教育王國

標題: 是我太急了嗎? [打印本頁]

作者: cc1228 時間: 12-10-27 23:38 標題: 是我太急了嗎?

請問大家

我現在給我兒子找了一家私人特殊學校治療自閉症頃向~

上了一個多月~目前沒有很大的進步

尤其是語言方面

很沮喪

是我太急了嗎?

請問大家的經驗

應該要給他上多久時間,才決定要不要換學校?

因為一個月學費真的非常貴

怕花冤望錢又浪費黃金時間

謝謝

作者: llam1210 時間: 12-10-28 00:21

是私人S 位一個星期五日每次三個鐘那種?

作者: fandd 時間: 12-10-28 00:35

回復 cc1228 的帖子

你當然係太心急啦！

一般人要改變自己既行為，都需要一段時間，何況係要改善A仔既行為呢？無論係邊類訓練，都應該至少要觀察三個月。過程中除咗要睇囝囝既行為有否改善外，更要留意訓練內容能否配合囝囝既需要(即能否針對佢既問題)，遇有疑問應多向導師查詢，並需定期同佢哋保持聯絡，咁至達至有「家校合作」既效果。

另一方面，家居訓練都必定要有。如果只靠上堂既訓練，咁效果就會非常有限呢！

作者: pocoyo123 時間: 12-10-28 11:44

一個月就算正常小朋友都做唔到, 何況A仔, 相信最快三至四個月會有明顯的進步, 不要過份比壓力自己和小朋友, 努力

作者: HopeLJ 時間: 12-10-28 16:28 標題: 回覆：是我太急了嗎?

不要氣餒。我覺得私人s位予執行為同加强認知自理方面效果比較顯著。小朋友現在言語程度如何？講真S位言語刺激較小。你想言語進步需要找言語冶療師，建議一星期最小一次，家中早晩做口肌各五分鐘，擦牙加擦舌頭，要鼓勵說話動機(如要講餅餅先俾餅乾)。好像很多，你每幾天加點上去就不難了。

作者: fandd 時間: 12-10-28 20:44

回復 HopeLJ 的帖子

係呀！一定唔可以急，俾D時間囝囝。

我囝囝由2歲(嘜都唔識講)開始做言語治療，上咗1年後(3歲)至講到單字，再過半年已變成「開籠雀」，所以一定要俾D信心，俾D時間，做好中心及家居既訓練，一定有改善既一日。

作者: ac_ca0806 時間: 12-10-29 16:14

回復 fandd 的帖子

不要太心急, 要比時間慢慢學
我地的囝唔會一上完堂就變成識講
就算我地大人去學一種新語言
都唔可以上一個月就識講
要慢慢學就會有成果

作者: apple~y 時間: 12-10-29 22:09

本帖最後由 apple~y 於 12-10-29 22:10 編輯

係呀我都知呢0的私人特殊學校學費好貴
所以讀之前最好預算彈藥捱唔捱到至少6個月,0甘先睇到效果
如果諗住只係捱到1,兩月,不如留0的錢做訓練,治療
相對化算小小
因為我0地0的仔真係要長期作戰

作者: bbqiu 時間: 12-10-29 22:11

兒子幾歲？他上之前的程度是怎樣的？

作者: cc1228 時間: 12-10-29 22:59

本帖最後由 cc1228 於 12-10-29 23:03 編輯

對~是每天上的那種密集班 $7500/月

兒子現在快3歲了,不會說話~只説約30個單字

不會用語言表達自己的需要

語言治療師說只有一歲半的語言能力!現在還在等政府評估~但我已經等不及先治療了

大家說的S位是什麼意思呢?

作者: cat1028 時間: 12-10-29 23:57

我想問你為何選擇私人s位給你兒子讀？
除了言語表達，言語理解外，社交，小肌，大肌，情緒是否都有問題？

作者: cat1028 時間: 12-10-30 00:25

我囝被cac評估為自傾，言語表達及理解差，社交弱，喜歡自己玩；但他手指，腳都正常(能力），沒有情緒問題，兒科醫生評為自閉譜系, 建議入學，要我排兼收位幼稚園（i位），普通學校入學4個月，私人言語治療做了8堂，由無言語（無單字、無bb話），到現在才進入鸚鵡學舌階段(跟人口水尾），我已覺得欣喜。

作者: cc1228 時間: 12-10-30 00:42

是我選錯了嗎?除了言語表達，言語理解外我兒子社交，小肌，大肌，情緒都沒問題

我有做自閉症自我檢查表~結果是疑似自閉症

那學校就是教自閉請向或者發展遲緩的

因為我不想錯過黃金時期~就先讀了

還有什麼學校可供參考?

作者: HopeLJ 時間: 12-10-30 01:50 標題: 引用：+本帖最後由+cc1228+於+12-10-29+23:03+編

原帖由 cc1228 於 12-10-29 發表
本帖最後由 cc1228 於 12-10-29 23:03 編輯

對~是每天上的那種密集班 $7500/月

S = special = 特殊學校
私人如邁步樂天領思協康耀能

作者: chiya2012 時間: 12-10-30 08:39

每位小朋友學習能力不一, 而且自閉症是不能用迫的
你當然是會心急, 正常反應誰希望自己小朋友比別人慢

邁步是很好的, 協康也是不錯

學校雖然重要但家長處理方式更重要
去公園他會否肯多說2句,
或是尋找什麼地方他會多說話或者發聲
有些孩子要有安全感才敢言, 像在家裡很有安全感

作者: yauman76 時間: 12-10-30 11:00

我囝囝現在2歲多d, 上了私人S班差不多3個月, 都係仲未識講嘢, 單字都未有, 不過佢都發多咗音同想跟人講嘢, 同埋佢依家都肯食多咗唔同類型嘅食物, 識用飲管飲嘢等等.... 其實對住佢地真係要俾d耐性.

作者: llam1210 時間: 12-10-30 11:54

其實你可以做一下評估, 佢地會同佢講小朋友到底是否需要那種密集式治療. 以我女為例, 佢地評完話佢做單對單言語訓練先, 有進步才去小組. 我都係新手我唔知會唔會幫到呀女, 我也只是開始了幾堂. 在家多些訓練同練習, 我估慢慢會看到效果. 正如以上的同路人分享, 大家都要小心看一下自己能否付擔得到... 畢竟我也看不到是一兩個月可以完全康復的事......

作者: cat1028 時間: 12-10-30 12:12

與其靠估而每月洗$7xxx, 我個人建議你搵私人機構評估（要可代排政府服務的機構），有需要立即排政府服務；你可按醫生建議安排課程比bb,。

作者: apple~y 時間: 12-10-30 14:01

本帖最後由 apple~y 於 12-10-30 14:04 編輯

回復 cc1228 的帖子

"兒子現在快3歲了,不會說話~只説約30個單字"
其實你小朋友都唔係0甘差,都講到好多單字
我見過好多4age,6age都無語言能力,
我見過小朋友7age先開聲講0野
大家都係同路人,你心情我明白

前排新聞都有個A仔,拿了獎
都係4AGE先開聲叫媽媽
我只可以講真係唔可以心急,唔係打針食藥即刻好番

作者: chaimum 時間: 12-10-30 18:05

其實樓主係咪應考慮改上一對一既言語治療而唔係私人s位?

作者: cc1228 時間: 12-11-1 17:19

llam1210 請問你在哪裡做評估?

作者: llam1210 時間: 12-11-1 22:13 標題: 回覆：cc1228 的帖子

我去step.佢有兩種的，但都是可以在評估完有事就寫report 比社署排隊讀s/I/e 位。你可以打去問下。如果夠2歲，就有其他選擇，好似協康都有的。只係我女未到2歲，所以才要去step (因佢話都可以同我做）

作者: creamy312 時間: 12-11-2 09:43 標題: 回覆：cc1228 的帖子

唔好灰心，我個仔27/9喺政府確診自閉症，9/10喺邁步確診自閉症傾向，仔仔本身返緊幼國際稚園，以前爸爸大多用英語溝通，以前仔仔明部分中文，但不肯講，我一個多月前，搵咗私人言語治療師，協康幼兒訓練服務，領思職業治療，狂谷佢講返中文，小肌肉訓練，睇示範，聽指令，做動作，守規矩…，大肌肉就跳彈床，滾筒，千秋，健身球...呢一個月內已開始識答簡單問題, 手指力度已改善小小，平衡力都好咗啲

歡迎光臨教育王國 (/)