教育王國

標題: 考到龍校真係會走嗎??!! [打印本頁]

作者: fredachowct 時間: 12-10-18 17:33 標題: 考到龍校真係會走嗎??!!

大家一齊發下夢...如果有幸龍校收左...大家係咪都一定會離開原校轉龍校?? 交流下丫....

作者: lutang 時間: 12-10-18 18:18

唔讀又考嚟做咩呢?

作者: KTP 時間: 12-10-18 18:19

50% / 50% 真係好龍校就走.

作者: 小曳人 時間: 12-10-18 18:25

大仔今年考小一
如果龍校收細仔，我... 要睇哥哥入到邊間先決定讀唔讀
如果，俾我叩到間好津小，就一定唔到龍校，其他可能性就遲dd先諗！但傾向唔轉！而報嘅原因係，如果哥哥入到嗰兩間男校其中一間，咁細路就有轉校嘅機會

作者: pisontam 時間: 12-10-18 18:57

都傾向會走呀,始終好想3年後煩少樣野麻...

作者: juicelau 時間: 12-10-18 19:00 標題: 回覆：考到龍校真係會走嗎??!!

都煩緊個問題，唉，學費貴好多啊！

作者: fredachowct 時間: 12-10-18 20:27

回復 lutang 的帖子

眼見小朋友而家讀得好好，咪15 16 囉

作者: fredachowct 時間: 12-10-18 20:29

回復 KTP 的帖子

邊間係你心水?

作者: sarubuta 時間: 12-10-19 03:05

fredachowct 發表於 12-10-18 20:27
回復 lutang 的帖子

眼見小朋友而家讀得好好，咪15 16 囉

如果係超心儀的龍校，即小學係dream school 的，咁就一定轉。
小朋友讀得好好，家長又好满意，如只是一般的龍校，間小學都只係當大backup, 又唔係得別鐘意間幼稚園，咁就未必值得用小朋友三年的時間去換個backup. 三年後再考番間小學都得，如果唔係可能轉校後會好miss ＰＮ間學校，覺得後悔，但又返唔到轉頭，而家好多龍校又唔係１００％收番，或者只收一半上小學，三年後如果萬一個backup位都拎唔到就灰啦

作者: Lachesis 時間: 12-10-19 08:49

提示: 作者被禁止或刪除內容自動屏蔽

作者: Confident 時間: 12-10-19 14:04 標題: 回覆：考到龍校真係會走嗎??!!

真係會走，而加一年比一年多小朋友，返興趣班都常爆，更何況係考小學

作者: ting-ma 時間: 12-10-19 17:26

提示: 作者被禁止或刪除內容自動屏蔽

作者: fredachowct 時間: 12-10-19 17:48

回復 ting-ma 的帖子

完全同意

作者: sbux 時間: 12-10-19 17:57 標題: 回覆：考到龍校真係會走嗎

我今日先聽到我同事個惡夢，KCx唔收一個由幼稚園讀上去嘅男仔，但哥哥已經喺蘇小。。。以為有哥哥加龍校，點知滑鐵盧，而家好無助。

所以我都驚入龍後張刀無咁利，有起事上嚟好麻煩

作者: ting-ma 時間: 12-10-19 18:03

提示: 作者被禁止或刪除內容自動屏蔽

作者: ScarlettShannon 時間: 12-10-19 19:43 標題: 回覆：考到龍校真係會走嗎??!!

In fact, 世事係沒有兩全其美的，你有小學back up又嫌學術不夠競爭力去考其他私小，咁人家名幼生係冇呢個保障先要教得深啫，事實係上唔到一條龍小學聽得少，讀名幼考唔到名小的聽得多，咁家長一定要取捨，我就覺得小一保障重要些。

作者: fredachowct 時間: 12-10-19 20:15

回復 ScarlettShannon 的帖子

又好有道理喎，唉…頭痛頭痛

作者: fredachowct 時間: 12-10-19 20:18

回復 ScarlettShannon 的帖子

常言道:一鳥在手，勝過百鳥在林

作者: sbux 時間: 12-10-19 20:22 標題: 引用：In+fact,+世事係沒有兩全其美的，你有小學b

原帖由 ScarlettShannon 於 12-10-19 發表
In fact, 世事係沒有兩全其美的，你有小學back up又嫌學術不夠競爭力去考其他私小，咁人家名幼生係冇呢個保 ...

但聽聞 PC 而家有兄姊都係未必收。。。

作者: keio 時間: 12-10-19 23:22 標題: 引用：唔讀又考嚟做咩呢?

原帖由 lutang 於 12-10-18 發表
唔讀又考嚟做咩呢?

Agree

作者: keio 時間: 12-10-19 23:24 標題: 引用：回復+lutang+的帖子眼見小朋友而家讀得好

原帖由 fredachowct 於 12-10-18 發表
回復 lutang 的帖子

眼見小朋友而家讀得好好，咪15 16 囉

我當日都係咁諗，不過阿囡在新校不夠一個月已適應同好enjoy 返學，所以我諗我沒有揀錯了。

作者: ScarlettShannon 時間: 12-10-20 07:55 標題: 回覆：考到龍校真係會走嗎??!!

反而我的考慮是一係龍=一係俾$$路，一讀15年好金，而讀谷的kinder考到入津校就很化算，但津校又看luck 不是考入的，叩門又渺茫，最後都諗唔掂考左一條龍。

作者: fredachowct 時間: 12-10-20 08:59

回復 ScarlettShannon 的帖子

您都係揀左龍校？邊間？

作者: fredachowct 時間: 12-10-20 09:00

回復 keio 的帖子

深唔深呀？

作者: lutang 時間: 12-10-20 11:50

其實你想間學校係好深定好淺先?而且你想轉龍校既原因係咩?凡事都冇十全十美,好似我個仔間龍校唯一好處係佢一定會收晒所有原校生,唔使再考小學!但弊處係小學要交學費,而且冇得大抽獎,而且幼稚園課程唔會深,如果想小學再轉名校就有d難度,除非你一路讀一路再補唔同既班谷吓佢,萬一佢考唔到出面既私校,都有原校做back up嘛!
而有d龍校可以俾你大抽獎,但升小又唔保證一定收晒,但小學學費又可能平d,所以真係好頭痛架,我諗你都要認真諗清楚自己想要咩先?況且龍校唔易考,到考到先煩都未遲!

作者: manboy 時間: 12-10-20 17:30 標題: 回覆：考到龍校真係會走嗎??!!

會，上年我都遇到呢個問題，其實好睇家長要D乜！我就自問（計分）入小一已經唔夠人高分（得十五分），而大抽獎又要靠彩數，去面試大人同小朋友都大壓力，所以我最終都係選龍校。

作者: kennistong 時間: 12-10-20 18:21 標題: 回覆：manboy 的帖子

有心水龍校我一定去!
但发夢太早了!

作者: 駿熙媽媽 時間: 12-10-20 19:28

提示: 作者被禁止或刪除內容自動屏蔽

作者: Silverhawk 時間: 12-10-20 23:02

考到好的龍校就緊係走啦, 宜家考小學competition咁大, 得閒過去"小一選校"果邊睇吓啦, 真係有血有淚, 睇到心寒, 我個仔都係4連敗後, 今日先有第1個second in offer, 仲要係讀緊果間幼稚園的小學, 如果無lei d 關係, 可能連1個second in 的機會都無, 你話龍校重唔重要?

作者: fredachowct 時間: 12-10-21 19:30

回復 Silverhawk 的帖子

多謝提醒，咁最後入邊間呢?!

作者: flopsybunnies 時間: 12-10-21 21:05 標題: 回覆：sarubuta 的帖子

作者: ScarlettShannon 時間: 12-10-22 09:08 標題: 回覆：考到龍校真係會走嗎??!!

我覚得開名少不免有不必要的比較，況且適合我的學校未必適合你。我覺得現在所有出名少少的學校教難考，不妨考到才考慮，不過在報考前要看看自己的需要，有咩底牌，如果已有不錯的pn直升的話，可能集中考龍校，而心儀的定義係你要做點功課看看除幼稚園外，小學及中學的成績，因為好多而家不許大抽獎和沒有呈分試，如果小學中學都不是理想的話，你便會後悔無路可走。另你可以比較一下你住那區校網去𧗽量一下大抽獎贏面，再把龍校排位。龍校揀學生特別深思熟慮，因為揀的是一讀14年的學生，所以學生本身，家長態度及投入情度都重要，故真的不易教，去年考三間只有一間收，所以也多報幾間非龍校backup 吧！

作者: feiji 時間: 12-10-22 09:50 標題: 回覆：ScarlettShannon 的帖子

如果該小學、中學都係你心儀嘅學校，一定走。當初我本來都唔捨得讀開那間幼稚園（但該幼稚園嘅小學和中學我一定唔會讀），但其他有大仔大女考過小一的同學仔媽媽勸我，話叫我諗都唔駛諗，一定走，佢哋都話：「考小一好大壓力㗎！」而且更多人說的是：「升中派位仲大壓力呀！」現在我已轉校，雖然不是100%保證升上該小學，但真的心情輕鬆𣈱快很多。不過，我是個保守及非常緊張的家長，也許有家長能承受較大壓力也未定，而通常，到了K2,你才明白那壓力有多大。

作者: gwlam 時間: 12-10-22 10:14

Agreed with Feiji.

我一想起下年K2要準備考小一就驚喇，我間幼稚園都唔係100%直升小學，C6話K3頭如果知道原校小學收返就乖乖地唔好再考其他學校，唔好搞甘多野....

作者: feiji 時間: 12-10-22 10:48 標題: 回覆：gwlam 的帖子

重有一點，讀龍校嘅小朋友會有一班由細識到大嘅好朋友，呢啲感情真係用錢都買唔到。不要因為唔捨得舊校而放棄一間好的龍校，小朋友好快就會適應新校的了（當然父母亦要給多些心理準備給小朋友）。

作者: cmir 時間: 12-10-22 11:38

回復 Silverhawk 的帖子

same case!!! i just got one waiting other than that (2nd interview chance)

作者: lollipop2009 時間: 12-10-22 14:26

考到的話，好大機會走。太多人話考小一有幾恐怖，唔想小朋友咁辛苦。

作者: fredachowct 時間: 12-10-22 14:55

回復 ScarlettShannon 的帖子

多謝你既意見~~~

作者: ScarlettShannon 時間: 12-10-22 18:14 標題: 回覆：考到龍校真係會走嗎??!!

還有一點分別係，我自己都係龍校大的，講緊2X年前，雖然校內都有不少競爭，但起碼你知道同咩人爭，要求大約多少，但而家升小升中考試要同外面人爭，你會慌亂，因為常常聽人說自己小朋友已經好叻，但人地仲叻，正所謂一山還有一山高，壓力超大。

歡迎光臨教育王國 (/)