教育王國

標題: 唔可以飯餸一齊食？ [打印本頁]

作者: llam1210 時間: 12-10-20 23:09 標題: 唔可以飯餸一齊食？

我女前一個月唔食餸只好白飯。近日我見佢食其他餸了，但要食完一樣才食第二樣。（例如先食菜，食完我再比佢食肉，最後白飯）我想知呢個問題你們見過嗎？是否自閉特徵？如果混埋一齊佢就Lur!

作者: hcily 時間: 12-10-21 00:21

我兒子兩三歳時也一樣，現在五歲了，已完全沒有這行為。不知道這是不是自閉特徵，但小兒是自閉症患者。

作者: llam1210 時間: 12-10-21 00:27 標題: 回覆：唔可以飯餸一齊食？

請問如何令佢改變？我們一歲七個月。我初初以為佢出牙才會咁！

作者: llam1210 時間: 12-10-21 00:39 標題: 回覆：唔可以飯餸一齊食？

問多句，你仔仔是不是口肌過敏的？除了呢樣我想不到有何關連？但我女講野又唔係太大問題。

作者: chowqv 時間: 12-10-22 04:20 標題: 回覆：唔可以飯餸一齊食？

我個仔就黎5歲，不嬲都係咁食。無咩問題。老師教慢慢食，逐樣食。

作者: llam1210 時間: 12-10-22 09:11 標題: 回覆：唔可以飯餸一齊食？

Chowqv,即係你仔係食完一樣才食另一樣？普通人食飯係一齊食又飯又餸喎

作者: owl_2046 時間: 12-10-22 14:41

可能你個女口肌唔好, 唔可以突然改變口感, 所以食完一樣再一樣啦. 我個人認為唔須迫佢改變, 要知道食野係好RELEX, 迫佢只令佢食得唔開心, 呢樣野會隨住佢口肌好, 冇咁敏感而改善, 幫佢做口肌訓練啦.

作者: cat1028 時間: 12-10-22 21:53

我囝以前肉碎撈飯就得，加小小菜碎就不吃了，依家飯、菜、肉分開俾佢自己＂不＂，可能係口肌弱，一口飯有軟有硬，見佢咬幾下就吞，所以至分開幾碗。

作者: pinkdoll 時間: 12-10-23 00:25

llam1210 發表於 12-10-20 23:09
我女前一個月唔食餸只好白飯。近日我見佢食其他餸了，但要食完一樣才食第二樣。（例如先食菜，食完我再比佢 ...

我覺得唔好理係唔係自閉先, 如果小朋友有這樣既一個習慣, 你認為需不需要去處理, 需不需要去改善?

作者: hcily 時間: 12-10-23 01:12

我同意chowqv和 owl_2046的說法，因我也沒有特別逼他改變，只是隨著他長大，我便讓他試不同的吃法，他又漸漸肯，現在便沒問題了。所以我贊成不要把問題看得太嚴重。

作者: 濼晴 時間: 12-10-23 09:23 標題: 回覆：llam1210 的帖子

唔會我個女都係甘要一啖飯一啖送只會食

係需要時間餵同耐性加油

作者: why-me 時間: 12-10-26 17:26

owl_2046 發表於 12-10-22 14:41
可能你個女口肌唔好, 唔可以突然改變口感, 所以食完一樣再一樣啦. 我個人認為唔須迫佢改變, 要知道食野係好 ...

好同意你講法

作者: llam1210 時間: 12-10-28 00:23

近日又好番一些可以一啖內有飯有餸, 但佢還是唔喜歡刷牙洗面... 剛開始上言語治療. 希望會好一些吧... 多謝你們

作者: albertmoon 時間: 13-1-23 16:40

llam1210 發表於 12-10-20 23:09
我女前一個月唔食餸只好白飯。近日我見佢食其他餸了，但要食完一樣才食第二樣。（例如先食菜，食完我再比佢 ...

有汁都唔食.. 浄食菜叶. 有少少連住菜勁佢都LUR... =.=''最中意食菜心叶

作者: mikoko816 時間: 13-1-23 23:19

我個仔又係一有肉或菜係飯度就吐返哂出黎，食白飯又無事，飲湯有瓜同肉碎又可以食，都唔知點解佢反應可以咁快，一入口可以即吐出黎

歡迎光臨教育王國 (/)