教育王國
標題: 想請教管教孩子的問題 [打印本頁]
作者: 四隻貓 時間: 12-10-12 15:30 標題: 想請教管教孩子的問題
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執著. 之前在健康院見了醫生做了測試, 沒有自閉症, 醫生覺得亞氏的機會也不大, 也沒語言遲緩.
孩子脾氣臭得很, 經常扔東西, 一不合心意, 在街就會訓地, 在家就會推翻全屋的東西.越是打鬧就越是更惡劣.我發現他比較受軟, 每次如果我在他情緒失控時緊抱著他, 柔和安慰, 孩子很快便平靜, 之後再解釋給他知道對錯, 跟他談話傾計, 但他很快又再犯同樣的事情.
問題是, 有時明明是他做錯了事而大發脾氣, 難道我也要用溫柔的方法去令他平伏? 這樣教下去會否令他是非不分? 但用罵又只會令事情更惡劣....我真的很煩惱.
此外, 婆婆或其他親友會覺得我這是縱容他, 但確實罵又罵過, 打又打過, 他一點也不怕, 有時更變本加厲. 大女一向大聲罵兩聲已聽教聽話, 這兒子卻受軟唔受硬....我都唔知點同其他人解釋.
校車的一位嬸嬸經常投訴兒子坐校車時攪事, 嬸嬸越罵他他便更作反. 但孩子的PN 和K1的班主任/老師都說他在校中十分乖巧合作, 評估分數更好高分... 我真係覺得佢有雙重人格, 有時好似天使一樣, 轉頭就好似惡魔. (難度真的跟是雙子座有關?)
大家覺得我應該點教? 謝謝.
作者: lillymarie 時間: 12-10-12 16:03 標題: 引用：兒子三歲四個月大,+記性好,+對文字十分敏感
原帖由 四隻貓 於 12-10-12 發表
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執 ...
真的要等他平靜後才有計傾。
作者: 四隻貓 時間: 12-10-12 16:37
lillymarie 發表於 12-10-12 16:03
回應情緒問題：孩子大發脾氣，有說是自己未懂平伏情緒。妳的方法是用deep pressure, 是可以幫助他情緒平伏 ...
你兒子小時候都會越罵就越反抗嗎??
對住個仔, 成日要有好高EQ.
作者: lillymarie 時間: 12-10-12 17:42
四隻貓 發表於 12-10-12 16:37 
你兒子小時候都會越罵就越反抗嗎??
對住個仔, 成日要有好高EQ.
通常我每一次都會好像偵探那樣，去查看究竟他有甚麼不開心。我囝囝很多時會玩玩下發脾氣，為到自己做不到一些事感到挫敗。有時因為肚餓，有時因為眼瞓。
緊抱着他，好似抱BB咁搖他，通常好快可以幫佢平伏心情。
扔東西，我囝囝都試過，記得當時我堅持要佢去執回來放在原處（拖住佢去做）。在街瞓地亦試過一次，我聽教仔專家建議，立即將佢帶入厠所一個角落，等佢無機會做戲，同埋亦保護他的尊嚴啦，在街被人指指點點好醜怪嘛。
就算是現在，練琴我話佢，佢都即時好唔憤氣掉眼淚，覺得我話得唔啱、唔俾機會佢之類之類。性格咁強硬的小朋友，我直覺係從良好關係入手。做媽媽的都只是想幫佢教佢，若帶住對抗情緒，就好難教了。
作者: lillymarie 時間: 12-10-12 18:21
我大囝就時不時會有ODD （oppositional defiant disorder), 一言九頂。以前我打枱打到我自己隻手瘀哂。後來學我老公個招，“態度溫柔，立場堅定”，唔罵唔打，但無論大囝講乜做乜，都堅持要佢服從。
我仲記得大囝試過幾次用憎恨的眼神對我講：“我唔做！妳逼唔到我！” 我當時放低手上的事唔做，就坐在他前等他合作，又唔准佢離開。佢見我咁平靜，自己又怕悶，結果都係態度軟化。
對住佢地呢D情緒真的好疲累！
作者: jumpjl 時間: 12-10-12 19:29 標題: 回覆：lillymarie 的帖子
讚成“態度溫柔，立場堅定”。我女兒試過在街訓地，大哭每次半小時以上，爸爸只懂喊打喊罵，結果囡囡愈來愈叫得大聲，愈來愈
作者: jumpjl 時間: 12-10-12 19:34 標題: 回覆：jumpjl 的帖子
愈喊愈大聲，結果要老公先離開，我留在原地，用平和的聲音，但態度堅定講出要她做的事，在俾時間佢思考，一陣子，我在講出我要她做的事，在這情況下通常都OK。
不過，要有心理準備要用很多時間才可完成
作者: mandytanghk 時間: 12-10-12 23:39
我個囝都係... 佢4歲, 受軟唔受硬, 又係越話越激動, 甚至話要跳出窗, 情緒失控時緊抱著他都會很快便平靜
所以暫時都係"“態度溫柔，立場堅定”" ... 不過真係好累, 好考"EQ"
想問妳地囝囝囡囡幾大呀,, 如果用 “態度溫柔，立場堅定” 方法, 佢地大啲會越黎越好, 定仍然一樣呢?
我個細囝1歲多, 開始見到哥哥影子... 希望細嗰冇咁激啦.... 
作者: lillymarie 時間: 12-10-13 05:07 標題: 引用：我個囝都係...+佢4歲,+受軟唔受硬,+又係越
原帖由 mandytanghk 於 12-10-12 發表
我個囝都係... 佢4歲, 受軟唔受硬, 又係越話越激動, 甚至話要跳出窗, 情緒失控時緊抱著他都會很快便平靜
...
最近細囝又爆了一次，因挫敗而破壞, 大哭大鬧，人地唔再同佢玩，佢就更激動。我當時好狠心咁同佢講：你一發脾氣，遊戲就結束了！
我後來拉佢去一個無人的地方，讓佢放聲大哭，喊個飽。我就坐在旁邊陪他。
有人問我事後有無再同囝傾返，好老實講，等到佢平靜下來，我已好exhausted, 完全不想再提！
作者: mandytanghk 時間: 12-10-13 19:01
回復 lillymarie 的帖子
Thanks :) ..希望佢情緒控制會越來越好啦... 
作者: mowmow2569 時間: 12-10-14 08:58
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試過打罵，搞到自己都情緒失控，最後發現，唯有軟功至work 。現在他差不多五歲半，情況好轉了許多，再沒有瞓街，也甚少發睥氣。有幾點經驗可以分享：
1. 每天的活動編排不能太密，人一攰就容易情緒大爆發
2. 聰明的孩子通常自尊心很強，一旦覺得自己某樣事情做不好，會特別感到挫敗而發脾氣。試過一次他玩玩具砌來砌去也砌不好，突然大脾氣，我讓他發洩情緒後，攬著他慢慢傾，發覺原來人地一向讚他聰明，令他很怕失敗，我不斷對他說，媽媽無論怎樣也一樣愛他，他才慢慢平伏。自此以後，我們戒了讚他聰明叻仔，只會讚他努力嘗試，讓他慢慢擺脫「聰明魔咒」
3. 反省自己，都算是完美主義者，以前見到他寫字寫得不好，會擦掉要他再寫，現在只問他哪個字可以改善，盡量忍手不擦兼忍口不批評，他寫字反而大有進步
4. 孩子有時很懂得利用一些場合要脅你，如瞓地，以前我會由得佢瞓，同人佢鬥耐力，但面對超硬頸孩子，這樣也不一定work 。我會立即抱走他，對他說小朋友唔可以瞓地扭計，然後再慢慢處理他的情緒，提醒自己要語氣平靜，立場堅定。
5. 最好多到郊外，游水玩沙很能平伏孩子的情緒，讓你有幾日安寧
作者: lillymarie 時間: 12-10-14 17:58 標題: 引用：我的孩子過去亦有嚴重情緒問題，跌塊餅落地
原帖由 mowmow2569 於 12-10-14 發表
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試 ...
作者: winnietingting 時間: 12-10-15 10:20 標題: 引用：我的孩子過去亦有嚴重情緒問題，跌塊餅落地
原帖由 mowmow2569 於 12-10-14 發表
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試 ...
作者: 四隻貓 時間: 12-10-15 15:40
mowmow2569 發表於 12-10-14 08:58
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試 ...
你提供的方法很有幫助, 真的感謝你.
我仔一睡眠不足就會做破壞搗蛋的行為, 所以我儘量要他午睡.
是呀, 佢太完美主義, 有時見塊餅崩左一個角, 佢都會發脾氣, 寧願掉左塊餅唔食, 我真係覺得好難理解. 佢好喜歡砌puzzle, lego 果類遊戲, 但一有少少挫折, 砌唔到就會好消沉, 我地提示下佢諗住幫下佢, 佢就更加接受唔到, 會把之前辛苦砌好既一切破壞, 我好擔心佢呢種性格會害死佢. 我和丈夫一開始發現孩子的特點時, 已協議儘量唔好係孩子面前成日讚佢, 不過佢依然表現出好強的自尊心, 對自己和其他人也要求很高. 秩序感很強.
前日剛和一位有經驗的家長傾談, 她教我最緊要讓孩子知道我們愛佢支持佢, 佢話呢類孩子十分聰明, 學什麼也快, 包括學歪也比其他人快和壞, 而且很固執, 所以我們家長要經常令孩子知道我們很愛他, 讓他一直行正路.
很高興見到有同路人分享, 原來你們也面對同樣的EQ 考驗...
作者: zngo 時間: 12-10-17 12:44
回復 mowmow2569 的帖子
你講中晒,希望多D家長分享不同經驗啦!
作者: HHaHHa 時間: 12-10-17 14:20
講得好好！非常同意
作者: babyislove 時間: 12-10-17 21:34
四隻貓 發表於 12-10-12 15:30
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執 ...
你可以買一D有關品格行為o既故事書，亦可以就住佢曾經做過o既事"作"個故仔出o黎。
後者我老公成日都用，個仔聽完會指出個主角有咩唔啱，同埋應該點做。
心底裡忍唔住笑佢咪就係個主角，但個心亦都好甜，因為佢終於get 到自己o既行為有什麼不對及應如何改正。
p.s. 我個仔3歲3個月。
作者: 四隻貓 時間: 12-10-18 09:22
babyislove 發表於 12-10-17 21:34
試吓透過講故事讓佢明白當中o既道理。
你可以買一D有關品格行為o既故事書，亦可以就住佢曾經做過o既事"作" ...
多謝分享.
我晚晚都有同佢講故事, 當中亦融入左教佢品格行為, 佢知我講緊咩0架.
其實佢係好清楚咩係唔0岩咩係0岩, 但佢心情唔好或者想引人注意, 就會專登做唔好既事.
如果我可以100% 關注佢, 佢係好合作0架, 但問題係我都要照顧家姐, 無可以只專注呀仔.
作者: Stillgood2 時間: 12-10-18 14:21
剛路過, 見貼. 分享一下. 我大仔情況好類似. 但, 現在, 大仔已中六了. 個性很好.
大仔要到兩歲多, 才懂說話. (當時全個幼稚園只他不懂說話). 可是, 脾氣差, 愛哭不停. 校長都怕他, 差一點要退學..其實, 美國曾有學者研究過, 遲說話的兒童, 有部份可歸納為3M兒童(good memory, maths, & music)..
讀小學時. 由媽媽管教, 我太太確實辛苦. 由於情緒難控制, 便到家庭醫生跟進, 再轉政府精神科, 做了測試, 醫生說是"對立性反抗証"...每件事都反對. 醫生只建議行為治療(沒有藥食)... 另外, 政府排期很久. 最終, 病好了...
我作為爸爸, 有以下經驗:-
1) 好多情緒病, 可以睇醫生. 唔一定, 要話小朋友唔聽話, 可能, 有機會係身體的化學成份問題, 如過度活潑証
2) 要體諒和有耐心, 不要歧視....如果, 把自己tone到小朋友的睇法一樣.
好容易相處 (這一點, 我太太做唔到, 佢去教, 佢好辛苦. 我就好輕鬆)
3) 如我個仔對立性反抗証. 既然, 係對立 ...相處時, 要想辨法. 比如, 你想佢去東, 你就叫佢去西. 佢會消化, 點解要去西, 最後有共識係去東...
4) 比佢有紀律的活動...剛巧, 當年, 要準備升中, 參加了童軍. 那童軍有紀律, 而且必須每人遵守, 這幫助很大....幫忙小朋友控制情緒
5) 怎樣那不要硬併, 跟小朋友留有空間...
6) 要管教時, 仍要管教.....小朋友可能有時控制不了自己情緒, 也要體罰. 不過, 體罰後, 要說明自己為何體罰, 要講道理
作者: lillymarie 時間: 12-10-18 20:34
我大囝正正是3M， 亦是細細個已有“對立性反抗症”。歲幾兩歲我已發現想他午睡最有效的方法是對他說，“千萬不要睡覺呀！” 他就會5秒內睡着。相反不想他睡覺時，就要對他說，“快些睡覺！” 他就會睜大對眼睛。
的確不能硬併，他一覺得被強逼就會扺抗到底。要給他多幾個選擇，好像早上他要喝蜜糖水，但為健康理由他必須要喝牛奶，為了讓他感受上好一點，給他選擇：凍牛奶，熱牛奶，加不加朱古力粉，有時候還有兩種朱古力粉可供選擇。
現在他大個囝（11歲），很多事都讓他選擇，衝突就會少些。最近我帶他們去參加跑步訓練，因為不是他的選擇，就由上車那一刻開始唔開心不停地投訴，我都知道自己做錯了，心急沒給他選擇。若是他選擇的就會合作很多。
作者: lillymarie 時間: 12-10-18 20:42
四隻貓 發表於 12-10-18 09:22
多謝分享.
我晚晚都有同佢講故事, 當中亦融入左教佢品格行為, 佢知我講緊咩0架.
其實佢係好清楚咩係唔0岩 ...
講到呢度諗起有本書好正，好值得睇睇。
作者: koyetsebb88 時間: 12-10-18 21:50
我不知我細仔有沒有你們所說的“對立性反抗症”,但他現在3歲9個月在家常常講反話,亂發脾氣,但在學校老師話佢可以用模範生來形容佢,,真的令我好頭痛,
作者: 四隻貓 時間: 12-10-19 10:53
koyetsebb88 發表於 12-10-18 21:50
我不知我細仔有沒有你們所說的“對立性反抗症”,但他現在3歲9個月在家常常講反話,亂發脾氣,但在學校老師話 ...
係呀係呀, 係學校好乖, d評估結果仲好好.但係屋企就另一個樣.
作者: 四隻貓 時間: 12-10-19 11:33
Stillgood2 發表於 12-10-18 14:21
剛路過, 見貼. 分享一下. 我大仔情況好類似. 但, 現在, 大仔已中六了. 個性很好.
大仔要到兩歲多, 才懂說 ...
今早剛發生了: 佢發脾氣狂喊, 我講反話叫佢"喊啦, 發脾氣啦", 佢竟然可以轉眼間安靜下來, 跟我講"我唔喊, 我唔會發脾氣" 之後就好似無事發生過一樣, 正常到不得了....
我仔都係講話能力發展比較慢, 但記性, 邏輯力, 音樂( 唱歌既音好準, 對節奏亦非常敏感)明顯進度比較快.
原來有個0甘既醫學上名 "3M" "對立性反抗症".
想問要大約多大年歲才可好轉?
作者: Stillgood2 時間: 12-10-19 13:43
@ 四隻貓 只是大家分享. 不用客氣.
"對立性反抗症" 碓是精神科判斷. 如果, 小朋友比較難教, 反叛....不要隨便斷定是這症. 我的小朋友, 自控能力好低, 好似失控一樣.
不過, 我引申了一些相處之道. 跟大家分享. 每個小朋友都有自己個性, 後天環境等等, 那要各家長調適自己方法和心態.
想問要大約多大年歲才可好轉?
首先, 明白相處方法, 那雙方可以生活較輕鬆了. 減少了沖突. 小朋友也開始懂講道理. 當小學年齡較大一點時, 應該好多了. 只要控制不要太大讀書壓力...
可是, 到了12-13歲(可能一些小朋友早熟10歲後)會有2-3年青春期. 青春期間, 差不多所有小朋友都變得反叛...
過了青春期, 小朋友已經大定了. 情緒控制已經不是問題.
另一個問題, 小朋友自小便情緒難控制的, 而家長懂得相處. 那種感情和教育, 更深刻.
相反, 我見最多的...就是小時候, 好乖,好乖...點知, 青春期, 發覺孩子性情大變, 產生誤會. 小朋友話父母煩, 父母又話子女壞...其實是一種雙方誤解. 但係突然係青春期發生, 最終, 小朋友變壞, 父母本來以為好好心機嘅教育, 變了白費.
作者: 四隻貓 時間: 12-10-21 11:57
Stillgood2 發表於 12-10-19 13:43
@ 四隻貓 只是大家分享. 不用客氣.
"對立性反抗症" 碓是精神科判斷. 如果, 小朋友比較難教, 反叛....不要 ...
說得對, 也見很多小時候很乖很安份的, 到青春期便出事.
這兩天用大家教的方法跟兒子相處, 暫時非常有效, 只是我本身一定要有很好情緒質素.我會努力.
多謝大家.
作者: sherrywqh 時間: 12-10-26 14:33
这位家长不必心急，其实我小时候脾气跟你儿子一样很差的，一不顺心也是喜欢躺在地上耍赖。呵呵！可能这样的孩子天赋异禀，会比其他的孩童更聪明呢。但确实，他的问题不单单令父母头疼，长此以往下去，或许他的性情会变得温顺，但有时候（也就是你所说得另外一面）可能会在人际交往上显得自信心不足。所以，我觉得，，，，如果父母治不了他的话，看看能否找祖辈亲戚教育他？或让他多和他的要好同学在一起，让他自己感悟纠正。
作者: mandytanghk 時間: 12-10-30 18:58
今日終於比學校投訴... 之前係學校都係ok 既,,, 而家開始試老師底線,, 英文老師話唔想迫佢, 比佢係學校唔做功課... 但真的好嗎, ... 唉!! 都唔知用咩方法好... 唔想迫又唔想放任... 仲有個細佬囝, 如冇意外, 都係資優...
希望佢只係今日太攰唔正常啦... (今日早左1個鍾起床玩)
呻完...
作者: 四隻貓 時間: 12-10-31 17:20
我仔今朝一起身又因為唔喜歡著外套情緒失控, 我亦非常唔爭氣地情緒失控
我最怕佢朝早發爛, 攪到咩都遲到, 整到我好似個顛婆0甘, 求其著件外套, 咩樣都無望就出門.
佢由細到大都唔肯著外套, 冬天叫佢著褸好似要害佢0甘, 唉...我有反省, 其實佢唔肯著, 就由佢囉, 佢凍過, 可能會改變呢?何必同佢硬碰硬.
不過近來用左幾位前輩既教法同佢溝通, 情況係好左既.佢近來表達能力亦好左, 上星期參加同學仔生日會, 佢終於會同其中兩位同學玩, 仲好開心0甘, 我都放心d. 上星期家長日中英文老師都係講一樣既評語: 學習能力高, 記性好, 邏輯力高, 但....情緒波動大, 情緒差影響埋人際關係...老師問我地係唔係好縱佢.....真係百詞莫辯.
作者: mandytanghk 時間: 12-10-31 18:00
回復 四隻貓 的帖子
可唔可以試下穿厚既內衫... 其實我都唔知縱唔縱佢, 但有啲野我會放鬆啲, 有啲野我會緊持.... 不過我覺得唔係好多學校識得handle 一啲比較特別既小朋友..
作者: 四隻貓 時間: 12-11-2 11:00
mandytanghk 發表於 12-10-31 18:00
回復 四隻貓 的帖子
可唔可以試下穿厚既內衫... 其實我都唔知縱唔縱佢, 但有啲野我會放鬆啲, 有啲野我會 ...
呢兩日都係同佢著多件衫算數, 唔想同佢爭持.但遲d到好凍時就始終要佢著校褸....
我地間幼稚園既老師算好, 比較體諒孩子, 而且課程較豐富和生動, 仔仔返學唔會覺得悶, 一悶佢就會"搗蛋".
我知道某些較傳統的老師未必能接受較特別的孩子, 會視他們作"麻煩友".
作者: lillymarie 時間: 12-11-3 04:09 標題: 回覆：想請教管教孩子的問題
著外套這類，可以事先張揚，早幾日就講定。另外，教佢睇天氣預告，幾多度。早點話佢知幾多度就要著外套。
我細囝好多時都唔肯著外套，我通常摸下佢後頸和手，講定摸到凍就要著。可能我年紀大，我覺得凍，但佢仲好暖。
我大囝昨日無得打波，其實早一個月前已知昨日要停一次。呢兩日仍忍不住問點解？點解？我唔答佢，直接請佢唔好發脾氣！佢現在學乖了，識答“okay...... "
作者: Radiomama 時間: 12-11-3 12:35 標題: 回覆：四隻貓 的帖子
不穿外套真的不打緊，d鬼仔冬天都仲穿短袖咋。我個仔病到怕，才會主動添衣。
作者: 四隻貓 時間: 12-11-6 14:30
lillymarie 發表於 12-11-3 04:09
著外套這類，可以事先張揚，早幾日就講定。另外，教佢睇天氣預告，幾多度。早點話佢知幾多度就要著外套。
...
作者: 四隻貓 時間: 12-11-6 14:38
近來又一煩惱.
我盡量唔鬧仔, 好言相勸, 成效不錯.
但大女(5歲)就開始妒忌, 向我提出抗議, 佢覺得細佬亂發脾氣點解我地仲0甘好聲氣, 話我對細佬太溫柔.....
作者: babychar 時間: 12-11-14 14:57
mowmow2569 發表於 12-10-14 08:58
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試 ...
3. 反省自己，都算是完美主義者，以前見到他寫字寫得不好，會擦掉要他再寫，現在只問他哪個字可以改善，盡量忍手不擦兼忍口不批評，他寫字反而大有進步
Before I am same as yours but now it is she who will erase all the words herself, erase and erase and once tired will have bad temper what should I do ?
作者: lillymarie 時間: 12-11-14 19:17
本帖最後由 lillymarie 於 12-11-14 19:39 編輯
四隻貓 發表於 12-11-6 14:38
近來又一煩惱.
我盡量唔鬧仔, 好言相勸, 成效不錯.
但大女(5歲)就開始妒忌, 向我提出抗議, 佢覺得細佬亂發 ...
妳試下問她是否想妳也這麼待她？我睇過關於手足之爭的書，有一個原則，就是對A就講關於A的事，不講B的事。有一句好正，“現在我關心的是你，我想知道的是你的想法。”
作者: lillymarie 時間: 12-11-15 11:27
babychar 發表於 12-11-14 14:57
3. 反省自己，都算是完美主義者，以前見到他寫字寫得不好，會擦掉要他再寫，現在只問他哪個字可以改善，盡 ...
我囝囝亦是這類人，所以他稍覺自己會做得不好的就不做。我現在努力替他解咒，漸見好轉但未完全成功。
在批評他一件事前，先讚賞他三件事。讚賞他的努力。他好誇張的，以前不肯自己倒水給自己喝，因為怕打瀉水被我罵他。我自己亦反省，見他倒瀉水唔話佢，只叫他用布抹乾就算了。總之見佢有野要改，盡量唔話佢，直接叫佢做返啱就算。他們好敏感的，只要稍稍話他做錯，就會極之唔開心。又會好怕輸，為了解咒，我故意同佢講笑。例如有次佢玩chess，三局輸哂，我問佢是否食了蛋。又讚他輸了也沒有哭，真是勇敢，輸得起，有進步，叻！
作者: cowboy2007 時間: 12-11-27 10:08 標題: 回覆：想請教管教孩子的問題
昨晚剛見到你個post其實阿仔同你細仔好似。Interview 同學表現很好。老師都說他個非常聰明的小孩只是皮氣差d
到4歲時我唔再鬧佢，讓他知道我們愛他無論點衰都支持佢, 情況開始好轉。用了一年愛心去浸他，到最近5歲生日後更懂事。話唔駛媽媽勞氣。老師說他的皮氣好咗好多
兒子同你細仔一樣十分聰明, 學什麼也快。喺一塊寶玉，上天派你呢個工匠去打磨鍊佢。
加油啊！
作者: COE1205 時間: 12-11-27 12:04
四隻貓 發表於 12-10-12 15:30
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執 ...
我仔仔就黎6歲(K3),又係有相同問題,
一唔合心意就大發脾氣差,控制唔到情緒,成日鍾意攪人,做D野引人注意,坐唔定,成日周身郁,鍾意玩但怕輸,一輸會發脾氣同大喊,有時什至怕輸唔玩,但有時又可以好乖好聽話好懂事,
上星期學校家長日,老師叫我帶佢去CHECK下,懷疑佢有過度活躍或者阿氏保加....好心痛
尋日,又發生咗一件事,老師又罰佢自己一個坐一張枱,佢好唔開心,
我:點解老師要你自己坐,
仔:老師話因為我攪其他小朋友,
我:不如你聽日返學校向小朋友同老師講"SORRY"請老師比你同番小朋友一齊坐,
仔:無用KA,老師話我曳,佢唔會理我,
我:咁你乖D唔好攪小朋友
仔:我係咁曳KA!不過,我真係唔知幾時整到小朋友?但係小朋友話係我整到佢,咁應該係我
老師已經label咗阿仔!攪到其他小朋友都label佢,而家連佢自己都label埋自己,果一刻真我係喊咗出黎!個心好痛!
作者: 四隻貓 時間: 13-1-8 14:17
經過兩個月時間, 我同個仔相處有左改善.
我學版友出招, 總之咩都俾佢好似有得揀(假民主) 佢一聽到有得揀就眉飛色舞. 揀定左佢就會好合作.
佢唔喜歡著外套, 就俾兩至三件外套佢揀, 佢覺得自己有得話事, 就肯著. 另外有時佢唔肯換衫, 我就問佢數學題, 佢一專心計數, 就完全唔理我地同佢著咩衫.
佢近來好喜歡做家姐既K3功課, 聖誕假時偷做左d家姐既假期作業裡面既wordcross puzzle, 為免家姐投訴, 我買左d wordcross puzzle練習俾佢, 佢唔駛半日就玩晒.....我諗我要scan 左d練習會比較耐玩....
呢個仔真係好考起我.
作者: Barbe 時間: 13-1-8 21:48
你小朋友在街上瞓地扭計的原因是什麼？會是扭買野嗎？
我的小朋友都是雙重人格，在校是品学兼優，自小都中意做姐姐的功課，我會買練習本放在書架上讓她揀來做。可將姐姐學校功課丶課本，及他可做的練習本分開書架放，方便記認。有段時間我囡都好中意做練習本，一天做兩本，不太過份沉迷，我會由得佢。
作者: babyislove 時間: 13-1-9 14:00
koyetsebb88 發表於 12-10-18 21:50
我不知我細仔有沒有你們所說的“對立性反抗症”,但他現在3歲9個月在家常常講反話,亂發脾氣,但在學校老師話 ...
幸好老師都好明白，仲安慰番我轉頭話家校一齊合作勸導佢。
作者: babyislove 時間: 13-1-9 14:03
lillymarie 發表於 12-11-15 11:27
這就是完美主義可怕的地方！為了少少的不完美做完又做，結果功課會做得慢。有些人最後甚至會不做，因為“唔 ...
作者: 四隻貓 時間: 13-1-9 14:05
Barbe 發表於 13-1-8 21:48
你小朋友在街上瞓地扭計的原因是什麼？會是扭買野嗎？
我的小朋友都是雙重人格，在校是品学兼優，自小都中 ...
唔係扭買野, 多數係我地要行左, 佢堅持要行右. 不過近來我會預早同佢講好行程, 佢預早知道之後就會比較合作.
分開兩個書架都好, 我家正準備裝修, 今次要好好設計下d書架點放.
作者: babyislove 時間: 13-1-9 14:09
四隻貓 發表於 13-1-9 14:05
唔係扭買野, 多數係我地要行左, 佢堅持要行右. 不過近來我會預早同佢講好行程, 佢預早知道之後就會比較合 ...
我老公最近從新set好屋企，將阿仔o既o野好好分類，等阿仔自己manage、一目了然。
結果發現阿仔開心o左好多，學習/玩時更爽。
最重要係少o左argue --> 佢學懂管理好自己o既o野。
作者: lillymarie 時間: 13-1-9 19:09
回復 四隻貓 的帖子
有無學樂器呀？可以用去他好多精力和時間。喜歡做功課是好事啊！只是做媽媽的就辛苦少少，要替他預備合適的功課了。
作者: Cindyjasper 時間: 13-1-10 00:57 標題: 引用：兒子三歲四個月大,+記性好,+對文字十分敏感
原帖由 四隻貓 於 12-10-12 發表
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執 ...
作者: mandytanghk 時間: 13-1-10 10:00
我同個仔相處都有左改善, 而家用左新技巧... "係我地要先平穩自己情緒,接納,認同佢地既感受".. 呀囝情緒好左好多,脾氣都少了, 感覺容易相處左..
係佢想發脾氣時, 唔好話佢住... 等佢知你明白佢感受..
e.g.
"呀, 你好唔開心, 媽媽知你好唔開心,, 好難整呀..."
"你好想要, 好想好想要... ...... 但係屋企好多啦,... 我知你好想要..." <-- 大人千奇要平靜..
有時間可以看 一本書 "童年的困擾" .. 大家一齊努力.
作者: lillymarie 時間: 13-1-10 11:50
mandytanghk 發表於 13-1-10 10:00
我同個仔相處都有左改善, 而家用左新技巧... "係我地要先平穩自己情緒,接納,認同佢地既感受".. 呀囝情緒好 ...
呢招真的好powerful！
介紹這本書，對我和兩個囝相處有好大幫助。
圖書館有得借 你會聽,孩子就肯說 : 親子溝通6大妙方
作者: hobby 時間: 13-1-10 13:13
多謝晒大家分享, 好有用!!!
我個囡係學校係完美學生, 老師都話佢真係做得好好, 但都因一,二件小事, 而俾老師知道佢"過分完美主義", 但我要處理是在家的反抗行為 ... 同我要努力唔令自己發痺氣, 我好多時忍到咁上下會爆發
作者: babyislove 時間: 13-1-10 13:41
本帖最後由 babyislove 於 13-1-10 13:42 編輯
hobby 發表於 13-1-10 13:13
多謝晒大家分享, 好有用!!!
我個囡係學校係完美學生, 老師都話佢真係做得好好, 但都因一,二件小事, 而俾老 ...
對付反抗行為，最重要係講清楚規則、結果。
如果佢仍要反抗而導致不守規則，結果就要承擔。
我個仔都反抗，我地就set 5個規則俾佢，如果佢當日做唔到其中一樣，爸爸就唔講床邊故事俾佢聽。因為佢好看重呢樣o野，如果無得做佢會好唔開心。起初佢做唔到，佢對於面對個後果時好大反應。漸漸地，佢就後悔無做到，第二日就好aware。
同時，佢好喜歡100分o既concept。佢每做一件我地要求佢做o既事，我地就加10分俾佢。如果只完成一半，我地就俾5分佢。如果佢出奇地做得好，就俾20分。如果當日得到100分o既獎勵都係床邊故事，呢個計分制度好work，佢好積極要攞分。今早佢未出門前已經攞到50分，返學時心情勁靚。
p.s. 無論你幾激氣，你都唔好失控。time out自己，再o黎過。加油!!!
作者: hobby 時間: 13-1-10 13:58
本帖最後由 hobby 於 13-1-10 14:04 編輯
回復 babyislove 的帖子
最衰係囡囡佢唔怕罰, 或失去權利 ... 罰佢一個人係黑房都唔怕, 唔怕我唔同佢講嘢, 因佢可以同我冷戰1小時以上, 仲好抵死, 佢識得講, 其實你哋都唔係怒我, 你好鍚我 (我暈咗)
加上佢在學校已經好優異, 對自己要求好高, 我哋唔想再俾佢要取100分呢個concepts, 反而要佢學習接受別人幫忙,
條路對我好難行, 我會努力使自己走出情緒, 再慢慢引導佢
作者: chansiub 時間: 13-1-26 09:10 標題: 回覆：想請教管教孩子的問題
其實要等D時間。你個仔某D能力快咗但心智未跟上。佢咁聰明，遲D會知。可以做就係講到佢知為止。
作者: S-Kwok 時間: 13-2-22 15:00 標題: 回覆：四隻貓 的帖子
唉！原來咁多人嘅小朋友都係咁。
我仔都係專同我唱反調。
而我都唔笨，好多時佢發脾氣，我會同佢講: 我比個位你發脾氣， 放是個衰仔會話: 我唔發喇，你發啦。
你話係咪笑死
作者: S-Kwok 時間: 13-2-22 15:04 標題: 回覆：四隻貓 的帖子
我仔都係好鍾意睇天氣報告，而且鍾意月曆，因為有數字。朝朝早就問我幾多度:;pppp:
作者: hobby 時間: 13-2-22 17:05
等我又分享吓先:
唉,幾日跟同學開party, 同學仔媽咪就叫我個女聽多啲爺爺嫲嫲話, 咁咪可以奬多啲星星囉 (佢學校用要奬到足夠數目的星星先有禮物), 點知阿囡話, 我唔想喎, 太多星星, 我會暈嫁, 爸爸媽媽都會暈駝駝 ... (聽到佢咁講, 我真係暈倒)
我個囡依家3歲3個月, 好喜歡睇新聞, 早幾日見到講打仗, 就話唔好打啦, 我好唔鐘意; 又一次, 咁啱講到釣魚台, 又話呢個係我哋中國的地方 ...
佢好沉迷睇新聞, 一邊睇一邊問好多問題, 奧巴馬, 梁振英, 唐英年, 金正恩 ... 都認得晒, 成日估估怪怪, 喜歡返學但又唔想同班同學玩, 理由多到不得了, 又話呢個細個, 呢個唔食飯, 呢個唔聽話 ... 我怕佢社交會有問題, 救命呀
作者: lillymarie 時間: 13-2-27 11:22
hobby 發表於 13-2-22 17:05
等我又分享吓先:
唉,幾日跟同學開party, 同學仔媽咪就叫我個女聽多啲爺爺嫲嫲話, 咁咪可以奬多啲星星囉 ( ...
作者: hobby 時間: 13-2-27 13:36
回復 lillymarie 的帖子
說的也正確, 不過要屋企老人家唔睇電視暫時都做不到, 有時仲要開2個收音機+電視(我都唔明點解), 我連要求囡囡食飯不開電視也不可以, 以前已有幾次因管教問題發生爭執, 如果佢哋唔幫手, 都唔知點算好了, 呢個問題都煩咗好耐 ...
作者: lillymarie 時間: 13-2-27 14:06
hobby 發表於 13-2-27 13:36
回復 lillymarie 的帖子
說的也正確, 不過要屋企老人家唔睇電視暫時都做不到, 有時仲要開2個收音機+電視( ...
作者: hobby 時間: 13-2-27 15:32
回復 lillymarie 的帖子
雖然不同住, 但佢哋幫忙接放學, 食埋晚飯至走, 回到家最早已9:30, 我們家就很少會開電視, 多數跟囡囡睇書, 玩玩具
作者: breadbb 時間: 13-2-27 16:04 標題: 引用：回復+lillymarie+的帖子
雖然不同住,+但佢
原帖由 hobby 於 13-02-27 發表
回復 lillymarie 的帖子
雖然不同住, 但佢哋幫忙接放學, 食埋晚飯至走, 回到家最早已9:30, 我們家就很少會 ...
作者: hobby 時間: 13-2-27 16:42
回復 breadbb 的帖子
呢樣好難了 ... 放工返到屋企都7點幾, 其實囡囡已經讀緊全日班, 放學, 玩一陣, 返到屋企都差不多6時了, 但每日仲可以睇到3小時 ...
之前講話想請鐘點幫手, 已經開咗片, 如果唔係, 我假設個鐘點用咗幾個月後可以信得過接埋放學, 可以準備埋晚飯叫佢哋一齊食, 不過如果咁, 其實同係佢哋屋企食冇分別, 因為佢哋都一定要睇電視; 而如果唔叫佢地, 又好似會hurt到佢哋, 搞到好似唔俾佢哋見個孫咁
作者: hobby 時間: 13-2-27 16:44
要用一個小時去教返之前3個小時做得不對的東西, 真不容易
| 歡迎光臨 教育王國 (/) |
Powered by Discuz! X1.5 |