教育王國

標題: 突然有感而發 [打印本頁]

作者: danba 時間: 12-10-28 01:31 標題: 突然有感而發

近期每日都諗住自己的小朋友interview的事，不斷上網search,問朋友，日日check,越來越怪獸…haha,撞咗期又擔心in少間，又怕小女咩都唔識，連太太都比我攪到緊張埋(因佢係比較輕鬆又怕小朋友大壓力的人)，在現今世界裡越來越大競爭，父母都想自己仔女有更好嘅能力及知識而去報讀心儀學校，1xxx~2xxx人排隊交表(我都有排

)，悉心打扮，不斷教些學校會考的提目，interview好似考家長多啲，希望仔女可以入到名牌幼稚園，我自己都係，但有時諗這是否係最好，應該做嗎？我想小朋友自然成長，有個健康天真的童年不是已足夠嗎?否則大人小朋友都辛苦，我最近同太太講唔好太大壓力，想太多阿女又未必識，最緊要健康自然做返佢自己就得，最後祝願大家同你哋小朋友健康快樂，早日找到心儀學校，一齊努力la

作者: ekhc 時間: 12-10-28 07:14 標題: 回覆：danba 的帖子

Haha. 隨緣! Hope for the best. Plan for the worst!

作者: volar 時間: 12-10-28 10:47

danba 發表於 12-10-28 01:31
近期每日都諗住自己的小朋友interview的事，不斷上網search,問朋友，日日check,越來越怪獸…haha,撞咗期又 ...

講得好!

大家一齊努力! 祝大家都入到心儀學校!

作者: Joyce1888 時間: 12-10-28 12:24 標題: 回覆：danba 的帖子

十分贊同！但遊戲規則变成咁，唯有跟！一齊加油！每天教小孩正確價值观！

作者: 騮B媽 時間: 12-10-28 12:54 標題: 回覆：danba 的帖子

同阿B第一間面試都好緊張，但in過一次有經驗，都知道一定有D嘢識，有D唔識。現在我都不理了，不會train，有得阿B自己到時發揮了。

作者: winnietingting 時間: 12-10-28 12:56 標題: 引用：近期每日都諗住自己的小朋友interview的事

原帖由 danba 於 12-10-28 發表
近期每日都諗住自己的小朋友interview的事，不斷上網search,問朋友，日日check,越來越怪獸…haha,撞咗期又 ...

你in得多，就會知道謀事在人，成事在天，勉強唔到。我近排都準備緊k1面試，平常心面對。

互勉之

作者: 晞晞爸b 時間: 12-10-28 17:09

danba 發表於 12-10-28 01:31
近期每日都諗住自己的小朋友interview的事，不斷上網search,問朋友，日日check,越來越怪獸…haha,撞咗期又 ...

完全同意及感同身受，一起加油！

作者: flopsybunnies 時間: 12-10-28 19:38 標題: 回覆：danba 的帖子

年年都發生這種情況，我都係。樓主能保持正面心態已經很好了。加油!

作者: Tunghk 時間: 12-10-28 22:16

大家一起加油吧~

作者: harriet121 時間: 12-10-29 00:58 標題: 回覆：突然有感而發

同意，bb開心就好，各位怪獸父母，我們要互相提醒！

作者: moniquecheung 時間: 12-10-29 11:09

嘩, 原來我同樓主既心態都差唔多..
我在阿囡Interview前幾日仲失眠呀.. 你話係咪好攪笑?!
好彩到Interview時阿囡既表現都好好.. 我宜家都放心左好多

作者: Daygin 時間: 12-10-29 11:46

現今世界, 遊戲規則係咁樣玩, 做父母既都係無奈!!! 我本來都好緊張, 但最近見到有一個15個大的bb有cancer, 諗想真係有唔同, 而家係有得讀就讀, 無得讀都ok啦, 健康最重要

作者: winnietingting 時間: 12-10-29 11:49 標題: 回覆：突然有感而發

我覺得係集體回憶。不過之後仲要捱埋小一，中一....想死

作者: twllc 時間: 12-10-29 12:19 標題: 回覆：突然有感而發

今年我已經係連續第三年經歷報名同面試，我已經覺得好攰，但又唔想放過任何有可能入到心儀學校既機會。我仔女咁啱都係細b,機會更加渺茫，所以已經預期出年又要繼續努力。

作者: oxmoxbaby 時間: 12-10-29 13:05

我都覺得好大壓力, BB係細b, 梗加難找學校, 呢幾晚都訓得唔好......

作者: bobohing 時間: 12-10-29 13:08 標題: 回覆：突然有感而發

提示: 作者被禁止或刪除內容自動屏蔽

作者: moniquecheung 時間: 12-10-29 13:32

bobohing,
係呀, 我都覺得學校提供既資訊真係好少.. 我上佢地既website, 內容空泛.. 根本唔會知道一班有幾多人, 有幾多位老師, 中文/英文既分配時間, 書簿費, 有冇校巴之類.. 到Interview既時候問, 又怕問得太多驚主考管覺得我煩...
唉.. 算了.. 宜家只可以聽天由命...
想問一下, 你地有冇報九龍塘學校?

作者: danba 時間: 12-10-29 14:26 標題: 回覆：moniquecheung 的帖子

冇呀!因本身住東區，唔想太遠坐校車，但我有朋友都港島報九龍塘

作者: dy0905 時間: 12-10-29 14:35 標題: 引用：我覺得係集體回憶。不過之後仲要捱埋小一，

原帖由 winnietingting 於 12-10-29 發表
我覺得係集體回憶。不過之後仲要捱埋小一，中一....想死

"集體回憶"

作者: bb2911 時間: 12-10-29 14:38 標題: 回覆：突然有感而發

同意，資訊太少，於是要報多几間去睇，就算收，其實都唔知係咪啱小朋友！有報九龍塘呀!

作者: moniquecheung 時間: 12-10-29 14:58

danba & bb2911,
我阿囡岩岩In完九龍塘啟思&方方.. 今個星期仲有迦南.. 你地會唔會同我一樣?
不過我有少少覺得, 一切都係講運氣同埋老師既個人喜好.. 唉

作者: mizmizmiz 時間: 12-10-29 15:30

AGREE!!

我帶阿仔IN第一間既時候, 前一晚真係訓唔著,
唔係怕阿仔冇書讀, 而係真係第一次既關係...

之後幾次既INTERVIEW, 我都好隨心...由阿仔自由發揮...

遊戲規則係咁, 唯有頂硬上... 大家加油呀~!!

作者: bobohing 時間: 12-10-29 18:11 標題: 回覆：突然有感而發

提示: 作者被禁止或刪除內容自動屏蔽

作者: ffbabe 時間: 12-10-29 19:35 標題: 回覆：突然有感而發

原來咁多人都係咁想法…我都係一樣係第一間in 時，好緊張，怕各樣準備都不足。到in第二間，已經無太大壓力比(自己同仔仔)…始終，遊戲係咁玩，我可以做到幾多，結果又唔一定如你所想

作者: starry_night 時間: 12-10-29 20:51

第一次IN個朝早真系緊張到個人都好懆底, 依家叫好D, 但系等通知既過程真系幾難捱.
仲有十幾年要擔心~

大家一齊努力!!!

作者: moniquecheung 時間: 12-10-30 12:16

宜家做家長真係好大壓力.. 又怕小朋友落後於人, 又怕自己表現差..

我宜家既心情係"但求無槐於心"就好了.. Form我交左, 小朋友既表現我地控制唔到.. 做好自己就算了 :)

歡迎光臨教育王國 (/)