教育王國

標題: 軒尼詩官立小學(下午) vs 基灣小學, 該如何選擇? 大家幫幫手 [打印本頁]

作者: JKR 時間: 12-10-17 10:05 標題: 軒尼詩官立小學(下午) vs 基灣小學, 該如何選擇? 大家幫幫手

本帖最後由 JKR 於 12-10-19 06:41 編輯

本人兒子現在就讀 K2, 下年將要選小一, 希望大家俾啲意見.

背景:
兒子4歲半, 有一個弟弟, 兩人相差4年. 暫時觀察所得, 大仔記性好, 邏輯推理能力高, 學習興趣高, 表達能力好, 對各樣事物都充滿興趣.  應屬受谷的小朋友. 現就讀傳統幼稚園.

家住港島東區, 目標小學有2間, 軒尼斯官立小學(下午)以及基灣小學(舊校, 不是愛蝶灣新校), 兩間均有 20分, 目標中學為皇仁中學.

軒尼斯官立小學(下午)將於 2015年轉為全日制, 兒子將於 2014年入讀小學, 所以就算半日都只是一年時間, 此因素可以不作考慮. 本人希望兒子六年小學生活不要只局限於讀書, 可以有時間玩耍以及參加校內課餘活動.

本人分析後覺得兒子就讀兩校有以下的好處以及壞處:

軒尼斯官立小學(下午)
好處:
1.       有皇仁聯系學位, 感覺上較容易成功獲取錄
2.       小學位於灣仔區, 就算升中自行不成功獲皇仁取錄, 仍有統一派位的機會

壞處:
1.       學校離家遠, 要坐校車, 每天來回學校要1.5 – 2小时, 因而少了玩耍以及休息的時間
2.       由於離校遠, 不能參加校內課餘活動. 因為參加了校內課餘活動., 再回家會太晚了, 未有足夠時間做功課以及休息
3.       學校每年大約有 25個同學獲皇仁取錄, 但是每年都有插班生進入, 而且均是成績好的學生, 要在6年內持續保持於前25名位置亦非易事.

基灣小學(舊校, 不是愛蝶灣新校)
好處:
1.       學校離家很近, 步行5分鐘內到達, 學校上課時間8:40 – 3:30, 每天早上可以睡到 7:30 才起床, 上完課可參加課外活動至 4:50, 回到家中也才是 5:00.
2.       升中成績不俗, 每年均有很多學生入讀英中, 也有大約2位同學成功獲皇仁取錄

壞處:
1.       沒有皇仁的聯系學位, 機會較小
2.       小學在東區, 沒有統一派位到皇仁的機會
3.
希望大家俾下意見, 該如何選擇. 謝謝

作者: scbhongkong 時間: 12-10-17 10:24 標題: 回覆：軒尼斯官立小學(下午) vs 基灣小學, 該如何選擇? 大家幫幫手

成績好，有音樂和運動細胞，讀邊間小學都可以一間好的中學。

我朋友的仔讀九龍一間小學，現在是QC學生。

作者: XYZABC 時間: 12-10-17 10:45 標題: 回覆：軒尼斯官立小學(下午) vs 基灣小學, 該如何選擇? 大家幫幫手

聽聞基灣每天有很多功課。

作者: JKR 時間: 12-10-17 11:02

基灣 (舊校)的功課每天大概6樣左右, 校網上有每級每班的功課手冊相, 方便父母核對, 呢樣安排真係幫左父母好多..

作者: 七點半 時間: 12-10-18 09:47

回復 JKR 的帖子

無錯有得上網睇功課對小一生家長真的有幫助, 新基灣則沒有, 全靠小朋友!

我之前聽過軒下家長介紹學校, 軒下是傳統教學, 都有一定的功課及測驗, 不過, 應該比基灣容易handle......

我自己比較喜歡軒下, 因為怕基灣handle唔到, 至於返放學前後要二個鐘, 我認為小朋友坐校車時, 可以和其他同學朋友在車上玩, 一樣好開心......而且我見軒下升中派位都ok......基灣最吸引我的地方只有返學時間及地點近屋企......

作者: miutang 時間: 12-10-18 10:37 標題: 回覆：軒尼斯官立小學(下午) vs 基灣小學, 該如何選擇? 大家幫幫手

兩者有20分，軒下機會大些，因少左宗教因素，其實小學生無論遠近都會參加好多課外活動，時間都係唔夠用，目標係qc就不要浪費你的20分！

作者: whywhywhywhy 時間: 12-10-18 10:55 標題: 回覆：軒尼斯官立小學(下午) vs 基灣小學, 該如何選擇? 大家幫幫手

想入皇仁就軒小！不過返學時間真係緊要！瞓多十五分鐘同瞓小十五分鐘都差好遠！如果學校多功課同又要課外活動就更無時間！
一、二年級都唔覺，三年以後時間真係唔夠用！
軒小功課量唔知，不過舊基灣功課量真係唔小，特別係精英班！所以樓主要清楚自己小朋友同家長能否接受到！

作者: YIN-MA 時間: 12-10-18 11:50

軒小下轉全日後好似會搬去cwb，會否近d方便d？

作者: JKR 時間: 12-10-18 12:11

好多謝大家既意見. 我自已都真係十五十六. 讀軒官就可以多些機會入到皇仁, 但係每日少左 1.5小時, 一個月就少左30小時, 用呢30小時去玩同休息幾好.
我自已就偏向軒官, 我老公就偏向基灣, 佢既諗法係如果讀到書既, 就算讀基灣都可以入到皇仁.

兩間學校現在的功課量真的不太清楚, 因為我地讀果時同而家都唔同晒啦. 有無家長可以分享下?

作者: JKR 時間: 12-10-18 12:13

回復 YIN-MA 的帖子

應該都唔差太多..

作者: YIN-MA 時間: 12-10-18 13:40

我都覺得很難取捨，我揀的話會揀軒下，最主要原因係好似miutang講，自行20分入的機會較高，得的話11月後已經可以很安心... 還好仲有差不多成年時間。Good luck anyway！

作者: crystalpui 時間: 12-10-18 14:11

基灣既功課, 聽講真係好多

作者: egg.plant 時間: 12-10-18 15:04 標題: 回覆：軒尼斯官立小學(下午) vs 基灣小學, 該如何選擇? 大家幫幫手

我家住港島東，小兒現讀軒下小二，上校車時間為1：00pm，學校1：25pm関閘，下午放學6：25pm，6：45pm已落校車，6：55pm已回家！

囝囝有很多同學住將軍澳，紅磡，旺角，最遠的有屯門，港島東都唔係太遠！不過，搬左去東院道時校車安排就不得而知了。

作者: JKR 時間: 12-10-18 15:49

回復 egg.plant 的帖子

謝謝你的意見 !
請問你小朋友讀得開心嗎? 功課多嗎?每天要用多少時間做功課?

作者: Shirleymeow 時間: 12-10-18 17:16 標題: 回覆：軒尼斯官立小學(下午) vs 基灣小學, 該如何選擇? 大家幫幫手

我朋友個仔係舊基灣讀小一，功課多，差不多每星期要默書，另外，每年有八次測驗，四次考試，好嚇人呀

。
你要有足夠心理準備呀!

作者: egg.plant 時間: 12-10-18 17:16 標題: 回覆：JKR 的帖子

請check pm

作者: donutbaby 時間: 12-10-18 18:22 標題: 回覆：軒尼斯官立小學(下午) vs 基灣小學, 該如何選擇? 大家幫幫手

請問點解兩間都有20分ge?

作者: egg.plant 時間: 12-10-18 20:03 標題: 回覆：donutbaby 的帖子

我估是爸爸和媽媽都分別是呢2間小學的舊生

作者: whywhywhywhy 時間: 12-10-18 20:19 標題: 回覆：軒尼斯官立小學(下午) vs 基灣小學, 該如何選擇? 大家幫幫手

舊基灣係8次測4次考試，但8次測驗係小測唔計分！小測當溫書！默書係個個星期默！有時一星期中英默！

作者: dannyyau302 時間: 12-10-18 20:32 標題: 回覆：軒尼斯官立小學(下午) vs 基灣小學, 該如何選擇

考到軒小後選擇搬遷，可行嘛?
出名學校一定好谷，以銜接皇仁為例，6測2考不能少。功課8樣還要網上閱讀，默書3至4頁常發生。

作者: pingu_pinga 時間: 12-10-18 23:21 標題: 回覆：JKR 的帖子

提示: 作者被禁止或刪除內容自動屏蔽

作者: carolmum 時間: 12-10-19 00:52

其實住東區番灣仔真的不算遠，對於ｋｌｎ新界人來說算很近啦！
有同學仔從青衣出太子讀ｋ，坐１個鍾校車的大有人在
從茘枝角番新基灣的亦有
從茘枝角坐１個鍾校車番ｃｗｂ的都有！

作者: uns 時間: 12-10-19 13:15

回復 Shirleymeow 的帖子

點解會有四次考試的?

作者: QQilky 時間: 12-10-19 13:22

提示: 作者被禁止或刪除內容自動屏蔽

作者: darkbson 時間: 12-10-19 15:18 標題: 引用：我朋友個仔係舊基灣讀小一，功課多，差不多

原帖由 Shirleymeow 於 12-10-18 發表
我朋友個仔係舊基灣讀小一，功課多，差不多每星期要默書，另外，每年有八次測驗，四次考試，好嚇人呀:sickm ...

每年有八次測驗，四次考試!
其實，多唔多學生頂唔到要轉校？

作者: leoofhk 時間: 12-10-19 16:17

my son studied in Kei Wan (new) school, but then we decided to quit and switched to Henessy Govt (PM) school after the first 2 weeks of school

作者: darkbson 時間: 12-10-19 23:05 標題: 引用：my+son+studied+in+Kei+Wan+(new)+school,+

原帖由 leoofhk 於 12-10-19 發表
my son studied in Kei Wan (new) school, but then we decided to quit and switched to Henessy Govt (PM ...

放棄基灣而入軒小，請問有冇後悔啊？

作者: leoofhk 時間: 12-10-22 10:34

回復 darkbson 的帖子

其實決定左就冇得後悔,有得必有失,2間學校都有好有唔好,我以為軒官少功課,但原來一d都唔係,聽基灣家長講都係差唔多, 但軒官冇咁嚴,對男仔可能會好d,始終讀書開心係最重要

作者: pingu_pinga 時間: 12-10-22 21:09 標題: 回覆：leoofhk 的帖子

提示: 作者被禁止或刪除內容自動屏蔽

作者: maluck 時間: 12-10-23 18:51

軒小一定要入精英班，派位可以很好，但差的一批可以很差！基灣派位也很好，很多Band one，但派QC比例較少，但整體派位很好，派band three 只有幾人！

作者: maluck 時間: 12-10-23 21:09

sorry！我講的是新基灣！

作者: matsushima 時間: 12-11-9 10:01

crystalpui 發表於 12-10-18 14:11
基灣既功課, 聽講真係好多

作者: hadwinboy 時間: 12-11-9 11:26

maluck 發表於 12-10-23 18:51
軒小一定要入精英班，派位可以很好，但差的一批可以很差！基灣派位也很好，很多Band one，但派QC比例較少 ...

Exactly! 軒小精英 vs 非精英班可以是天與地的分別(其實好多官校也如此). 精英班全校老師出盡心機一齊谷, 肯定會派到好學校. 相對其他班老師的注意力便會少些. 所以如果樓主小朋友又肯讀書又谷得, 又有目標皇仁. 我覺得應選擇軒小.

作者: atirw 時間: 12-11-9 12:54 標題: 引用：+本帖最後由+JKR+於+12-10-19+06:41+編輯+\

原帖由 JKR 於 12-10-17 發表
本帖最後由 JKR 於 12-10-19 06:41 編輯

本人兒子現在就讀 K2, 下年將要選小一, 希望大家俾啲意見.

不用年年考頭25,小五小六考到就得了。

作者: matsushima 時間: 12-11-15 11:00

crystalpui 發表於 12-10-18 14:11
基灣既功課, 聽講真係好多

多得幾嚇人

歡迎光臨教育王國 (/)