教育王國
標題: 升中選校, 同老公各有心儀 , 點樣好 ? [打印本頁]
作者: Rita 時間: 12-10-13 15:44 標題: 升中選校, 同老公各有心儀 , 點樣好 ?
我 :
我係 ftm , 自知阿仔成績中規中矩 , 只諗 band 2 尾 band 3 學校 , 心儀一間中中 , 男女校 , 已由band 3 升上 band 2尾, 有不少同校學兄去左呢間中學, 收風返來話 , 學校都ok , 讀得開心... 阿仔因為有d 社交障礙 , 呢間學校有支援 ...
老公 :
佢係一間英中男校的舊生 , 一心只係想阿仔入 , 從未有打聽最 update 有關此校的 "行程" (不過我收的風就係 , 好成績的就谷 , 唔好的就唔多理)
因阿仔的社交問題, 我唔想未來的6年 , 阿仔在男仔堆大, 變成唔識得同異性相處 (好似而家我c6) , 我心儀的果一間, 每次聽到的都係一d正面的訊息. 相反 , c6舊校的就唔多好.
我同c6表明 , 唔係我揀的一定好, 佢想阿仔入佢間學校 , 佢都可以收風, 然後大家再商議下, 奈何每次講唔到一陣, c6就踩到我想果間一文不值, 佢間舊校就冇得頂... 次次都冇結果....
殺到埋身啦, 點算 ?? 唉....
作者: cellon 時間: 12-10-13 15:51
Rita 發表於 12-10-13 15:44 
我 :
我係 ftm , 自知阿仔成績中規中矩 , 只諗 band 2 尾 band 3 學校 , 心儀一間中中 , 男女校 , 已由ba ...
連考慮中的哪間學校都不知道，大家很難給意見。
作者: Yanamami 時間: 12-10-13 16:36
Mami 最暸解乜學校最o岩個囝. 或者名氣成績唔及daddy果間, 但最叻最好又未必最適合個仔喎. 仔而家P6係band幾呢? 老師有乜意見? 自行有兩個機會, 一人一間OK嗎? 仔未必考得入daddy心儀果間呢.....
作者: cow 時間: 12-10-13 17:24
Yanamami 發表於 12-10-13 16:36 
Mami 最暸解乜學校最o岩個囝
作者: Jackieson 時間: 12-10-13 19:47 標題: 回覆：Yanamami 的帖子
係啦，一人一間，免傷和氣。
作者: cellon 時間: 12-10-13 19:59
本帖最後由 cellon 於 12-10-13 22:55 編輯
Jackieson 發表於 12-10-13 19:47
係啦，一人一間，免傷和氣。
點樣一人一間呢？
作者: Jackieson 時間: 12-10-13 21:10 標題: 回覆：cellon 的帖子
自選
作者: cellon 時間: 12-10-13 21:25
Jackieson 發表於 12-10-13 21:10
自選
作者: YuYuMother 時間: 12-10-13 21:50 標題: 回覆：升中選校, 同老公各有心儀 , 點樣好
其實我想問，仔仔自己想讀邊間呢? 你地有無問過佢既意見? 好似由頭到尾只係聽到樓主講自己同老公既想法。
如仔仔無意見，咁自行選呢兩間咪得囉。當然，呢兩間都要分 1 同 2，咁真係要慢慢傾。
作者: Yanamami 時間: 12-10-13 22:04
邊間第一好呢? 當然係高一線(daddy)果間排第一, 好處係: 入唔到daddy都無聲出/ 入到咪讀囉. 自行間學校收得阿仔, 都應該對自己有信心既.
作者: like_travel 時間: 12-10-14 00:19
本帖最後由 like_travel 於 12-10-14 00:22 編輯
回復 Rita 的帖子
Rita, 您個c6 咁似我個c6既, 我個亞sir 講既係法律, 都係智理名言..... 呢幾年同女溫書都唔洗我出動....幾年前已抄我魷魚, 叫我閃開..... 話我教得唔pro..... 只留番中文 /宗教 / 英作 比我同個女溫......
作者: ohnono 時間: 12-10-14 00:35
本帖最後由 ohnono 於 12-10-14 00:36 編輯
我都比樓主你攪到亂晒籠。
你話你先生喜愛的學校就是以前他唸的舊校，一間英中男校。以前是英中，現在是嗎？若是的話，英中不就是所謂的band 1學校嗎(即是band 1同學喜歡選擇的學校，而學校亦取錄band 1同學為主)？若是band 1成績的學校，但你又說自己的小朋友成績普通，想找一些band 2尾band 3頭學校，似乎樓主要攪清楚小朋友的banding先。
作者: blueberry123 時間: 12-10-14 08:07
回復 Rita 的帖子
樓主首先要知道仔仔的banding. 如果是B2, 而爸爸個間係B1, 自行報第一志願, 總算同爸爸有個交代. 第二選你個間, 睇吓結果係點,再部署大抽獎.
但若然仔仔係B1, 你自行同佢報B2/B3, 有點可惜.
作者: khmama 時間: 12-10-14 10:27 標題: 回覆：Rita 的帖子
即係樓主同老公各自想報邊間？
作者: cellon 時間: 12-10-14 14:00
khmama 發表於 12-10-14 10:27
即係樓主同老公各自想報邊間？
> 可以說說你和你先生心儀的是哪間中學嗎？
> 連考慮中的哪間學校都不知道，大家很難給意見。
但樓主仍未回應。
作者: Rita 時間: 12-10-14 17:50
各位,
我仔成績 , 跟本就冇可能係 B1 , 頂龍都係B2 OR B2尾 ,呢點我心裡有數了. C6 的舊校係聖類斯, 好耐以前係 B1 , 曾經跌落 B2 , 而家好似又話上返B1.
我心想的一間, 係梁球鋸 , 好多人一聽個名 已經擰哂頭 , 不過由我仔小二開始 我一路聽返來的COMMENTS, 都係話間學校UPGRADE 緊, , 今年轉埋校長 (因為舊校長退休) , 聽有仔女讀緊的MAMI 講 , 學校跟學生跟得足 , 家校合作都幾緊密.
我都係咁打算, 既然C6想阿仔入佢間, 都要人地肯收至得架 , 自行我會去報呢間 , 另一間仲未諗 , 梁球鋸就冇諗過去 IN, 因為攪珠都入到.
各位過來人 , 希望大家教教我.
THANKS !!!
作者: hogwarts 時間: 12-10-14 19:34
本帖最後由 hogwarts 於 12-10-14 19:58 編輯
好多時小朋友細細個的成績，不一定永遠一成不變。小時了了大未必佳，相反特別是男仔，很多時真是會慢慢好起來的。自己个仔讀中四，對此很有體會。
兩间學校相比之下，St Louis 的校風及辦學團體的理念及堅持应比梁球琚持續及经得起考驗，男校也不是没有機會學習和女孩子交往，而且应該讓小朋友有機會挑戰自己，可以更上層樓，當然我們做父母的就要有付出更多的心理準備了。
申報一下利益，我個仔同自己都係讀男校，身邊特多好朋友好同事都來自聖類斯，再加上個仔學校的 Scouts 常常和 St Louis 的 Scouts 良性競爭，由4人隊際 25 km, 50 km 競走到 footdrill，St Louis 團隊都表現優秀，如果入到 St Louis 就算開始會辛苦一點，最後都可能是值得的。
作者: khmama 時間: 12-10-14 20:05 標題: 回覆：Rita 的帖子
仲有兩次呈分試，如果上到band1尾先有機會揀聖類斯，唔係就無謂浪費機會，但你又未致於要揀梁球鋸啫。自行又唔分地區，可以去灣仔同東區都得，嗰區會多啲選擇。
作者: cellon 時間: 12-10-14 20:57
khmama 發表於 12-10-14 20:05
仲有兩次呈分試，如果上到band1尾先有機會揀聖類斯，唔係就無謂浪費機會，但你又未致於要揀梁球鋸啫。自行 ...
作者: kathy_0246 時間: 12-10-17 15:44
如果你擇St.Louse,你個仔要上翻band2頭去in先有機會，如果佢平時Oral好掂，interview先有D把握。如果你小朋友是band2尾，你可以跨區考第二間，for e.g南區浸信會呂明才（利東），灣仔區培僑或是漢華中學，或是維官，這此都是較好的band2,不過就全部都是中中。我見議你梁X鋸就不要選了，因為校風不太好，我有個朋友做police，佢話成日拉親果D都出於這間學校。希望你再考慮一下！
作者: chanwendy 時間: 12-10-18 10:54
本帖最後由 chanwendy 於 12-10-18 10:57 編輯
其實有冇問過小朋友的意願呀? 我個人覺得升中唔同升小喎, 升小就應該七成父母意願三成小朋友意願, 但升中應該調返轉, 七成小朋友意願三成小朋友意願, 因為小朋友先係真正用家. say 如果你小朋友都想去 band 2 校, 甚至唔鍾意 / 抗拒去 band 1 校, 你夾硬要佢去, 又好彩比佢去到, 佢一路唔開心唔鍾意, 就會有反效果, 到時仲衰喎. 去到升中選校, 我覺得唔單單係大人的事了.
作者: A1ma 時間: 12-10-18 12:01
小朋友係唔係讀St.Louse小學，如果係，band2好大機會都收。
作者: MUMMYSIK 時間: 12-10-18 13:42
呢度回應的人很正面，當年我都是靠他們的意見。唔知大家認為鄧鏡波好唔好?
如考SL，它只選150人面試，無成績較難入圍，即刻查吓佢入圍如何計分，我記得不知1st/2nd round有15%計獎項和関係，可以打探一下daddy舊生有無利，不過首先過到第一輪入150人內，再操Oral。
作者: flopsybunnies 時間: 12-10-18 20:19 標題: 回覆：Rita 的帖子
今日在巴士上才聽見老人家說: 不要為子女的事傷害到夫妻感情。讓兒子in你先生那間, 萬一跟唔上都可以轉校啫。樓主加油!
作者: Ivy07 時間: 12-10-18 20:32
唔好因為選校傷和氣，大家好好商量，以前我兩個上司的仔都係聖類斯，係一間唔錯的中學，其中一個上司個仔係BAND 2頭，一個係小學直升上去
作者: khmama 時間: 12-10-18 22:12
回復 MUMMYSIK 的帖子
上年自行計分方法:
參考由教育局所提供的「申請學生次第名單」（35%）、申請學生原校的小五及小六操行評級（10%）、課外活動表現（10%）、所得獎項（10%）、與本校連繫（5%）及面試表現（30%）。
如果band1尾band2頭就有得搏啫, band2尾都好難搏, 搏都都未必係好事.
作者: Azzurro 時間: 12-10-19 07:02
如果警察經常光顧就唔好了。。。 我以前中學都係經常有警察黎光顧 
| 歡迎光臨 教育王國 (/) |
Powered by Discuz! X1.5 |