教育王國

標題: 亞仔中二成績好一般...心情不佳.. 應該點幫佢.. [打印本頁]

作者: little_Pacey 時間: 12-10-23 16:01 標題: 亞仔中二成績好一般...心情不佳.. 應該點幫佢..

提示: 作者被禁止或刪除內容自動屏蔽

作者: Ceci333 時間: 12-10-23 16:46

立即轉校，不要等到明年！轉Ｂａｎｄ１尾的學校，津校或直資都得！這學校的文化不適合他．

作者: CHAN-2 時間: 12-10-23 17:10 標題: 回覆：Ceci333 的帖子

Agree.

作者: smallfoothk 時間: 12-10-23 19:38

通常band1轉/band 2頭,定名列前茅,有番自信心,不轉都可以,希望佢開竅,吾開竅就蓄錢送佢外國

作者: little_Pacey 時間: 12-10-23 21:08

提示: 作者被禁止或刪除內容自動屏蔽

作者: Yanamami 時間: 12-10-23 21:28

同阿仔有偈傾嗎? 既然P6升F1時選校, 好多時都叫家長同小朋友一齊搞, 事關佢地先係用家, 禁家下佢已F2, 轉校與否係咪都應該同仔商量? Mami可以直接d同仔講佢擔心而家pair下 pair下個樣, 係咪係學校有壓力/ 跟唔上無心機....定係乜原因? 有無需要轉校? 轉的話又要選邊間? 唔轉的話應該轉個乜態度面對o黎緊既學年?

作者: khmama 時間: 12-10-23 23:50 標題: 回覆：little_Pacey 的帖子

沈祖堯當年入QC都覺得自己忽然好渣，因太多叻人，所以唔好同人比，自己努力就得啦。

作者: Ceci333 時間: 12-10-23 23:59

可否告知怎樣提不起勁？測考都不讀書？不想參加活動？不和朋友聯絡？不重外表打扮？另外，你覺得他跟不上的原因是甚麼？學校不督促？力有不逮？未能好好把握時間讀書？

作者: little_Pacey 時間: 12-10-24 02:01

提示: 作者被禁止或刪除內容自動屏蔽

作者: little_Pacey 時間: 12-10-24 02:04

提示: 作者被禁止或刪除內容自動屏蔽

作者: Ceci333 時間: 12-10-24 09:21

真系要同佢好好傾下．看來你仔都是乖仔一名．打開本書係到發夢都可能想令你安心，或他自己安心．如果他真的自己睇唔明溫極都唔識，可能ＱＣ，ＤＢＳ，　ＬＳ之類的學校不適合他，這些學校的老師多是飛書，不會解析太詳細．在這類的學校，他很難找到定位．成績，實在一山還有一山高，課外活動，又有很多特異功能人仕，而且也有不少人樣樣皆通，在這樣的情形下，他變得平庸，好像怎麼努力也沒有一兩樣東西比人好．

有些人因為心理質素高，又或者有一兩樣東西做得比較好，能為自己找到定位，才能適應下來．青少年時期對自己的定位很重要．如果找不到定位，這樣下去，一是反叛變邊青，一是意志消沈變隱青．

好好傾下，我還是覺得轉校比較好，要拋開面子，也不要認為轉校是失敗．當然大前題是要他同意．可是，他只是少年，他的想法是要成人引導的．如果他已很不在乎，是不想改變任何東西，因為根本沒有動力，大人的角色更重要．祝愿他快快變回陽光少年．

作者: Lyn 時間: 12-10-24 09:23

見過好多cases, 小學成績好, 上到中學會走下坡. 但中三,中四會有轉機.

你仔個case, 我唔覺得要轉校, 間學校係佢想入既, 而且係好學校.佢一直以來都係成績好, 咁即係佢既基礎打得稳固, 尼一點你要對佢有信心.

現時你要多d關心佢, 常出入佢房, 借d意, 攞d野比佢吃呀飲呀, 最好要佢常開門, 陪佢溫書, 如佢不反感, 而你又能力所及, 一齊溫埋, 一齊做卷.
只要你不好比佢成績繼續差, 佢會慢慢好的.

我係過來人, 我仔在補習都冇乜起色之時, 我落手落腳, 托佢出水面.

作者: Stillgood2 時間: 12-10-24 10:18

@little_pacey 我想, 不管你或小朋友, 都放輕鬆吧!
(我細囝, 升剛中一, 有類似問題...甚至老師打電話來討論(投訴))
個人意見, 如果唔係太惡劣, 還是先交小朋友解決. 培養小朋友逆境生活, 也不失一個好的機會. 當然, 唔係放曬手, 而係, 很明確很小朋友心理上支持. 畢竟, 書係小朋友讀, 面對困難也是小朋友自己面對. 有些家長常擔心, 子女年輕, 總要代為思考/安排. 可是, 隨年齡成長, 往上競爭更大, 相反, 鍺(挫)敗越多.

家長必須考慮提高小朋友的IQ, & EQ.
比方, 一星期多前, 一個富裕家庭碩士生跳樓. 這是不幸的事. 原因不多研究, 但最簡單, 就是不快樂. (Have anyhtings, but, only lack of happiness)

就我自己小朋友情況. 1) 我肯定他讀書的能力, 不會跟同學們有大的差別, 那我十分放心
2) 面對壓力, 比如短期成績不好-----是加大讀書力度, 還是放寬一點, 成績次要, 但往後慢慢再追上.
3) 調適課外活動和學習, 開心, 有幫忙的照常.... 不必要的, 減少....
(當然, 家長想: 一串光陰一串金......多材多藝....是給子女必要的條件)

其實, 各人背景不同, 想法各異. 另外, 後果自負. 所以, 放輕鬆吧!跟小朋友研究一下.....

作者: family1234 時間: 12-10-24 10:38

係呀,我絕對同意家長在力所能及的范圍內引導好過去補習社,更能因勢利導,我仔也是小學top 5, 中一,二時數學陷入低谷,仅仅合格,而佢又极之抗拒補習,一籌莫展之際,我發現佢其實都算勤力,肯做題就是欠缺耐性,遇到稍微有些難度的就放棄,於是我同佢輸賭,如果阿媽我能解得出而你不得的話就要罰做額外10題,我仔明知阿媽丟低書包20幾年啦,而且曾經數理亦是弱性,所以佢很是不以為然,於是乎騎虎難下的情況下,我唯有奋發圖強,努力挖掘出腦海里仅存的"那些年"的記憶,真正體會到書到用時方恨少的滋味,

,如是者經過幾回交手,我仔對我令眼相看,不敢掉以輕心,(可能覺得輸俾阿媽好冇面

)慢慢的佢自己亦摸索出一套學習方法,而且遇強越強,喜歡挑戰打星號的超難題,有時看他解題時全神投入幾小時茶飯不思,不免心疼但亦感欣慰,現在小兒已是中五,我也江郎才盡,功成身退,而佢的成績亦一直keep住 top 5 ,以上是個人的一點心得,我相信每個孩子都有自己的特質,特別是男孩子一升上中三,四在數理方面真的如坊間所說的會開窍,中一,二是個過渡期,家長如能適時找到問題所在,興孩子一起面對解決,相信會有莫大裨益

作者: davisma 時間: 12-10-24 11:57

回復 family1234 的帖子

你和囝囝的經歷算是苦盡甘來，真的恭喜你。但願一切如你所說，這個過渡期真難涯，大家一起努力！

作者: Johnny@Klnbay 時間: 12-10-24 17:09

過埋中三相信會好D,小學主要攪掂中英數常就OK,中一多了那麼多科，中三大部份自然科學分出生化物三科，主科中英數通識加埋中西史地理經濟，十一科，你估每個小朋友都文理全材，文科又得，理科又得，我估不是沒有，但可能兼顧不到那麼好，男仔尤其是對文科可能弱D,到了中四選了科，科目小了或選到喜愛的科目，可能又完全不同，個人覺得最難捱是中三，其他家長同不同意？

作者: Lyn 時間: 12-10-24 18:16

回復 Yanamami 的帖子

打到埋身, 係本著 "求人不如求自己" 的心態. 還好, 大考前二個月到, 佢不抗拒我參與佢d學習. 我話每日你邊科冇堂既, 擺本書係桌頭, 而我就日日埋頭苦幹, 再解唔掂, 搵埋佢daddy.
唉, 希望唔好再繼續, 我力有不逮.

作者: Gracewg 時間: 12-10-24 18:25

提示: 作者被禁止或刪除內容自動屏蔽

作者: little_Pacey 時間: 12-10-24 23:31

提示: 作者被禁止或刪除內容自動屏蔽

作者: little_Pacey 時間: 12-10-24 23:37

提示: 作者被禁止或刪除內容自動屏蔽

作者: MCMADRE 時間: 12-10-25 07:30

會唔會係中文小學升英文中學, 如果小朋友唔介意, 可問吓同學仔有冇補習; 其實坊間啲大型補習社都唔差, 一定要揀真人現場教(因有睇錄影教材), 可以尊心D, 現在最需要英文同中文的基礎好, 尤其是作文; 我囡囡係名校小學升原校中學, 成積唔差, 英文基礎OK, 但中文係比較難攞高分, 今年中四, 都要補中文, 數學同通識, 其實好的大型補習社, 有佢的存在價值, 其導師會用盡方法同技巧, 教你應付同處理問題, 有竅門同省時間, 有D仲幾風趣幽默, 一試無妨, 唔啱可試過別的.

作者: Yanamami 時間: 12-10-25 08:05

little_Pacey 發表於 12-10-24 23:31
多謝大家的關心和意見，今日同亞仔放學去左Tea 之後仲行左陣仲買左個新銀包比佢，感覺良好，但忍左好耐 ...

禁咪幾好o羅. 兩母子開心見誠傾下. 你又可俾佢知你關心佢, 佢又可話你知發生咩事. 最重要係要俾佢知, 父母永遠關心佢支持佢, 佢唔係得一個人面對架.

作者: BSCYL 時間: 12-10-25 13:05

發表於 10-7-14 13:54 |只看該作者以下是家長簡介內容, 就筆錄要點, 記憶寫成, 可能有偏差, 不對地方, 請在場家長指正

校長說由於學校取錄的學生均是成績優異, 在小學均名列前矛.  所以要在學校考取100名以內, 都有一定難度
該校高年班同學成績都相當好, 有數人在嚴謹評分下, 依舊取得 88.xx 的平均分,  隨後還有數人平均分84.xx
考試不合格, 需於暑假補課及補考
着重思考及理解, 不鼓勵死記硬背
功課不多, 但強列建議學生必須做好課前預習
學校5項目標 - 1. 勤有功, 2 兄弟情, 3. 誠信, 4. 責任感, 5. 追求卓越

副校長
每年2次考試, 在1月及6月, 成績不理想要補課補考
各料有不定期堂測及全級一齊的統測(一般在星期二) 提醒家長小朋友課外活動盡可能避開星期二
教學助理會於為成績欠佳的同學課後補課 (主要集中在中,英,數三科)
上堂表現差, 欠交功課, 出席率欠佳均可能不給予補考的機會.  學校有留班的制度
考試後活動, 上學期3天, 下學期1星期, 均必須出席, 不接受外遊請假

訓導
校規比較概括性, 並無明列所有細項
但要求學生必須準時, 3次遲到收警告信, 6次記缺點, 列明在成績表上
逢星期三為留堂日, 有需要會預先通知家長
不准帶手提電話, 防止掉失, 同學間以新款手機互相炫耀,
招惹破壞, 影響教學

輔導
27/8/2010(星期一) 8:30~4:00 迎新日
24~25/9/2010 (星期五,六) 8:30~4:00 迎新營

家長講座
26/11/2010 6:00p.m.~8:00p.m. 邀請傑青主講
1/4/2011 6:00p.m.~8:00p.m. 學校領袖生主講

活動
11/2010 S1 班際藍球
12/2010 S1 Subject orientation
11/2010~6/2011 S1 Friday Assemblies 8:30~8:45 a.m.

中一朋輩輔導計劃 10/2010~5/2010
1個大會 + 11小組會議

課外活動
50多個學會, 比較出色的有天文學會, 童軍歷史最長
4~6年班課外活動計算入其他學習經歷, 1~3年班, 摸索尋找合適階段.  可選3~4學會
中二至中三開始可以參加交流活動

社工
伍生 KELVIN 逢一, 三, 四, 五駐校, 電話: 2895 1028
星期二可致電中心 2549 5106

另外補充
10月有中一家長日, 可與班主任交談
家長亦可透過快訊, 上學校網, 家長教師會增加對學校的認識

作者: BSCYL 時間: 12-10-25 13:08

其實不能以小學的名次與中學的名次作比較, 長期能夠保持在中間位置, 已是不錯表現

作者: BSCYL 時間: 12-10-25 13:10

可到下列論壇提問, 可能有其他家長可提供意見
http://www.edu-kingdom.com/forum ... &extra=page%3D1

學校舊資料, 可作參考
http://forum.edu-kingdom.com/vie ... &extra=page%3D2

作者: xTinction 時間: 12-10-25 22:51

問一問身邊的家長有沒有補開的/有經驗的幫佢跟下啦。
如果仔仔無染上壞習慣(e.g.打機)，
只要搵個有心既人應該可以幫到佢。

未搵到補習都可以問下佢學校有冇傾得埋既老師/班主任，
可以叫佢請教下學習方法/面對壓力等等既問題。

家長俾多d支持/鼓勵，
額外資源就問番仔仔需唔需要，
如果佢話唔需要既話就信任佢相信佢做到。

作者: MCMADRE 時間: 12-10-26 08:19

回復 BSCYL 的帖子

Agree

作者: little_Pacey 時間: 12-10-26 12:27

提示: 作者被禁止或刪除內容自動屏蔽

作者: little_Pacey 時間: 12-10-31 18:14

提示: 作者被禁止或刪除內容自動屏蔽

作者: HING2HING 時間: 12-11-2 11:53

回復 little_Pacey 的帖子

我情況和你差不多 . 有一次跟阿囝同我說- 自己巳經好努力溫書,但唔知點解每次QUIZE 或DICTATION 的結果有時都不好, 有D同學話沒有溫過書, 但成績比自己好 . 而家才知道自己的英文原來是這樣差. 聽到我要忍住D眼淚. 我都是不停盡量鼓勵住佢. 叫佢可以讀個D 就盡量讀. 希望不可以拉返高D 分 . 佢今次英文TEST 是剛好合格, 佢講老師說要 70 幾分以上才是正常 . 低過的是英文程度差 . 所以我都同阿囝搵緊補習 .但是真是很難搵, 以前小學都好容易找到補習老師 , 可以找一些 F.6 的中學生 . 但是這兩年轉 F .6 都是顧住升大的考試 ,而升上了大一的又沒有時間幫到補. 因為頭痛到爆. 所以都唔知點算好. .

作者: Ceci333 時間: 12-11-2 17:21

本帖最後由 Ceci333 於 12-11-2 18:36 編輯

小學的英文一般讀了指定範圍或做練習已可，上到中學越高班越見真章，即有幾多課外閱讀．不是單補習可解決．比心機多看課外課內書一定得，加油！

作者: 小企 時間: 13-2-12 14:35

little_Pacey 發表於 12-10-31 18:14
星期六終於同亞仔去左家長介紹果間補習社試堂，佢又OK 喎。可能因為間補習社係小班教學，一班得3個人， ...

little_Pacey:

可以pm果間補習社給我嗎?

作者: LML 時間: 13-2-12 19:02 標題: 回覆：little_Pacey 的帖子

提議減少一些不必要的活動去增加多啲時間。

如果多少少時間溫習，成績好啲。信心返來就無問題。

作者: cckalex 時間: 13-2-15 13:48

發表個人小小意見，如果今年已是中二,又沒有進步
的問題，應該著意在中三選科的方向,如成績太後,
很多喜歡的科目都選不上,失落感更大。

歡迎光臨教育王國 (/)