，我們也不喜歡他

作者: HIULAM997 時間: 12-11-26 14:25

回復朱寶的帖子

恭喜你找到理想小學, 我囡囡都有兩間私小offer, 兩間好似, 我諗我都要去視察下才選擇.

歡迎光臨教育王國 (/)