教育王國

標題: Whatsapp [打印本頁]

作者: beywat496 時間: 12-10-22 14:13 標題: Whatsapp

本帖最後由 beywat496 於 12-10-23 01:24 編輯

鐘情 Whatsapp, 鐘意同朋友聊天, 可以點樣勸諫 ???? 做功課, 食飯, 不停 Watsapp.

作者: organicfans 時間: 12-10-22 17:26 標題: 回覆：玩 Whatsapp 問題。

其實都係self control 問題, whatsapp 只係一個媒體。先約法三章，情況失控就沒收電話。

作者: ccpsg 時間: 12-10-22 21:03 標題: 回覆：玩 Whatsapp 問題。

用Wifi 還是3G

作者: vincher 時間: 12-10-23 18:46

无論3G或wifi,给孩子，已大錯特錯!我是成人，玩開whatsapp，已沈迷，何況小朋友!首先，身教!自己也限时whatsapp!可以的話，轉plan，不可上網

作者: Meikin 時間: 12-10-24 09:47

我昨天先同阿仔講 : "如果你成日手機不離身, 不懂自律自控, 仍是小學雞行為, 那我就會當你小學生對待, 沒收電話...."

作者: LouBB 時間: 12-10-24 09:59 標題: 回覆：Whatsapp

前曰，有個同班家長問我班𥚃同學間係咪指定用whatsapp 通訊.... 我話當然唔係！通常official communication 都係email or Facebook 嘅！

事源佢阿囡要求換電話，要同人whatsapp, 可見真係好普及，尤其女仔堆。男仔似乎仲係prefer 直接對話

作者: jvkll 時間: 12-10-24 12:17

亞囡表現吾好..我已經cut 左wifi 上網..所以佢個電話只可以打出打入...佢上網吾係whattsap 多而係上mytv 多...無計..既然表現吾好吾自律就要得到應有受罰~

作者: kilykilyk 時間: 12-10-24 12:54

beywat496 發表於 12-10-22 14:13
鐘情 Whatsapp, 鐘意同朋友聊天, 可以點樣勸諫 ???? 做功課, 食飯, 不停 Watsapp.

我小朋友現升中二個手提都只可打出打入,當然我自己平時都唔whatsapp,
順理成章我小朋友無whatsapp習慣,習慣係養成的,應該未沉迷前就要控制,
既然過份沉迷就要令佢停止,好似上網成引咁,我仔無上網引,因為佢小上網,
平時運動睇書多,有啲嘢係可以預防的。

作者: manwaimail 時間: 12-10-24 13:25

完全唔俾佢WHATSAPP，會令佢同同學有距離，甚理俾人排擠。所以唔好完全CUT 左佢上網。

但一定要約法三章，例如做功課時，電話要放在廳，等佢知道，唔係唔俾你玩，而只係有節制咁玩。

作者: piagetmum1 時間: 12-10-24 18:51

曾經在whatsapp收過色情廣告，附有hyperlink,小朋友定力未敢，click了入去睇完阿媽都唔知。

作者: jvkll 時間: 12-10-25 09:40

係ar..講開又講..我未cut 亞囡上網果時都試過收埋d 廣告...所以更加要cut..

作者: Joe媽媽 時間: 12-10-25 10:11

manwaimail 發表於 12-10-24 13:25
完全唔俾佢WHATSAPP，會令佢同同學有距離，甚理俾人排擠。所以唔好完全CUT 左佢上網。

但一定要約法三章 ...

無錯, 要約法三章, 唔係就cut!

我地講好晒, 食野等位, 未入座可以玩電話, 但一入坐就唔可以再攞手機出黎.

唔 whatsapp? 我夜晚11/12點收到客人 whatsapp 要我覆 email, 拋得個身出黎做, 點可以唔 whatsapp/ email? 鬼頭大過天啦, 唔係掂搵老外D錢. 好羨慕有人唔洗用 whatsapp?! 即係幸福少奶奶, 唔使翻工, 與世無爭, 日日煲劇. 唸下都開心開心好開心... 離左題 tim

作者: wyl 時間: 12-10-25 10:51

因為要比個囡做榜樣, 所以我自己都冇用智能電話, 更加冇用電話上網同whatsapp. 所以我囡一直冇要求我買智能電話比佢, 佢個電話只係用嚟打出打入同sms我.

小朋友自控能力弱, 我寧願一開始就冇, 好過比咗佢之後日日為咗唣啲嘢家嘈屋閉.

作者: Gracewg 時間: 12-10-25 14:56

提示: 作者被禁止或刪除內容自動屏蔽

作者: orangebb 時間: 12-10-25 16:12

回復 Gracewg 的帖子

我覺得你真係講得好岩, 做人父母, 管教子女係我地責任, 我實在唔明白, 現今真係好多家長覺得, 仔女的所有問題, 係學校/補習老師的責任, 仔女唔乖, 唔係諗方法去引導佢入正軌, 反而一係推比人, 一係搵理由, 如同學帶壞, 控制唔到佢等等......前排姪兒學校, 就係有個家長向老師投訴佢個女班同學, 晚晚 whatsapp 佢個女, 我聽到都無言..........你自己做家長係有權有責任去管教自己兒女, 先解釋whatspp 只是溝通其中一種方法, 再觀察是否濫用, 約法三章, 最壞打算就係沒收電話 !

作者: matthewl 時間: 12-10-27 00:36 標題: 回覆：Whatsapp

家長本身有冇節制先? 身教好過言教又何止百倍

作者: kilykilyk 時間: 12-10-27 12:46

本帖最後由 kilykilyk 於 12-10-27 13:18 編輯

Joe媽媽發表於 12-10-25 10:11
無錯, 要約法三章, 唔係就cut!

我地講好晒, 食野等位, 未入座可以玩電話, 但一入坐就唔可以再攞手機出黎. ...

大人用whatspp可以自控當然無問題啦!而且小whatspp唔代表好得閒唔洗做,經常whatspp唔代表佢唔係少奶奶

小朋友whatsapp成引,不但應響正常生活,而且更應響學業,
上堂whatspp/食飯whatspp/同朋友面對面whatspp/都只為吹水,
任何時候都不用說話,社交能力會否退化??

作者: momojoyse 時間: 12-10-27 18:44 標題: 回覆：kilykilyk 的帖子

提示: 作者被禁止或刪除內容自動屏蔽

作者: kilykilyk 時間: 12-10-27 21:22

本帖最後由 kilykilyk 於 12-10-27 21:23 編輯

momojoyse 發表於 12-10-27 18:44
whatsappl是現今的溝通橋樑取消就真係吳得，但應約法的，我個剛升中反而好多事都自動自覺左，小六仲有功能 ...

懂得自控而唔應響正常生活同學業當然唔洗取消,但事實係點大家有目共睹,
我聽過有小朋友上堂都whatspp,溫書/做功課/食飯whatspp,
跟本不能專心做正經事,過份沉迷這個溝通橋樑而應響學業值得咩??

作者: Hanayori 時間: 12-10-29 01:26

Whatapp 係我女的圈子內已好普遍, 佢地開好多群組吹水, 唔上線半日已儲到2xx條messages, 有人一起身就揾人傾計; 呀女間唔中都有失控, 比我發現會沒收電話, 總之適可而止, 我就只眼開只眼閉.

作者: momojoyse 時間: 12-10-31 11:42 標題: 回覆：Hanayori 的帖子

提示: 作者被禁止或刪除內容自動屏蔽

作者: bb613 時間: 12-10-31 12:18

我只在家長會對班主任投訴, 又有其他家長附和, 現在檢點了很多。

作者: jeoy126 時間: 12-10-31 12:54

要想小朋友點，首先喺你自己想點？

錯誤嘅首先喺家長，唔好搵籍口，驚小朋友冇左whatsapp會點點點，一派胡言。小朋友的天職就系讀書，如果將大量時間用喺whatsapp，得不償失。

同學之間相處，不需要靠個whatsapp來維持聯絡和友情，傾得越埋，是非越多，越讀唔好書。如果能抽身是非之外，平時行為妥當，唔驚冇朋友，畢竟不是全世界有whatsapp得你冇，冇智能電話嘅人喺唔喺都要被孤立？呢個觀念好錯。只有當小朋友脫離是非圈子，搞好成績，反而多人接近。佢去學校讀書，唔系要搞幫派小圈子，有一二個可以交流要好的朋友仔已足夠。如果佢成績好，大把同學仔主動來親近，打電話畀佢問功課，根本唔使擔心社交問題。

至於家長是否以身作則，又大可不必，家長有家長的揾錢養家的職責，要用whatsapp來梳理各種關係，多少都會同工作有關聯。小朋友的職責是讀書，需要whatsapp來做什麽？

畀咗小朋友whatsapp，又想佢照自己嘅心意去控制，無異於與虎謀皮，可行性有多大？

作者: kilykilyk 時間: 12-11-19 13:17

本帖最後由 kilykilyk 於 12-11-20 13:18 編輯

我仔佢從無whatsapp,因為佢對電話從無要求,我都問過呀仔無whatsapp會否被人孤立或應響社交圈子,
佢話唔覺得有應響,我眼見佢都一大班朋友同學好啱傾。大人工作上有需要whatsapp理所當然,
但對於我個仔來講whatsapp只是一種玩物,可有可無,我慶幸我個仔無whatsapp引,
起碼食飯時會同我傾計,做功課/溫書時專心,並唔係攞住部電話whatsapp..

作者: Meikin 時間: 12-11-19 13:37

不否定whatsapp是有其好處, 但要用得適得其所, 濫用就不如不用.

其實不只是whatsapp, 好多東西 (普通如零利, 手提電話, 電視....)也有利有弊, 視乎你如何運用.

若小朋友電話已有whatsapp功能, 家長不用一刀切, 試吓利用這個機會教吓佢正確使用whatsapp的方法, 小朋友們學懂了自律, 一生受用; 若小朋友仍然濫用, 家長就應想辦法管吓佢哋了.

相反, 若小朋友手機仍未有whatsapp的話, 那不急於出俾佢, 反正冇也沒甚麼損失, 打個電話問功課有何難?宜接對話不是更親切嗎?

作者: Meikin 時間: 12-11-19 13:52

阿仔的whatsapp熱已過, 現在他whatsapp都是用在有實際需要之事上,例如同學忘記帶note, 佢用手機拍低文件, 再經whatspp傳送給對方; 又或者同學晚上不方便接電話, 佢whatsapp對方, 等對方回電等等. 阿仔偶然都會八吓其他同學whatsapp甚麼 (因為加入了群組), 他說大家講的都是無聊事/笑話居多, 不參與也罷.

作者: yaozhil 時間: 12-11-23 21:55

some children always play it

作者: yaozhil 時間: 12-11-23 21:57

so dont let them play a lot

作者: evergreenj 時間: 12-11-26 12:00

依家佢地班中有個Whatsapp群組(25人), 唔駛用電話問功課, 課外活動都有又有群組, 有咩野都有同學答,其實都好方便GA!

作者: evergreenj 時間: 12-11-26 12:03

Hanayori 發表於 12-10-29 01:26
Whatapp 係我女的圈子內已好普遍, 佢地開好多群組吹水, 唔上線半日已儲到2xx條messages, 有人一起身就揾人 ...

無錯呀, 有時做父母都要隻眼開, 隻眼閉!

作者: JustAParent 時間: 12-11-26 12:28 標題: 回覆：Whatsapp

都升上中學了，多少也要給他一點自由。Whatsapp浪費時間，父母又用；上Facebook無聊？所以父母上無咁無聊的EK和BK?Whatsapp有色情短訊？但互聯網本身已到處3、4級片。唔Whatsapp，講電話、睇電視、打機、和朋友周街去、甚至hea到一日瞓係sofa唔做嘢，有分別嗎？沈迷Whatsapp是標，唔著緊自己的正經事才是本。對症下藥，可能有一日你會同小朋友講，「讀咗好多小時了，上FB輕鬆下，Whatsapp下其他同學睇佢地讀成點？」

作者: longlokma 時間: 12-11-26 12:54 標題: 引用：都升上中學了，多少也要給他一點自由。What

原帖由 JustAParent 於 12-11-26 發表
都升上中學了，多少也要給他一點自由。Whatsapp浪費時間，父母又用；上Facebook無聊？所以父母上無咁無聊的 ...

同意！要教孩子明白事理，更要容許孩子有學習自我約束的機會。

作者: orangebb 時間: 12-11-26 13:41

回復 JustAParent 的帖子

同意你講, 凡事都有正反用途 ! 讚 !

作者: Yanamami 時間: 12-11-26 14:26

令我想起另一种「工具」-- credit card. 好好正確使用, 的確可帶來方便&jetso. 但失敗(欠到一屁股債)既例子太多太多. 如果不會控制倒不如不申請. 沒credit card不會被視為異類吧?

作者: evergreenj 時間: 12-11-27 10:29

JustAParent 發表於 12-11-26 12:28
都升上中學了，多少也要給他一點自由。Whatsapp浪費時間，父母又用；上Facebook無聊？所以父母上無咁無聊的 ...

讚同你講法! 做父母也不能太專制呀!

作者: mc 時間: 12-11-27 11:24

回復 Yanamami 的帖子

或者應該說任何事情沒有絕對的好和壞，一切都要看孩子本身的性格特質，如果是一個自律性極高的孩子，願意講道理，那家長也不妨可以下放一些自由給他們。但如是本身沒有太多的自制能力孩子，則要看看用甚麼方法令其明白太沉迷某種事物的禍害，其實最後的受害人都是孩子自己。如 whatsapp、facebook都是現代人喜歡用的通訊工具，一刀切的方式都要看孩子受不受，有些孩子是表面順從，內心反叛，所以父母都要好好觀察自己的孩子，因應其性格作出相應的對策。畢竟孩子已步入青春期了，他們是需要空間和自由去成長。始終〝自律〞永遠比〝他律〞更好！

作者: mc 時間: 12-11-27 11:35

要做到〝自律〞真要花很大的力氣，最重要是當事人是否明白，所有的一切都是為他/她自己著想？就好像讀書，讀得好或不好，成績表上的名字都是當事人自己，不是父母。我孩子就是在小一時對著我說〝為我讀書〞，我馬上說，讀書是為自己而讀，不是為旁人而讀，以後的成果都是自已去承受，父母的出發點都是為了孩子的未來著想。

作者: Yanamami 時間: 12-11-27 11:41

本帖最後由 Yanamami 於 12-11-27 11:42 編輯

我只覺得「自律」對一個12~3歲既孩子黎講, 係一個正在摸索中而又未能掌握的attribute. 太兵行險著. 這邊廂對於學習, 家長說F1, F2, F3...也不能放手, 那邊廂卻要他們在精美好玩的電子世界學自律. 若然他們能控制自己(當然有少數人, 世事無絕對), ek上便沒有家長上來呻, 孩子升中後欠這欠那, 又不自覺溫習.

作者: JustAParent 時間: 12-11-27 12:41 標題: 回覆：Whatsapp

我相信台灣作家汪培珽所言，父母的保存期限，只有十年！「從孩子的五歲到十五歲，您只有十年的機會 ... 很多父母是這樣想的：孩子還小，等我們什麼什麼的時候，再怎樣怎樣。三歲小嗎？八歲如何？八歲還是太小了，十二歲如何？而機會，常常都是在等待中失去的。從孩子的五歲到十五歲，唯有這黃金的十年，您可以前一秒鐘跟他像好朋友般說話；後一秒鐘，他卻可以帶著天使般的臉龐依偎在您的懷裡睡著 ... 我知道，不是每個爸媽的保存期限都是十年——放心，只會更少，不會更多。」看一看，自己能管孩子的期限也所剩無幾，不想放、不願放、自己認為不能放的，也快被迫放手。我覺得，和小朋友相處像拔河，慢慢一步一步放手，比拼命拉著但突然一天鬆開，孩子沒那麼容易重傷。今天放手讓孩子飛，即使他倒下，我還能在賞味期限前扶他一把。

作者: Yanamami 時間: 12-11-27 12:56

mc: 所以其實很多事情都要從小教，怎樣放怎樣收緊控制，都要視乎各人自己孩子的性格而定！
********************************************************
係啊~~要真睇情況. 以我女為例, F2很多事也可以放手了(學業/ 用$消費/ 出街有交帶....etc), 令我好放心. 唯獨是呢d電子產品, 定力仍然不足. 見勢色不對, 唔插手唔得啊~~

作者: 黃巴士 時間: 12-11-27 13:54

我已經對依D電子產品投降

, 惟有是與他/她們約法三章, "你節制吓啦!!!!

)
放學後第1件事, 竟然是入門口覆APPS. (心諗: 咁早有同學開檔了嗎??)

作者: wyl 時間: 12-11-27 14:02

如同小孩子吃有味食物一樣，一旦嚐過後就再也不肯吃無味的了，所以這些電子產品，我是盡可能延遲，一旦開始了，易放難收

作者: Yanamami 時間: 12-11-27 14:12

唔知係邊本育兒書睇到一句話「我而家對你既仁慈, 係對你將來既殘忍」. (o拿! 不喜勿插)

作者: mc 時間: 12-11-28 11:09

回復 Yanamami 的帖子

是呀！任何事情都要由小教起，大了才教已經比較晚，效果也不明顯。電子產物更是令小孩子失去了方向的物品，唯有要好好和他們商量，看看他們的想法，不能只想到自己的想法，也要聽聽孩子的說法，這也是令他們明白父母不是凡是都會說〝不〞，也不是針對他們，只是凡事以不過份為本。等於看電視一樣，我家是一家人都不看電視，如做完功課可以看書，做其他孩子想做的事情，但就不要看電視劇了，因為今天看了，又會想明天再追看！如手機，我都是只可以在周末周日出街才拿出來，其他時間不可以拿著手機周屋走，在孩子未可以自動自覺地控制自己的使用量時，手機是只可以用來通電話，不可拿來上網。適當地給予自由，再適當時間收緊，讓孩子逐步明白為何要監管使用的時間，父母就是看準自己的孩子性格來看看用甚麼方法才可以令他們心服口服地接受建議。

始終孩子越來越大時，朋輩的影響遠勝於父母，所以我已經開始和孩子用朋友的方式聊天說心事，希望她可以甚麼事都對我說，無論是好的壞的都要說，母女之間不應隱暪，也會為對方守秘密，我想做女兒一世的朋友呀！希望在她開心時替她開心，在她傷心時可以為她加油！

作者: 黃巴士 時間: 12-11-28 11:26

本帖最後由黃巴士於 12-11-28 11:37 編輯

另一面看: -
囝囝班3X人, 佢話只有幾個沒WHAT APPS.  見他群組有時亙相提點有咩功課記得做/交, 課外活動, 交通告/費用,  功課格式, 問MATHS功課點做等??  有時會傾吓剛TEST後去邊度玩??  最唔LIKE邊課堂?? 2X人群組中暫時似乎沒什麼講是講非.  而明顯地見到TEST期間是沒什麼APPS往來的.
依家係咁, 我都可以接受.  但將來同學熟了會點, 就真係唔知.
作為家長- 我在小事上是可妥協; 大事上當然穩守立場.
在乎個人界定什麼是大/小事??:;pppp:
反而, 我極力反對是手機是隨身攜帶的"遊戲機"&成日覆APPS囉..........

作者: Jackieson 時間: 12-11-28 11:45

回復 mc 的帖子

始終孩子越來越大時，朋輩的影響遠勝於父母，所以我已經開始和孩子用朋友的方式聊天說心事，希望她可以甚麼事都對我說，無論是好的壞的都要說，母女之間不應隱暪，也會為對方守秘密，我想做女兒一世的朋友呀！希望在她開心時替她開心，在她傷心時可以為她加油！
---------------------------------------------
好同意, 女仔就易聊天傾心事d, 但男仔就要用多d功夫先得.

作者: mc 時間: 12-11-28 14:51

回復 Jackieson 的帖子

嗯！男孩多數較內歛，這個時候最好由父親方面出面，始終同性相吸，男孩有些問題會較容易向爹地傾訴。

作者: 黃巴士 時間: 12-11-28 15:21

本帖最後由黃巴士於 12-11-28 15:24 編輯

Jackieson 發表於 12-11-28 11:45
回復 mc 的帖子

始終孩子越來越大時，朋輩的影響遠勝於父母，所以我已經開始和孩子用朋友的方式聊天說心事 ...

由細到大, 我嘅方法係先講我嘅心事俾囝囝聽, 又或者講吓一D事啟發, 如大熱天時的冷3, 拍拖, 暗瘡, 髮型....佢聽多左, 久而久之會同我SHARE佢D少少心事!!!

作者: mc 時間: 12-11-28 16:49

回復黃巴士的帖子

溝通最好由細細個開始，孩子習慣了這種模式，也知道父母是為自己著想才緊張，也知道原來無論是甚麼事，都有親人可以為他們排解解憂，關係自然地建立起來。

歡迎光臨教育王國 (/)