教育王國

標題: 新校長 [打印本頁]

作者: 阿Yan 時間: 12-10-25 22:51 標題: 新校長

請問今年多了分別專責中丶小學部的校長，宏信各方面有沒有什麼改變?

作者: 阿Yan 時間: 12-10-27 22:48 標題: 回覆：新校長

現任家長可否分享一下學校的最新狀況?如有關行政丶教學丶老師表現丶學生學習丶紀律等。Year 1家長也可分享一下入學後與原先期望的有沒有大出入。謝謝!

作者: chowpatpat 時間: 12-10-30 22:19

行政的確可以再做好少少, 至少website唔好咁out啦, 係咪!
教學方面, 因為唔同homeroom教的會有出入, 我只代表自己Y1個班, 我就好滿意.
老師表現, 我從未見老師勁sick leave之類出現, send email 比homeroom, 一定即日覆, 有需要又可以約homeroom見面, 跟得好足!
學生學習, 會更加主動, 自學, 多思考.
紀律, 一定比傳統活潑, 但上堂係要守紀律, 嚴管的 (recess點都得).
與原先期望沒有大出入, 因一早明白LA行IB跟傳統係兩回事. 只不過冇預計中文科今年重新修訂後係咁深囉

作者: 阿Yan 時間: 12-10-30 23:13 標題: 引用：行政的確可以再做好少少,+至少website唔好

原帖由 chowpatpat 於 12-10-30 發表
行政的確可以再做好少少, 至少website唔好咁out啦, 係咪!
教學方面, 因為唔同homeroom教的會有出入, 我只代 ...

謝謝回應!請問可以多說一點中文科的情況嗎?

作者: cindy1227 時間: 12-10-31 09:18 標題: 回覆：阿Yan 的帖子

你小朋友入讀末呀？未就諗清楚，因為有d家長會認為太少功課太鬆，不夠競爭力。但我就好滿意，與我想的一樣。
因為小朋友很開心，現在已y3 ，紀律方面上課唔乖要timeout ，home teacher 有問題我send email 比佢，第二日就覆。學校始終係新所以行政上可能未完善，但眼見office 姐姐同老師已努力改善，係值得一讚

作者: cindy1227 時間: 12-10-31 09:23 標題: 回覆：阿Yan 的帖子

Y1 y2 詞語默書週記，y3 開始要背默、趣味默書，詞語。功課就差不多日日有詞語造句同週記，有時係學校已做完

作者: chowpatpat 時間: 12-10-31 09:53

今年Y1: 開學冇幾耐己教齊聲母韻母, 跟手就默齊聲母韻母. 上兩星期默詞語及背默, 咪以為係出面傳的易過幼稚園, 錯哂錯哂, 除非你覺得"遊戲, 勇敢, 秘密, 告訴etc.."係easy job啦, 仲有, 背默句子共長30個字喎.
功課抄寫唔算多, 但鼓勵創作, 每次功課也有作句, 假期前有週記, 根據範圍寫作, 文筆唔流暢絕不會改你, 因為老師目的你鼓勵多思考, 試問6歲人仔有幾多墨水呀!

作者: eg123 時間: 12-10-31 10:14 標題: 回覆：新校長

其實d 功課都足夠，好合理! 小朋友會有更多時間學野，探索更多課外知識，接觸多d社會。
好似依家有d畢業多年的年青人好多基本知識都唔曉，有時諗野唔making sense，以線性諗野。我唔想下一代繼續係咁。

作者: 阿Yan 時間: 12-10-31 13:23 標題: 回覆：新校長

兒子未入讀，只完成了2nd interview，所以想了解多些。其實Yr. 1編班是隨意還是按性格或能力呢?因見有不同講法，聽你們所說我覺得很喜歡，但以前又聽過說程度如幼稚園。

作者: chowpatpat 時間: 12-10-31 14:43

本帖最後由 chowpatpat 於 12-10-31 14:44 編輯

係呀, 去年呢個時候我同你地一樣周圍取料, 又話程度如幼稚園, 又話學校冇人管, 又話學生個個都ADHD等等等.... 我作為真正用家, 可以話比你聽唔係. 我同好多Y1家長都唔知點解會有咁多個version出來, 唔係用家, 又點知內情呢?
分班好似係random, 只係中文班真係要根據聽/說能力去分, 有d讀國際KG的真係唔識中文架.

作者: 阿Yan 時間: 12-10-31 23:19 標題: 回覆：新校長

謝謝你們的回覆!
真想快點知道結果!

歡迎光臨教育王國 (/)