教育王國

標題: 升上小一的兩個月裡 [打印本頁]

作者: weiwai 時間: 12-10-28 04:27 標題: 升上小一的兩個月裡

呀女讀緊旺角區一間津小，主流，讀左兩個月了，真係又驚又喜。驚……勁多甩漏，冇帶手冊回家，冇帶功課番屋企，唔見左餐具，冇作業，冇交回條/功課……
喜……成績算跟倒，中默有100分英默有90分
社交不太差，係有d女仔是非咁lor
啱啱測晒驗，唔知點呢?

作者: methy 時間: 12-10-28 10:55

回復 weiwai 的帖子

真係又驚又喜

唔記得拎野返屋企呢樣，可否請老師提點下小朋友？一係叫小朋友咩都拎哂返屋企？

作者: pocoyo123 時間: 12-10-28 11:41

小兒這兩個月都比我預期中理想, 最意外是他讀一間很嚴厲的學校, 但老師對佢評語OK, 學術上又跟到, 我已很開心, 很感恩

作者: polly0503 時間: 12-10-28 14:22 標題: 回覆：pocoyo123 的帖子

我個女今年都係小一，初時都係好擔心不因為間學校係傳統學校，日日勁多功課不過阿女都算好手册抄足。係巴口忍唔到俾老師罰企在左4次

。經常錯d 不小心的野。
咁多咀到底可以點幫佢改善？

作者: HopeLJ 時間: 12-10-28 16:33 標題: 回覆：升上小一的兩個月裡

好開心小朋友適應到小一，努力！多謝分享！

作者: apple~y 時間: 12-10-28 22:10

本帖最後由 apple~y 於 12-10-28 22:13 編輯

想問0下有無小朋友評0左番輕度
但家長都會試番主流
因為輕度課程真係好淺,好似我識人2年班數學就教唔過10加數
我聽社工講因為同主流課程差距好大
所以入0左出番主流case係小之又小
又或者比一,兩年時間比機會小朋友番主流如果唔ok先入番輕度
我小朋友仲有兩年先上小學
真係想聽0下大家分享

作者: pocoyo123 時間: 12-10-28 23:40

APPLE~Y

有個朋友的朋友, 佢個小朋友是評估輕度, 讀左一年輕度小學, 轉去一間主流小學重讀P1

亦有聽過有家長掉返轉, 先試主流, 唔得再轉返輕度, 好多時小朋友問題會出現在P3時, 因為課程開始轉深, 而且, 同學已不再好以小一,二咁BB, 好多時會排擠佢, 社交上會出現一些力不從心,........

不過, 就算正常小朋友, 好多人也在P3-4開始成績倒退, 所以又不一定是SEN學生的特性

作者: apple~y 時間: 12-10-29 14:56

回復 pocoyo123 的帖子

多謝你解答,仔仔呢排各方面都有進步,現在轉0左班,有時會大班上堂好似幼稚園甘,ot小組都教寫字
仲有兩年預備,
只是我想(媽媽都諗得長遠些)如果最後評估係輕度
我應唔應該都比機會小朋友試0下主流,或者我做影子老師比個機會仔仔0甘
今年中心都有30個小朋友畢業,不過聽聞好似未做評估
有幾個情況都似我仔仔,唔知最後評估係點??過多排我都打聽0下
其實我小學社交都係普通,都係得1,兩個傾得埋朋友
社交都係最難攪一part,唔多唔小都受小朋友本身性格影響社交表現

作者: BKVIP 時間: 12-10-29 17:11 標題: 回覆：apple~y 的帖子

Apple 唔好太担心，始終仲有2年，其間可以有很大進步，加上聽你平時講仔仔情況又唔太差，唔好比自己咁大壓力，雖然講就容易，我自己有時都諗得太多，有時可能不知不覺都俾左壓力阿仔，但有時都要提下自己放鬆。

作者: pocoyo123 時間: 12-10-29 17:54

本帖最後由 pocoyo123 於 12-10-29 17:56 編輯

我們又不是做公關, 當然在社交上也不能面面俱圓, 人人總有長短處, 否則世界又怎能大同, 我不要100分的小孩, 只要100分是我愛的兒子已足夠

作者: chmanpong 時間: 12-10-29 18:58

小兒也是剛升上小一,佢的社交有好大問題, 冇咩朋友同佢玩, 所以都好頭痛

作者: JANETHIM 時間: 12-10-29 22:29 標題: 回覆：chmanpong 的帖子

我個仔都係剛上小一,又係有社交問題,成日問佢d同學仔叫詳名,又唔講,有冇同同學玩又唔講!唉

作者: chmanpong 時間: 12-10-30 09:20

我個仔又係話冇咩同學仔同佢玩,但係我個仔係衰口多,衰多手.

作者: polly0503 時間: 12-10-30 09:21

我個女就係輕度暫不需食藥, 佢入果間係谷的學校, 暫時都開心佢同我講好鐘意返學, 我個人認為要睇小朋友性格特質. 我個女不懂同人交朋友但佢是一個善良開朗的人, 不會出口傷害人或打人係多口,專注力同沖動的問題. 如果輕度入主流我覺得沒問題最緊要家長要多同小朋友溝通了解下有咩方面有問題一起解決.

作者: 414928 時間: 12-10-30 11:37

我的兒子升小一前評左是輕度。
我仍堅持他讀主流,原因是小兒語言遲緩,升小一時只懂說十多個雙詞,例如.車車/波波/包包等等,我深信學習語言需要語言環境。當然升上主流會遇到一些問題,例如成績一般都是跟不上的,這個要有心理準備,同學校多溝渠,調適自己的要求,另一個就是社交問題,也是現實的問題。
父母的選擇真的很重要,因為是單程路,選左就要行不能回頭,沒有人可以好肯定那種學校最能幫到自己的小朋友....
今年因為主流學校去年轉了新書,程度比以往深了1~1.5級,對一個輕度小朋友來說根本就是不可能完成的任務,所以今年轉了入特殊學校,仔仔今年12歲讀小六(因在主流重讀了小二)。
小兒的語言能力已進步到一般溝通是沒有問題,但講述事情經過還未能流暢,這是小一時自費學語言和在主流多聽的成果。
輕度小朋友最大問題是學習知識比較慢,在主流根本很難跟得上,他考試每科都只能拿20~40多分,照這樣升上中學都是到brand3學校,相信大家都知是什麼學校,智障小朋友自我保護能力較弱,在這些中學會怎樣?所以最後都會回流特殊學校,希望一技之長能幫他返回社會,社交和學術方面不要抱太大希望,因為學術上真是比較淺,而社交....因為現在自閉兒童比較多...就像我兒子小六班是全校最多人的一班有20人,但大部份男同學是自閉的,所以多數和女同學玩。

作者: boyboy~ 時間: 12-10-30 12:00

chmanpong 發表於 12-10-29 18:58
小兒也是剛升上小一,佢的社交有好大問題, 冇咩朋友同佢玩, 所以都好頭痛 ...

我一樣

, 頭痛中....

作者: apple~y 時間: 12-10-30 14:18

多謝大家現身說法,實在是好好經驗分享

作者: bebelover 時間: 12-10-30 14:41

請問你囡囡讀旺角邊間小學?
我出年都要幫囝囝選小學, 現在很苦惱, 不知如何是好?

謝謝!

作者: weiwai 時間: 12-11-6 01:18

methy 發表於 12-10-28 10:55
回復 weiwai 的帖子

真係又驚又喜

叫極都係唔記得

作者: weiwai 時間: 12-11-10 02:45

bebelover 發表於 12-10-30 14:41
請問你囡囡讀旺角邊間小學?
我出年都要幫囝囝選小學, 現在很苦惱, 不知如何是好?

女女在旺角的1間津校讀, 支援不叫得特別豐富, 但總算有, 也不是怎樣出名, 我選它純綷是近屋企
在選校方面抱歉比唔倒意見你, 或者你可找社工或班主任給意见吧

歡迎光臨教育王國 (/)