教育王國

標題: 2 歲返學喊 [打印本頁]

作者: svdy 時間: 12-10-19 10:47 標題: 2 歲返學喊

bb 2 歲返左學個幾月喊足個幾月 (返到學校講bye bye時), 大家有咩辦法 ?

又tum過又鬧過, 兮.......

作者: XYZABC 時間: 12-10-19 11:00 標題: 回覆：2 歲返學喊

好正常，如果佢唔捨得見到你走，咁叫工人姐姐或爸爸帶佢入去。我見有個小孩K1喊咗1年呀!K2就冇喊了。忍心D放低佢，唔好轉頭望，喊一陣就冇事。

作者: creamsicle 時間: 12-10-19 11:39

回復 svdy 的帖子

老師有無話講完bye-bye你走左後重喊唔喊? 我個極品喊
到聖誕後, 但每日喊一陣間就會自己收聲好開心咁去搵野玩.
小朋友有時會喊比人睇博同情...

作者: peckychiu 時間: 12-10-19 12:04

我都覺得試下第2個送返學...
我只係第一日送過返學..亞仔返pn..我要返工...無接送過喇...
平時婆婆送..佢無喊架...一byebye就唔回頭架喇~daddy得閒送果日佢就喊到顛左..所以可以試下搵第2個送

作者: beyondcontrol 時間: 12-10-19 12:23 標題: 引用：我都覺得試下第2個送返學...我只係第一日送

原帖由 peckychiu 於 12-10-19 發表
我都覺得試下第2個送返學...
我只係第一日送過返學..亞仔返pn..我要返工...無接送過喇...
平時婆婆送..佢無 ...

我個女九月番學，日日都有喊一陣，但前幾日，其中有個老師同我地講，訓練佢獨立D，不要人抱，不要拖拖手，我夠知la, 鬼唔知阿媽係女人咩，做到先得㗎，激鬼氣

作者: lyhv 時間: 12-10-19 12:29

唔好鬧啦，小朋友係咁，你對佢嘅SUPPORT好重要，加油

作者: svdy 時間: 12-10-19 15:07

本帖最後由 svdy 於 12-10-19 15:13 編輯

XYZABC : K1喊咗1年呀, 睇怕我o個個都有可能, 哈哈...

creamsicle : 老師話佢喊一陣間就唔喊o羅, (不過見佢日日都喊好鬼煩, 激死)

peckychiu : 我都想搵第二個試下湊佢會唔會喊, 可惜沒人呢, 如果阿婆湊肯定喊多兩錢重.... 兮.......有時諗係咪唔應該比佢咁細個返學

作者: XYZABC 時間: 12-10-19 16:12 標題: 回覆：2 歲返學喊

如果響屋企又冇乜嘢做，比佢返學，學下同人相處，唱下歌都幾好㗎。我D細佬初初返學都有喊，放完長假期返學又喊過，幾個月後踏入校門就同我講Bye。放心啦!好快會適應。

作者: mimi_bbcat 時間: 12-10-22 10:11

我個囡日日都係我送返學, 都是哭足差不多兩個月, 最近這3日突然無再哭...真是好開心啊, 比多D時間佢la, 等佢慢慢適應要返學就唔再哭了.

作者: kevinleemita 時間: 12-10-23 00:28

咁我嗰個好唔正常...返左N班兩個多月,,由第一日返學到依家都祇喊過一次..仲要係大病後返第一日學...朝朝送佢入課室後..就急不及待...同我揮手講ByeBye..自己去攞野玩....

作者: 畢爽 時間: 12-10-23 01:48

kevinleemita 發表於 12-10-23 00:28
咁我嗰個好唔正常...返左N班兩個多月,,由第一日返學到依家都祇喊過一次..仲要係大病後返第一日學...朝朝送 ...

我朋友個間幼稚園都係應該好唔正常

我問佢小朋友喊左幾耐佢話2日

咁我問佢咁佢個班呢

佢話成班都係得1個喊左1星期

之後都冇再有人喊

作者: beyondcontrol 時間: 12-10-23 12:05 標題: 引用：唔好鬧啦，小朋友係咁，你對佢嘅SUPPORT好

原帖由 lyhv 於 12-10-19 發表
唔好鬧啦，小朋友係咁，你對佢嘅SUPPORT好重要，加油

我激氣係老師咁講，我當然好support囡囡！

作者: 肥win 時間: 12-10-23 12:38 標題: 引用：咁我嗰個好唔正常...返左N班兩個多月,,由第

原帖由 kevinleemita 於 12-10-23 發表
咁我嗰個好唔正常...返左N班兩個多月,,由第一日返學到依家都祇喊過一次..仲要係大病後返第一日學...朝朝送 ...

其實冇話正唔正常,有D小朋友適應力強D,相反有D小朋友就对環境的轉變較為敏感.

作者: 肥win 時間: 12-10-23 12:49 標題: 引用：Quote:原帖由+lyhv+於+12-10-19+發表唔好鬧

原帖由 beyondcontrol 於 12-10-23 發表
我激氣係老師咁講，我當然好support囡囡！

其實學校都有關係家,我囡囡8月開學喊足兩個几月都仲喊緊,但老師從冇主動打俾我,相反我打去佢只係話我囡囡曰日喊叫媽媽抱,問我在家係唔係成日抱.次次都講同一番話,再加上其他原因.最後我们退學轉到其他學校,在新學校老師跟得好足,又有建議我地要留心一些事.囡囡新校只喊了1week就冇喊.

作者: behappydad 時間: 12-10-23 13:40 標題: 回覆：2 歲返學喊

喊喊吓無事
放心

作者: lalamike 時間: 12-10-23 20:12

我囝囝都係我湊返學
返頭一星期有喊(或扮喊)
間唔中長假期後又有少少喊
但放學就嫲嫲湊
我唔知佢其實返咗學有無喊
不過叫嫲嫲問老師
嫲嫲回覆話老師話佢返入課室已無
但係我識有親戚的小朋友喊足一年
所以，真係個個小朋友唔同
同埋，同意樓上媽媽話學校處理手法都影響小朋友返學喊唔喊！

作者: behappydad 時間: 12-10-23 20:35 標題: 回覆：2 歲返學喊

唔好比錯覺小朋友喊有用
唔好太心軟
好心做壞事

作者: Lovely_Babybaby 時間: 12-10-24 09:53

beyondcontrol 發表於 12-10-19 12:23
我個女九月番學，日日都有喊一陣，但前幾日，其中有個老師同我地講，訓練佢獨立D，不要人抱，不要拖拖手， ...

我老師都有咁同我講,仲話佢再唔脫離BB期,
會影響佢學習, 第日跟唔上會無自信.
我聽完都有D唔舒服.

話晒得果2歲人仔,自出娘胎都未試過離開屋企人生活,
我覺得應該要體諒下佢,所以初時都會陪多D佢,
返屋企抱下佢,比多D安全感.

大人返新工都要適應啦,何況小朋友?
當然老師講既說話都有道理,
但係要慢慢黎囉,唔係返左一個月就要佢獨立嘛.

歡迎光臨教育王國 (/)