教育王國

標題: F4 學生係唔係要比自由度呢? [打印本頁]

作者: Ahling2004 時間: 12-10-27 10:48 標題: F4 學生係唔係要比自由度呢?

個仔升上F4後多左好多要求及自由.
例如: 想出街同的同學溫書. 有時男男女女, 有時單女........
唔會即時交待會幾時回家, 只係話適當會通知.......
成日話, 你唔好成日提我啦, 我會知架啦. ........

係唔係真係當自已成個大人咁, 我真係唔明.....

作者: cy101 時間: 12-10-27 11:02

ok 都要開始俾自由佢, 出去溫書ok, 但幾時返, 呢點我會堅持!!!!

作者: 瑄婷 時間: 12-10-27 11:22 標題: 回覆：F4 學生係唔係要比自由度呢

嘩!F4你仲想困住佢？

作者: Meikin 時間: 12-10-27 11:45

我記得以前有些同學都鍾意約埋一齊温書, 當然你預咗唔係全部時間用來温習, 否則留在屋企温都得啦.

F4大個仔都應該有自己的空間和自由.
若果是我, 我會俾阿仔去, 但要約法三章, 要求佢交待同邊個去, 去邊度, 及大約行程和回家時間, 也要限定外出次數, 同時跟佢講明若發覺外出(温習)後成績/行為大倒退, then自由度就要收緊了.

作者: Meikin 時間: 12-10-27 11:52

我而家發覺原來生兩個小孩在某程度上也有好處, 尤其是當阿仔日漸長大, 有時跟佢話題都冇咁多, 但屋企多個細佬, 佢哋多D交流, 我們父母也可以加入傾吓.

好多只生一個孩子(尤其是仔)的同事, 他們都說中學的孩子已不願跟他們去街去旅行了, 阿仔多愛外出約同輩朋友玩, 啱feel D喎.

作者: Ahling2004 時間: 12-10-30 13:01

生一個真係太少了. 我都好後悔當初唔跟住生多個. 依家個仔已15了, 我地又老唔的哂(40), 佢唔同你傾計時,屋企有時真係好靜架.
佢要出去同朋友玩都係正常. 佢每次出去都會同我講同邊個朋友/同學出去, 去邊, 做咩,約幾時回. 不過睇的出係好是但講, 回來時間次次都遲.
但有時問: 咁總想點?

作者: Meikin 時間: 12-10-30 13:26

回復 Ahling2004 的帖子

男仔好多都係咁, 做事冇女仔咁細心, 佢哋一有得玩就全情投入, 唔會睇住時間, 又或者佢D friends都未走, 自己好似唔係咁好意思話走先. 我大仔幾次去同學屋企玩, 都是要我用"追魂call"追佢番來的.

你個仔肯話你知佢同邊個去玩, 去邊度玩都已經唔錯了. 若事後佢肯講肯分享吓佢和佢朋友的事, 你一定要聽, (以佢哋後生仔的心態)投入傾吓, 一來可以keep住親子關係, 二來可以知道佢交了那類朋友. 對於獨生子女來說, 朋友如兄弟, 朋輩的影響可以很大㗎.

作者: matthewl 時間: 12-10-30 17:47 標題: 回覆：F4 學生係唔係要比自由度呢

F4才到這個問題，哈哈，不知是還是不好

作者: Ahling2004 時間: 12-11-1 12:45

有, 我每次都有聽佢講事後感, 佢講的興奮時, 我都由佢講, 講到佢自已收為止.
以前的人話, 女人心海底針. 依家男仔都係咁. 佢唔出聲真係唔知佢想點, 不過真係沒開HILL, 總係好BB思想. 自視過高,又無實際的行動. 比佢激死了.

作者: Meikin 時間: 12-11-1 14:08

咪以為佢哋有番咁上下係大個仔, 有陣時都要當佢哋BB咁氹吓, 等於老公成4x歲人, 好多時都要氹. 都係個女好D........

作者: 142526 時間: 12-11-3 17:45

生兩個對小朋友的教養真係好d架,我阿仔真係好驕縱架,

作者: netdordor 時間: 12-11-5 11:53

其實, 將心比己, 可能我地以前都希望父母給多些自由, 所以有時候同他們相處, 就要回到舊陣時.

作者: Meikin 時間: 12-11-6 14:00

我都覺得而家父母過份關注小朋友, 我有時也不自覺地這樣做.

回想自己中學時, 都是自己做自己野, 父母不會問你功課做成點, 考試考成點.....總之自己攪掂就可以, 到派成績表父母先會出聲. 相對而家的孩子, 他們的自由度真的少了很多, 而壓力則大了很多.

作者: Chau444 時間: 12-11-6 15:29

年代已經不同了, 我們一代兄弟姐妹平常都有四個以上, 照顧生活起居後, 都未必有能力心思關心那麼多! 現在我們多數只生育一個起, 兩個止, 而且經濟已轉為智識型經濟模式, 豈容我們不緊張呢!

小朋友當然要給予適當的自由, 但也跟他是否自律, 小朋友的行為是否值得信任有關. 記錄及朋輩品行良好, 自然可給予較大的自由度, 反之, 他們爭取的自由, 只是美其名, 實則是叫家長不要管束吧了!

作者: smallfoothk 時間: 12-11-6 16:46

路過,個仔仔可早點放手,眼見很多長大結婚後,變成了老婆奴,

作者: Meikin 時間: 12-11-7 09:08

小時阿媽管, 拍拖後女朋友管, 結婚後老婆管......真慘!

歡迎光臨教育王國 (/)