教育王國

標題: 利他林(Ritalin)效用及副作用 [打印本頁]

作者: bobolam 時間: 12-10-24 14:51 標題: 利他林(Ritalin)效用及副作用

有無媽咪可以講吓小朋友服食利他林(Ritalin)後的效用及副作用?
謝謝

作者: lillymarie 時間: 12-10-24 15:37

可以控制自己上課時少說話，不會隨便笑，不受同學動靜影响。學習上理解能力好咗，明多咗亦記多咗。運動，手腳協調明顯進步，突然學識游水，打波亦醒咗，彈琴做到哂老師教的技巧。社交，開始留意到同學們做緊乜講緊乜，開始可以明白人地的身體語言，開始會有傾計的朋友仔。在屋企，合作聽話，明白事理。

副作用，無胃口，好瘦。如果太夜食藥，會瞓唔著覺。藥退後，媽咪會覺得好難頂，因為前後分別可能好大，媽咪有適應困難。

作者: bobolam 時間: 12-10-24 16:10

回復 lillymarie 的帖子

thanks,
你小朋友一日食幾次?

作者: lillymarie 時間: 12-10-24 18:03

你小朋友需要吃藥嗎？

作者: bobolam 時間: 12-10-25 11:51

回復 lillymarie 的帖子

醫生建議我小朋友食利他林(有效8小時), 但我想觀察吓先.
我上網查過好似"C"字個隻好D, 係唔係呢?

作者: lillymarie 時間: 12-10-25 12:23

醫生建議給你的那8小時有效，可能是Ritalin LA. C字頭的，是Concerta (有效12小時）。其實兩隻都是同一隻藥，只是有效時間不同。

8小時，早上食完，放學4點零鐘無效，咁小朋友在學校可以專心上課，放學回到家又有胃口食飯，唔驚佢長期食唔落野過瘦。缺點是放學在家無哂藥力，做功課溫習會辛苦。

12小時，早上8點食，到晚上8點才散藥力，如果有胃口問題，小朋友要靠食早餐和宵夜。同時藥力散時，有2個鐘可能會有少許反彈，小朋友可能會瞓唔著。好處當然是功課溫習時會專心。

作者: sharon26788 時間: 12-10-25 19:17 標題: 回覆：利他林(Ritalin)效用及副作用

C字頭果隻我囝食咗夜晚11,12點仲未瞓到,好慘,睇到我肉都赤埋.

作者: lillymarie 時間: 12-10-26 12:01

sharon26788 發表於 12-10-25 19:17
C字頭果隻我囝食咗夜晚11,12點仲未瞓到,好慘,睇到我肉都赤埋.

11，12點又真係好殘喎！係咪要做功課溫習，無時間俾佢放鬆心情呀？有無可能請醫生改用8小時那隻？我聽過有些人，係食8小時，放學再加隻4小時的。咁就唔驚好夜藥氣未散。

作者: sharon26788 時間: 12-10-28 01:06

C字隻藥係壓縮到好實，醫生話要飲多D水，等藥性可以早些融化，但小朋友返校後未必記得飲；首先試C嘅23mg，瞓唔到，人又𢛴，比平時大脾氣；再試C嘅18mg，無乜料到；後來轉R嘅20mg,雖然話係八個鐘，但我囝一般都可以7：30食，keep到下午5：00左右。

作者: lillymarie 時間: 12-10-28 13:09

我都聽過醫生話，有些人藥氣好快散，但有些人就多兩三個鐘。

作者: 衰豬仔 時間: 12-10-28 19:16

我阿仔今年升小一, 學校建議佢食藥, 10月頭醫生開左呢隻藥10mg, 話初初食比半粒即5mg, 很

作者: 衰豬仔 時間: 12-10-28 19:28

初初食都oK, 冇咁活躍, 個人定左乖左, 又冇乜副作用, 2星期後覆診醫生建議食一粒10mg, 最近老師見佢寫字有震, 我唸要同醫生講, 唔知係咪一粒藥力太勁呢? 有冇小朋友都有呢種情況呀!

作者: lillymarie 時間: 12-10-29 04:03 標題: 引用：初初食都oK,+冇咁活躍,+個人定左乖左,+又冇

原帖由 衰豬仔 於 12-10-28 發表
初初食都oK, 冇咁活躍, 個人定左乖左, 又冇乜副作用, 2星期後覆診醫生建議食一粒10mg, 最近老師見佢寫字有 ...

點樣震法？唔好等覆診，直接打電話問醫生。我自己就未聽過或見過。

作者: bobolam 時間: 12-10-29 11:19

請問你們在甚麼情況下才決定要食藥? 學校, 醫生, 父母建議?

作者: lillymarie 時間: 12-10-29 20:45

最主要考慮小朋友的自尊心。
小朋友在學校日日被罰無小息，被老師話佢唔專心。回到家做功課，做極都有錯。明明識哂溫習好哂，考試時因為“唔小心”的錯，扣了好多分。學乜野都要好耐時間。其實小朋友好挫敗。每日做功課前都大哭半個鐘，因為好驚做功課，好難控制情緒。

不是所有人吃藥都有效的，十個只有八個有效。小朋友算幸運，對藥有很好的反應。食了藥後校長就話佢“是正”咗，似返個品學兼優的好學生。因為佢本身是個好乖和好聰明的孩子，只是個病令佢控制唔到自己，亦無法發揮佢的能力。

如果食藥可以幫到佢，點解唔食？

作者: papajelly 時間: 12-10-30 01:31

本帖最後由 papajelly 於 12-10-30 01:31 編輯

回復 lillymarie 的帖子

那會否擔心藥殘留身體? 傷肝等問題? 而且藥只用了幾十年, 有否長遠副作用仍是未知之素. 始終小朋友仍很小.....

作者: lillymarie 時間: 12-10-30 04:37 標題: 回覆：papajelly 的帖子

是呀！的確有很多事不知道，有風險的。

但小朋友在若在十多年的學習生活裏那麼挫敗，就肯定對人格有損。而且這病會影響小朋友社交能力，在學校被同學排擠的見不少，家長勸自己子女少跟這些小朋友來往的亦聽不少。所以說考慮小朋友的自尊心。

藥只是其中一種方法，另一個證實有效的是運動，每天30-45分鐘。

做父母不容易，ADHD 的父母更不容易！

作者: bobolam 時間: 12-10-30 15:20

回復 lillymarie 的帖子

多謝你的分享.
我仔現小一, 勁多甩漏，成績算跟倒，最大問題係專注力弱, 上課玩自己野. 食藥會影響胃口, 所以15/16, 唔知食唔食好.
請問你小朋友幾年級開始食?

作者: lillymarie 時間: 12-10-30 15:30 標題: 回覆：利他林(Ritalin)效用及副作用

講真，如果小朋友功課跟得上，返學開心，老師接受到，父母又接受到，小朋友又交到朋友。又真是無食藥的迫切性。

病情輕的用行為治療可能已夠。

作者: qoo_pooh 時間: 12-10-31 10:40

lillymarie 發表於 12-10-30 15:30
講真，如果小朋友功課跟得上，返學開心，老師接受到，父母又接受到，小朋友又交到朋友。又真是無食藥的迫切 ...

lillymarie,

請問你仔仔吃了幾耐藥就見到功效或明顯分別?

另外, 你仔仔有沒有上行為治療? 知不知那裡有得上堂?

作者: lillymarie 時間: 12-10-31 10:53 標題: 引用：Quote:lillymarie+發表於+12-10-30+15:30+

原帖由 qoo_pooh 於 12-10-31 發表
lillymarie,

請問你仔仔吃了幾耐藥就見到功效或明顯分別?

剛開始食藥頭一星期有作悶和頭暈，跟住就無乜感覺。小朋友好快留意到自己上課時可以忍住唔笑，差不多即時見到一些改變。

不過醫生不是從最低分量開始。所以只加了一次藥，好快見效。小朋友有福，對藥的反應很好，這不是必然的。

作者: MrsFung 時間: 12-10-31 11:03

我仔小一做評估時就話佢有讀寫障礙及專注力弱，但到小二開始覺得佢專注力好差，成日玩、笑。跟住排左精神科，今年10月開始食藥，每日三次半粒。
佢食左藥後好左好多，自己做到功課，默書、測驗成績都高分。
其實我懷疑當初做評估時我仔因專注力唔到，所以判左佢有讀寫，但我仔食左藥後，佢認到d寫點寫。
我懷疑佢沒有讀寫障礙，只有專注力問題。
請問你們有這情況嗎？

作者: lillymarie 時間: 12-10-31 11:19 標題: 引用：我仔小一做評估時就話佢有讀寫障礙及專注力

原帖由 MrsFung 於 12-10-31 發表
我仔小一做評估時就話佢有讀寫障礙及專注力弱，但到小二開始覺得佢專注力好差，成日玩、笑。跟住排左精神科 ...

情況差不多！初初見好多專家都話佢無專注力問題，以為係讀寫問題。後來食咗藥後，無咗九成問題。

作者: lillymarie 時間: 12-10-31 11:28 標題: 回覆：利他林(Ritalin)效用及副作用

本帖最後由 lillymarie 於 12-10-31 20:07 編輯

行為治療是父母去學，改變自己的教仔方法。我睇書多, 亦聽咗好多理盧幼慈女仕的講座CD和一套專講ADHD的DVD。未食藥前用她的招數，起碼應付到小朋友的情緒，令佢較為合作。

作者: qoo_pooh 時間: 12-11-1 15:24

lillymarie,

Tks for information.
"理盧幼慈女仕的講座CD和一套專講ADHD的DVD"
-> 在那裡有得買/借?

請問你仔仔現在幾多年級? 食緊邊隻藥和幾多份量?
藥力過後, 專注力會否更差? 即要在藥力有效時做好功課和溫書嗎?

我仔仔剛剛試了10天Concerta 18mg, 但我覺得好似沒有太大改變

作者: minzmin 時間: 12-11-1 17:33

我個仔番佐小一后曰日俾家長投数！搞都我好大圧力，真系好想走佐唔理佢！好煩！

作者: lillymarie 時間: 12-11-1 21:17

本帖最後由 lillymarie 於 12-11-1 21:22 編輯

qoo_pooh 發表於 12-11-1 15:24
lillymarie,

Tks for information.

我在青田教育中心買的。是呀！最好在仍有藥力的時候做功課溫習！藥力過後就似灰姑娘咁，打回原形！

我發現囝囝食咗藥後開始收到我同佢講乜野，經過年月日的訓練，平時就算藥力過咗，都唔會差得太緊要，仍然識得自己去做功課溫習，只不過唔可以要求佢好準確囉，無藥係爭D架。

我囝囝最明顯係數學功課，我成日數住佢“大意”錯有幾多，就發現食咗藥後錯少咗，後來加到對佢係最大分量，數學可以有95﹪準確。另外，會感受到叫佢，佢會應我多D，合作多D。以前我聽講座話，叫佢一聲，然後心裏數下要等幾耐佢先有反應，咁我發現食咗藥後，真的反應快咗。同埋，以前佢日日做功課前都會扭計半個鐘，食咗藥後呢個情況少咗好多。當然，我亦同時想辦法去減輕佢的壓力。我覺得佢在自我情緒控制上好咗。這些是食了藥兩個星期後開始見到的，過了一個學期，就發現佢開始講下佢在學校的事，即是話佢開始留意到老師同學在做甚麼！同埋開始有朋友。

起初係試了兩個星期後，覺得有效果，於是加藥。當時醫生話佢會加藥加到出現太大副作用，希望用最高的藥量去得最好的效果。囝囝只加了一次，就出現體重和睡眠問題，所以無再加了。他起初是食concerta的。後來改了Ritalin LA, 8小時有效的，胃口和睡眠問題就好好多了。

你再觀察下佢的表現。我以前會數下佢食一餐飯要起身幾多次，留意下佢有無坐定些。

作者: lillymarie 時間: 12-11-1 21:23

minzmin 發表於 12-11-1 17:33
我個仔番佐小一后曰日俾家長投数！搞都我好大圧力，真系好想走佐唔理佢！好煩！ ...

為乜事會被家長投訴呀？

作者: minzmin 時間: 12-11-2 07:57

本帖最後由 minzmin 於 12-11-2 08:29 編輯

回復 lillymarie 的帖子

打人！有時人哋閙佢！有時人哋唔俾佢玩！有時好哋哋打一下！拍一下小朋友！煩有時上課离开座位！但佢食饭睇電視就可以坐成個鍾！如打機可以坐二三個鍾！老师都見以佢食藥！我好唔好俾藥佢食！

作者: lillymarie 時間: 12-11-2 09:38

回復 minzmin 的帖子

睇電視和打機可以坐得耐，唔算專注。因為每幾秒鐘轉畫面。
你試下食飯時唔睇電視亦唔聽收音機，乜都唔做，只係食飯。睇下小朋友可以坐幾耐？做功課又點？唔開電視，只叫小朋友坐定定專心做功課，佢可以坐到幾耐？你係屋企觀察佢，就估到佢係學校大概係點。因為上課時間太約35分鐘，小朋友起碼要能夠坐定定15﹣20分鐘架。

小朋友睇咗醫生未？
如果真的確診係ADHD，藥有8成機會可以幫到佢。因為食咗藥後，自我控制力好D，唔會“想做就去做”。同埋聽完大人講道理後，無咁快左耳入右耳出。會容易些學乖。

作者: minzmin 時間: 12-11-2 10:59

回復 lillymarie 的帖子

今個月尾睇瑪x！唔該晒！我今晚番去睇下佢可以坐到己耐…！

作者: alicealice313 時間: 12-11-2 16:20

提示: 作者被禁止或刪除內容自動屏蔽

作者: lillymarie 時間: 12-11-2 19:06

回復 alicealice313 的帖子

聽醫生講，ADHD小朋友一般去到十八廿二就會好轉，當然仍有些成年人需要食藥的。

作者: alicealice313 時間: 12-11-2 20:35 標題: 引用：回復+alicealice313+的帖子聽醫生講，ADH

提示: 作者被禁止或刪除內容自動屏蔽

作者: MrsFung 時間: 12-11-14 11:38 標題: 回覆：lillymarie 的帖子

Hi,

我仔食左2個月藥，R字頭10g 每次半粒，每日3次，初頭效果幾好，寫字靚左，功課做好晒，但最近發現打回原形，點解?

作者: lillymarie 時間: 12-11-15 11:57

本帖最後由 lillymarie 於 12-11-15 12:07 編輯

MrsFung 發表於 12-11-14 11:38
Hi,

我仔食左2個月藥，R字頭10g 每次半粒，每日3次，初頭效果幾好，寫字靚左，功課做好晒，但最近發現打 ...

即係一日食ritalin 15mg。打回原形可以有好多原因，幾時見醫生呀？會唔會最近病咗？功課壓力大咗？小朋友幾重？可能是未夠藥的。如果還要等好耐才見醫生，可以先打電話問問。
我發現佢地若果病的話，控制力會差些的。有時見到佢突然差咗，都會諗可能作感冒唔舒服之類。小朋友自己都知，會走去探熱。

作者: foster_ma 時間: 12-11-19 00:36

lillymarie 發表於 12-11-1 21:17
我在青田教育中心買的。是呀！最好在仍有藥力的時候做功課溫習！藥力過後就似灰姑娘咁，打回原形！

我發 ...

lillymarie,

我個囝試了一星期利他林短效後，轉食C18mg(8am食)剛一星期。但要11、12點先瞓到而胃口也細了，老師和我都看到他少咗D活躍，多咗D專注，不過不算好持久。醫生講過份量愈重，副作用愈大。如果想效果更顯著，應該加重D份量定轉食R LA呢？下星期再見醫生，想請教你一些意見，謝謝！

PS 食利他林短效時出現了頭暈、心跳快咗、有肚痛的感覺和小小腳震，維持約4天。但C就無乜感覺。

作者: lillymarie 時間: 12-11-19 08:02

foster_ma 發表於 12-11-19 00:36
lillymarie,

我個囝試了一星期利他林短效後，轉食C18mg(8am食)剛一星期。但要11、12點先瞓到而胃口也細了 ...

我囝當年早上7點半食藥，平時9點半上床要10點半才睡着。一般做功課溫習到8點半就停，玩半個鐘，刷牙講故事半個鐘才上床。未試過11、12點咁夜瞓呀。不過，當時佢食C，真是燒能量燒得好勁，每日飲兩杯ensure, 狂逼佢食野。一年先重兩磅！唔瞓唔食好快變人乾.........醫生講過話瞓唔著係因為藥力剛退，個人會有一段短時間“好唔安落”， rebound effects. 食C，R LA 或R都會出現呢個問題。我囝現在食緊LA，每日3、4點藥力剛退，佢會好忟憎無計傾。隔半個鐘讓佢安靜下就會正常返。R對我仔只有副作用無藥力，所以無乜用。一係你可以試下早些給他食藥。
LA得8個鐘，到下午4、5點就退，你變咗要諗下幾時做功課囉，同埋溫習時亦要靠你和他自己了。

作者: Culyb 時間: 12-12-3 23:16

我仔仔4歲醫生話可以試下食。但有人話太細個。有冇家長有經驗。佢食左3星期一D副作用都冇。但效果不是太大。但係食左之後真係專心小小。

作者: lillymarie 時間: 12-12-5 20:52

Culyb 發表於 12-12-3 23:16
我仔仔4歲醫生話可以試下食。但有人話太細個。有冇家長有經驗。佢食左3星期一D副作用都冇。但效果不是太大 ...

看來醫生對這藥的信心大了。我幾年前聽講座，有位醫生話佢最細的病人5歲，本來不想開藥，但小朋友需要食藥，不然學校不准他參加畢業禮。
我囝囝以前間幼稚園有位學生，學校每逄有戶外學習，都必定派一位老師貼身照顧那小朋友，全程拖實他的手。

作者: 2bbma 時間: 13-1-3 09:35

本帖最後由 2bbma 於 13-1-3 09:38 編輯

大家好，我想請問
(1)大家係點想確診? 私家/政府?

我個仔今年2年級, 比老師投訴佢上堂遊魂, refer 左個精神科醫生叫我地睇。
我昨天帶阿仔去睇, 但係我覺得佢好草率, 只係同佢傾左唔夠5分鐘就話佢有ADHD, 然後要食藥。

點解 e+ d 醫生同老師都係咁，覺得食藥坐定定先係好學生

歡迎光臨教育王國 (/)