教育王國

標題: 大家小朋友返了兩個月學了，覺得怎樣呢? [打印本頁]

作者: kaka666 時間: 12-10-24 17:45 標題: 大家小朋友返了兩個月學了，覺得怎樣呢?

我啊仔返了兩個月學，又肥大了很多。
學校餐飯功勞很大!
最開心係佢麻麻，見到個孫肥肥大大。
很開心!

作者: sillyisaac 時間: 12-10-28 22:57 標題: 回覆：kaka666 的帖子

係呀！係呀！

只不過兩個月，小朋友塊臉已經多咗d肉了

作者: lilaishan 時間: 12-10-29 18:06

開開心心上學去，快快樂樂回家來！工課適中，老師有愛！

作者: cherithlai 時間: 12-11-1 12:11

你地小朋友番屋企有冇講，佢地第1或第2個小息會去校長室探莫校長呀? 我仔有時會去，佢話試過第二個小息好多人一齊入去搵校長，莫校長食緊飯，到小息完打鐘都未食完，校長食到d飯凍晒，但就好高興見到d學生來搵佢。我仔有時放學，仲會好高興話我知佢一日內見到莫校長三次︰一次午會、一次入校長室搵校長，同埋一次係放學時校長送校車。

其實都好少聽到有學校的校長同班學生咁close的。

我仔真係好鍾意番學，成日話番啟基番唔厭，仲話點解莫校長要俾學生星期六、日放假。佢放假時又話掛住學校。我話咁暑假成個幾月點算，佢話咁就慘喇。又話點解學校不設宿舍，佢想住響學校。我笑佢咁鍾意留響學校，不如響果度做校工。

阿仔第一次測驗麻麻地，有d野其實係識的，雖然老師有讀卷，但因為有時老師讀完又唔記得，自己又唔識睇d字，所以答錯。

作者: kaka666 時間: 12-11-1 13:49

回復 cherithlai 的帖子

是呀，我仔去過一次找校長，校長還給了他一個書簽。
我每日都問他今日食了幾多碗飯，食咩送，同邊個一起小息。
有次班主任怕他食得太多，飽得滯。
還打電話來問我地意見。因怕他過飽呢。

作者: sillyisaac 時間: 12-11-5 21:03 標題: 回覆：大家小朋友返了兩個月學了，覺得怎樣呢?

我個仔測驗也是麻麻，尤其中文科，答案是對的，但寫字唔夠工整，好多分就咁扣下扣下就無咗好多

唯有叫佢下次再寫靚d啦！
另外收到訂購個人照片同全班合照嘅通告，另外仲有造型照添

請問有冇人知道係點樣嘅造型照呢？係咪好似去影樓個d咁呢？

作者: kaka666 時間: 12-11-6 10:08

好像是則則地身拍這種呀。

歡迎光臨教育王國 (/)