教育王國

標題: 真係被英藝激死,唔係錢問題!! [打印本頁]

作者: lamlamming 時間: 12-10-19 10:29 標題: 真係被英藝激死,唔係錢問題!!

真係被英藝激死,唔係錢問題!! 我仔本來响今年十一月入讀英藝,但响七月前我已經同校方講左會遲入學,後來佢地話ok,之後我有次去學校問校服,又同校方講多次我仔會遲d入學,佢話mark低左,後來又話叫我寫封信去,有記錄好d,咁我响十月就比左信佢地話下學期至入學,之後無回覆過我,咁我打去問,佢話ok左架喇,你黎學校拎返上學期什費先,下學期既會再有信通知你去交,咁我咪叫99去拎lo,99去到學校話只係有書比返無得退錢,咁我今朝打去問,佢話只係可以拎返書本,我問佢$2800只係得書??佢話係,我話咁你地既資料話什費包左生日會,茶點等等...佢話唔係,佢地無茶點費果d,$2800只係得書本,我話無可能啦,$2800只係得書,書本邊有咁貴呀,跟住佢答我仲有美術物料呀麻,一早訂哂,所以無退,咁我問佢咩物資你講黎听下,佢無言,我話係咪膠水?剪刀?呢d全部小朋友都一份新的,佢話係,咁我再問佢,呢d用一個學期就唔用,下學期又換過新??佢又啞左...然後佢叫我等等去問問,之後佢回來答我,書本照拎走,下學期什費可以交少d,將上學期什費其中一d撥去下學期,不過要入封信,我話無問題!講真唔係錢問題,係條氣問題,又係你叫我黎拎返什費,黎到又話無,都算了,咩$2800得書本,咩書黎呀..?如果係一早訂左每人一套書,點解8月開學唔叫家長去拎左書先?我地細b同大b既書費一樣,點解我地要遲大b幾個月至有書拎?我地細b拎左書一樣可以由我地家長响屋企教住佢先架,所以呢間學校真係令我好失望,我本黎k班都有諗可能比仔仔直升,而家真係要再考慮下...

作者: jjson 時間: 12-10-19 10:39

回復 lamlamming 的帖子

which branch of Zenith?

作者: minirat 時間: 12-10-19 10:58

其實好小事
最緊要你小朋友讀得開心，學到野

作者: jjson 時間: 12-10-19 11:06

回復 lamlamming 的帖子

how much school fee in Yuen long branch?
I think Zenith is quite popular in N.T., just let your son try first, he may love the school.

作者: jackal 時間: 12-10-19 11:26

呢間學校課程都幾ok..但行政就差勁....我都係覺得xxxxxx
開心唔開心,我就覺得撞正d咩老師啦....
我之前問果間仲攪笑每月有教材費..好似係4百幾,我問係咩?佢話係英文vcd....
咁我咪問係咪可以帶番屋企?佢話得,不過我覺得有d奇怪咪問:其實都幾貴,點解教材唔係係學費/雜費度?而要另外一個明目來收費?
個職員仲攪笑答:D家長就係鍾意我地貴........我聽到火..都來埋...比呢個低質素職員,.
而家呢D商業幼稚園..真係....

作者: cat8141210 時間: 12-10-19 12:25

我路過都想講一講,
雖然我個女唔係讀ZENITH,
但我知ZENITH並唔差,
只係收好多細B,
咁入得ZENITH既小朋友都係因為自己係細B所以搵唔到學校而報ZENITH既我諗...
$2000以上既書簿文具生日茶點雜費應該唔算好貴了...
因為ZENITH係貴學費既幼稚園,
相比起我個女讀有學劵既KG都要比差唔多$2000既書簿文具生日茶點雜費,
我諗ZENITH都已經算是合理,
至於你話帶唔帶得D書回家教定小朋友,
我自己覺得學校派唔派定都冇所謂,
因為小朋友咁細個又沒必要在下課後再回家谷佢吧?
我女的學校就係教到果PART先派書放在書包拿回家的例子,
咁樣我覺得係好的.
只係我覺得,
可能果個職員唔識點答你先九唔搭八令到你聽落覺得好唔合理同火既姐...
唔好唔開心啦,
最緊要係小朋友讀得開心,
同埋呢個年頭搵幼稚園真係愈來愈難,
希望你諗清楚先決定K1轉唔轉走啦,
因為要個小朋友轉校再適應係好辛苦既事,
但當然如果你小朋友考到更好的KG就另計啦~

作者: jackal 時間: 12-10-19 13:23

開始的時候已覺得課程ok,我都係話佢行政超差姐....
另外,我所講的係4百幾x12or11的話真係需要比實質的野比家長睇到,覺得唔合理係因為覺得唔應該助長呢d類型的學校,大趨勢令到小朋友8,9月都要做細b...

作者: jojokwan02 時間: 12-10-19 16:14

2800蚊成20 本..其實唔算貴..
只不過你可以諗..20本個小朋友識唔識到咁多..

我個仔都係細B..ARM ARM 返左幾日..
都OK
但佢情度明顯係深D...如果你諗住佢返去玩..就唔係LAW.
日日都要做HW..

作者: wintsang218 時間: 12-10-20 03:22

請問係邊間英藝?

歡迎光臨教育王國 (/)