教育王國

標題: 預到一個咁樣的社工, 我可以點？ [打印本頁]

作者: idak 時間: 12-10-21 00:30 標題: 預到一個咁樣的社工, 我可以點？

我好耐之前參加左個叫親子互動輔導服務, 之前個社工好好, 五月做左評估個社工教左我點教個女, 個女坐定左好多, 我見到七月尾都未有通知幾時開始, 原來個社工要調區, 會由另一個社工跟進, 到十月個新社工都未聯絡我, 我咪打電話比佢, 一打電話比佢就約到見, 到昨日佢又打電話問我可唔可以早d到, 唔方便可以改下星期先見都無問題, 我話我會準時七點到, 佢就話佢六點三十分已經係度, 去到佢就話同我講左行政o野先, 咁我比左錢佢, 再傾左一陣, 佢就話你個女以家參加左咁多訓練, 金錢上都應該有壓力, 放工重要來, 會唔會好辛苦, 囡囡都好辛苦, 以家比番d錢你當我無收過, 你返屋企同爸爸商量下, 叫我返屋企考慮清楚, 其實e個服務對象係家長, 佢話我囡囡評估結果唔嚴重, 只係過左兩分, 但家長壓力方面過廿幾分佢又無提, 前後唔夠廿分鐘叫我走, 開定門添...你地話我好唔好重繼續參加？

作者: crystal媽咪 時間: 12-10-21 19:45

下, 即係你參加某機構的活動, 比左錢JOIN !?!? 最後新社工叫你唔駛JOIN !?
我有無理解錯誤.
咁可否報其他機構, 又或者遲D再打比佢, 話想學下親子互動, 當佢同你講你好辛苦, 你話屋企人都支持你出去找人幫手.其實係咪無人做, 所以叫你唔JOIN !?
那社工咁奇怪.

作者: idak 時間: 12-10-21 22:27 標題: 回覆：crystal媽咪的帖子

我估佢唔願做！因為我做完都要八點，佢重複咗幾次問我可否早d到！其實個服務幾好架，我帶住個耳機，個社工係房出面教我同小朋友玩技巧，提我要講d乜，我做錯咗d乜，以家係個社工咁樣！上次同老公去，老公都覺得好！

作者: lhy168 時間: 12-10-28 17:45

提示: 作者被禁止或刪除內容自動屏蔽

作者: yuki8484 時間: 12-11-1 14:58 標題: 回覆：預到一個咁樣的社工, 我可以點？

係咪"東x三院"既親子輔導?

作者: idak 時間: 12-11-4 23:48 標題: 回覆：lhy168 的帖子

你可以打電話問佢3165 8824( 天水圍）
服務對象。面對管教困難及感到親職壓力的家長。2至7歲兒童，經常有攻擊性行為，不服從指示常發脾氣，經常不守規矩等，詳情你打去問！

作者: idak 時間: 12-11-5 00:01 標題: 回覆：yuki8484 的帖子

係！之前個社工勁好人，果時我剛剛收到CAC社工比份資料我，係佢教我點做同我傾咗好耐，乜嘢係即時要做，同我講其實有好多人幫你！上次去見新社工估唔到咁奇怪！我想參加但想轉社工！

歡迎光臨教育王國 (/)