教育王國

標題: 小一報校 [打印本頁]

作者: skmibb 時間: 12-10-18 13:13 標題: 小一報校

眼見依個討論區，好多家長為了子女報考小一疲於奔命，甚至小朋友要面對考試，可能因唔識答或講而不開心。為何香港的教育變成這樣？本人就抱平常心，只報幾間直資或私小，真係一隻手都數得晒。我又不太擔心面試成績，我想：上天自有安排，冥冥中有主宰。

作者: dollyyuki 時間: 12-10-18 13:25

每人都有自己想法, 你可以輕鬆,面對, 是你的福氣

作者: Eunicecat 時間: 12-10-18 13:25

有同感~

作者: HelicopterDad 時間: 12-10-18 13:37 標題: 引用：眼見依個討論區，好多家長為了子女報考小一

原帖由 skmibb 於 12-10-18 發表
眼見依個討論區，好多家長為了子女報考小一疲於奔命，甚至小朋友要面對考試，可能因唔識答或講而不開心。為 ...

Work for the best, plan for the worst!

作者: 已刪除用戶 時間: 12-10-18 13:58 標題: 回覆：小一報校

樓主，學會信主自有安排當然係好，亦要prepare for the worst。我有朋友係天主教徒，考私校失敗，派位去左間佛教學校（差到派間無揀的）。佢覺得係天主幫佢安排了，因為佢本身準備移民又吾想走，本來仲唸住派得好就乘機留兩年，派位果刻佢即刻知道點決定了

作者: bbb330 時間: 12-10-18 14:07

盡力去做便可以, 其他不是我們可控制的, 做大家好運

作者: huisylvia 時間: 12-10-18 14:23

人黎架嘛,點平常心都會有期望既,有情緒亦好正常,
不過就唔好影響到小朋友囉,
自己亦要放鬆心情,盡快去返正面積極果邊囉

作者: Heiheibebe 時間: 12-10-18 14:39

本來都係平常心嫁, 但眼見間間都幾千人報, 諗住最有機會個間都冇2nd in個心開始急同好失落!
Anyway,最後都會有書讀, 可能要比多d $$

作者: little_yolky 時間: 12-10-18 14:51

我都儘量平常心了, 但係我果區一來被跨境入侵, 二來只有勁谷同谷兩種區別。當你想到谷小朋友同佢哋學識成長程度唔係正比例增長, 想他們從閱讀課外書而唔係狂操練習題中學習知識, 咁你就要做啲嘢了。

當你發現, 如果你做晒可以做0既嘢, 但結果仍可能要讀谷學校0既時候, 真係都幾難平常心。

ps. 我囡囡仍未有offer, 等results中, 也只報了四間私校, 有兩間仍未in, 雖然要俾多啲錢, 但毫不介意為了她延遲5年退休享樂時間。

作者: chunsamyuen 時間: 12-10-18 15:33

提示: 作者被禁止或刪除內容自動屏蔽

作者: wwwyyy 時間: 12-10-18 16:47

其實係香港教育制度出咗問題, 先要我地d家長四圍去考去撲學位!

作者: skmibb 時間: 12-10-18 16:54 標題: 回覆：小一報校

噢！我小朋友只面試左一間學校，有很多未知知數。接下來就還有兩，三間要面試。我都係揾同我個小朋友性格相近，而我又認同學校理念的學校來報。至於自行方面，都係一半半機會，不過有廿分在手，希望得啦!

作者: TwoBabies 時間: 12-10-18 17:05

wwwyyy 發表於 12-10-18 16:47
其實係香港教育制度出咗問題, 先要我地d家長四圍去考去撲學位!

講得好,其實我哋每個家長以前咪有係咁讀書,邊有分咁多種學校,攪到小朋友同大人都要面對這個遊戲。

作者: MyCastle 時間: 12-10-18 17:10 標題: 引用：樓主，學會信主自有安排當然係好，亦要prep

原帖由 Charlotte_mom 於 12-10-18 發表
樓主，學會信主自有安排當然係好，亦要prepare for the worst。我有朋友係天主教徒，考私校失敗，派位去左 ...

好喜歡你分享了朋友的故事。有時真的很忐忑不安，

因為我信德不夠，要再學會交託，求主引路！

作者: bigboy129 時間: 12-10-18 17:19

當你了解到現行政府推行嘅融洽教育,你便知為甚麼咁多家長揀學校俾小朋友。

作者: skmibb 時間: 12-10-18 17:24 標題: 引用：樓主，學會信主自有安排當然係好，亦要prep

原帖由 Charlotte_mom 於 12-10-18 發表
樓主，學會信主自有安排當然係好，亦要prepare for the worst。我有朋友係天主教徒，考私校失敗，派位去左 ...

你朋友有沒有舊生分數？還是第一名子女+宗教分數都派得唔好？

作者: skmibb 時間: 12-10-18 17:30 標題: 引用：當你了解到現行政府推行嘅融洽教育,你便知

原帖由 bigboy129 於 12-10-18 發表
當你了解到現行政府推行嘅融洽教育,你便知為甚麼咁多家長揀學校俾小朋友。 ...

融洽教育無問題，問題係太多新移民(得罪都係咁話)，雙非生。本地教育不是服務本人父母先？搞到阿仔都唔敢報爸爸間舊校(在該區都多人報)，為了就係唔想接觸太複雜的家庭背境(可能又得罪好多人)。上一任政府只識同商人打交道。

作者: 三少 時間: 12-10-18 17:50 標題: 回覆：skmibb 的帖子

agree!

作者: onepiece 時間: 12-10-18 18:44 標題: 引用：Quote:原帖由+bigboy129+於+12-10-18+發表

原帖由 skmibb 於 12-10-18 發表
融洽教育無問題，問題係太多新移民(得罪都係咁話)，雙非生。本地教育不是服務本人父母先？搞到阿仔都唔敢報 ...

死喇，講講下又講到雙非添，我常常都好想包容佢地，不過包包下真係包佢唔住...

其實私小係唔係小D強國人㗎呢？

作者: little_woman 時間: 12-10-18 18:54

回復 MyCastle 的帖子

我也是信德不夠。共勉之.

作者: MyCastle 時間: 12-10-18 21:25 標題: 引用：回復+MyCastle+的帖子我也是信德不夠。共

原帖由 little_woman 於 12-10-18 發表
回復 MyCastle 的帖子

我也是信德不夠。共勉之.

！一起努力，我們要常常感恩，不論順境逆境！共勉之！

作者: Nightman 時間: 12-10-19 00:08

HelicopterDad 發表於 12-10-18 13:37
Work for the best, plan for the worst!

That's right.

作者: little_yolky 時間: 12-10-19 16:52

skmibb 發表於 12-10-18 17:30
融洽教育無問題，問題係太多新移民(得罪都係咁話)，雙非生。本地教育不是服務本人父母先？搞到阿仔都唔敢報 ...

唔好咁講, 我就係為咗呢個原因, 跨幾區出九龍俾阿囡讀書。希望考到。

作者: yingtsun 時間: 12-10-19 17:30

間間報名人數勁多，真係難為了做家長！最初都本着大包圍的心態，起碼要報七至八間。點知考完第一、二間之後，已感到很大壓力，最後只報了五間算吧！考一次就擔心一次，大人、小朋友都也壓力，幸好！考完第三間已有兩間offer，後面兩間已放棄不去投考，不用再去承受面試壓力。來年，又要為小兒升中找學校而再次承受壓力和奔波啦！各位家長，不要灰心，希望在明天。

作者: skmibb 時間: 12-10-21 22:25

昨日見,到個小朋友等緊面試，突破大哭, 話唔鐘意間學校, 唔鐘意考間學校, 要返屋企。

作者: bighead9849 時間: 12-10-21 22:33

這些年, 小孩和家長都辛苦了......為一個學位爭崩頭, 間間都千幾二千人去報, 隨後幾年出生率更高, 又有強國人嚟爭埋一份, 真係人都顛 !

作者: onepiece 時間: 12-10-21 22:52 標題: 引用：昨日見,到個小朋友等緊面試，突破大哭,+話

原帖由 skmibb 於 12-10-21 發表
昨日見,到個小朋友等緊面試，突破大哭, 話唔鐘意間學校, 唔鐘意考間學校, 要返屋企。 ...

遇到這些情況，那個小孩就算考到都唔知讀唔讀好。

作者: 朱寶 時間: 12-10-21 23:13

我諗做家長既, 先要平衡自己既心!

由始至終, 我都係抱住搵一間適合我仔既學校!所以我先問阿仔"你第日想係一間點既小學返學呀? 佢話"我想老師望我多d既" 即係小班喇囉! 知道佢想要乜學校, 我再以阿媽既身份, 分析佢既條件, 即係優缺點, 然後初步定出我要搵既學校條件

我個人覺得官津校炒寫功課教多,教學彈性亦較細,加上住個區無特別心儀既小學, 所以一心考直資及私小, 參照過21間直資及9間私小既學校資料, 揀左10間作深入研究, 上學校網, 聽家長口碑, 去開放日及簡介會, 問清楚教學詳情, 功課量, 著重d乜, 課外活動有乜, 強項特色如何,每一間我都帶阿仔去過,佢話鍾意我先至報,最終揀左七間報考, 除左1間係試既之外, 其他六間都係我心水, 當中三間我自覺機會大d, 三間真係去見識多d, 叫做比個機會阿仔同我咁囉!

到家下, 七間都in 左,間間報名人數都千千聲, 暫時有兩間收左, 兩間等緊結果,三間rejected, 同我之前估計既差不多, 好老實, 我成個過程無特別緊張, 亦無為此而特別谷阿仔上乜堂, 更加無做profoilo, 全部面試阿仔都著同一套衫褲, 哈哈, 要見家長既面試,我同老公都係牛仔褲加t-shirt, 每次都係叫阿仔玩得開心d, 事後無問佢":考乜呀? 識唔識呀?只係問"玩得開唔開心, d老師靚唔靚女", 佢次次都話開心, 咁就夠喇!
我地只得一個仔, 無人事, 無宗教, 阿仔講野唔叻, 面試係佢既弱項, 但深信一件事"小一面試同相睇一樣, 唔係答中晒d題目就收你, 仲有好多因數在內, 你揀學校, 學校揀你, 佢reject你, 代表你唔啱佢, 就係咁簡單, 勉強無幸福, 緊張亦不見得有幫助, 最重要係知道阿仔要乜",以及家長自己是否可以配合到學校,以免自我錯配,日後後悔

作者: kwkyeung 時間: 12-10-21 23:24

提示: 作者被禁止或刪除內容自動屏蔽

作者: onepiece 時間: 12-10-21 23:32 標題: 引用：我諗做家長既,+先要平衡自己既心!由始至終,

原帖由朱寶於 12-10-21 發表
我諗做家長既, 先要平衡自己既心!

由始至終, 我都係抱住搵一間適合我仔既學校!所以我先問阿仔"你第日想係 ...

我估我地係同路人，不過我只報了3間，1間收咗，1間等result，1間等有無2nd in。不過我個女多數讀女校，同唔到妳個仔做同學，有點可惜。

作者: 朱寶 時間: 12-10-21 23:46

我仲想講, 家長報校既策略, 都要適當, 因為最明白了解你小朋友既, 就係你, 唔好過份高估小朋友既能力, 就算係好醒目好叻既小朋友, 都一定有人比佢更叻更醒, 所以報考時若果只報晒"一線名校", 唔分散d投資, 真係好易一個offer都無係手, 無野係手咪就擔心, 擔心又會影響小朋友, 佢地feel到架!
我亦覺得唔好人報你又報, "人地話好呀, 你又走去考"咁究竟乜好, 點好, 就算真係好, 係咪適合小朋友, 家長自己既support又是否配合, 皆因我見唔少人都係乜都報乜都考, 但學校有乜好, 佢真係講唔到, 唔知道, 總之大包圍, 有學校收就去讀, 違背左最初既"搵間適合既學校比阿仔既"原意,何必呢!

作者: onepiece 時間: 12-10-21 23:54 標題: 引用：我仲想講,+家長報校既策略,+都要適當,+因為

原帖由朱寶於 12-10-21 發表
我仲想講, 家長報校既策略, 都要適當, 因為最明白了解你小朋友既, 就係你, 唔好過份高估小朋友既能力, 就算 ...

完全認同

有D人小朋友雖然叻，但是係活躍形，如果揀著間谷嘅，唔適合最後轉校收場就慘喇，呢D個案都聽到唔少。

作者: yeungyeungma 時間: 12-10-22 00:09 標題: 回覆：skmibb 的帖子

可能諗得遠左. 現在香港貧富極端, 而且貧者愈貧, 富者愈富. 有d人辛苦一世, 得個吉, 有些人, 不需要付出就大富大貴. 有d人, 打一世工, 辛辛苦苦, 有d人, 高高在上, 行行企企. 我曾同亞仔講, 你唔讀書, 將來要掃街. 真係唔係講笑. 但很可悲, 香港教育前途是和成績掛鉤. 都仲未講青少年問題, 比以前復雜得多. 還有, 與祖國的競爭力比較......... 既然帶得他來這個世界, 可以為他做的, 盡量做. 希望將來佢條路易行D. 同意 work for the best prepare for the worse. 不過, 學習只是小朋友的一部分,人生當然還有其他環節, 家庭, 信仰, 品格...... 愈講愈遠 tim

作者: onepiece 時間: 12-10-22 00:16 標題: 引用：可能諗得遠左.++現在香港貧富極端,+而且貧

原帖由 yeungyeungma 於 12-10-22 發表
可能諗得遠左. 現在香港貧富極端, 而且貧者愈貧, 富者愈富. 有d人辛苦一世, 得個吉, 有些人, 不需要付出 ...

大家都係為人父母，當然可以理解la. 加油呀!

作者: cctung 時間: 12-10-22 01:02

小孩子的情緒和面試表現是不可能一一被操控.  有時, 縱使很出色的小朋友,基於他們的慢熱, 內歛性格在一個短短的面試中, 未必能發揮出來.  隨時墮馬.  所以父母報多幾所程度合適的學校也無可厚非.

不過, 有時亦會有驚喜, 友人形容她的小女在幼稚園內絕非學術出眾那類, 去年報了多所學校, 有一半reject. 但最後一間極具名氣的學校收了她.  現在開始張羅補習班.

這就是面試.

作者: david_son 時間: 12-10-22 02:14 標題: 引用：我諗做家長既,+先要平衡自己既心!由始至終,

原帖由朱寶於 12-10-21 發表
我諗做家長既, 先要平衡自己既心!

由始至終, 我都係抱住搵一間適合我仔既學校!所以我先問阿仔"你第日想係 ...

十分同意！

作者: skmibb 時間: 12-10-22 07:41 標題: 引用：我仲想講,+家長報校既策略,+都要適當,+因為

原帖由朱寶於 12-10-21 發表
我仲想講, 家長報校既策略, 都要適當, 因為最明白了解你小朋友既, 就係你, 唔好過份高估小朋友既能力, 就算 ...

對呀!所以我都係重點報幾間(無你咁多)，又帶個仔去望下。面試了幾間，我都係問佢邊間最好玩，最鍾意。佢個答案話間間都好玩！當然有間佢好好，又鍾意間校舍。我就話，你最鍾意果間都未必收佢架。佢問點解，我話都有好多小朋友都鍾意。佢又問我，邊間最好。我話間間都好，人家唔收你，唔駛唔開心。

作者: giannapoon 時間: 12-10-22 09:03

回復 skmibb 的帖子

雙非唔單止攞走咗好多資助學額，就連私校直資嘅都搶！

作者: onepiece 時間: 12-10-22 09:33 標題: 引用：回復+skmibb+的帖子雙非唔單止攞走咗好多

原帖由 giannapoon 於 12-10-22 發表
回復 skmibb 的帖子

雙非唔單止攞走咗好多資助學額，就連私校直資嘅都搶！

不過我發現，私小好像開始慢慢自動分類，收強國人的直資/私小主要是某幾間，那些學校亦好有可能實行愛國教育，強國人和喜歡愛國教育的家長就可留意那些學校喇，當然相反就千其唔好報，費時他日谷氣又後悔，政府其實批多D地去建多幾間愛國私小，社會自然和諧D喇。

作者: skmibb 時間: 12-10-22 16:24 標題: 回覆：onepiece 的帖子

太愛國的，我都無揀。

作者: 好先生 時間: 12-10-22 17:10

個個子女都是公主與王子
只要盡力做,便可以

作者: 已刪除用戶 時間: 12-10-22 18:16 標題: 引用：Quote:原帖由+朱寶+於+12-10-21+發表我仲想

原帖由 skmibb 於 12-10-22 發表
對呀!所以我都係重點報幾間(無你咁多)，又帶個仔去望下。面試了幾間，我都係問佢邊間最好玩，最鍾意。佢個 ...

維持一個良好既心境好重要。之前我都講過，間間都總有失望，既然改變吾到事實，至少改變心態，阿Q d唸，至少小朋友面試過左愉快既一天

作者: 已刪除用戶 時間: 12-10-22 18:24 標題: 引用：當你了解到現行政府推行嘅融洽教育,你便知

原帖由 bigboy129 於 12-10-18 發表
當你了解到現行政府推行嘅融洽教育,你便知為甚麼咁多家長揀學校俾小朋友。 ...

融合教育吾係錯，special need小孩亦有平等接受教育既機會，有d SEN小朋友其實比較般小朋友更聰明，佢地需要包容令佢地可以融入學校生活同認真學習。融合教育本身無問題。問題係有幾多學校肯一路為自己／學生增值，一路識拔尖補底容納同支援每當類學生，一路令各種stalkholders包括學生家長校董會什至外人都有正面評價呢？做得到，至係成功既辦學

作者: hoihoima 時間: 12-10-22 18:29

回復 skmibb 的帖子

My family went through the process last year, it was really tough. Nonetheless, the preparation process also enables me to have a better understanding of the ability of my child and what type of school would suit him. In order to avoid the painful process for secondary school admission, a primary school "with a good through train secondary school" is on top 3 of my wish list.

作者: dancingpooh 時間: 12-10-22 23:38

MyCastle 發表於 12-10-18 17:10
好喜歡你分享了朋友的故事。有時真的很忐忑不安，
因為我信德不夠，要再學會交託，求主引路！

...

大家互相代禱吧!

作者: bigboy129 時間: 12-10-24 14:25

回復 Charlotte_mom 的帖子

世界大同,很理想,但你有冇真正見過佢地上堂的情況?

作者: 已刪除用戶 時間: 12-10-24 14:43

bigboy129 發表於 12-10-24 14:25
回復 Charlotte_mom 的帖子

世界大同,很理想,但你有冇真正見過佢地上堂的情況? ...

我仔係SPECIAL NEED (ADHD+非典型自閉), 我有第一手資料, 現在主流直資上課, 以上我講的, 正是我小朋友間直資學校做到的
融合教育唔易做, 但唔係做唔到, 分別係肯做與唔肯做, 就算學校有收SPECIAL NEED學生, 一樣超額20倍報名, 唔係人人都肯俾機會SEN小朋友, 所以我全心全意欣賞學校, 好彩相信世界大同的, 唔止我一個

作者: bigboy129 時間: 12-10-24 14:56

恭喜你找到一間好的學校,只是大家立場不同吧!

作者: huisylvia 時間: 12-10-24 15:33

Charlotte_mom 發表於 12-10-24 14:43
我仔係SPECIAL NEED (ADHD+非典型自閉), 我有第一手資料, 現在主流直資上課, 以上我講的, 正是我小朋友間 ...

好認同你講法,所以我in既時候好坦白講個仔既情況,
有人會覺得我好蠢,俾機會學校唔收,
但我心態係,原果佢咁都肯收,
咁呢間學校值得讀,我亦好放心個仔入去讀6年

曾經係一間學校既簡介會後問一位在場老師,
我小朋友係咁情況,學校有無支援俾呢d小朋友,
佢地會唔會/肯唔肯收呢d小朋友,
佢既答案係:你唔講學校都唔會知,收咗都要教架啦,
但邊間學校都唔想有呢d負擔.....(意思係咁,唔記得晒成句)
我同老公當場對望.....
所以自己小朋友有咁既情況,更加要小心揀學校,
而唔係入到去先算

作者: 已刪除用戶 時間: 12-10-24 16:38

唔係個個大人都肯俾機會SEN小朋友, 我身邊有D小朋友, 俾人玩左喊(大人細路一齊喊, 6歲人仔問自殺會唔會上天堂, 我心都痛埋), 好憎呢D學校, 無愛心無耐性, 學咩人辦學丫, 唔鐘意收就出聲唔好假惺惺扮晒有愛心, 呃完舊津貼就開始玩野, 喂, SEN小朋友都係人黎架

作者: huisylvia 時間: 12-10-24 17:34

Charlotte_mom 發表於 12-10-24 16:38
唔係個個大人都肯俾機會SEN小朋友, 我身邊有D小朋友, 俾人玩左喊(大人細路一齊喊, 6歲人仔問自殺會唔會上天 ...

好同情你朋友同佢小朋友,
呢d學校真係好衰架

所以我對報官津好有保留,
起碼私/直都有機會知多d,
費事個仔入去至知唔岩,
大人受罪唔緊要,我真係唔想小朋友唔開心,
甚至影響佢成長

歡迎光臨教育王國 (/)